АМСМ извести дека од 5:45 часот поради врнежи од снег е воведена забрана за сообраќај на тешки товарни возила на патниот правец Гостивар – Кичево, преку планинскиот превој Стража, додека од 5.00 часот исто таква забрана има и на патот Маврово – Дебар. Врнежи од снег со променлив интензитет утрово се бележат на Попова Шапка, Ресен, Крушево, Струга, Охрид, Делчево, Маврово, и на планинските превои Буково, Ѓавато, Пресека и Плетвар.

Сообраќајот на државните патишта се одвива тековно во зимски услови, по влажни коловози, на некои повисоки места со наместа остатоци од кашест снег на коловозот по интервенција на дежурните екипи на Македонија пат. Дежурните екипи на ЈП МАКЕДОНИЈАПАТ се постојано на терен и ги одржуваат сите патни правци проодни.

Намалена видливост поради појава на магла од 30 – 40 метри утрово имаше на патниот правец Тетово – Попова Шапка и до 50 метри на планинскиот превој Плетвар.

Сите патни правци во државата се проодни. На одредени патни правци кои поминуват низ клисури и усеци можна е појава на поситни одрони.

Надлежните апелираат на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.

The post Врнe снег во неколку градови и на планините, воведена забрана за тешки возила на Стража и на Маврово -Дебар appeared first on Република.

Сообраќајот на државните патишта се одвива непречено, по претежно влажни коловози. Намалена видливост поради појава на магла има на планинските превои Стража 80 м., Ѓавато 100 м., Маврово 80 м. и Плетвар 80 м, соопшти АМСМ.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ потсетува дека од вчера почна законската обврска за задолжително поседување на зимска опрема во возилата, без оглед на моменталната временска состојба и ќе трае до 15 март 2025 година.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Намалена видливост поради магла на Стража, Ѓавато, Плетвар и Маврово appeared first on Република.

Министерот за транспорт Александар Николоски објасни што предвидува новата делница од автопатот Гостивар-Кичево.Интересно е дека кога ќе биде направена оваа делница ќе се заобиколува популарната Стража.

The post Со новиот автопат кон Кичево ќе се заобиколува превојот Стража appeared first on Република.

На 21 октомври 2024 година, во утринските часови, на магистралниот пат Кичево – Гостивар, во правец кон „Стража“, се случила тешка сообраќајна несреќа во која учествувале три возила. Во несреќата биле вклучени товарно возило „Волво“ со кумановски регистарски ознаки, управувано од 45-годишен возач од Куманово, минибус „Мерцедес Спринтер“ со тетовски регистарски ознаки, управуван од 60-годишен возач од село Горно Седларце, општина Боговиње, и патничко возило „БМВ“ со струшки регистарски ознаки, управувано од 32-годишен возач од село Ливада, струшко.

Во несреќата со тешки телесни повреди се здобил возачот на „БМВ“-то, кој бил веднаш пренесен во Медицинскиот центар Кичево, каде што му биле констатирани повредите. Дополнително, неговиот сопатник, 25-годишен маж од струшкото село Калишта, се здобил со полесни телесни повреди.

На местото на несреќата извршен бил увид од увидна екипа на ОВР Кичево, која ги истражува околностите на сообраќајната несреќа.

The post Сообраќајна несреќа на патот Кичево – Гостивар: Тешко повреден возач на „БМВ“ appeared first on Република.

Утрово во 08.40 часот во СВР Тетово било пријавено дека на магистрален пат Стража – Гостивар, патничко возило „спарк“ со скопски регистарски ознаки, управувано од Л.А.(74) од Скопје, излетало од коловозот.

Како што соопштуваат од СВР Тетово, од здобиените повреди, Л.А. починала на местото.

Лекар од Итна медицинска помош констатирал смрт, а увид на местото на несреќата извршиле екипа од ОВР Гостивар и јавен обвинител, по чија наредба телото на починатата било дадено на обдукција.

The post Утрово несреќа на Стража, загина жена appeared first on Република.

Вчера во 12.00 часот на магистралниот пат Гостивар-Кичево, на планинскиот превој „Стража“, патничко возило „опел корса“, со скопски регистарски ознаки, што го управувала С.Г.(38) од Охрид, удрило во пешакот Б.П.(22) од Скопје.

Во несреќата пешакот се здобил со тешки телесни повреди, констатирани во Општата болница во Гостивар.

Увид на местото на несреќата извршија полициски екипи.

The post Повреден пешак на Стража appeared first on Република.

Студениот бран што ја зафати Европа  и во Македонија и донесе снег на планините, особено во западните и во северозападните предели од Македонија. Денеска снег заврна и на превојот Стража, а според најавите на метеоролозите, може да очекуваме засилени врнежи во текот на викендот.

Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер.

https://republika.mk/zivot/servisi/sneg-paga-vo-mavrovo/

Како што најавуваат од УХМР, поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.

Времето денеска ќе биде променливо облачно и посвежо со повремени локални врнежи од дожд, особено во јужните делови. Ќе дува слаб до умерен ветер од северен правец. Максималната температура ќе биде во интервал од 10 до 18 степени.

Времето во Скопје ќе биде променливо облачно со слаб до умерен ветер од северен правец со температура до 16 степени.

The post Снег на 19 арпил, вее и на Стража appeared first on Република.

Денеска околу 12 часот во СВР Тетово пријавено е дека на магистралниот пат Кичево-Гостивар, на Стража, патничко моторно возило „фолксваген шаран“ со охридски регистарски ознаки управувано од 49-годишниот Б.Н. од Охрид удрило во паркирано моторно возило „рено“ со скопски регистарски ознаки, сопственост на ЈП„Македонија пат“, соопштија од СВР Тетово.

Во несреќата, возачот починал на самото место, а три лица - странски државјани од Англија и Суринам ( Јужна Америка ) се здобиле со повреди и пренесени се за укажување на лекарска помош во гостиварската Општа болница „Ферид Мурад“ во Гостивар.

На местото на несреќата увид вршат јавен обвинител и екипа од Одделението за внатрешни работи Гостивар.

The post Охриѓанец загина на Стража, се удри во возило на Македонија пат appeared first on Република.

Поради обилни врнежи од снег на патниот правец Гостивар – Кичево преку планинскиот превој Стража се воведува забрана за сообраќај за тешки товарни возила.

АМСМ информира дека забарната почна во 15:00 часот.

The post Забрана за камиони на Стража appeared first on Република.

На превојот Стража е хаос, на две-три места има застои на патот Стража - Кичево. Кој нема итна и неодложна работа нека не тргнува кон Охрид или Скопје, апелираат на социјалните мрежи граѓани кои заглавиле во гужвата.

Врнежите од снег кои почнаа вчера, предизвикаа проблеми во сообраќајот. Забрана за тешки товарни возила е воведена на неколку патни правци низ државата, а Центарот за управување со кризи издаде вонредна информација за сите оние кои се наоѓаат во Берово да не тргнуваат на пат поради обилни врнежи од снег.

Од 10 часот, според информациите од Авто мото сојузот на Македонија и јавното претпријатие „Македонија пат“ воведена е забрана за движење на сите видови моторни возила на патен правец Берово - Беровско Езеро, поради обилни врнежи снег.

Од Центарот за управување со кризи апелираа до сите лица кои моментно се наоѓаат кај Беровско Езеро - да не тргнуваат на пат, а ако имаат потреба од храна и лекови, да се јават на 112 во ЦУК, по што од Општина Берово ќе им биде доставено што им е потребно.

Регионалните центри за управување со кризи во Берово и во Штип, во координативна оперативна комуникација преку Секторот за операции и координација, соопштија дека во целосен прекин е патот Берово-Струмица поради врнежи од снег и паднати дрвја по патот.

Забрани за тешки товарни возила има и на патните правци на крак Маврово - Маврови Анови и Двориште - Струмица - Берово. И на патниот правец Тетово - Попова Шапка, односно на потегот од село Лисец кон Попова Шапка, воведена е забрана за автобуси и тешки товарни возила, додека за останатите возила задолжителна е употребата на зимска опрема (ланци).

Од АМСМ информираа дека сообраќајот на останатите државни патишта се одвива во зимски услови, по влажни коловози. Интензитетот на сообраќај на патните правци надвор од градските средини е умерен, а на граничните премини од македонска страна, нема подолги задржувања за влез и излез од државата.

Расчистени се одроните на патниот правец Делчево - Македонска Каменица - Кочани кај селото Истибања, дел од магистралата А3.

Како што информира раководителот на делчевската подружница на „Македонија пат“, Влатко Цоневски, сообраќајот на оваа делница повторно се одвива по двете коловозни ленти.

Претходно, поради големите одрони, сообраќајот на овој патен правец беше во прекин.

Паралелно, како што додаде Цоневски, извршено е чистење на патот од снежни наноси до граничниот премин „Делчево“ како и регионалниот пат кон планината Голак.

Од „Македонија пат“ апелираат на внимателно возење долж патните правци во Пијанечко-малешевскиот регион и почитување на сообраќајната сигнализација.

The post Хаос на Стража: Ако немате итна работа не тргнувајте накај Охрид или Скопје appeared first on Република.

Утрово воведена е забрана движење на тешки товарни возила на патен правец Гостивар-Кичево преку планинскиот премин Стража.

Како што информираат од АМСМ, забраната е воведена од 08.30 часот.

The post Забрана за тешки товарни возила преку Стража appeared first on Република.

Колони возила заглавени на Стража: „Снегот повторно ги изненади надлежните“.
Снегот најавен од пред недела ден, плус 25 ноември.
И тоа е се од најразвиената земја во регионот, коментира Ивор Мицковски.

The post „Најразвиена земја во регионот“: Снегот најавен пред една недела ги изненади надлежните appeared first on Република.

Од 16:15 часот целосно затворен за сообраќај е патниот правец Гостивар-Стража, соопшти АМСМ.

Поради временските услови од 16:35 часот на патниот правец Градско-Прилеп, кај превојот „Плетвар“ и обратно, има забрана за движење на тешки товарни возила.

Од 16:30 часот патниот правeц Крива Паланка, граничен премин „Деве Баир“ е затворен за тешки товарни возила.

Регионалниот ЦУК Охрид, известува дека поради попречено возило на патот кај „Тајмишка Раскрсница“ кон превојот „Стража“ во моментот патниот правец е во прекин, при што се создаваат колони со возила. Екипите на ЈП за одржување и заштита на магистралните и регионалните патишта работата на расчистување на патниот правец на превојот „Стража“.

Регионалниот ЦУК Битола, известува дека сообраќајот на патниот правец Ресен-Битола се одвива отежнато поради наноси од снег и дека имало повеќе возила кои се лизнале од патот. Екипите на ЈП за одржување и заштита на магистралните и регионалните патишта и на овој патен правец работеле за расчистување на наведениот патен правец.

ЦУК информира дека од 16:30 часот, патниот правец Крива Паланка - граничен премин „Деве Баир“ е затворен за тешки товарни возила, според известувањето на ЈП за одржување и заштита на магистралните и регионалните патишта.

Дополнително, согласно информациите во Секторот за операции и координација, ЦУК известува дека поради врнежите од дожд и од снег, што ја зафатија територијата на државата, се јавуваат дефекти на електродистрибутивната мрежа на повеќе локации во државата. Тимовите на ЕВН веќе се ангажирани за отстранување на дефектите за непречено снабдување со електрична енергија во реоните, што во моментот се без електрична енергија во:

Скопје - Скопје Центар, околу „Млин Балкан“, Идадија и ул. „9ти Мај“;
Струмица – „Карбино 3“ - Добрејци, Василево, Градошорци и околина;
Тетово - Селце, Лавце и околината;
Тетово - Бродец, Вешала, Бозовце, Вејце, Шипковица;
Свети Николе – Преод и Крушица;
Кичево - Црвивци, Осломеј, Жубрино, Арангел, Србица, Бериково, Јагол, Туин;
Дебар - Житинени, Центар Жупа, Баланци, Броштица, Горенци, Переши, Жировница, Гари, Лазарополе;
Гостивар - Горна и Долна Ѓоновица, Балиндол, Лакавица, Митрови Крсти, Симница, Трново,Куново, Србиново, Падалиште, Железна Река и во
Гостивар - Вруток - Речане, Церово, Равен
Македонски Брод – Бенче, Ковач, Звечан, Горно и Долно Ботушје, Кичан, Битово, Болче, Растеж, Требовље, Близанско и Здуње, а по друга другата линија Белица, Боровска Брезница, Тажево и ЈП „Јасен“

Тимовите на ЕВН веќе се ангажирани за отстранување на дефектите за непречено снабдување со електрична енергија во наведените реони.

The post Парализирана пола Македонија, целосно затворен за сообраќај патот Гостивар-Стража appeared first on Република.

Во овие моменти вистински хаос се случува на планинскиот превој Стража каде колони возила се заглавени поради снегот.

Забрана за движење АМСМ издаде од 13:00 часот на патниот правец Кичево-Стража. Од 12:40 на патниот правец Гостивар-Стража и Гостивар-Маврово.

Забрана за движење од 12:45 има и на патениот правец Дебар – Маврово, истакна АМСМ.

Инаку забрана за движење без зимска опрема има и на патот кон Попова Шапка.

The post Снегот ја парализира Македонија: Блокирани патиштата, колони возила заглавени на Стража appeared first on Република.

Граѓаните да пријават штети или некоретно однесување на полицајци, апелира СВР Тетово по денешниот пожар на автобусот на Стража.

Секторот за внатрешни работи Тетово ги известува граѓаните-патници кои денеска (1 септември) се превезувале со автобусот во кој настанал пожар во близина на месноста Стража, а на кои им се изгубиле, оштетиле или им изгореле нивни лични предмети, тоа да го пријават во најблиската полициска станица. Граѓаните се упатуваат, исто така, доколку имаат забелешки на однесувањето на некој полициски службеник кој во тоа време го обезбедувал местото на пожарот или учествувал во увидот, да поднесат претставка до Секторот за внатрешна контрола, професионални стандарди и криминалистички истраги за да се преземат адекватни мерки, велат од СВР Тетово

The post Граѓаните што беа во автобусот на Стража да го пријават полицаецот што се однесувал недолично appeared first on Република.

Автобусот, којшто се запали утрово кај Стража, се движел на редовна линија Скопје - Охрид. Нема повредени патници, а во гаснењето интервенирале гостиварските пожарникари. Сообраќајот се одвива нормално.

-Денеска, во 11:25 часот на бесплатниот број за итни повици 112 е добиена пријава дека пред патниот премин Стража е запален патнички автобус кој се движел на редовната линија Скопје - Охрид. Операторот од 112 веднаш ги известил МВР - СВР Тетово и ТППЕ Гостивар. Гостиварските пожарникари итно излегле на лице место и го изгаснале запалениот автобус. Нема ниту еден повреден патник, информираат од ЦУК.

Во тек е увид од екипа на МВР.

Претходно, од Мнистерството за внатрешни работи за МИА потврдија дека на магистралниот пат Гостивар-Кичево, на околу три километри пред месноста „Стража“, се запалил автобус кој се движел кон Кичево, а случајот бил пријавен во 11:20 часот во СВР Тетово.

На посоченото место веднаш се испратени полициски службеници од Одделението за внатрешни работи Гостивар и екипа од гостиварската Територијална противпожарна единица. Нема повредени лица, наведоа од МВР. 

The post Се запали автобус на Стража, нема повредени патници, сообраќал на релација Скопје – Охрид appeared first on Република.

Автобус кој сообраќал на редовната линија Скопје - Охрид утрово се запали кај Стража.

Како што соопштија од СВР Тетово, во 11:20 часот пријавено е дека на магистралниот пат Гостивар-Кичево, на околу три километри пред месноста „Стража“, настанал пожар во автобус кој се движел кон Кичево.

На посоченото место веднаш се испратени полициски службеници од Одделението за внатрешни работи Гостивар и екипа од гостиварската Територијална противпожарна единица, соопштија од СВР Тетово.

Претходно директорот на Центарот за кризи Стојачне Ангелов информираше дека во несреќата нема повредени лица, а гостиварските пожарникари итно излегле на лице место и го изгаснале пожарот.

The post Се запали автобус на Стража appeared first on Република.

Успорено движење и возење во колона по магистралниот патен правец Стража -Гостивар е забележано во изминативе два часа. Од сообраќајната полиција информираат дека станува збор за гужва која вообичаено се јавува на крајот од викендот, особено во неделите во вечерните часови на овој патен правец се обраќаат возилата кои доаѓаат од туристичките центри Охрид и Маврово и го користат вечерниот термин за враќање дома.

Од полицијата велат дека на „здуњската крстосница" наместо семафор, протокот се регулира физички и се дава предност.

Повремените застои се должат и на зголемениот број на возила на печалбарите кои деновиве се движат низ регионот.

The post Големиот број на возила го отежна сообраќајот на магистралата Стража – Гостивар appeared first on Република.

Сообраќајот на државните патишта се одвива непречено, по влажни коловози. Врнежи од снег со променлив интензитет се бележат на Попова Шапка, во Маврово и на планинскиот премин Стража, но во моментов не преставуваат пречка за одвивање на сообраќајот, информираат од АМСМ.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Врнежи од снег на Попова Шапка, Маврово и Стража appeared first on Република.

Поради сообраќајна незгода на превојот Стража, сообраќајот на патниот правец Кичево – Гостивар е во прекин, соопштија од АМСМ.

https://republika.mk/vesti/crna-hronika/teshkata-soobrakajka-kaj-strazha-sozdade-kilometarska-kolona/

На 2 км од Стража кон Гостивар има сообраќајна незгода. Сообраќајот е во целосен прекин, се вели во соопштението.

The post Сообраќајка кај Стража, сообраќајот во целосен прекин appeared first on Република.