Во Полициското одделение-Групчин Ј.А.(47) од с.Желино, одговорно лице во правен субјект од с. Желино, пријавил дека вчера во непознат правец си заминале седум работници од Бангладеш, кои од 18.09.2024 година биле дојдени за работа со виза издадена од Р.Македонија, со цел да работат во нивната фирма.

Од СВР Тетово велат дека се преземаат мерки за пронаоѓање на лицата.

The post Издржаа само месец: Работници од Бангладеш избегаа од Желино appeared first on Република.

Атрактивни Филипинки и езотични девојки од Јужна и Југоисточна Азија ќе го пополнуваат персоналот во хотелско-угостителските објекти на охридската ривиера, пренесува „Алфа“, откривајќи дека поради недостаток на кадар, тоне туристичкиот сектор, па така во безизлез туристичките работници кои останаа без жив човек, улогата на келнери и кувари им ја доверуваат на странци претежно од азиските земји, кои не знаат нити што работат, ниту пак можат да се разберат оти не знаат ни англиски, а камоли македонски јазик.

Па ако продолжи трендов кој што е моментално со одлив на работниот персонал од државата, ќе мора да се бара некој начин. Иако јас лично сметам дека доколку оние плати кои што се даваат на странците на локалниот персонал, нашиот персонал нема ни да има потреба да оди надвор. Како што стојат работите најверојатно ќе треба да се зголеми квотата за работни дозволи овде во Македонија затоа што за жал најавите не се баш многу позитивни, вели Ана Јанчева, хотелиер.

Во хотелско-угостителските капацитети има над 200 слободни работни места. Хотелиерите сега бараат Македонија да го промени законот за вработување и работа на странци и по примерот на Хрватска да ја укине квотата за работни дозволи за странци.

За да ги задржиме нашите кадри тука треба да ги платиме, па не мора да имаме многу профит, смали си од профитот, дај им на вработените нека континуирано работат сите објекти, истакнува туристичкиот водич Љупчо Јузмески.

The post Филипинки ќе ја спасуваат сезоната во Охрид appeared first on Република.

Почна увозот на странски работници и во земјоделскиот сектор. Претседателот на Собрание на Организација на работодавачи, Ангел Димитров за МИА потврдува дека работници од Индија се пристигнати на фарма и во млекара во Свети Николе. Станува збор за ниско квалификувана работна сила. Посочува дека сопственикот на млекарата и фармата е задоволен од работниците од Индија. За нив има обезбедено сместување, храна, плата, здравствени прегледи, визи и тоа се едни од условите, за да овие работници дојдат и работат, во овој сектор.

Пополека почнува да се примаат работници од странство, има нешто во земјоделието, кај нас на пример има дојдено во млечната индустрија од Индија, во градежништото веќе одамна има работници од Турција и далечниот Исток. Така да мислам дека овој процес во иднина ќе биде многу јак, затоа што се појавуваат многу основани Агенции, кои сакаат со тоа да се занимаваат и да им биде тоа бизнис, вели Димитров.

Забележува дека нема логика да се плаќаат странските работници пониско во однос на нашите работници. Прашан дали и во текстилниот сектор увозот на странски работници ќе стане реалност во текот на наредниот период, Димитров со одговор дека очекува ова да стане реалност за три до четири години.

Затоа што овие години доста голем број на работници одат во пензија, за нив немаме замена од наши млади работници од Македонија. Така да тоа останува единствен излез ако сакаме да го задржиме сегашниот буџет, фондовите да ги полниме. Во спротивно паѓаат сите овие параметри и многу негативно ќе се одрази не само на економијата, туку и како држава, вели Димитров.

Смета дека Законот за вработување на странски работници е комплициран и има квоти за вработување. Димитров вели дека токму поради ова мора да се либерализира овој Закон за да може да се увезуваат странски работници како сезонски и во земјоделскиот сектор. Во моментов најголемиот број на странски работници се во градежниот сектор, кои работат на изградба на патишта, но и на станбени згради.

Сите големи странски градежни компании кои градат во Македонија најголем дел од работниците го обезбедуваат од надвор. Јас мислам дека исто ќе се случи и со сега најавуваните гради на автопатиштата. Затоа што е факт дека Македонија нема работна сила. Ние имаме фиктивен број на невработени, кои во суштина не сакаат да работат, особено не во овие гранки, какошто е земјоделието, градежништото, текстилот итн, додава Димитров.

Посочува дека во овој дел нашата земја е назад во однос на соседните држави и на Балканот.

Да ги спомнеме Србија, Бугарија предничи пред нас, дури и една Босна вработува повеќе странци, отколку ние што вработуваме, да не зборуваме за Хрватска каде што цели населби имаат и да речеме имаат над 20.000 луѓе вработени од Непал, вели Димитров.

Прашан до каде се дебатите за носењето на Законот за работни односи, Димитров за МИА вели дека деновиве во Охрид ќе има една таква дебата, на која ќе има и странски екпсерти. Очекува кон крајот на годината овој Закон да влезе во Собранието, а во моментов какошто вели синдикатите вршат притисок и водат дебати за платите во јавниот сектор и за Колективниот договор во овој сектор.

The post Обезбедени им се храна, сместување, здравствени прегледи: Стигнаа првите Индијци кои ќе работат на фарма во Свети Николе appeared first on Република.

Инспектори за странци при Регионалниот центар за Гранични работи Југ во координација со Државниот инспекторат за труд вчера извршиле контрола на градилиште во Велес.

Како што соопшти МВР, при контролата биле затекнати три турски, двајца албански и еден косовски државјанин, кои работеле како градежни работници на објектот без да поседуваат работни дозволи.

Државниот инспекторат за труд презел соодветни мерки кон изведувачот на работите на градилиштето.

Странските државјани биле изведени пред судија за прекршоци, кој им изрекол парични глоби и мерка протерување и забрана за влез во државата.

The post Работници од Турција, Косово и Албанија без дозволи работеле на градилиште во Велес appeared first on Република.