Министерот за економија Крешник Бектеши денеска најави дека веќе се дизајнирани нови, дополнителни мерки за помош на стопанството и тие најверојатно ќе бидат соопштени во наредните денови.

На мерките, нагласи Бектеши, се работело заедно со стопанските комори.

Се соочуваме со енергетска и економска криза. Секојдневно институциите се подготвени да им излезат во пресрет на потребите на компаниите, направивме за производителите на основните прехранбени производи, работиме на нови мерки, веќе се дизајнирани новите мерки со цел да му помогнеме повеќе на стопанството и најверојатно во наредните денови, заедно со стопанските комори, ќе излеземе со мерки каде ќе им излеземе дополнително во пресрет, имајќи ги предвид подготовките што сме ги направиле во делот на производство на електрична енергија, во делот на контактите што ги имаме со странство и не само граѓаните да бидат снабдувани непречено, така ќе бидат снабдувани и стопанството со цени кои ќе бидат конкурентни не само во регионот туку и на европско ниво - изјави Бектеши пред почетокот на бизнис настанот SUBEX- Suppliers Balkan Expo.

The post Наредните денови дополнителни мерки за стопанството appeared first on Република.

Лидерот на ВМРО-ДПМНЕ, Христијан Мицкоски денеска на прес конференција посочи дека стопанството се соочува со проблеми и не е во фокусот на политиките на Владата.

Според него, предизвиците се големи.

Денеска тука можевме да го слушнеме навистина голема загриженост за иднината на стопанството, а со самото тоа и за иднината на македонската економија.

Бидејќи вие не можете да правите планови како држава и влада во приходите на буџетот, ако економијата е таа која не може да ги генерира тие приходи, односно да го полни буџетот. Затоа е многу важно фокусот да биде кон економијата, кон стопанството бидејќи тоа исто стопанство вработува луѓе, повеќе од 680.000 се вработени во приватниот сектор, тие генерираат приходи и дел тие приходи завршуваат во државниот буџет, а потоа и се трошат.  Така што вие како влада не можете да трошите, ако стопанството вас доволно не ви приходува.

Како најголема политичка партија во државата, како партија која има најголем број градоначалници, најголема пратеничка група во парламентот, цениме дека поддршката што ја даваме кон стопанството и она кое го имаме како разбирање кон стопанството треба да продолжи, да се зголеми, да се интензивира во рамките на нашите можности.Ние повикуваме континуирано на обединување, цениме дека општеството за жал ни е поделено политички, социјално, општествено, за еден голем договор, за кој што зборуваше и претседателот Азески потребно ни е обединување. Да видиме дали како држава сме подготвени на тоа.Ние како најголема политичка партија, јас како претседател на оваа партија подготвен сум да седнам да ги бранам позициите исто како што денеска го правев тука пред стопанствениците, да направиме еден голем договор којшто е многу значаен за иднината на Македонија. Во спротивно жалам што тоа можам да го констатирам, но предизвиците се големи, а проблемите ќе бидат уште поголеми. Исто како што сега сме загрижени, а се уште е лето календарски, каква ќе имаме есен, каква зима, каква ќе биде следната година, така сме загрижени и каква иднина има стопанството, а со тоа и каква иднина ќе има нашата Македонија“, вели Мицкоски.

The post Мицкоски: Стопанството се соочува со проблеми и не е во фокусот на политиките на владата, предизвиците се големи appeared first on Република.

Не би сакал да коментирам за дополнителните, нови мерки пред да се донесат. Попладнево ќе заседава Економскиот совет на кој ќе се разгледуваат финансиските импликации врз буџетот, крајните цени на производите и алатките за задржување на ликвидноста на компаниите. Се прават анализи од сите аспекти кои влијаат врз цената на одреден производ и услуга – даночен дел, маржите, по што мерките ќе бидат предложени и донесени, рече денеска премиерот Димитар Ковачевски.

Економскиот совет ќе заседава попладнево, во 17 часот, и на него, како што истакна Ковачевски, ќе присуствуваат и надворешни експерти кои ќе дадат свој придонес во дискусијата за избор на најдобри решенија во насока на заштита на стандардот на граѓаните и поддршка на стопанството.

Премиерот уште еднаш повтори дека во земјава има непречено снабдување со нафта и нафтени деривати, а цените, рече, не ги знае, зашто за тоа е задолжена Регулаторната комисија за енергетика како независно тело кое носи одлуки според методологијата.

Има доволни количини на бензинските пупмпи и во државните резерви. Она што се случува на бензинските е од шпекулативни причини. Оние што продаваат нафта сакаат да остварат „воен профит, рече Ковачевски, одговорајќи на новинарски прашања по средбата со членовите на Сојузот на здруженијата на пензионери.

The post Поладнево ќе се дефинираат новите мерки за поддршка на граѓаните и стопанството appeared first on Република.