Во Галеријата - ФЛУ на Факултетот за ликовни уметности - УКИМ во Скопје - објект Педагошка на 28.11.2024 година (четврток) со почеток во 19 часот ќе биде отворена студенска изложба со наслов „ЗБИРКА“ .

На изложбата ќе бидат презентирани 24 дела од студенти на Факултетот за ликовни уметности од катедрите за сликарство и трансмедиумски практики, скулптура и трансмедиумски практики, графика и трансмедиумски практики и ликовна педагогија. Делата што ќе бидат изложени се изработени во различни техники, од молив на хартија, акрил на платно, масло на платно, акварел, комбинирани техники на платно, хартија, панел, картон, лесонит, графики изработени во техниките линорез и сува игла.

Со оваа изложба им се дава можност на студентите да ги изложат своите дела кои ги сработиле во рамките на практичните студии и едукација на Факултетот. Со изложбата воедно им се посакува добредојде на бруцошите на Факултетот за ликовни уметности при УКИМ.

Изложбата е во организација на Факултетското студенското собрание, во соработка со Факултетот за ликовни уметности и Универзитетското студенско собрание.

The post Студенска изложба со наслов „ЗБИРКА“ во галеријата на ФЛУ appeared first on Република.

Школата за дизај, уметност и технологија „Скала“ на 14 октомври во пет изложбени простории во центарот за дизајн и иновации, „Јавна Соба“ ќе ја одржи најголемата студентска изложба „Децениум“.

Слоганот на изложбата е:

Затоа што 10 години го полниме креативниот простор, поставуваме нови стандарди во образованието и ја поддржуваме креативната заедница.

На завршната изложба ќе бидат прикажани делата на студентите од Академиите за графички дизајн, моден дизајн, ентериер и продукт дизајн, визуелни уметности (мултимедија) и веб дизајн (UX/UI+).

Публиката ќе има можност да погледне повеќе од 500 дела на 70 студенти од генерацијата 2021/2022 и тоа: фотографии, илустрации, филмови, графички дизајн решенија, дизајн на мебел, проекти за ентериерно уредување, модни креации и модни илустрации, како и работни процеси, технички цртежи, скици и сл.

Ова е навистина посебен ден за нас кој ни носи спомени и резултати од една прекрасна дванаесет месечна дружба со студентите и менторите, но и радост и возбуда за новите почетоци на генерацијата 2022/2023 чија настава ќе започне на 17. октомври. Уписите за новата академска година се во тек, интересот и довербата за нашите академии се големи, па засега преостанати се уште мал број на слободни места. Непосредно пред самата изложба ќе бидат доделени и дипломите, како и признанија и награди за најуспешните студенти од генерацијата. Едноставно, спој на две генерации, голем број на посетители и многу креативна енергија на едно место!, велат од Скала.

Изложбата е поддржана од Министерство за култура.

The post „Децениум“ – најголема студентска изложба за дизајн во „Јавна соба“ appeared first on Република.