Вештачењето на спроведената предистражна постапка докажува лошо одржување или целосно отсуство и на ознаките на патиштата и на патната сигнализација. Ова го изјави и еден од адвокатите во случајот, Николај Димитров, кој застапува дел од жртвите во несреќата, пренесува „Бгонер“.

– Отсега, во понеделник, ќе поднесеме тужба во софискиот градски суд, а самата постапка веќе влегува во судска фаза. Вкупната цена на целата штета е повеќе од два милиона лева. Зборувам за сите луѓе кои само ние ги застапуваме. Посебно има и многу други повредени – посочи адвокатот Николај Димитров.

Неговиот колега Георги Радков истакна дека вештакот констатирал два вида прекршоци.

– Вештакот извршил увид на пробниот дел, како и неколку километри пред него, и констатирал два вида прекршоци – вели Радков.

Несреќата се случи во раните утрински часови на 23 ноември минатата година, при што автобусот на „Беса транс“, кој од Истанбул се враќаше со туристи, удри во ограда на автопатот „Струма“, кај бугарското село Боснек. Меѓу загинатите 45 македонски државјани имаше 12 деца, а седуммина преживеаја.

Предистражната постапка за случајот продолжува. Пред еден месец на истото место се преврте камион.

The post Лошото одржување на автопатот „Струма“ меѓу причините за автобуската несреќа и загинувањето на 45 македонски граѓани appeared first on Република.

Семејствата на загинатите и преживеаните од автобуската несреќа во Бугарија побараа паралелна истрага за утврдување на причините за трагедијата која го потресе регионот. Истражителите од Перник од утре повторно ќе прават увид на местото, ќе го анализираат патот, знаците, кривините и какво било одржувањето на патниот правец.

Според адвокатот, кој ги застапува оштетените, кобната делница од автопатот Струма, каде се случи несреќата, сега изгледа поинаку. во меѓувреме, тој изјави дека агенцијата за патишта направила некои измени во однос на ознаките .Како што вели тој, нема да се испитува само местото туку и неколку километри пред и потоа за да се добие реалната слика за состојбата на патот.

Оштетените семејства велат дека вината не може да биде само кај возачот на автобусот на Беса Транс, а одговорност бараат и кај Агенцијата за патна инфраструктура.

Адвокатот смета дека сето ова точно ќе покаже што претходно недостасувало на оваа делница и дали тие недостатоци биле главна причина за да настане несреќата.

Семејствата исто така поставуваат прашања за тоа што се случило со личните предмети на загинатите, бидејќи како што тврдат тие, патниците на себе носеле вреден златен накит кој никаде не е регистриран ниту пак некој им го предал.

Истрагата од декември покажа дека главна причина за настанатата катастрофа била брзината која не соодвестувала со условите на патот.

Предистрагата во македонското обвинителство кое треба да утврди како автобусот на Беса транс успеал со фалсификат документи да ја мине државната граница повеќе од 120 пати веќе трае со месеци.

The post Утре на автопатот „Струма“ ќе се изврши нов увид за несреќата со автобусот на „Беса транс“ appeared first on Република.