Обвинителството на Босна и Херцеговина отвори случај против две студентки на Факултетот за криминологија, криминологија и безбедносни студии во Сараево, под обвинение дека на денот на одбележувањето на 28-годишнината од геноцидот во Сребреница величеле осудени воени злосторници и ширеле меѓуетничка омраза.

Оформивме случај и го известивме Обвинителството на Босна и Херцеговина. Дежурниот обвинител се изјасни и ја оквалификуваше пријавата како кривично дело предизвикување национална, расна и верска омраза, раздор и нетрпеливост од член 145а од Кривичниот законик на Босна и Херцеговина, изјави портпаролката на Министерството за внатрешни работи на кантонот Сараево, Мерсиха Новалиќ.

Студентките биле пријавени во Министерството откако една од нив во маица со ликот на четничкиот војвода Митар Максимовиќ на Инстаграм подигнала три прста, додека другата објавила фотографија од воениот командант на Армијата на РС, Ратко Младиќ, на која е напишан текстот „Осуден на бесмртност. Ти беше и ќе останеш наш херој“.

Наводно, на дадената содржина реагирале некои нивни колеги од факултетот.

Поради објава на мрежите, приведен е Бошњак од Сребреница, осомничен за загрозување на безбедноста.

Полициската управа Зворник соопшти дека полицијата во Сребреница вчера го уапсила Мирсад Омеровиќ поради сомнение дека сторил кривично дело загрозување на безбедноста. Од Полициската управа е наведено дека Омеровиќ на една социјална мрежа „објавил закана на национална и верска основа“.

The post Едната кренала три прста, другата го споделила Ратко Младиќ: ОЈО отвори случај против две студентки од БиХ appeared first on Република.