Премиерот Христијан Мицкоски од собраниската говорница рече дека има неколку стотици случаи од Министерството за внатрешни работи и финансиската полиција кои се наоѓаат во Обвинителството за постапување и дека по нив не се постапува.

Одговарајќи на пратеничко прашање, рече дека таму има луѓе кои не ги интересира правдата, туку дека тие се заробеници на некого.

Континуирано добивам информации за тоа што се случува во Судскиот совет. Таму има еден клан од двајца, еден од тројца, една е сама, добивам документи од свиркачи за фалсифкувани записници со различни дати, различни печати, без потписи. И ако тоа не е основа за јавниот обвинител да влезе и да провери, не знам кој глас треба да допре до Обвинителството за да постапи. Но, затоа веднаш допре гласот за ТОЕФЛ на Бојан Христовски. Кога СДСМ излезе од говорницата, истиот момент тој глас допре кај Гаврил Бубевски. Веднаш таа фреквенција стигнува до него и тој беше спремен веднаш, но кога треба да се постапува, тогаш треба медицински третман за симптомите со кои излегува во јавноста и ги опструира акциите на истражните органи, рече Мицкоски.

Додаде дека е потребно да се преземе акција и дека ќе биде преземена без разлика колку политички куршуми ќе прими

The post Мицкоски: Добивам документи од свиркачи за фалсификувани записници во Судскиот совет, не знам кој глас треба да допре до ЈО за да постапи appeared first on Република.

Судскиот совет на РСМ, на денешната 503 седница ги усвои одлуките на 11 судии поротници во Основниот кривичен суд – Скопје да им престанат функциите.

Претседателката на Советот, Весна Дамева нагласи дека на десетмина судии поротници законски им истекол мандатот за што е добиено известување од претседателот на Судот, а еден судија поротник поднел лично барање за престанок на функцијата.

На седницата беше разгледан и извештајот од спроведеното вонредно оценување на судиите, односно претседателите на судовите кои се кандидати за членови на Судскиот совет.

Објавен е оглас за избор на членови на Судскиот совет, и тоа еден член од редот на судиите од Апелационото подрачје - Штип и еден член од редот на судиите припадници на заедницата која е повеќе од 20 проценти од населението во Република Македонија од сите запишани судии во судскиот изборен именик. Помеѓу другите услови, за избор на член на Советот од Законот за судскиот совет е предвидено судиите да имаат позитивна оценка во работењето во вршење на судиската функција. Со оглед дека последното редовно оценување беше спроведено во периодот 2018/2022 година, неопходна беше потребата од вонредно оценување на кандидатите за што беше формирана комисија од редовите на членовите на Судскиот совет, како и комисии за увид и оцена на судии, истакна Дамева.

Најмногу време на денешната седница, Судскиот совет потроши на разгледувањето на добиените над педесетина претставки за работата на судиите и судовите во државата, при што најголем дел од нив беа одбиени како неосновани или, пак, Советот оцени дека не е надлежен за донесување одлука.

Членовите на Судскиот совет го усвоија и барањето за надомест на патните трошоци на судијка од Основниот суд во Штип, која со решение на Советот времено е упатена на работа во Основниот суд во Берово.

The post Судскиот совет усвои одлукa: На 11 судии поротници им престануваат функциите во Основниот кривичен суд – Скопје appeared first on Република.

Претседателката на Судскиот совет, Весна Дамева, ја оцени како директен упад во судската власт одлуката на Државната комисија за спречување на корупција (ДКСК) според која Судскиот совет треба да ги повлече своите двајца членови кои ги назначи во Управниот одбор на Академијата за судии и јавни обвинители.

Дамева во гостување на Топ Тема на Телма тврдеше дека одлуката на Судскиот совет да назначи двајца свои членови во УО на Академијата била транспарентна и ѝ забележа на ДКСК зошто не ги известила за седницата на која се разгледувала таа одлука.

Морам да го искоментирам начинот на одлучувањето на ДКСК, имено, крајно разочарувачки. Затоа што во поткрепа на иницирање на постапка спрема Судскиот совет, Комисијата не најде за сходно дури ниту да побара аргументација од Судскиот совет, да го побараше записникот, да види кои се фактите и аргументите врз основа на кои ја донел одлуката. Тоа е прво, второ Судскиот совет не беше известен за седницата, која што беше закажана, мислам како интервентна со оглед на датумот на иницирање на постапката, па барем да беше запознат да имаше претставник таму да ја даде својата аргументација, рече Дамева.

Забелешките на антикорупционерите и невладините организации беа дека одлуката на Судскиот совет е незаконска затоа што законот предвидува членовите на Управниот одбор кои ги назначува Судскиот совет да бидат од редот на активните судии. Но, Дамева е на ставот дека најрационално и најефикасно е тие да бидат од Судскиот совет.

Знаете, спроведувајќи ја надлежноста Судскиот совет го знае профилот на секој судија, и замислете ако имавме барем двајца членови на Судскиот совет во моментот на избор на директор, идентично е и за обвинители. Значи ако имаше двајца членови од Советот на обвинители, двајца од Судскиот совет, сигурно дека ќе дадеа поголем придонес во насока на аргументација на избор на директор, не зборувам за конкретниот избор, генерално за избор на директор, кое што е впрочем и во надлежност на Управниот одбор, и цврсто останувам на тој став. Но, имам впечаток дека во нашата држава сите како да сакаме да ги толкуваме законите, како да не сакаме да ги читаме законите. Мојата аргументација ќе ја задржам за себе по однос на тоа дали треба од редот на редовни судии или тоа може да бидат и членови на Судскиот совет, односно фактот што редовни судии не познава нашето судство апсолутно нема активни, но и тоа е прашање на дилема, рече Дамева.

Таа искажа забелешки и за начинот на кој Антикорупциската комисија ја донело одлуката, како и на нејзината содржина.

Од она што го видов кога ја примив одлуката, не го анализирав образложението бидејќи во оваа фаза сметам дека не треба да го сторам, тоа ќе го разговараме заедно со членовите на Судскиот совет, но крајно разочарувачки и крајно тенденциозно е во изреката стои „се запира постапката“ и се укажува на Судскиот совет каква одлука да донесе и во кој рок. Во какво својство се ставила ДКСК? Ова е директен упад во судската власт, атак врз независноста и самостојноста и на одлучувањето на членовите на Судскиот совет и воопшто на судството, рече Дамева.

Во однос на проблемот со недоволниот број судии, претседателката на Судскиот совет укажа дека веќе спровеле две анализи за реалната потреба од судиски места, воедно, вели, Судскиот совет прибира податоци од сите судови и по однос на човечките ресурси во судството за да помогне на Министерството за правда, да изгради стратегија за човечки ресурси која е неопходна за успешен реформски процес. Таа при тоа е децидна дека за ова прашање решението не е во Судскиот совет.

Со оглед дека нема законска можност и едиснтвена законска можност е да се избираат судии од редот на завршените кандидати во Академијата, останува на извршната власт да обезбеди барем просторни услови за Академијата, мислам на поголема зграда од која ќе можат да се регрутират голем број на судии. Не 50, 55, како што е оваа генерација, да може Академијата во една генерација да произведува по 200, 250 судии. Така ќе се надмине проблемот. Тоа е првата состојба и втората можност е да се преиспита потребата од враќање на старосната граница како што беше пртходно, односно да претрпи измени Законот за работни односи и да се зголеми таа старосна граница. Тоа се двете можности, законски други можности во овој момент нема, меѓутоа и тоа се предлозите за законски измени, вели Дамева.

Во контекст на буџетот за правосудството кој и наредната година се предвидува да остане на 0,3 отсто од БДП, Дамева оценува дека тоа не е доволно, оти тие не го надминуваат ни минимумот за нормално функционирање, ако се има во предвид дека за плати за судиите отпаѓаат 75 проценти. Таа вели дека граѓаните заслужуваат брза и ефикасна правда, но таа не може да се овозможи ако вие немате човечки ресурси, ако немате финансиски средства, ако немате судии. Затоа, вели, вчера на собраниската комисија апелирала за неопходноста од амандмански интервенции за доделување на потребните средства.

Она што е во надлежност на другите две власти, сакаат да имаат успех во нивната власт. Буџетот е во надлежност на извршната, во мoментот на усогласувањето на тој буџет, а законодавната која си го носи е во нивна надлежност. И најчесто, барем мојата лична перцепција е дека сакаат да ги задоволат потребите во другите две власти. За судската власт никој никогаш, ниту оваа власт, ниту претходната, ниту некоја наредна ќе има слух за судството. Затоа сме ние тие коишто треба да ги превземеме наредните чекори, но јас се надевам дека ќе има волја за заеднички да ја подобриме состојбата, затоа што граѓаните тоа го заслужуваат, подвлекува претседателката на Судскиот сосвет, посочувајќи дека судската е единствена власт која не користи репрезентации, нема службени картички, не користи службени возила и се исплаќаат трошоци во висина на автобуски билет, а тоа не е случај со носителите на функции во другите две власти.

На прашањето дали се соочила со влијанија, односно со кого е блиска бидејќи сегашната власт ја обвинувала за блискост со опозицијата, а претходната власт, за блискост со тогашната опозиција, Дамева посочува дека и двете обвинувања се неосновани.

Блиска сум со моите пријатели од детство, со моите другарки, со моите соседи и со уште многу луѓе, но генерално не се од политиката. Ако поранешната власт ме разреши, сегашната власт иницираше постапка за разрешување на Судскиот совет, во кој спаѓам и јас. Така да тие поврзувања апсолутно не се воопшто основани и не сум блиска со политичари, дури и оние што ми се познаници, апсолутно, ви кажав, имам бедем ставено и не можат да допрат до мене по однос на иницицирање или дејствување на одредени барања за услуга, за влијание врз некоја одлука или слично, вели Дамева.

The post Дамева за одлуката на Антикорупциска: Директен упад во судската власт appeared first on Република.

Воведување на цензус за избор на членови на Судскиот совет од редот на судиите и формирање на независна Комисија за спроведување на изборот на кандидати за членови во Судскиот совет од страна на Собранието. При изборот на судии, се предлага членовите на Судскиот совет да гласаат поединечно за сите кандидати на ранг листата, а се предвидуваат и конкретни рокови при постапување по дисциплинските постапки. Образложено барање за поведување на постапка за дисциплинска постапка на член на Советот, се предлага да може да поднесат најмалку 10 судии наместо како досега најмалку 20 судии.

Ова се дел од Предлог измените и дополнувањата на Законот за Судски совет, содржани во работниот документ за дискусија на првата тркалезна маса, од серијата стручни  дебати што ги организира Министерството за правда во соработка и со поддршка на проектот „Поддршка на ЕУ за владеење на правото“.

Предлозите во работниот документ, изработен од експертите на проектот, се однесуваат на составот и структурата на Судскиот совет, изборите и именувањата, дисциплинската постапка и транспарентноста. Тие ги адресираат препораките од Оценската мисија на ЕУ за функционирањето на Судскиот совет и се прави споредба меѓу сегашната правна рамка и предлозите на работната група на Министерството за правда, предводена од академик Владо Камбовски.

Вкупно десет од 20 точки се однесуваат на составот и структурата на Судскиот совет. За избор на член на Судскиот совет од редот на судиите, сегашниот закон не предвидува задолжителна излезност на судиите, па предлозите на работната група се однесуваат на воведување на цензус – односно за успешни се сметаат изборите на кои излегле повеќе од половина запишани избирачи за таа изборна единица, а за избран член на Судскиот совет да се смета кандидатот што добил повеќе од половината од излезените гласачи. Ако за избор на член на Судскиот совет е пријавен само еден кандидат, се предлага гласачкото ливче да содржи „за“ и „против“.

Во делот на критериумите со кои се дефинира изборот на членови кои ги избира Собранието од редот на универзитетските професори по право, адвокатите и останатите истакнати правници, наместо досегашното „дипломиран правник со најмалку 15 години работно искуство во правната професија кој се истакнал со научна или професионална работа“, се предлага на огласот на Собранието свои предлози за член да дадат Интеруниверзитетската конференција, со „кандидати од редот на редовните професори по право со професорски стаж од најмалку 20 години од првите три најдобро рангирани универзитети во државата и Адвокатската комора со кандидати од редот на адвокатите со адвокатски стаж од најмалку 20 години“.

Се предлага формирање на независна Комисија за спроведување на изборот на кандидати за членови во Судскиот совет од страна на Собранието, составена од седум членови номинирани од Претседателот, Здружението на судии, Адвокатската комора, Интеруниверзитетската конференција, НВО, власта и опозицијата. Комисијата, потоа организира интервјуа на кандидатите кои ги исполнуваат условите, со пренос на Собранискиот канал и утврдува ранг листа за разгледување и поединечно гласање на пленарна седница во Собранието.

Должината на мандатот на избраните членови на Судскиот совет, останува шест години, но наместо досегашното право на избор на уште еден мандат (за членовите избрани од Собранието) и правото на уште еден мандат по истекот на најмалку шест години од престанокот на претходниот мандат за членовите од редот на судиите, се предлага правото на уште еден избор по истекот на најмалку четири години од престанокот на претходниот мандат.

Сегашниот закон не предвидува конкретна постапка за разрешување на претседател на Судскиот совет, па работната комисија предлага постапка за разрешување на претседател, односно заменик претседател, да може да биде поведена по барање од најмалку двајца члена на Судскиот совет со право на глас. Судскиот совет донесува одлука со осум гласа од членовите со право на глас. Се предвидува постапката да биде јавна.

Мандатот на претседателот на Судскиот совет, односно заменикот претседател се предвидува да престане ако се исполнети општите услови од законот, ако не ги извршува своите законски обврски и поради непочитување на одредбите од Етичкиот кодекс.

Во делот на изборите и именувањата, наместо за судија да биде избран кандидатот кон добил најмалку осум гласа од вкупниот број на членови на Судскиот совет со право на глас, без можност да се гласа за друг кандидат, откако првиот кандидат ги добил потребните гласови, се предлага членовите на Советот да гласаат поединечно за сите кандидати на ранг листата, а за судија да биде избран кандидатот кој добил најмногу гласови, но не помалку од осум. Доколку двајца или повеќе кандидати добиле ист број гласови за избран се смета кандидатот кој има повеќе бодови на конечната ранг листа.

Во делот на дисциплинските постапки се предвидуваат конкретни рокови, па така по добивање на барање за утврдување на одговорност на судија или претседател на Судот, Советот на првата наредна седница треба да формира Комисија на известители. Се предвидува рок од 30 дена во кој Комисијата може да го отфрли барањето, а доколку не го отфрли Комисијата во рок од 15 дена треба да му достави известување за утврдената фактичка состојба на Советот, кој потоа во рок од 15 дена одржува седница по Извештајот на Комисијата.

Работната група посочува дека неопходно е начелно да се уреди дали постапката ќе остане, како досега по правило тајна со можност за учество на јавност по исклучок, или пак по правило да биде јавна со јасно наведени основи за исклучување на јавноста.

Во делот на транспарентноста по усвојување на извештајот за својата работа, Судскиот совет, како и досега, го доставува до сите судови во земјава, но се предлага тој да биде пратен и до здруженијата на судии кои можат да дадат свои препораки и мислења.

Министерството за правда најавува серија стручни  дебати за Нацрт измените и дополнувањата на Законот за Судскиот совет за консултирање на стручната јавност. Заклучоците и препораките од тркалезната маса ќе бидат основа за понатамошно подобрување на текстот на измените и дополнувањата на Законот за Судски совет.  Се очекува, планираните четири дебати  да завршат до крајот на декември, по што, како што најави Министерството за правда, ќе се излезе со конкретно решение

The post Воведување на цензус за избор на членови на Судскиот совет, предлага телото за реформи appeared first on Република.

ДКСК на денешната 10. седница донесе одлука да поднесе иницијатива до Судскиот совет и Здружението на судии за поведување на дисциплинска постапка против член на Судскиот совет за „судир на интереси“ и „пристрасност при вршењето на функцијата“ јавувајќи се во улога на иницијатор за поведување на постапка за утврдување одговорност на судии во Врховен суд кои постапувале во предмет, каде учествувало негово блиско лице, сестра.

Членот на Судски совет постапил спротивно на членовите 73 и 75 од Законот за спречување на корупцијата и судирот на интереси, со што сторил прекршок, казнив по член 107 за што ДКСК ќе поведе постапка за издавање прекршочен налог.

По предметот реферираше членот на ДКСК Цвета Ристовска, која рече дека станува збор за претставка против член на Судски совет од познат подносител, во која се наведува дека пријавениот се наоѓа во состојба на судир на интереси и при вршењето на функцијата член на Судски совет покажува пристрасност раководејќи се од приватен интерес.

Во претставката се наведува дека член на Судскиот совет поднел барање до Судскиот совет за поведување на постапка за утврдување на одговорност на судии на Врховен суд, кои воедно биле и членови на Судечкиот совет кој одлучувал по вонреден правен лек, ревизија по предмет РЕФ1 бр. 158/2019. Во претставката се наведува дека во предметот заведен пред Врховниот суд кој е основ за поведување на оваа постапка и по која е оформен предметот за ревизија, тужителот поднел одговор на ревизијата преку полномошник, односно адвокатско друштво во кое сестра на член на Судски совет обавува адвокатска дејност, кој член на Судски совет воедно е и подносител на барањето - изјави Ристовска.

За утврдување на фактичката состојба, ДКСК се обратила до подносителот на пријавата со барање за допрецизирање на пријавата, односно да го посочи името и презимето на блиското лице – сестра на член на Судски совет, која обавува дејност во адвокатското друштво. По допрецизирањето, ДКСК прибавила документација од Централен регистар и од Судскиот совет.

По разгледување на целокупната доставена документација ДКСК ја констатира следната состојба:

Видно од барањето за поведување постапка за утврдување одговорност на судија е дека ваквото барање поднесено од член на Судски совет против судии на Врховен суд, поради тоа што подносителот, односно членот на Судски совет, смета дека истите постапувајќи во предметот РЕФ1 бр. 158/2019 при донесување на пресудата постапиле нестручно и несовесно при вршењето на својата судска функција. Од наведеното јасно произлегува дека членот на Судскиот совет поднел барање за постапување во предмет во кој предмет има блиско лице - изјави Ристовска.

Законските обврски на сите службени лица, меѓу кои се и судиите и членовите на Судски совет, нагласи Ристовска, ги обврзува во вршењето на функција, јавно овластување или службена должност да постапуваат совесно, стручно и одговорно, да ги почитуваат етичките норми, како и дека е должно да внимава на евентуален судир на интереси и е должно да го пријави постоењето на приватен интерес и да се изземе пред расправа и одлучување.

Со оглед дека блиско лице, сестра на член на Судски совет била полномошник од редот на адвокатите на странката која ја изгубила постапката пред Врховниот суд, не само што членот на Судскиот совет не смеел да постапува, туку до толку повеќе ниту да се јави во улога на иницијатор за поведување на постапка за утврдување на одговорност на судии во Врховен суд кои постапувале во тој предмет, каде учествувало негово блиско лице, кое имало или може да има приватен интерес - нагласи Ристовска.

ДКСК, исто така, констатира дека гледано пошироко потенцијалните последици од игнорирање на судир на интерес на членовите на Судски совет, кои всушност вршат надзор и контрола на работењето на секој судија во државата создаваат можност од влијание и вршење притисок врз судиите кои постапуваат во постапките, каде што членовите на Судскиот совет имаат блиски лица, со што на директен начин се влијае на самостојноста и независноста на судската власт, која самостојност и независност треба да ја гарантира Судскиот совет.

Со наведените дејствија, членот на Судски совет постапил спротивно на членовите 73 и 75 од Законот за спречување на корупцијата и судирот на интереси, со што сторил прекршок, казнив по член 107 за што ДКСК ќе поведе постапка за издавање прекршочен налог.

Воедно членот на Судски совет постапил спротивно и на член 33, став 4 од Законот за Судски совет, кој е основ за поведување на дисциплинска одговорност на членот на Судскиот совет заради што ДКСК до Судски совет и до Здружението на судии ќе поднесе иницијатива за поведување на постапка за дисциплинска одговорност на членот на Судскиот совет.

Судскиот совет и Здружението на судии се должни по поднесената иницијатива за покренување дисциплинска постапка на член на Судски совет да донесе одлука најдоцна во рок од 60 дена од денот на доставување на иницијативата, како и обврска во рок од 60 дена да ја извести ДКСК за своето постапување.

The post ДКСК поднесе иницијатива до Судски совет и Здружението на судии за поведување дисциплинска постапка против член на Судскиот совет appeared first on Република.

АлсатМ неофицијално дознава дека Судскиот совет на седница донел одлука за постапката за утврдување на одговорност на судијата Пајазит Пајазити, иницијатива која се однесува на постапувањето на судијата за притворот на поранешниот војник на ОВК, државјанин на Косово, Блерим Рамадани.

Првата иницијатива за утврдување одговорност кај судијата Пајазити беше отфрлена од советот поради немање доволно докази.

Одлуката е донесена на затворена седница и без присуство на новинари, објави АлсатМ телевизија.

Извор: АлсатМ

The post АлсатМ: Судскиот совет донесе одлука за утврдување одговорност за судијата Пајазит Пајазити appeared first on Република.

На Судскиот совет и Советот на јавни обвинители како да не им е грижа за ниската доверба на граѓаните, па со свои постапки продолжуваат да ја поткопуваат и така ниската доверба во правосудните органи од само 2%, велат од ВМРО-ДПМНЕ.

-Со последниот дрзок упад кој што Судскиот совет го направи во Академијата на судии и јавни обвинители, дополнително ќе ја намали довербата на граѓаните во правосудството.

Пред недела дена, на 24 октомври, спротивно на закон, Судскиот совет за член на Управниот одбор на Академијата за судии и јавни обвинители, наместо судии, ја назначи Антоанета Димовска, која истовремено е член на Судскиот совет.

Според Членот 44 од Законот за спречување на корупција и судир на интереси, се забранува избрано или именувано лице истовремено да врши функција на член на орган на управување во јавно претпријатие, јавна установа или друго правно лице кое располага со државен капитал.

А, токму членовите на Судскиот совет и Советот на јавни обвинители се избрани и именувани лица и не можат да вршат функција во органи на управување како што е Управниот одбор на Академијата за судии и јавни обвинители. Тоа е флагрантно кршење на законските прописи, потенцираат од партијата и додаваат-

„Антоанета Димовска, освен што спротивно на закон е назначена за член на УО на Академијата, треба да се напомене дека е и сестра на пратеничката на СДС, Снежана Калеска Ванчева.

Дали роднинските врски со членови на СДС бил мотивот на Судскиот совет да го прекрши законот и Антоанета Димовска да ја назначи за член на УО на Академијата за судии и јавни обвинители?

Одговор треба да дадат и од СДС и да кажат, која е нивната улога и дали се вмешани во овој избор?

Освен одговори, потребно е Димовска да си поднесе оставка од незаконски добиената функција, а Судскиот совет да понесе колективна одговорност за противзаконскиот упад во системот“.

The post ВМРО ДПМНЕ: Потребна е оставка од Антоанета Димовска и колективна одговорност од Судски совет за незаконското назначување во УО на Академијата appeared first on Република.

Во текот на следната недела ќе започне процесот на темелна реформа на Републичкиот судски совет, изјави лидерот на ВМРО-ДПМНЕ, Христијан Мицкоски.

Одговарајќи на пратеничко прашање од пратеникот Антонијо Милошоски од ВМРО-ДПМНЕ, дали владата очекува двотретинско мнозинство за темелна реформа на Судски совет, Мицкоски одговори дека во координација со министерот за европски прашања, како и министрите за надворешни работи, правда и внатрешни работи, и сите други засегнати, ќе се започне процес на консултации и реформи.

Тој изрази уверување дека сите пратеници во парламентот ќе гласаат за реформите, кои се препорака од Европската Унија. Воедно, нагласи дека владата ќе обезбеди поддршка за овие реформи.

Јас сум убеден дека сите пратеници во парламентот ќе гласаат за една таква реформа која е препорака од ЕУ. Доколку тоа не се случи, јас сум убеден дека владата ќе обезбеди двотретинско мнозинство за една ваква реформа со која ќе се стави крај на заробениот судски совет и судство и обвинителство кое ја влече правдата назад, изјави Мицкоски.

The post Мицкоски најави консултации за реформи во Судскиот совет следната недела appeared first on Република.

– Распуштање на Советот на јавни обвинители не е опција, затоа што најголемиот број од членовите на се избрани на непосредни избори од страна на јавните обвинител, изјави претседателката на Советот на јавни обвинители Душица Димитриевска.

Прашана за тоа како гледа на најавите за реформи на судскиот и обвинителскиот совет, Димитриевска рече дека членовите на советот и досега учествувале во сите работни групи кои работата на измени на закони.

-Советот на јавни обвинители ги остварува своите законски надлежности. Во однос на прашањето, сакам да појаснам дека членовите на советот и досега членуваа во сите работни групи коишто работат на измена на закони, а со цел подобрување на работењето и на самиот Совет и така и ќе продолжи и во иднина, изјави Димитриевска, во изјава за медиуми по свечената изјава на новоизбраните јавни обвинители денеска во Советот на јавни обвинители

The post Советот на јавни обвинители нема да се распушта appeared first on Република.

Здружението на новинари на Македонија (ЗНМ) денеска на прес-конференција соопшти дека на 10 октомври годинава Судскиот совет донел дисциплинска мерка – јавен укор за судијката Јованка Спировска-Панева затоа што ѝ забранила на јавноста да следи рочиште во случајот „Фероинвест против медиумот ИРЛ“.

Во одлуката на Судскиот Совет е наведено дека, „исклучувањето на јавноста за време на судските рочишта претставува груба повреда на транспарентноста и правото на информирање, што е од суштинска важност за слободата на медиумите“.

Драган Секуловски, директор на ЗНМ, истакна дека со постапката на судијата за отстранување на новинарите од судница директно се напаѓа медиумската слобода, а одлукатана Судскиот совет ЗНМ ја смета за позитивен пример за заштита на слободата на изразување.

На 19 октомври 2023 година, ЗНМ поднесе претставка до Судскиот совет, барајќи одговорност од судијата Спировска-Панева поради исклучувањето на јавноста од рочиштето од овој случај, како и поведување на дисциплинска постапка. ЗНМ активно учествуваше на сите четири расправи пред комисијата составена од тројца судии.

The post Судскиот совет јавно ја укори судијката Спировска-Панева што исклучила јавност од судење appeared first on Република.

Министерот за правда Игор Филков присуствуваше на настанот „Судски совет-Предизвици и препораки за обезбедување на независно судство“. Во своето обраќање, Филков посочи дека е потребно да се насочиме кон решавањето на ситуациите, проблемите и да превенираме во иднина да немаме било каков сомнеж кој што може да ја доведат во прашање независноста и стручното постапување на Судскиот совет.

-Да не се залажуваме, нема реформа што не е болна, но нема ниту реформа како оваа, што е толку неопходна. Сакам да порачам дека ќе ги спроведеме неопходните реформи, колку и да се тешки. И нема да запреме додека повторно не почнат граѓаните да гледаат со полна доверба кон судовите во постапките за заштита на своите права”,рече Филков.

Министерот најави дека од следниот месец ќе отпочнат јавни дебати за Законот за Судски совет , да се најде прифатливо решение со цел да се врати довербата на граѓаните во правосудниот систем.

-Веќе од наредниот месец започнуваме со јавни дебати за Законот за судскиот совет. Дебати кои што ќе бидат експертски и за кои сум сигурен дека ќе вродат со плод особено во деловите од законскиот текст кои се однесуваат на дисциплинската постапка, постапката по жалба, изборот и разрешувањето. Овие три аспекти од законскиот текст ги увидовме како клучни за самиот почетокот за да можеме да одиме понатаму со чекорите кон враќањето на довербата во правосудниот систем,”потенцира Филков.

Според министерот, само со обезбедувањето на независноста и непристрасноста на ова тело ќе успееме да го вратиме легитимитетот, професионалноста и интегритетот на Судски совет кое што треба да преставува пример и ужива доверба од севкупната фела. Судскиот совет мора да се докаже како стручно тело кое што ќе биде составено од лица со потврдено правничко искуство, а за кои не смее да постои ни најмал сомнеж за нестручност и политичко влијание. Тоа не смееме да го дозволиме во институција која што треба да ја штити независноста на судството.

-Да не бегаме од тешките одлуки што ни претстојат. Да се соочиме со неефикасноста и да изградиме правосудство кое не е само независно и ефикасно, туку и такво во кое граѓаните на Македонија повторно може да веруваат”, порача Филков.

The post Ќе ги споведеме неопходните реформи за Судскиот совет, колку и да се тешки, вели Филков appeared first on Република.

Судскиот совет денеска ќе ја одржи 498. седница на чиј дневен ред е утврдување на престанок на судиска функција поради исполнување на услови за старосна пензија и констатирање на престанок на мандат на член на Судскиот совет поради истек на времето за кое е избран.

На дневен ред на седницата се уште две точки - одлучување по известувања на комисии за утврдена фактичка состојба по поднесени барања за утврдување одговорност на судија/претседател на суд и формирање на комисии на известители по поднесени барања за утврдување одговорност на судија/претседател на суд.

The post Судскиот совет попладне ќе ја одржи 498 седница appeared first on Република.

Министерот за правда Игор Филков, осврнувајќи се на состојбите во Судскиот совет посочува дека тој треба да биде независно тело кое во одлуките ќе се води од индивидуалната дисциплинска одговорност на членовите на Советот.

Реформите се потребни и како акти, конкретни активности, но и како менување на начинот на опсервирање и перцепција. Ние, Судскиот совет го гледаме како комплетно независно тело кое во одлуките се раководи токму од индивидуалната дисциплинска одговорност на членовите на Советот. Ние апелираме на нивната професионалност и посветеност на законските парадигми и токму во таа насока е и оваа реформа. Затоа, иницираме постигнување независност која што ќе произлезе токму од самите судии и обвинители, тие да ги изберат членовите и да ја понесат моралната, професионална и правна одговорност во тој избор. Во Судскиот совет не треба да влијаат предлозите од владата, од парламентот, од претседателот. Ние даваме простор, сега Судскиот совет, со самостојни одлуки, прво за својот состав, да ја потврди својата независност. Дадовме и време, но од нивна страна се уште нема никаков одговор, предлог или одлука. Сметам дека индивидуалната одговорност ќе има многу поголем ефект од колективната одговорност која пак може да не втурне во еден опасен лавиринт од кој ќе биде тешко да се излезе. Но, во моментов сите решенија се на маса и се бара најдоброто, вели Филков, во интервју за „Вечер“.

Во однос на прашањето, дали претседателката на Судскиот совет Весна Дамева доставила сет предлози за реформи, министерот за правда, Игор Филков одговори дека до овој момент тоа не е сторено, но дека се надева дека во перидот кој следи ќе се најде време за дијалог.

Потребата за реформи е очигледна. Нефункционирањето на правосудниот апарат го гледаат и го чувствуваат на своја кожа и граѓаните, посебно оние што се во самиот систем, суштински и правно. Се бараат реформи кои посебно се однесуваат на работата на Судскиот совет, нешто што и ние го увидовме, при евалуација и зголемување на транспарентноста на дисциплинските постапки. Дел од овие реформи се веќе планирани и што од сето тоа ќе биде спроведено, ќе зависи од анализата на функционалноста како систем. Официјална средба со претседателката на Судскиот совет, Весна Дамева, во рамките на Министерството за правда не е направена, но се надевам дека во периодот кој следи ќе се најде време за дијалог, потенцира Филков.

The post Министерот за правда: Во моментов сите решенија за Судски совет се на маса и се бара најдоброто решение appeared first on Република.

Во однос на најавените реформи во правосудниот систем, Мицкоски, рече дека додека даваат време за експертски предлози, може да исчезне трпението на јавноста и „ние да бидеме жртвата, поради неуспехот на другите“, нагласувајќи дека тоа нема да го дозволат.

Немаме намера да ги распуштиме Судскиот совет и Советот на јавни обвинители за да ги замениме со други. Нашата цел со таа реформа беше да ги распуштиме овие тела и наместо предлозите од владата, од парламентот, од претседателот, предлозите за нови членови да дојдат од самите судии и обвинители. Нашата желба е тие на гласање самите да си ги изберат. Нашата идеја е ние како Влада да одредиме процент од буџет, а тие самите да си го трошат, но не без надзор. Тоа ќе го прави собраниска комисија, па да видиме како се трошат народните пари, изјави Мицкоски.

https://republika.mk/vesti/makedonija/mitskoski-za-najavite-za-mozhna-destabilizatsija-ke-se-obidat-preku-etnichki-tenzii-toa-da-go-napravat-bidejki-nemaat-drug-nachin/

The post Мицкоски: Немаме намера да ги распуштиме Судскиот совет и Советот на јавни обвинители за само да ги замениме со други appeared first on Република.

Судскиот совет на Република Македонија на денешната седница донесе повеќе одлуки меѓу кои за објавување на оглас за избор на претседатели на Основните судови во Гевгелија, Радовиш, Струмица, Делчево, Берово, Крушево и Охрид.

По разгледувањето на извештаите за исполнетост на критериумите за избор на претседател на основните судови во Кочани, Охрид, Радовиш и Струмица, Советот одлучи постапката да продолжи за двајцата пријавени кандидати кои ги исполнувале критериумите за Основен суд Кочани, судиите Спиро Борисов и Сузана Милева, и донесе одлука да се објави нов оглас за избор на претседател на Основен суд Охрид, бидејќи кандидатот што се пријавил имал навремена но нецелосна апликација.

Во врска со огласите за Основен суд Радовиш и Основен суд Струмица, информираа дека на огласот немало пријавени кандидати и донесоа одлука да биде објавен нов оглас.

Дополнително, беше донесена одлука да се објави нов оглас за избор на претседател и за основните судови во Делчево, Берово и Крушево.

На денешната расправа на која беше усвоен записникот од 491 седница, имаше утврдување на престанок на судиска функција поради исполнување на услови за старосна пензија на судијките Мирјана Радевска Стефкова од Врховен суд и Виолета Косовска од Апелационен суд Битола.

Беше констатиран и престанок на функција ВД претседател на Основен суд Велес на судијката Билјана Јачева, по сопствено барање, а за нов ВД претседател е определена судијката Валентина Ѓорѓиевска.

Советот денеска го одби барање за одвоен живот на судијата Александар Шопов од Велес,  судија на Апелационен суд Скопје. Барањето беше одбиено како неосновано, бидејќи неговото место на живеење е помалку од законски предвидените 100 километри.

За Јордан Јованов, судија на Основен граѓански суд Скопје, кој со претходна одлука на Советот беше времено упатен во Основен суд Струга, по негово барање беше донесена одлука, повторно да биде упатен на една година во судот во Струга.

На повеќе судии поротници од Основните судови во Куманово, Гевгелија, Основен граѓански суд и Апелационен суд Битола со денешните одлуки им престана функцијата, а беа избрани и нови судии поротници во Основен суд Гевгелија.

На денешната седница Советот ги усвои Правилникот за користење службен мобилен телефон и Правилникот за начинот на користење на  службени моторни возила од возниот парк на Судскиот совет на РСМ.

Воедно, беше донесена одлука да се продолжи соработката со Институтот за социолошки правни истражувања во делот на спроведување на психолошки и тест за интегритет.

По паузата, седницата ќе продолжи со одлучување по приговор на судија за измена на распоред на работа на Управен суд како и расправа по претставките и поплаките од граѓаните и правните лица за работата на судиите, претседателите на судовите и судовите, донесување на одлука за измена на подносител на барање за утврдување на одговорност на судија/претседател на суд,  формирање на комисии на известители по поднесени барања за утврдување одговорност на судија/претседател на суд и разно.

https://www.youtube.com/watch?v=_q65NvFalWc

The post Судскиот совет донесе одлуки за огласи за избор на претседатели на основните судови во седум градови appeared first on Република.

2% доверба од народот и Судскиот совет уште молчи за Пајазит Пајазити, кој дозволи бегство, помилува поранешен функционер на ДУИ и ги ослободи насилниците од скопскиот аеродром.Дали некој во правосудството има дилема зошто народот има 2% доверба?Колкава треба да биде довербата кога институцијата која треба да ја гарантира независноста на судството се става во заштита на ДУИ и СДС?, прашува Бране Петрушевски.

Судскиот совет со денови го толерира Пајазит Пајазити, кој не само што овозможи да избега Блерим Рамадани, туку и условно го осуди Иџет Мемети кој призна поткуп, наместо да досуди затвор. Тоа е рамно на амнестија. Истиот Пајазити ги ослободи и насилниците од скопскиот аеродром и во целост е усогласен со политиките на ДУИ и СДС, наместо да суди по закон.

Пајазити одамна требаше да биде разрешен, ако Судскиот совет не беше под 100% влијание на ДУИ и СДС.

Член на истиот тој судски совет до не одамна беше и сега осудениот Наќе Георгиев, кој беше фатен во поткуп, кој го зел за да влијае друг судија да досуди помала казна за Боро Марлборо. А асистенција му вршел Иџет Мемети, заменик претседател на Советот на јавни обвинители. И како сега народот да му верува на Судскиот совет и Советот на јавни обвинители, кога тие што седат во него живи се фаќаат како земаат поткуп со цел да влијаат во постапки?

И наместо да преземат чекори кон подобрување. Имаме еден долг и непрекинат молк.

Уште еднаш повторуваме. Реформи во судството мора да има. А пред тоа институциите да си ја завршат работат и да почнат со санкционирање на Пајазит Пајазити, да го спасат оној рејтинг од 2%, ако не се стопил.

The post Зошто Судскиот совет уште молчи за Пајазит Пајазити? appeared first on Република.

Оставам на Судскиот совет што понатаму со судската кариера на судијата Пајазит Пајазити, истакна премиерот Христијан Мицкоски на новинарско прашање дали судијата Пајизити треба да одговора за бегството на Блерим Рамадани.

Според Мицкоски, Пајазити е омилен судија на партиите СДСМ и ДУИ и како што рече, со многу дискутабилни пресуди во минатото.

Тој е омилен судија на СДСМ и ДУИ и тој ги има покажано своите одлики во минатото. Пајазити е судија којшто во минатото има направено многу ваков тип на пресуди коишто се дискутабилни и јас оставам на Судскиот совет да одлучи што понатаму со судската кариера на Пајазити, изјави Мицкоски, при посетата на Неготино.

Премиерот повтори дека се потребни реформи во правосудниот систем поради, како што рече катастрифалната и катаклизмична доверба.  Потенцираше дека реформи се потребни за да се порази безбедносната закана, од пандемиска состојба со криминал и корупција, бидејќи, посочи, „не значи безбедносна закана само ако некој земал оружје во рака и ја загрозува територијата на државата“.

И да, во нашата Програма стои дека треба да биде распуштен Судскиот совет, ваков каков што е партизиран. Но и Советот за јавни обвинители, бидејќи гледате таму што се случува. Луѓе кои се дел од институција, полека но сигурно имаат признание за сторени кривични дела итн. Но, бидејќи се отвори дебата во јавноста, ние сме подготвени како транспарентна Влада, Влада којашто сака да се грижи за иднината, а не за минатото да ги сослушаме сите и ако е потребно да направиме еден мозаик од сето тоа, вели Мицкоски.

Повторувајќи дека ако немаме правна држава имаме и безбедносна закана рече дека поради ова не смее да се дозволи да имаме криминални политичари, криминалци и високо ниво на корупција.

Ако имаме партизирани, криминализирани во правосудството, не велам сите, туку поединци. Тоа е исто како вие да имате едно буре со најубавата, најбистрата вода и да земете неколку лажици фекалија да ставете, тогаш за бадијала ви е ако имате мнозинство од луѓето коишто се таму прекрасни, перфектни, кога неколкумина злоупотребуваат и го рушат угледот и дигнитетот на сите луѓе во фелата. Така што сега засега јас навистина покреативна и поконстантна политика од онаа којашто ја имаме не сум слушнал од сите оние коишто сме ги сретнале, изјави Мицкоски.

Тој од Неготино порача дека ќе продолжат со консултации за реформите во правосудството, со цел да се дојде до формулата, со којашто граѓаните ќе веруваат дека правдата важи за сите.

The post Мицкоски: Судијата Пајазити има многу дискутабилни одлуки, Судскиот совет да одлучи за неговата кариера appeared first on Република.

Претседателот на Владата на Република Македонија, Христијан Мицкоски одговарајќи на новинарско прашање за улогата на Блерим Рамадани во Македонија и дали судијата Пајазити треба да одговора, рече дека тој е омилен судија на СДСМ и ДУИ.

Па тој е омилен судија на СДСМ и ДУИ и тој се има покажано со своите одлуки во минатото. Пајазит Пајазити е судија кој што во минатото има направено многу ваков тип на пресуди кои што се дискутабилни. И јас еве оставам на Судскиот совет да одлучи што понатаму со судската кариера на судијата Пајазит Пајазити - изјави премиерот Мицкоски.

The post Пајазити има многу пресуди кои што се дискутабилни, Мицкоски остава на Судскиот совет да одлучи за неговата кариера appeared first on Република.

Судската и извршната власт не треба да се гледаат како соперници, туку напротив треба да се гледаат како соработници затоа што таа институционална меѓусебна соработка е многу важна за наредните чекори, наредните резултати се со цел враќање на довербата кај граѓаните. Граѓаните заслужуваат, а ние сме доследни да обезбедиме неселективна правда во државата, а тоа може да се спроведе исклучиво со меѓуинституционална соработка со цел детектирање на слабости во одредени институции, а потоа нивно преземање во рамки на своите надлежности.

Ова го изјави претседателката на Судскиот совет Весна Дамева по средбата со премиерот Христијан Мицкоски во Владата.

Според Дамева, средбата била иницирана од Судскиот совет во врска со јавниот повик од премиерот Мицкоски за, како што рече, да дадат конструктивни предлози во однос на функционирањето на судството и враќање на довербата кај граѓаните.

Целосната имплементација на препораките нотирани во Извештајот на Оценската мисија зависи и од заложбите кои сите ние ги имаме. Судскиот совет веќе ги имплементира тие препораки и како главен патоказ за Судскиот совет се препораките ноторани во Извештајот на Оценската мисија и сметам дека тие треба да бидат во насока на успешно спроведување на реформскиот процес, рече Дамева.

Таа изрази надеж дека дека оваа средба е првиот чекор кон унапредување на оние, како што рече, детектирани слабости во судството и длабоко сум убедена дека понатаму таа соработка ќе вроди со плод, со успешни резултати врз основа на спроведени активности.

Граѓаните заслужуваат да имаат правда, нагласи Дамева.

Претседателката на Судскиот совет не одговори на новинарските прашања за средбата и ги повика медиумите во Судскиот совет, каде што, како што рече, ќе ги добијат сите одговори.

The post Дамева: Судската и извршната власт треба да се гледаат како соработници appeared first on Република.

Премиерот Христијан Мицкоски, се сретна со претседателката на Судскиот Совет, Весна Дамева.

Како што информира Мицкоски, средбата била одржана на барање на Советот.

Ние се ќе направиме да ја донесеме правдата. Не смее да има граѓани од прв ред, не смее да има граѓани од втор ред, малкумина од прв ред коишто се заштитени, не смее да има елита туку мора да се сите подеднакви пред законите и Уставот. Тоа го потенцирав на самата средба, којашто е по нивно барање, за да слушнеме кои се нивните предлози.

 

Впрочем ние имавме повик и до експертската јавност и до институциите да дојдат да достават предлози како заеднички да го реформираме правосудниот систем. Ние стоиме на нашиот став, на нашата програма, но сакаме да слушнеме. Доколку добиеме подобри идеи, се разбира дека тие идеи и ќе ги примениме, тука не треба да има никаква тајна.

 

Невладеењето на правото и криминалот се безбедносен проблем и ние како Влада мора да реагираме, тоа им го предочивме на Судскиот Совет на средбата, вели Мицкоски.

The post Мицкоски на средба со Судскиот совет: Се ќе направиме да ја донесеме правдата appeared first on Република.