Екипата на Вардар е прв финалист на Меѓународниот ракометен турнир Струга, откако вечерва повеќе од убедливо го совлада шведскиот тим Ескилстуна Гуиф со 32 :18 (14:07).

Вардарци сериозно му пристапија на натпреварот, ја имаа контролата на резултатот во текот на целиот меч и утре ќе го бранат минатогодишниот трофеј на Струшкиот ракометен турнир.

Најдобар стрелец во екипата на Вардар беше Ашраф Маргели со седум погодоци. Противник на вардарци во утрешното финале ќе биде подобриот од дуелот што е во тек меѓу Еурофарм Пелистер и ПАОК.

The post Вардар прв финалист: Струшкиот турнир шанса за прв трофеј сезонава appeared first on Република.

РК Вардар со победа почна на струшкиот турнир.

The post И Вардар со победа на струшкиот турнир appeared first on Република.

Македонскиот шампион Еурофарм Пелистер убедливо го совлада домаќинот Струга со 39:22 (18:14) на отварањето на 52. Меѓународен турнир Струга 2024, што се игра на отвореното ракометно игралиште „Горан Попоски Бабец“.

Неизвесноста на натпреварот траеше до 23-тата минута од првото полувреме кога резултатот на семафорот беше 13:11 за македонскиот првак, после тоа предноста се зголемуваше до конечните 39:22. Двајцата тренери им дадоа шанса на сите играчи да ја почуствуваат атмосферата на натпреварот. Најефикасни кај Еурофарм Пелистер беа македонските репрезентативци Филип Кузмановски и Павле Атанасијевиќ, со по шест гола, додека кај Струга се истакна Никола Летиќ со пет погодоци.

Турнирот за отворен го прогласи претседател на организацискиот одбор Кирчо Јованоски, изразувајќи задоволство што традицијата успешно продолжува и во шестата деценија.

- На секој стружанец генот му е да знае да плива, скока такла и игра ракомет. А Струга е вистински расадник на ракометни таленти и репрезентативци на Македонија. Секоја година турнирот е се посилен со тимови кои значат и во домашните првенства и во европските купови, пто го покажува и неговиот квалитет и неговата репутација, истакна Јованоски.

Во вториот натпревар од вечерашната програма играат македонските екипи Вардар и Тиквеш.

Утре Струга ќе се соочи со грчки ПАОК, по што следува натпреварот меѓу Тиквеш и Екскилстуна Гуиф.  Додека ден потоа во првиот термин ќе се соочат Вардар и Екскилстуна Гуиф, а потоа ќе играат Еурофарм Пелистер и Паок.

The post Започна струшкиот турнир: Убава атмосфера и победа на Пелистер appeared first on Република.

Со натпреварот меѓу домаќинот Струга и тимот на Еурофарм Пелистер на 14 август на отвореното игралиште „Горан Попоски Бабец“, ќе почне 52. издание на Меѓународниот ракометен турнир ,,Струга 2024“.

Церемонијата на свеченото отворање е закажана за 19 часот и 55 минути, а потоа ќе следува натпреварот меѓу бранителот на титулата Вардар и екипата на Тиквеш.

Според објавениот распоред, на вториот ракометен ден, во терминот од 18:30 часот, Струга ќе се соочи со грчки ПАОК, додека во 20 часот и 40 минути Тиквеш ќе игра со Екскилстуна Гуиф.

На 16 август во првиот термин ќе се соочат Вардар и Екскилстуна Гуиф, а потоа ќе играат Еурофарм Пелистер и Паок.

Последниот ракометен ден ќе почне во 10 часот и 30 минути со мечот за 5. место, додека натпреварот за 3. место е закажан за 18:30, а големото финале ќе се игра во 20:30 часот

The post Aвгуст е време за струшкиот ракометен турнир appeared first on Република.

Претседателот Стево Пендаоровски присуствуваше на ракометниот турнир во Струга. Тој го следеше мечот меѓу Еурофарм Пелистер и Татран Прешов кој го добија битолчани.

На видеото кое беше објавено на социјалните мрежи се слуша коментарот кој го најавува присуството на претседателот и свирежите на струшката публика.

The post Пендаровски исврикан на ракомет во Струга appeared first on Република.

Поранешниот европски шампион Целје синоќа триумфираше убедливо против тимот на Бутел со 31:20 (18:8), со што го најави најави својот напад за освојување на Струшкиот ракометен турнир оваа година.

Словенците тргнаа моќно во овој дуел уште во воведните минути од натпреварот и стигнаа до резултат 10:1 и практично го решија победникот, на одмор се замина со резултат (18:8).

Во вториот дел се играше поопуштено, двајцата тренери им дадоа шанса на повеќе ракометари од клупата да играат и конечниот резултат гласеше 31:20.

Вториот ден од турнирот го отвараат екипите на Алкалоид и Целје (17:15 часот), два часа подоцна премиерно годинава ќе настапат АЕК Атина против Татран Прешов, додека во последниот меч се среќаваат скопските екепи на Вардар и Бутел (21:15).

The post Турнир во Струга: Вардар едвај, Целје убедлив appeared first on Република.

На игралиштето кај женска плажа кое го носи името „Горан Попоски Бабец“, од денес до 20 август во Струга ќе се одржи 50. јубилеен Меѓународен ракометен турнир.

На турнирот ќе учествуваат осум екипи, три од странство. Екипите ќе бидат поделени во две групи:
Групата А ја сочинуваат Еурофарм Пелистер, домаќинот Струга, грчки АЕК и словачки Татран Прешов.

Покрај Вардар, во групата Б се македонските прволигаши Бутел и Алкалоид, како и словенечки Целје.

Бранител на трофејот од ланскиот турнир е Вардар.

Првиот ден од турнирот ќе се играат натпреварите:
Струга – Еурофарм Пелистер (17 часот)
Вардар – Алкалоид (19 часот)
Бутел – Целје (21:30 часот)

Свеченото отворање е закажано за 20:40 часот

The post Почнува легендерниот струшки ракометен турнир appeared first on Република.