Гордана Јанкулоска е поголем маж од бившите колеги и претпоставени, вели адвокатката Сузана Јошевска Анастасовска за екс министерката за внатрешни работи.

Таа на Фејсбук изрази поддршка за поранешната министерка за внатрешни работи Гордана Јанкулоска, на која, во затворот „Идризово“ не ѝ е дозволено да ги оствари сите права кои ги имаат затворениците - мажи.

На Јанкулоска ѝ е оневозможено користење на посети надвор од установата, одмор, работно ангажирање и сл., погодности кои се достапни ако си осуденик - маж. Поддршка за овој глас за борба за еднакви права на жените, независно што доаѓа од казнено-поправна установа и што има директен интерес. Борбата за рамноправност не смее да бидеј ограничена во својата поддршка зависно од тоа дали ни е симпатичен оној кој за истата цел се бори. Таа треба да е апсолутна во својот корен, во основата на својата идеологија. Јанкулоска секако, уште еднаш покажува дека е поголем маж од нејзините бивши колеги и претпоставени“, пишува адвокатката на „Фејсбук“

The post Јанкулоска е поголем маж од поранешните колеги и претпоставени appeared first on Република.

Држава во која било пракса со молба да се дозволи полагање правосуден без завршен факултет никогаш нема да биде правна држава, смета адвокатката Сузана Јошевска Анастасовска.

Претседателката на Државната комисија за спречување на корупцијата (ДКСК) Билјана Ивановска вчера во „Топ тема“ кажа дека дека предвременото полагање правосуден испит било масовна појава, кога и синот на Талат Џафери, Барлет Џафери положил правосуден испит пред да дипломира.

Држава во која од Академијата за судии и обвинители не гледаат "ништо спорно" во тоа што било пракса СО МОЛБА да се дозволи полагање правосуден испит без завршен факултет, во која државен факултет за завршени 3 години давал потврда како за завршени 5 (во над 400 случаи потврдени од инспекторатот) и во која чуваме документи за положен правосуден пократко од што чуваме сметки за струја, вода и парно, никогаш, ама ни-ко-гаш нема да биде правна држава.
Следно на темава можеби ќе се навратиме кога детето ќе стане судија. И толку ќе биде, смета адвокатката Јошевска Анастасовска.

The post Држава во која било пракса со молба да се дозволи полагање правосуден без завршен факултет никогаш нема да биде правна држава appeared first on Република.