Вчера во 12.30 часот во Полициската станица Струмица било пријавено дека во Струмица, на крстосница од ул. „Агро берза“ и локален пат за село Просениково, струмичко, се случила сообраќајна несреќа помеѓу патничко возило „тико“ со штипски регистарски ознаки, управувано од В.И.(42) од Штип, и патничко возило „дфск“ со струмички регистарски ознаки, управувано од К.С.(21) од село Просениково, струмичко.

Во несреќата со тешки телесни повреди се здобиле сопатничките во возилото „тико“ Б.И.(44), Р.И.(73) и М.И.(23), сите од Штип.

Повредите биле констатирани од страна на лекар од Медицински центар Струмица, а увид на местото извршила екипа на Полициската станица Струмица.

The post Три жени тешко повредени во сообраќајна несреќа во Струмичко appeared first on Република.

Големо полициско присуство утрово во Струмичко.

Според информаците на „Република“, уапсени се повеќе лица меѓу кои и поранешен градоначалник кој во минатото бил обвинет за повеќе кривични дела меѓу кои криумчарење цигари преку македонско-бугарската граница. По неколку месечната затворска казна во 2019 и 2020 го прошири својот бизнис во енергетскиот сектор но и со отварање на фирми и фабрики за одгледување на марихуана по претходно издадени лиценци од Владата.

Според информациите производството на марихуаната завршувало на црниот пазар во Македонија но и пошироко во регионот.

The post Голема акција во Струмичко, меѓу уапсените и поранешен градоначалник appeared first on Република.

Од фабрика за марихуана во струмичкиот регион исчезнале 2 тони цвет од марихуана,дознава expres.mk од добро упатени извори во судот во Струмица.

Во магацините каде се чувале вкупно 8 тони марихуана сега нема цели два тони медицинска марихуана која на пазарот на големо вреди најмалку 6 милиони евра.

Ако марихуаната е продадена на ситно цената на исчезнатата дрога е над 15 милиони евра.
Иако случајот е уредно пријавен МВР освен што според законот го обезбедува објектот засега неѓа поднесено соодветна пријава до
обвинителството.

Повеќе на „Експрес.мк“

The post Од фабрика за канабис во Струмичко исчезна цвет вреден шест милиони евра! appeared first on Република.

Маж и жена од струмичкото село Мокриево го загубија животот во тешка сообраќајна несреќа која се случи доцна попладне на излезот од селото Колешино. Се работи за двајца сопружници на возраст од 70 и 69 години кои најверојатно поради неприлагодена брзина на нивното возило излетале од коловозот и завршиле во каналот покрај патот.

Од тешките повреди и двајцата починале на лице место, а лекарот од итната медицинска помош само ја констатирал смртта.

Поради големите оштетувања на возилото во извлекувањето на телата се вклучија и пожарникарите од струмичката противпожарна единица.

The post Тешка сообраќајка кај Струмица, загинаа маж и жена, со возило паднале во канал appeared first on Република.

Дежурен јавен обвинител од Основното јавно обвинителство Струмица изврши увид во местото викано Ореш, во атарот на струмичко Ново Село, каде ноќеска беше пронајдено безживотно тело на починато машко лице.

Според првичните сознанија, кај лицето настапила насилна смрт. По наредба на јавниот обвинител, врз телото на починатиот ќе биде извршена обдукција со цел да се утврдат точните причини за смртта.

Од лице место се прибрани траги и материјални докази за кои е издадена наредба за вештачење, а се преземаат и други дејствија за откривање на сторители.​

The post Убиство во струмичко appeared first on Република.

Производители на пролетна зелка денеска со протест со трактори по улиците на градот и со едночасовна блокада на крстосницата кај ТЦ „Глобал“ го искажаа своето незадоволство од ниските откупни цени. Тие бараат зелката да не се откупува под 30 денари за килограм и побараа итна средба со министерот за земјоделство, Љупчо Николовски и Инспекторатот за земјоделство.

Како што кажаа на протестот, договореното од последната средба со откупувачите и Инспекторатот за земјоделство, зелката да се откупува по 20 денари за килограм во текот на оваа седмица сопгласно законот не се почитува и денеска откупната цена е 15 денари.

За да опстанеме и да можеме идната година година повторно да ја засадиме оваа култура откупната цена треба да изнесува 30 денари за килограм.Бараме итна средба со министерот која ќе се одржи најдоцна до недела и доколку не се случи тоа тогаш ќе го радикализираме протестот со блокирање на патишта, рече Васе Панов, производител на пролетна зелка.

На протестот беше кажано дека дел од трговците прават манипулации при откупот, односно се пишува дека зелката се откупува по 20 денари, а се намалуваат килограмите на откупеното и зелката се исплаќа по 15 денари за килограм. Затоа, земјоделците бараат реакција од надлежните за да се спречат таквите манипулации.

Дел од земјоделците реагираа што на протестот не присутвувале поголем број земјоделци кои биле на нивите и според нив барем три денови не треба да се бере зелката и да не се носи на откупните пунктови.

Пласман за зелката има, протестот е насочен кон цената и трговците, рече денеска министерот за земјоделство, шумарство и водостопанство Љупчо Николовски.

Според него, инспекторите се на терен со цел максимална заштита на производителите.

Го следиме откупот, нема простор за загриженост зашто пласман има. Протест е насочен кон цената и трговците. Инспекторатот ги презема сите мерки и контроли, целосно е фокусиран во Струмичко, во градинарскиот регион за да ги заштитиме производителите. Цената не беше 10, туку 20 денари. Обидите на некои од трговците да биде дополнително спуштена веројатно предизвика загриженост кај земјоделците, но ние сме постојано на терен, ги следиме состојбите и ако треба ќе интервенираме, истакна Николовски, одговорајќи на новинарски прашања по доделувањето на договорите за набавка на педигриран добиток.

The post Производителите на зелка од струмичко излегоа на протест, бараат повисоки откупни цени appeared first on Република.