Корисниците од викенд населбата Јане Сандански кон викенд населба Морани, на потегот од црквата кон населбата Јане Сандански во општина Студеничани утре од 8:00 до 15:00 часот ќе останат без напојување со електрична енергија.

Од 9:00 до 11:30 часот, без струја ќе бидат и корисниците од село Глуво и дел од корисниците кај аеродромот Стенковец во општина Чучер Сандево.

Како што информираат од Регионалниот центар за управување со кризи на град Скопје, причина за прекинот во снабдувањето со електрична енергија е изведувањето планирани технички зафати во дистрибутивната мрежа од страна на екипи на ЕВН Македонија АД.

The post Делови од Студеничани и Чучер Сандево утре без струја appeared first on Република.

Четириесет и едногодишниот С.К.,  жител на село Драчевица, во Општина Студеничани, вчера бил повикан на службен разговор во полиција заради упатување закани на неговиот сосед со гасен пиштол од кој што испукал неколку куршуми во воздух.

-На 20.06.2024 во 14.45 часот во Полициското одделение Шуто Оризари бил извршен службен разговор со С.К.(41) од с.Драчевица, општина Студеничани. Тој се сомничи дека на 18.06.2024, по претходна расправија, упатил закани на неговиот сосед Ф.М.(43) од Скопје и испукал неколку куршуми во воздух од гасен пиштол, соопшти МВР.

По целосно документирање на случајот ќе следува соодветна пријава.

The post Жител на Општина Студеничани му се заканувал на својот сосед со гасен пиштол и стрелал во воздух appeared first on Република.

МВР информира дека вчера во 16.15 часот во СВР Скопје било пријавено дека во патничко возило „опел“ со скопски регистарски ознаки пред угостителски објект во населба Хиподром бил пронајден починат Ф.Ш.(65) од с. Студеничани, Скопско.

Лекар од Итна медицинска помош констатирал смрт без видливи траги на насилство.

Увид извршила екипа од СВР Скопје, а по наредба на јавен обвинител телото на починатиот било дадено на обдукција.

The post Во „опел“ паркиран пред кафеана во Хиподром пронајден починат 65-годишник од Студеничани appeared first on Република.

Караванот на „Европскиот фронт“ предводен од кандидатот за претседател на државата, Бујар Османи денеска беше во скопските села Батинце, Моране и Долно Количани во Општина Студеничани, каде во Батинце, Моране и Долно Количани.

Како што информираат од кабинетот на Османи, тој остварил средби со граѓани од кои се информирал за потребите, но и за прашањата што ги засегаат.

-Мило ми е што сите заедници се собраа. Горд сум што мојата генерација го пречека овој голем Фронт на сите заедници. Другото прашање можеби ви изгледа далечно, но верувајте дека нема друг начин за подобар стандард освен влез во ЕУ, потенцираше Османи.

Пред жителите на Општина Студеничани, Османи ја побарал нивната поддршка за продолжување на мисијата што ја имаше за членство на државата во ЕУ.

-Со најголема понизност, како ваш човек, како личност која ги помина овие патишта, ја барам вашата поддршка за да можам во улога на претседател да го продолжам она што го започнав како министер за надворешни работи, како вицепремиер, тоа е, до 2030 година секој од вас да има европски пасош, да има европски живот и вашите деца да си ја планираат иднината овде, а не во странство, посочил Османи

The post Османи на средби во Студеничани appeared first on Република.

Доцна синоќа на автопатот А1, Неготино – Градско, во близина на клучка Неготино, полициски службеници од Мобилната единица за компезаторни мерки во Одделот за гранични работи и миграции во Биро за јавна безбедност лишиле од слобода малолетник од с.Студеничани, скопско.

„При контрола во патничко возило „фиат стило“ со скопски регистарски ознаки, кое го управувал, биле пронајдени осум лица мигранти од Сирија, од кои еден малолетник.

На автопатот А1, во близина на локалитетот „Стоби“, друг тим на Мобилната единица ги лишиле од слобода Е.Д.(30) и 46-годишната Е.Ш., двајцата од Скопје. Тие се сомничат дека со патничко возило „фолксваген голф “ со скопски регистарски ознаки, кое го управувал Е.Д., биле претходница на возилото „фиат“ во кое се превезувале мигранти.

Лицата биле приведени во полициска станица, а мигрантите спроведени во прифатнo-транзитен центар за понатамошна постапка. По целосно документирање на случајот, во координација со јавен обвинител, против лицата ќе бидат поднесени соодветни пријави“, велат од МВР.

The post Малолетник од Студеничани шверцувал мигранти од Сирија appeared first on Република.

Во Полициската станица Гази Баба вчера се приведени Б.С.(33) и Ф.Б.(56), двајцата од село Студеничани, постапувајќи по пријава од З.Ц.(55), претседател на ловно друштво според која околу 15:00 часот во ловиштето Бунарџик, во атарот на село Трубарево, кое е под концесија на ловното друштво, се вршел лов, иако немале издадено дозвола за лов на наведеното место за тој ден.

Според пријавеното, на местото на настанот биле затекнати двете лица со патничко возило џип со скопски регистарски ознаки, со ловни пушки кои ги поседувале со дозвола и улов во возилото, соопшти МВР.

Оружјето е привремено одземено, а за случајот е запознаен инспектор за шумарство и ловство и против лицата ќе биде поднесен соодветен поднесок од страна на Министерството за земјоделство, шумарство и водостопанство, согласно Законот за ловство.

The post Двајца од Студеничани ловеле во ловиштето Бунарџик без дозвола од концесионерот appeared first on Република.

СВР Куманово поднесе кривична пријава против Б.М.(23) од скопското село Студеничани поради постоење основи на сомнение за сторено кривично дело „криумчарење мигранти’’.

Како што информира МВР, на 13.10.2023 на делот од автопатот од наплатна станица Романовце кон Граничниот премин Табановце, полициски службеници извршиле преглед во возилото „фолксваген бора“, кое го управувал Б.М., при што пронашле 12 лица мигранти од Сирија, од кои четири малолетници.

The post Жител на Студеничани кон Србија носел мигранти од Сирија меѓу кои и четири малолетници appeared first on Република.

На автопатот Велес-Скопје, полициски службеници од Полициската станица за граничен надзор Михајлово при Регионалниот центар за гранични работи Југ и полициски службеници од СВР Велес, вчера го привеле С.Е.(24) од с.Студеничани, скопско, поради сторено кривично дело криумчарење мигранти, соопшти МВР.

Тој, со возилото „мазда“ со скопски регистарски ознаки, кое го управувал, не застанал на знак за запирање даден од полициски службеници, по што со возилото удрил во службено полициско возило, при што со повреди се здобиле двајца полициски службеници и С.Е..

Претходно, С.Е. во близина на наплатна станица Демир Капија, застанал и од возилото излегле осум лица мигранти од Сирија, а удрил и во рампа од наплатната станица Отовица. С.Е. е приведен и против него ќе биде поднесена соодветна пријава, а мигрантите се пренесени во прифатно –транзитен центар Винојуг.

The post Бегајќи повредил двајца полицајци и удрил во наплатна рампа appeared first on Република.

Во раните утрински часови денеска е срушен здравствен објект Студеничани, објект во рамки на Здравствен дом Скопје, алармираат од ВМРО-ДПМНЕ, од каде споделуваат и фотографии од местото на настанот.

Вакви случаи се недозволиви!
Бараме надлежните веднаш да го расчистат случајот.
Бараме Владата на СДСМ и ДУИ веднаш да реагира и случајот да биде расчистен, велат од Комисијата за здравство на ВМРО-ДПМНЕ.

The post Некој го сруши Здравствениот дом во Студеничани appeared first on Република.

Денеска, околу 17.00 часот, полициски службеници од СВР Скопје го лишиле од слобода Н.Е.(43) од скопско Батинци затоа пред тоа во с. Студеничани пукал од огнено оружје кон Б.Р од скопско Батинци.

Притоа, Б.Р. се здобил со повреди и бил пренесен во болница за укажување на лекарска помош.

СВР Скопје работи на расчистување на случајот.

The post Пукање во Скопско, приведено едно лице appeared first on Република.

Дел од жителите по третпат се обидоа да ги спречат екипите на ЕВН да работат на модернизација на електродистрибутивната мрежа, јавува „Телма“ од Студеничани, каде потребно е да се работи на четири столбови од електродистрибутивната мрежа.

Полициски службеници беа на терен, повикаа и засилување по што се создадоа услови за дислокација на мрежните ормари и работниците започнаа со интервенции, пренесува телевизијата.

ЕВН преку соопштение претходно информираше дека едно семејство узурпирало дел од локалната мрежа поради што 30–тина семејства немаа струја, а екипите не можеа да го отстранат дефектот.

https://republika.mk/vesti/makedonija/poradi-familija-idrizi-nikoj-nema-struja-vo-studenichani-velat-od-evn/

Повеќе фотографии на „Телма“

The post Во Студеничани повторно не ги пуштаа екипите на ЕВН да работат, интервенираше полиција appeared first on Република.

Два нисконапонски изводи во скопското село Студеничани во моментов се без напојување како резултат на преоптоварување поради кражби и неконтролирано користење на електрична енергија во тој дел од селото, соопшти денеска ЕВН.

Дефектот, како што наведуваат, не може да се отстрани поради едно одредено семејство кое, како што велат, практично ги држи другите 100 домаќинства во заложништво без снабдување со струја.

Според информации на терен, семејството Идризи веќе подолго време присвоила и оградила улици на подрачје од 30-тина куќи и ги спречуваат екипите на ЕВН да го санираат дефектот. Неопходно е да се санира дефектот и реконструира мрежата за да се овозможи легално приклучување и мерење на електричната енергија. Нашата законска обврска е да им обезбедиме на сите граѓани стабилно и сигурно снабдување со електрична енергија, велат од Електродистрибуција и додаваат дека вложуваат напори да се надмине ситуацијата.

Претходно од ЕВН соопштија дека жителите на липковските села Оризаре, Ваксинце и Лојане денеска се без електрична енергија, поради дефект, кој го предизвикале жители на Слупчане кои насилно и противзаконски влегле во енергетски објект, обидувајќи се сами да го вратат напојувањето.

https://republika.mk/vesti/ekonomija/evn-krazhbata-na-struja-vo-slupchane-e-80-a-naplatata-samo-20-protsenti/

The post Поради фамилија Идризи никој нема струја во Студеничани, велат од ЕВН appeared first on Република.

Општина Студеничани доби нова училишна спортска сала во село Морани, а се работи и на ново основно училиште во населеното место Љубош. Двете капитални инвестиции ги реализира Министерството за образование и наука, за што се одвоени над 70 милиони денари од државниот буџет.

Министерот за образование и наука Јетон Шаќири денеска беше во посета на Студеничани и, како што информира МОН, потенцираше дека во последните неколку години оваа општина значително се урбанизира од сите можни аспекти, а особено инфраструктурно.

Голема заслуга за тоа, рече Шаќири, има и раководството на локалната самоуправа, но и Владата која води политика на подеднаков третман на сите региони и општини, со единствена цел – да се подобри стандардот и квалитетот на живот на граѓаните.

Морани денес добива нова спортска сала, современ објект во склоп на основното училиште „Наим Фрашери“ во кој вложивме речиси 24 милиони денари. Најзадоволни ќе бидат учениците од ова училиште кои од септември конечно ќе можат достоинствено да ги реализираат часовите по предметот физичко образование, онака како што доликува. Спортската сала е опремена со реквизити за одбојка, ракомет, мал фудбал, кошарка, пинг понг и гимнастика, додека објектот е целосно енергетски ефикасен и ги задоволува сите стандарди дури и за професионални натпревари по спортовите кои ги споменав, рече Шаќири.

Министерот посака спортската сала да се користи што повеќе и да биде место од каде ќе произлезат многу нови спортисти, репрезентативци, но најважно е, како што рече, да биде место од каде ќе произлегуваат многу нови, здрави генерации кои ќе бидат правилно насочени – кон спорт, наместо кон пороци.

За новото училиште кое се гради во селото Батинци, поточно во населеното место Љубош и ќе функционира како подрачно на ОУ „Алија Авдовиќ“, МОН одвои над 47 милиони денари.

Овој дел од општината навистина имаше потреба од училиште. Досега дечињата од тука, кои се многу на број, секојдневно патуваа за да учат во други објекти, но повеќе нема да биде така. Тие ќе си учат во близина на нивното место на живеење и тоа во навистина модерен објект, рече Шаќири, најавувајќи и други капитални инвестиции во Студеничани во иднина.

The post Нова спортска сала во „Наим Фрашeри“ во Студеничани, инвестиција од МОН вредна 24 милиони appeared first on Република.

Поради технички дефект на ПП хидрант ф-80 мм на ул. „Коце Металец“ 1г, утре прекинато водоснабдување ќе имаат корисниците на дел од истата улица (од бр.1 до бр.19), информираат од РЦУК – Скопје, по добиеното известување од ЈП Водовод и канализација.

Водоснабдувањето ќе биде прекинато од 09:00 часот до завршување со санација на дефектот.

Прекинато водоснабдување ќе имаат и корисниците на селата Драчево и Студеничани, поради дефект на затворач ф-250 мм на „Јустинијан Први“ бб, пред мостот во Драчево.

Водоснабдувањето, како што информираат од РЦУК Скопје, ќе биде прекинато од 08:00 часот до завршување со санација на дефектот.

The post Драчево и Студеничани утре без вода appeared first on Република.

Без вода денеска од 9:20 часот ќе бидат корисниците од Студеничани.

Како што соопштија од ЈП „Водовод и канализација“, причина за прекинот е дефект на приклучна цевка ф-1’ на 1/бб Студеничани, пред општината.

Водоснабдувањето ќе биде прекинато до завршување со санација на дефектот.

The post Ќе нема вода денеска во Студеничани appeared first on Република.