Во Италија од денеска, па до завршување на вонредната состојба на 31 март ќе важи суперзелениот сертификат (сертификат за вакцинирани против корона вирус и оние кои прележале Ковид-19, но не и за тестирани со ПЦР или антиген тест) кој станува задолжителен за хотелите и другите видови сместување, за прослави на верски или граѓански церемонии, за изложби, конгресни центри, отворени простории на ресторани, базени, спортски сали, за групни спортови, бањи, културни центри, социјални центри, како и за активности на отворено.

Од денеска, суперзелениот сертификат во Италија ќе биде потребен и за влез во авиони, возови и траекти, како и за јавниот превоз. Одредбата за домашниот транспорт предизвика загриженост кај жителите на малите италијански острови, за кои фериботите и авионите се единствената врска со копното.

По писмото што до италијанскиот премиер Марио Драги го испратија од Асоцијацијата на општини на мали острови, Владата одлучи дека може да има исклучок од правилото. За патување до и од малите острови, ќе важи обичен зелен сертификат издаден и по ПЦР или антиген-тест за корона вирус, но само доколку целта на патувањето е од здравствени причини или обука.

The post За јавен транспорт, авиони, бродови, хотели, спортски и кулктурни настани…: Италија ја проширува употребата на „суперзелениот“ сертификат appeared first on Република.