Пратеникот Сурија Рашиди ќе биде предлог за директор на МЕПСО, а Бујаре Абази, поранешната заменичка на градоначалничката на Скопје, Данела Арсовска ќе биде новата директорка на „Македонски пошти“, потврдуваат за „Слободен печат“ од Алијанса за Албанците.

Рашиди за директор на МЕПСО ќе дојде на местото на Орхан Муртезани од Алтернатива, откако таа партија излезе од Владата. Нов пратеник од Алијанса за Албанците, на местото на Рашиди ќе биде Ремзи Мехмеди од Кичево.

Абази пак, на директорската позиција ќе го смени Васко Стефанов, откако Алијанса за Албанците стана владин партнер.

Абази е актуелна советничка во Советот на Град Скопје и потпретседателка на Алијанса за Албанците.

The post Рашиди нов директор на МЕПСО, Абази ја презема Македонска пошта appeared first on Република.

Пратеникот Сурија Рашиди, кој е дел од раководството на Алијанса за Албанците ги демантираше информациите што се појавија во јавноста дека неговата партија ќе биде вклучена во Владата.

Јас сум член на раководството на партијата и оваа тема не е претставена на ниту една средба, изјави Рашиди за ТВ Алсат.

Тој рече дека Алијансата за Албанците е сериозен политички субјект кој не носи одлуки врз основа на хипотетички гласини, туку носи политички одлуки врз основа на она што е реално и објективно.

The post Рашиди: АА нема да биде дел од Владата appeared first on Република.

Алијанса за Албанците продолжува да дејствува како опозиција. Во партијата не е разговарано за можно влегување во Влада, ако било што се добие како понуда, мора органите на партијата да расправаат и да го разгледаат. Се додека нема такво нешто чисто е шпекулација, рече денеска на прес-конференција во Собранието, пратеникот од Алијанса за Албанците Сурија Рашиди.

Прашан дали АА би влегле во Владата, Рашиди, рече дека тој такви информации нема и тоа што може да го каже во овој момент е дека тоа се само шпекулации.

– Алијансата за Албанците продолжува да дејствува како опозиција. Во моментот сме ангажирани на структурирање на партијата секаде каде што живеат наши гласачи. Тоа е најбитно засега, изјави Рашиди.

Тој на прес-конференцијата обвини дека „вицепремиерот Артан Груби и директорот на Јајното претпријатие за државни патишта Ејуп Рустеми го дале тендерот за надзор на изградбата на коридорите 8 и 10 на Конзорциумот ИГХ од Загреб, во сопственост на руски олигарси блиски до Владимир Путин и руската ФСБ, но договорот за среќа пропаднал бидејќи Институтот ИГХ не ја депонирал навреме банкарската гаранција предвидено во договорот“.

The post Рашиди: Евентуалната понуда за влез во Влада мора да помине низ органите на Алијанса за Албанците appeared first on Република.

Сурија Рашиди од Алијанса за Албанците во емисијата 24 анализа рече дека ако бевме нормална држава каде се почитуваат минималните демократки вредности, морални и етички и се почитуваат зкаоните и етичкиот кодекс, немаше да се расправа што ќе биде со Џафери, туку кој ќе биде новиот претседател на Собранието.

После тие снимки кои Џафери не ги одрече дека се автентични, Џафери требаше да поднесе оставка. Ние сме таква држава каде ниту една јавна личност не дала оставка. Се случувале разни политички афери, и никој не дал оставка. Џафери имаше можност да биде прв и да даде придвижување кон тие европски вредности. Секој политички чинител и партија треба да има предвид кога ги наведува причините за таквите иницијативи, рече Рашиди.

The post Рашиди: После снимките кои Џафери не ги одрече дека се автентични, требаше да поднесе оставка appeared first on Република.