Во научниот и уметнички центар „Куќа на Уранија“ - МАНУ, вечерва ќе биде промовиран лексиконот „Странски сликари во Македонија во периодот 1850-1950 година“ на авторите Влатко Милошевски и Зоран Андонов.

Како што соопштија авторите, во лексиконот, на речиси 400 страници се претставени биографиите на 246 странски сликари и 590 фотографии од нивните дела создадени во нашата држава во периодот меѓу 1850 и 1950 година.

Овие ликовни дела – акварели, бакрорези, цртежи, графики, илустрации, се инспирирани од луѓето, градовите, пејзажите, обичаите или од историските настани кои се случиле во Македонија, во втората половина на 19 и првата половина на 20 век - се наведува во информацијата.

Во рамките на промоцијата на лексиконот, ќе се одржи изложба на слики од приватната колекција на Влатко Милошевски.

The post Промоција на лексиконот „Странски сликари во Македонија во периодот 1850-1950 година“ appeared first on Република.