Актуелниот кошаркарски шампион МЗТ Скопје Аеродром вечерва го победи Пелистер во  Суперкупот на Македонија „Драган Василов-Цевка“.

Ова е седми трофеј за аеродромци во ова натпреварување.

Битолчани беа подобар противник од бранителот на трофејот, до 15. минута од натпреварот. МЗТ Скопје надополни двоцифрена негатива која ја имаше на средина на втората четвртина и на крајот заслужено се радуваше.

Најефикасен во победничкиот тим на дуелот одигран во СРЦ „Кале“ беше Слај со 14 поени, Маслинко заврши со 10.

Кај Пелистер се истакна Бојиќ со 19 поени, Антоан застана на бројката од 14 реализации.

The post МЗТ Скопје по седми пат го освои Суперкупот appeared first on Република.

Кошаркарките на актуелниот македонски шампион, Баскет Кам 2011, го одбранија трофејот во Суперкупот, откако го совладаа составот на МЗТ Скопје Аеродром во 102-52.

Тимот од Македонска Каменица доминираше во текот на целиот натпревар одигран во СРЦ „Кале“ во Скопје и заслужено дојде до својата втора Суперкуп титула во клупската историја.

Најефикасна во редовите на Баскет Кам 2011 и воедно на натпреварот беше Динева со 25 поени.

Во машкиот Суперкуп вечерва, исто така, во СРЦ „Кале“ ќе играат МЗТ Скопје Аеродром и Феникс 2010.

The post Кошаркарките на Баскет Кам ја одбранија титулата во женскиот Суперкуп appeared first on Република.

Фудбалерите на Лајпциг го освоија синоќа Суперкупот на Германија, откако во Минхен го совладаа Баерн со 3-0.

Стрелец на сите три голови беше Дани Олмо во 3., 44 и 68 минута.

За Лајпциг ова е втора Суперкуп титула во клупската историја.

Во редовите на Баерн во второто полувреме дебитираше капитенот на англиската репрезентација Хари Кејн, кој неколку часови претходно го комплетираше трансферот од Тотенхем.

The post Кејн без трофеј на дебито за Баерн appeared first on Република.

Еурофарм Пелистер вечерва во Охрид го победи Вардар со 23:22 (полувреме 12:12) и го одбрани трофејот во ракометниот Суперкуп.

На дуелот одигран во „Билјанини извори“ битолчани беа поснаодливи во финишот и со серија од 3:0 во последните три минути стигнаа до победата. Вардар пропушти напад за израмнување, односно шутот на Филип Талески го одбрани голмнаот на „зелено-белите“ Марко Кизиќ.

За Еурофарм Пелистер ова е втор трофеј од почетокот на сезоната. Во август тие победија на Меѓународниот турнир во Струга.

Најефикасен во победничката екипа беше Усама Хосни со седум гола, во редовите на „црвено-црните“ се истакна Талески со 10 погодоци.

Трофејот на победничката екипа го додели Филип Милошевски – генерален секретар на Ракометната федерација на Македонија.

The post Еурофарм Пелистер го освои Суперкупот appeared first on Република.

Реал Мадрид со трофеј ја почна сезоната 2022/23 откако на „Олимпискиот стадион“ во Хелсинки го победи Ајнтрахт Франкфурт со 2:0 во натпревар за Суперкупот на УЕФА.

За актуелниот европски шампион ова е петти трофеј во ова натпреварување, додека Ајнтрахт Франкфурт кој е победник во Лига Европа минатата сезона, на ја искористи својата прва шанса за оваа титула.

Стрелци на головите беа Давид Алаба во 37. минута и Карим Бензема во 65. минута.

Со победата, „кралскиот клуб“ се изедначи со Барселона и Милан кои исто така имаат по пет трофеи во Суперкупот.

Истовремено, шпанскиот фудбалски гигант стигна до 98. пехар во клупската историја, со што, само два трофеја го делат да биде првиот клуб со 100 титули.

The post Реал Мадрид петти пат освојувач на Суперкупот на УЕФА appeared first on Република.

Фудбалерите на Баерн Минхен го освоија својот јубилеен, десетти, германски Суперкуп, совладувајќи го Лајпциг со 5:3 (3:0) на „Ред Бул Арена“.

Играчите предводени од Јулијан Нагелсман веќе на полувреме имаа предност од 3:0 со головите на Џамал Мусиала (15 минута), Садио Мане (31) и Бенџамин Павард (45).

Марсел Халстенберг (59) ја намали негативата на Лајпциг, пред Серџ Гнабри да ја врати предноста од три голови за Баерн во 66 минута.

Кристоф Нкунку (77 - пенал) и Дани Олмо (89) ги донесоа домаќините на чекор до пресврт, но Лирој Сане (90+8) стави печат на победата на актуелниот германски првак.

The post Прв трофеј за Баерн во новата сезона appeared first on Република.

Фудбалерите на ПСЖ (шампион) се победници на францускиот Суперкуп, откако во натпревар одигран во Тел Авив го совладаа Нант (освојувач на Купот) со 4:0.

ПСЖ поведе во 22 минута со голот на Лионел Меси, на 2:0 зголеми Нејмар од слободен удар на крајот на полувремето, Серхио Рамос беше прецизен за 3:0 во 57 минута, а конечниот резултат го постави Нејмар од пенал во 82 минута.

За ПСЖ ова е 11 трофеј во Суперкупот и деветти во последните десет изданија.

The post Со голови на Нејмар, Меси и Серхио Рамос ПСЖ го освои францускиот Суперкуп appeared first on Република.

Реал Мадрид во Ријад во Саудиска Арабија го победи Атлетик Билбао во финалето на шпанскиот Суперкуп. Средбата заврши со резултат 2:0.

Откако во полуфиналето по продолженија со 3:2 ја совладаа Барселона, против Атлетик работата ја завршија во регуларните 90 минути. Прво Атлетик се жалеа дека се оштетени за пенал, пред Лука Модриќ да го отвори резултатот во 38. минута со фантастичен гол.

Luka Modric goal ⚽

Great work by Rodrygo down the right and the Croatian maestro scoops his shot into the net 💪

Real Madrid 1-0 Bilbaopic.twitter.com/oRQRqFfkpV

— AFCON 2021 🌍🏆 (@birdiefootball) January 16, 2022

Во 52. минута од мечот „кралевите“ го удвоија водството кога по игра со рака во шестнаесетникот на Атлетик, беше досуден пенал, а Карим Бензема не згреши од белата точка. Атлетик го добија својот пенал во 87. минута, кога повторно поради игра со рака Едер Милитао доби црвен картон, но обидот на Раул Гарсија заврши само во рацете на Тибо Куртоа.

За „кралскиот клуб“ ова е 12-ти трофеј во шпанскиот Суперкуп. Претходно до трофејот Реал стигна во 1988, 1989, 1990, 1993, 1997, 2001, 2003, 2008, 2012, 2017 и 2019/20.

Поуспешна во ова натпреварување е само Барселона со вкупно 13 трофеи.

The post Реал Мадрид го освои шпанскиот Суперкуп appeared first on Република.