Стопанската комора е важен претставник и застапник на бизнис заедницата, без која пак, ниту една образовна политика не би била доволно ефективна, доколку не ги отсликува потребите на компаниите од кадар и не ги интегрира нивните сугестии за вештини и способности кои образовниот систем треба да ги овозможува како одговор на предизвиците со кои тие се соочуваат или ќе се соочуваат низ работните процеси во иднина.

Ова го истакна министерката за образование и наука  Весна Јаневска на средбата со Бранко Азески, претседател на Стопанската комора на Македонија.

Разговаравме за можностите за проширување на концептот на дуално образование во иднина и за системско уредување преку усвојување на нов Закон за стручно образование и обука кој е во фаза на изработка, а Стопанската комора активно учествува во процесот, изјави Јаневска.

На средбата се разговараше и за поголемо вклучување на компаниите кои ќе соработуваат со стручните училишта, за повеќе можности за прием на ученици на практична обука, поддршка во форма на стипендии и друга финансиска стимулација, загарантирано работно место по формализација на образованието и така натаму.

- Бизнис заедницата е важен фактор во механизмот за синхронизирање на образовниот систем со пазарот на трудот, како процес чија цел е заеднички интерес, а тоа е намалување на невработеноста во државата и раст на економијата. Ниту институциите, ниту пак бизнисот не може да напредува ако делуваме индивидуално, без добро планиран заеднички пристап, рече Јаневска.

Министерката изрази и благодарност до Стопанската комора што се одзва на нејзиното барање за спонзорирање на дел од учениците од Македонија кои годинава учествуваа на меѓународни научни олимпијади, во услови кога министерството сè уште нема законски основ да исплаќа средства за оваа намена на средношколци.

Според претседателот на СКСМ, Азески, средбата со министерката била кратка, но конструктивна и заедно ги договориле следните чекори во насока на поквалитетен систем на дуално образование во средните училишта, а ќе се направат напори овој концепт да се примени и во високото образование.

Присуството на странските инвеститори, па и водечките домашни компании имаат потреба од нови технологии кои се значајни за зголемување на конкурентноста. Ние ќе имаме додадена вредност на нашите производи, ако ги намалиме трошоците во нашата земја, ако создадеме кадар кој нема да ја напушта татковината и ако во буџетот се одвојат доволно средства за развоја на образованието, рече Азески.

The post Јаневска: Во фаза на изработка е нов Закон за стручно образование и обука во кој активно ќе учествува и Стопанската комора appeared first on Република.

Централната власт е најголем подмитувач на бизнисот. Најчесто се обидува да го корумпира индиректно, а главно му бара пари, процент од тендери, нечие вработување или унапредување, донација за политичка партија, подароци или услуги. Повеќето компании тоа не го пријавуваат, дел сметаат дека ќе пропаднат, а дел не веруваат дека ќе има каков било ефект. Ова го покажува анкетата што ја спроведе Стопанската комора во март годинава, а се однесува на 2023 година.

Според податоците, на пет компании им биле побарани преку 100 000 евра, а на другите од кои исто така се барале пари, 1 000 - 10 000 евра. Од некои, пак, што учествувале на тендер, се барале 6 - 10 отсто од износот на тендерот.

Вкупно 61 отсто од фирмите се соочиле со корупција два до пет пати во текот на годината, а повеќе од 20 отсто еднаш. Притоа, ниту едно коруптивно барање не е пријавено во постапка на Јавното обвинителство или кога некој вршел ревизија, во такви случаи немало нудење мито.

Од оние што не прифатиле коруптивно барање, 48 проценти рекле дека имале последици врз бизнисот. Тоа било најзиразено преку пролонгирање на нивните активности.

-Според 78 отсто од компаниите коруптивното барање дошло од централната власт, а според 22 процента, од локалната власт. Најчестиот облик на корупција биле пари, подарок или услуга, а обидот за нудење мито бил во постапка на добивање дозвола или одобрение, при инспекциски надзор, царинска или тендерска постапка, даночна, судска, катастарска,... Две третини од компаниите се соочиле индиркетно со корупција, им било дадено до знаење дека нешто се очекува. Веројатно и јавниот сектор е внимателен. Но, од 51 одговор, 31 компанија рекла дека ништо не презела. Дел велат дури и „нормално е нешто да се даде“, а многу мал дел пријавиле кај претпоставениот во јавниот сектор. Според компаниите, нема пречки за да пријават корупција, меѓутоа некои не веруваат дека ќе има каков било ефект, а некои се плашат дека тоа ќе има последици врз нивното работење. Многу малку од оние што се соочиле со корупција, пријавиле, се бројат на прсти, рече потпретседателот на Комората, Зоран Јовановски.

[caption id="attachment_790650" align="alignnone" width="720"] Многу малку од оние што се соочиле со корупција, пријавиле, се бројат на прсти, рече потпретседателот на Комората, Зоран Јовановски.
фото/МИА[/caption]

Согласно анкетата, 30 проценти од компаниите сметаат дека ќе пропаднат ако не прифатат мито, 35 отсто велат дека прифаќањето би им помогнало, но и дека нема да пропаднат ако не прифатат, додека 30 проценти оценуваат дека нема никакво значење дали ќе прифатат мито или не.

Повеќето компании мислат дека судскиот систем е неефикасен, дека во власта има поединци кои сакаат брзо да се збогатат, дека владее морална криза во општеството, како и дека законите не се применуваат. Вкупно 42 одговори од компаниите биле дека нема ефикасна заштита за оние што пријавуваат мито, а 23 одговори рекле дека се ниски платите на службениците во јавниот сектор, што, според приватниот сектор, е една од причините зошто има корупција, истакна Јовановски.

За 83,3 отсто од компаниите корупцијата е еден од најголемите проблеми во земјата кои мора веднаш да се решат, а 96 проценти веруваат дека може да има успех во борбата против корупцијата.

Дел од компаниите предлагаат да се зголемат казните за коруптивните дела, Јавното обвинителство да има обврска во разумен рок да се произнесе за пријавите кои ги добива од Антикорупциската комисија, да се зголеми свесноста на сите граѓани и да се зголеми интегритетот во работењето на бизнисот, дополни Јовановски, додавајќи дека компаниите би прифатиле кодекс на етичко однесување кој би го изработила Комората, а би потпишале и декларација за етички принципи.

Тој најави дека Стопанската комора во наредните 12 месеци, во рамки на проектот „Граѓаните против корупцијата“, ќе потпише меморандум за соработка со Антикорупциската комисија, ќе реализира обуки и работилници за компании и ќе изготви кодекс за етичко однесување.

Анкетата е спроведена во март, електронски, а се однесува на 2023 година. Одговориле 138 компании, од кои 75 целосно, на сите прашања. Седиштата на компаниите кои одговориле, се во 25 општини низ државата, главно урбани, а работат во 48 дејности. Две тртетини се фокусирани на домашниот пазар, а една третина се извозници, но вклучени биле и фирми кои не се членки на Комората.

The post Власта на СДСМ и ДУИ е најголем подмитувач на бизнисот – на пет компании им биле побарани преку 100.000 евра appeared first on Република.

Стопанската комора на Македонија стои на располагање во изнаоѓање, односно вмрежување на локалните домашни компании кои треба максимално да бидат вклучени при реализација на активностите во сите фази на проектот за коридорите 8 и 10д,  било договорено на вчерашниот состанок на претседателот на Стопанската комора на Македонија, Бранко Азески и неговите соработници со раководството на компанијата „Бехтел и Енка“.

Двете страни, како што соопшти Стопанската комора на Македонија, се договориле и понатаму да ги продолжат контактите со засилено темпо со што би се олеснила реализацијата на овој проект.

На состанокот, Азески и раководството на „Бехтел и Енка“ разговарале за динамиката за остварување на планираните активности. Притоа од страна на Азески било потенцирано дека за нас е многу значајно да завршат на време сите планирани активности бидејќи реализацијата на овој круцијален и најголем инфраструктурен проект е значаен не само за нашата држава туку и за целиот регион па и пошироко.

Од страна на раководството на „Бехтел и Енка“, како што е наведено во соопштението, било подвлечено дека тие во моментот интензивно работат на сите подготвителни работи и теренски истражувања кои се важни за реализација на активностите и дека се во постојана соработка и координација со домашните надлежни институции во врска со тие активности.

Раководството на „Бехтел и Енка“ побарало поддршка од Стопанската комора на Македонија во насока на обезбедување на работна сила која за целиот планиран период додека ќе трае реализација на проектот треба да достигне бројка од 4 000 работници (квалификуван кадар-инженери и сл. како и неквалификуван кадар-општи работници).

-Стопанската комора на Македонија ќе поддржи секакво решение што ќе значи побрза и поквалитетна активност при реализација на овој проект (Коридорите 8 и 10д) со оглед на фактот дека сметаме дека ова е најзначаен инфраструктурен проект во наредните 10 години, се посочува во соопштението.

Договорот со  „Бехтел и Енка“ беше потпишан во март минатата година и со него е предвидена изградба на автопатските делници Тетово-Гостивар-Букојчани и Требеништа - Струга-Ќафасан на Коридор 8 и Прилеп-Битола на Коридор 10 Д.

„Бехтел-Енка" во регионот има реализирано проекти за изградба на автопатишта во Албанија, Косово, Србија, Хрватска, Турција и Романија. Заедно, „Бехтел-Енка" имаат изградено повеќе од 28.000 километри автопати и патишта, 100 тунели и 26 големи мостови

The post Стопанската комора бара од Бектел и Енка домашни компании да бидат вклучени во израдба на коридорите appeared first on Република.

Денес, претставници на Извршниот Комитет на ВМРО-ДПМНЕ, потпретседателката Гордана Димитриеска Кочоска, членот на ИК, Маја Кадиевска Војновиќ и Трајко Славески присуствуваа на заедничка средба во Американската Стопанска комора на Македонија – AmCham, со останати претставници на политичките партии.

Со задоволство може да констатираме дека клучните препораки за политиките во периодот од 2024-2028 година коишто беа преставени од страна на претставниците на AmCham се целосно содржани во Програмата #1198 на ВМРО-ДПМНЕ.

Главната цел на нашата политичка програма е постигнување на повисок животен стандард на граѓаните во Република Македонија. За да се постигне ова, претставниците од ВМРО-ДПМНЕ истакнаа дека се потребни силни системски промени и се надеваат дека ќе се обезбеди национален консензус во економските политики со останатите политички партии, коишто би останале во опозиција.

Исто така, беше истакнато дека дијалогот со AmCham и со останатите стопански комори и здруженија во Македонија ќе биде значаен за ВМРО-ДПМНЕ, а воедно ќе се очекува силна вклученост на претставниците од коморите во трансформирањето на македонската економијата.

Стабилните јавни финансии, борбата со сивата економија, создавањето на услови за поголема конкурентност, инвестиции и иновации на приватниот сектор, јавни инвестиции во подобрување на транспортната и енергетската инфраструктура, одржување на предвидливо даночно и регулаторно опкружување, според најдобрите ЕУ практики и директиви, се едни од главните столбови на нашата програма, коишто во најголем дел беа опфатени и од страна на претставниците на AmCham.

Градењето на силни институции, беспрекорна борба со корупцијата, ефикасно владеење на правото, дигитализацијата на јавните услуги, професионализацијата на јавната администрација се нашите големи заложби за подобра бизнис околина, и за поефикасни и достапни услуги за сите граѓани.

Свесни за климатските промени и потребата за заштита на животната околина, Програмата #1198 содржи мерки за зелена транзиција и зголемување на енергетската ефикасноста на ниво на држава. Ваквите заложби се во линија на препораките на AmCham.

Како главен проблем на нашата денешница, покрај негативните демографски промени т.е ниската стапка на наталитет, иселувањето на младите и на работоспособно население, е и ниската продуктивност на трудот во Македонија – тема којашто беше опфатена во денешните разговори. Во таа насока, голем дел од мерките во Програмата #1198 на ВМРО-ДПМНЕ се насочени кон развој на човечкиот капитал, почнувајќи од најмладите во градинките, па се до студентите. Наредната влада на ВМРО-ДПМНЕ ќе спроведе длабоки и суштински реформи во образовниот процес којшто треба да биде насочен кон новото време. Во рамки на програмата имаме мерки за воведување на СТЕМ образование, за финансиска едукација и стекнување на дигитални вештини уште од најраните години на населението, како и за преквалификација и доквалификација, за создавање на соодветни вештини на повозрасните кои се потребни на пазарот на труд. И за крај, големи напори ќе вложиме за зацврстување на здравствениот систем, едно од барањата на претставниците на AmCham, којшто тековно беше оценет како неефикасен и нетранспарентен.

The post Кочовска Димитриеска, Кадиеска Војновиќ и Славески на средба со Американската Стопанска Комора appeared first on Република.

Стопанска комора на Македонија, преку Регионалната комора Прилеп, е информирана дека е подготвена Одлука во општината, за финансирање на нови 33 административни вработувања за идната 2024 година, согласно проекциите на буџетската градска каса за следната година.

Ваквото функционирање со кое наместо средства за капитални инвестиции се планираат непродуктивни трошења не е во согласност со ставовите и заложбите на бизнис заедницата кои во континуитет се испраќаат, дека час поскоро е потребно средување на состојбите во јавната администрација и конечно да се стави приоритет на бизнисот врз политиката во наредниот период. Бизнис секторот од Прилеп укажува дека со ваквите одлуки кои се во најава од пазарот на труд се намалуваат 33 потенцијални вработени во приватниот сектор кој се соочува со сериозен недостиг на кадар и би продолжила доминацијата статус ков позицијата на сметка на развојната компонента, вели Ирена Јакимовска, претседателката на Регионалната комора (РК) Прилеп при Стопанската комора.

Од Регионалната комора изразува благодарност што градоначалникот на општина Прилеп од својата позиција како татко на градот континуирано учествува на расправите и активностите организирани од страна на бизнис секторот во градот, но истовремени укажуваат дека на вакви дејствија спротивни на бизнисот ќе реагираат.

Ако ова остане пример за сите општини во предизборието, тогаш навистина ќе потврдиме дека развојната компонента ќе причека за уште најмалку една година.. РК Прилеп укажува и дека тешко оди издавањето на градежни дозволи во општината што е основен услов да бидат стопирани секакви инвестициони активности. Има безброј примери на погрешни одлуки на општината во Прилеп кои доведоа до ваквата состојба и се прашуваме дали тоа не е основа од регион на најдобар регион и најплодна земја да се доведеме до најзагадена животна средина.

Оттука, барањето Регионалната комора е оваа Одлука веднаш да се измени и планирањето на трошоците на буџетската каса за 2024 година да се врши во заедничко содејство со Регионалната комора од Прилеп, наведува Јакимовска.

The post Стопанската комора бара капитални инвестиции наместо нови административни вработувања appeared first on Република.

Стопанската комора ќе поднесе иницијатива до Уставниот суд за оспорување на Законот за солидарен данок, најави претседателот на Комората, Бранко Азески.

Азески во интерју за ТВ „Телма“ порача дека ова ќе биде трет закон за две години што Стопанската комора ќе го оспори пред Уставниот Суд.

Како што вели првиот човек на Стопанската комора, бизнис секторот направил се за да се продлабочи дијалогот меѓу нив и власта, но, во услови кога партиските интереси се поважни, тој повикува на заедничка платформа на бизнисот со универзитетите, медиумите, синдикатите и невладините организации.

Ги молиме и сакаме да ја продлабочиме соработката со секого кој што е на оваа линија, да допринесеме за доброто на оваа држава. Тоа можеме да го направиме ако одиме заедно на овие цели и со оваа методологија, медиумите, бизнис организациите, синдикалните организации, невладиниот сектор, универзитетите, сите треба да се обединиме под таа платформа, која што дури и да дојде до застранување на политичките елити во одреден период, ќе можат да ги тргнат за рака и да им кажат „Чекај, вратете се“. Затоа што, очигледно е дека ниту губењето на изборите ја убива нивната волја за власт, ниту критиките што ги упатуваме, ниту сериозните полнења на затворите, тие повторно си продолжуваат. Доаѓаат нови, се регрутираат сили коишто не сакаат да работат, не сакаат да се вклучат во процесите, туку најдобро им е преку партиските агенди, преку партиските активности да практично егзистираат во овој момент, рече Азески.

Претседателот на Стопанската комора, меѓу другото, рече и дека забрзано се носат закони за потребите на изборите.

Ние сме вчудоневидени од состојбата што ја гледаме во моментот, што на едноставен и прост начин значи дека над масава сега има ситуација во која што гледаш никаква активност освен некаква лична и партиска што постои, а под масава врие. Затоа што секој трет ден добиваме некој закон од епохални размери, којшто некој го работи. На пример законот за трговски друштва во моментов. Како на сцената горе не гледаме активност, а гледаме долу закони што се во интерес на предизборието. Тоа значи машинеријата што се наоѓа внатре, усидрена, во администрацијата функционира веројатно беспрекорно и прекувремено во овој период. И туку оп, одма ќе го добиеш одговорот. Па ваква законска активност, ние не сме имале во последниве 10 години, додаде Азески.

Тој рече дека државните интереси мора да бидат поважни од партиските.

За јавниот долг, Азески кажа дека во 2008 година бил 23 отсто, а дека сега е зголемен на 56 отсто и оти тоа мора да е ставено под алармантна ситуација.

Меѓутоа, ние не можеме и не треба да престанеме со задолжувањата, но тие мораат да бидат во продуктивна насока ставани, порача претседателот на Стопанската комора.

The post Стопанската комора ќе го даде Законот за солидарен данок пред Уставниот суд appeared first on Република.

На скалата од еден до десет, македонската економија од технолошки апсект засега е рангирана на трето ниво.

Само големите и средните претпријатија се подготвени да се соочат со конкуренцијата и со барањата на европскиот пазар.

Останатите, до членството на земјава во ЕУ, ќе мора да поработат на стандардите и процедурите ако сакаат да извезуваат, порача денеска Стопанската комора.

Поради вакавата ситуацијата, Комората ќе бара пролонгирање на роковите за стандардите кои нашите компании мора да ги имплементираат до пристапувањето.

Како што беше речено на прес-конференција, посебно засегнати во овој сегмент се агро-секторот, металната индустрија и металургијата кои мора да задоволат голем број еколошки стандарди.

Комората најави дека ќе бара од ЕУ и постепено отворање на европските пазари и фондови, зголемување на фондот за конкурентност и иновативност, како и дополнителни вложувања од Европската комисија во инфраструктурните проекти, но истовремено и надзор, за да се избегнат сите малверзации и бавни реализации.

-Потребно ќе биде постепено прилагодување на нашите компании за да може да ги исполнат сите барања, стандарди и процеси до денот на пристапување на земјава во европското семејство.

Конкурентноста треба да се подигне во целина, а домашните компании мора да имплементраат нови технологи и стандарди што за нив не е толку едноставен процес. Затоа се овие дополнителни барања.

Во процесот на пристапување за секоја земја има рамка со конкретни барања и не се поставува воопшто прашањето дали тие треба или не треба да се исполнат.

Едноставно, барањата мора да се имплементираат. Ние ќе бараме пролонгирање на роковите за воведување на одредени стандарди, ќе се обидеме да делуваме на пролонгирање на роковите за имплементација.

Роковите ќе се разгледуваат засебно, поради спецификите на секоја бранша, а најдиректно засегнати ќе бидат агросекторот, металната индустрија и металургијата, кои ќе мора да задоволат голем број еколошки стандарди, истакна Јадранка Аризанковска од Комората.

Постепеното отворање на фондовите, напомена Аризанковска, е од исклучително значење.

-Условите под кои работат нашите и европските компании, не се исти, особено во рамките на единствениот европски пазар.

Постепеното отворање под исти услови и за македонските компании го бараме зашто нашата економија има потреба од постепено прилагодување за влез на тие пазари.

Сметаме дека за исполнувања на сите ЕУ барања и имплементацијата на регулативата која ќе ни биде поставена како услов, ќе има финансиски импликации врз компаниите.

Затоа го бараме отворањето на дополнителните фондови кои ќе бидат од исклучително значење за бизнисот.

Свесни сме дека од технолошки аспект македонската економија е рангирана од ниво – еден до десет некаде околу три.

Значи, потребно е големо вложување во нови технологии и прилагодување кон индустријата „5.

0“ која се применува во Европската комисија, а тоа значи задоволување на одредени стандарди од аспект на екологијата особено во земјоделството, како и прилагодување на одредени процедури и производи кои ќе мора да ги задоволат стандардите за да може да се извезуваат во ЕУ, подвлече Аризанковска на прес-конференција „ЕУ интеграцијата – единствениот наш пат за понатамошен економски развој“.

Стопанската комора потсети дека во рамки на преговорите за членство во ЕУ, економијата е директно вклучена во пет од вкупно шест кластери.

The post Стопанска комора ќе бара од ЕУ да ги пролонгира роковите за одредени стандарди и регулативи кај бизнисот appeared first on Република.

Бизнисот бара повлекување и запирање на Предлог-законот за данок на солидарност, соопшти денеска Стопанската комора. Според Клуб 100, како најрепрезентативно тело на раководење во Комората, „јасна е намерата на Владата дека овој закон сака да го протне со европско знаме, а тоа ќе нанесе поголема штета, одошто добро“.

Клуб 100, како најрепрезентативно тело на раководење во Стопанската комора, ја повикува Владата да го повлече Предлог-законот за данок на солидарност и со тоа да покаже сериозен однос кон укажувањето на најголемата и најбројна бизнис асоцијација во државата. Исто така, сакаме да напоменеме дека е јасна намерата на Владата дека овој закон сака да го протне со европско знаме, кој ќе нанесе поголема штета него добро, наведува Комората.

Според Комората, ваков данок, што се носи ад-хок, во втората половина на деловната година, создава несигурност кај постојните и потенцијалните инвеститори.

Стопанската комора уште еднаш ги афирмира своите забелешки во однос на предложениот закон.

Укажуваме на селективен пристап зашто се опфатени само поголемите компании кои остваруваат приход поголем од 615 000 000 денари, се врши оданочување на добивката што ја оствариле компаниите, независно дали е таа резултат на пазарните услови (остварена екстра добивка поради движења на пазарите на енергенси или други причини кои довеле до конјуктурни поместувања на пазарот) или е резултат на нивното работење, односно резултат на зголемени инвестиции, подобрена продуктивност, освојување на нови пазари, дестимулирање на успешните компании кои се инвестициски ориентирани, односно во неповолна положба се доведуваат компании кои инвестирале во претходните години, ефектот што се очекува од примената на законот во смисла на обезбедување дополнителни средства во државниот буџетот, може да изостане за делот на добивката на компаниите кои се корисници на државна помош, од причина што ќе се намали нивниот индивидуален износ на доделена државна помош, и по тој основ нема да се зголемат приходите во буџетот, потенцира Комората.

Воедно потсетува и дека изминатиот период во континуитет укажувала дека носењето вакво законско решение за измината фискална година (конкретно за 2022 година), создава несигурност кај постојните и потенцијалните инвеститори, особено ако се има предвид дека правната сигурност е еден од врвните приоритети за кои се залага како застапувач на интересите на бизнис заедницата во земјата.

The post Бизнис заедницата бара повлекување и запирање на Предлог-законот за данок на солидарност appeared first on Република.

За да не се дозволи повторен економски шок кај компаниите и кај нејзините вработени, кои се главниот носител на македонската економија, а со тоа и главни полначи на државниот буџет, Управниот одбор на Стопанската комора во соработка со Здружението на финансиски организации и со Македонската банкарска асоцијација (МБА), донесе заклучок со конкретни решенија и препорака во однос на најавениот штрајк од вработените во Управата за јавни приходи (УЈП) и на нивната најава за блокада на исплатата на платите на сите стопански и други претпријатија.

Не навлегувајќи воопшто во оправданоста на барањата на вработените во УЈП, укажуваме дека тоа е спор меѓу Владата и вработените во органите во нејзин состав и затоа целосно е недозволиво и неприфатливо вработените во УЈП, организирани преку синдикалната организација, да се закануваат со некакви блокади за исплата на платите на стопанските субјекти и на нивните вработени. Такви закани и мерки може да си преземат спрема вработените во Владата и спрема нејзините функционери, а не спрема стопанските субјекти и спрема нивните вработени, кои се, всушност, главни полначи на државниот буџет, наведува Комората.

Стопанската комора им препорачува на стопанските субјекти, доколку се остварат заканите на УЈП за блокирање на исплатата на платите преку единствениот централизиран систем за плати под контрола на овој државен орган, да ги заштитат своите вработени со исплата на нето-платите во форма на паричен трансфер, без плаќање социјални придонеси и данокот на личен доход.

Во насока на остварување на целите на своето постоење и застапување на заедничките интереси на членовите, во услови кога државната администрација наместо да ја извршува својата основна функција – да биде сервис за бизнисите и за граѓаните, ги прави нивни заложници, доколку се остварат заканите на вработените во Управата за јавни приходи за блокирање на исплатата на платите преку единствениот централизиран систем за плати под контрола на овој државен орган, во соработка со Здружението на финансиските организации и МБА, им препорачуваме на стопанските субјекти да ги заштитат своите вработени со исплата на нето-платите во форма на паричен трансфер, без плаќање социјални придонеси и данокот на личен доход. Плаќањето на социјалните придонеси и на данокот на доход да се изврши по создавањето на механизамите под контрола на Управата за јавни приходи, со анулирање на делот за ефективна нето-плата за износот на претходно исплатените парични трансфери, потенцира Комората.

Воедно додава дека со оваа активност, најголемата и најбројна бизнис-заедница уште еднаш потврдува дека е во целосна функција на своите членки, компаниите, како и дека нема да дозволи приватниот сектор и неговите вработени да бидат играчка на државната управа.

Напротив, ние сме конструктивен партнер и моторна сила на нашата економија па затоа ќе се залагаме бескомпромисно, истакнува Комората.

The post УЈП да им ги блокира платите на функционерите, а не на компаниите, бараат стопанствениците appeared first on Република.

За да не се дозволи повторен економски шок кај компаниите и кај нејзините вработени, кои се главниот носител на македонската економија, а со тоа и главни полначи на државниот буџет, Управниот одбор на Стопанската комора на седницата одржана на 21.6.2023 година, во соработка со Здружението на финансиски организации и со Македонската банкарска асоцијација (МБА), донесе заклучок со конкретни решенија и препорака во однос на најавениот штрајк од вработените во Управата за јавни приходи (УЈП) и на нивната најава за блокада на исплатата на платите на сите стопански и други претпријатија.

- Не навлегувајќи воопшто во оправданоста на барањата на вработените во УЈП, укажуваме дека тоа е спор меѓу Владата и вработените во органите во нејзин состав и затоа целосно е недозволиво и неприфатливо вработените во УЈП, организирани преку Синдикалната организација, да се закануваат со некакви блокади за исплата на платите на стопанските субјекти и на нивните вработени. Такви закани и мерки може да си преземат спрема вработените во Владата и спрема нејзините функционери, а не спрема стопанските субјекти и спрема нивните вработени, кои се, всушност, главни полначи на државниот буџет, наведува Комората.

Стопанската комора им препорачува на стопанските субјекти, доколку се остварат заканите на УЈП за блокирање на исплатата на платите преку единствениот централизиран систем за плати под контрола на овој државен орган, да ги заштитат своите вработени со исплата на нето-платите во форма на паричен трансфер, без плаќање социјални придонеси и данокот на личен доход.

-Во насока на остварување на целите на своето постоење и застапување на заедничките интереси на членовите, во услови кога државната администрација наместо да ја извршува својата основна функција – да биде сервис за бизнисите и за граѓаните, ги прави нивни заложници, доколку се остварат заканите на вработените во Управата за јавни приходи за блокирање на исплатата на платите преку единствениот централизиран систем за плати под контрола на овој државен орган, во соработка со Здружението на финансиските организации и МБА, им препорачуваме на стопанските субјекти да ги заштитат своите вработени со исплата на нето-платите во форма на паричен трансфер, без плаќање социјални придонеси и данокот на личен доход. Плаќањето на социјалните придонеси и на данокот на доход да се изврши по создавањето на механизамите под контрола на Управата за јавни приходи, со анулирање на делот за ефективна нето-плата за износот на претходно исплатените парични трансфери, потенцира Комората.

Воедно додава дека со оваа активност, најголемата и најбројна бизнис-заедница уште еднаш потврдува дека е во целосна функција на своите членки, компаниите, како и дека нема да дозволи приватниот сектор и неговите вработени да бидат играчка на државната управа.

-Напротив, ние сме конструктивен партнер и моторна сила на нашата економија па затоа ќе се залагаме бескомпромисно, истакнува Комората.

The post Стопанска комора: Недозволиво е вработените во УЈП да се закануваат со блокади за исплата на платите на стопанските субјекти appeared first on Република.

Девет предлог мерки кои државата треба да ги преземе за да се поддржи економијата во енергетска криза се испратени од Стопанската комора до сите државни и јавни институции кои имаат надлежност во енергетиката.

Дописот со мерките кои ги предлага бизнис заедницата се адресирани до Владата, Министерството за економија, АД ЕСМ, АД МЕПСО, НЕР, Регулаторната комисија за енергетика, Министерството за животна средина, МАНУ, МЕМО и други државни субјекти.

Мерките произлегоа од јавната седница на УО на Стопанската комора на Македонија и на Македонската енергетска асоцијација во рамките на Комората, а меѓу другото содржат и препораки до самите стопански субјекти.

Предлог-мерки:

1.АД ЕСМ, со поддршка на Владата како негов единствен и целосен сопственик, да го конципира производството од термоелектраните според цената на мазутот и јагленот, односно доколку во следниот периодкога ќе порасне производството на евтина електрична енергија од фотоволтаици, АД ЕСМ да се насочи кон откуп на таква енергија, наместо производство на поскапа електрична енергија од термоелектраните.
Претходната мерка за вклучување во работа на сите електрани веќе нема ефект во услови на зголемено производство од обновливи извори (фотоволтаични централи) и затоа треба да се следи состојбата со цените на електричната енергија и енергенсите да одлучува дали и кога е исплатливо да се вклучат одредени домашни енергетски капацитети, а кога да се увезе евтина енергија.

2.Државата, преку Министерството за економија и други органи, да стимулира изградба на различни видови електрани од обновливи извори, односно да обезбеди дисперзија во инвестирањето на обновливи извори на енергија и планска изградба на дистрибутивната мрежа, согласно Стратегијата за развој на енергетиката до 2030. Засиленото градење само на фотоволтаични електрани ќе доведе до енергетски дисбаланс. Потребно е да се стимулира изградба на биогасни и ветерни електрани, и да се доизградат малите хидро електрани кои државата ги планирала.

3.Складирањето на електричната енергија од обновливи извори веќе се појавува како потреба и решение, и државата е потребно да ги поддржи инвеститорите и индустриските капацитети да инсталираат батериски системи. Мерките се однесуваат на олеснување и намалување на постапки и давачките, како и намалување на царинските стапки до нивно елиминирање, следејќи го примерот на ЕУ, заради поттикнување на поголемо инвестирање.

4.Значаен систем за складирање на вишокот електрична енергија од фотоволтаици во иднина ќе биде хидроелектраната Чебрен, која како реверзибилна хидроелектрана ќе ја користи електричната енергија од евтините часови за пумпање вода во горниот басен, од кој потоа би се произведувала енергија во часовите на повисока побарувачка. Од тие причини потребно е да се дореализира постапката за капиталниот проект Чебрен, кој во секој случај ќе биде решение по подолг рок, односно по неговата изградба.

5.Компаниите треба да ја прифатат новата состојба со варијациите на цените во текот на денот и да пристапат кон набавката на електрична енергија согласно нивниот технолошки процес, односно доколку можат потребно е да ги менаџираат потрошувачката и производниот процес согласно берзанските цени во текот на денот, со цел да остварат енергетски заштеди.

6.Хидрогенот, како гориво на иднината и начин на конвертирање и складирање на вишокот електрична енергија, да биде имплементиран во Стратегијатаза развој на енергетиката до 2030 година, при нејзиното следно обновување, кое се врши на секои 5 години и во кое се вклучени владините институции и МАНУ.

7.Државата интернационално да се сертифицира за да може производителите на енергија од обновливи извори да издаваат зелени сертификати. Зелените сертификати се побарувани од стопанските субјекти кои користат значајна количина електрична енергија и на кои зелените сертификати им се значајна алатка пред странските пазари. Издавањето на сертификатите ќе обезбеди и постојан девизен прилив за државата.

8.Стопанската комора го поздравува отворањето на домашна берза на електрична енергија од страна на МЕМО. Со цел македонска берза на електрична енергија да биде ликвидна, потребно е да се донесе одлука сите државни купувачи да бидат на „wholesalе“ пазар, односно да не се набавува електрична енергија на тендери и преку билатерални договори, туку истото да се врши на македонската берза.

9.Магистралните гасоводи за кои е одговорен НЕР да се стават во функција, но притоа да се градат и дистрибутивни мрежи низ градовите.

The post Бизнисот бара да не сe форсира градењето фотоволтаици, сега на ред се ветерните паркови, биогасните централи и малите хидроелектрани! appeared first on Република.

Групацијата за игри на среќа при Стопанската комора на Македонија уште еднаш јавно го изразува ставот на приредувачите на игри на среќа во пресрет на носењето на новиот закон за игри на среќа кој се наоѓа во собраниска процедура (изгласан на седница на Влада на 21 февруари 2023). За членките на Групацијата, постапката која се спроведува за носење на законот во Парламентот е спорна по неколку основи. Тие бараат од Предлог-законот да биде тргнато европското знаме и текстот целосно да биде повлечен за да се остави простор за широка дискусија во која бизнис секторот ќе може да ги аргументира своите ставови, со цел носење ефикасен и европски закон.

Од компаниите-членки на Групацијата директно и индиректно редовни примања добиваат околу 54 000 луѓе. Укажувањата се дека ако се изгласа законот како што е предложен, ќе се стави клуч на врата на легалните приредувачи на игри на среќа, но играњето нема да запре, играчите ќе бараат алтернатива и ќе се префрлат на нелегални локации, каде државата ќе нема контрола ниту врз средствата, ниту врз безбедноста на играчите.

Прво, на новиот Закон за игри на среќа се става европско знаме иако во Европската Унија не постои посебна Директива која ги уредува игрите на среќа, туку е оставено секоја земја поединечно да го регулира законското работење. Европското знаме на овој нов предлог закон се става само со повикување на Препораката од ЕУ – CELEX32014H0478 која се однесува на заштита на потрошувачите и играчите на интернет игри на среќа и спречување на малолетниците за учество во интернет игрите на среќа. Оваа препорака не е обврзувачка ниту за членките на ЕУ а уште помалку за пристапните земји членки. Преку ставање на ЕУ знаме на Законот, истиот наместо во матичната комисија за финансирање и буџет, ќе биде ставен на разгледување во Комисијата за европски прашања во Собранието на РМ, а со тоа се оневозможува да се отвори јавна расправа по предлог законот. Второ, иако образложението е дека новиот Предлог-закон се носи со цел да се унапреди дејноста, всушност измените ќе значат тотално гаснење на индустријата на игри на среќа и ќе поттикна сива економија во дејноста, која сега со постојната законска регулатива е на исклучително високо ниво регулирана и усогласена со европските закони, наведува Комората.

Комората укажува и дека Предлог-законот не се носи во транспарентна процедура со што, како што подвлекува, се заобиколува правната сигурност во дејноста во која за своето работење сите компании имаат важечки лиценци за работа со кои се обврзуваат и гарантираат почитување на пропишаните законски прописи, регулативи и норми.

Во Предлог-законот и овој пат е изоставен делот со кој се овозможува приредувачите да организираат онлајн игри на среќа како во сите европски земји. Приредувачите на игри на среќа како општествено одговорни компании продолжуваат и со активни едукативни кампањи и силна финансиска поддршка, поради што постои верување дека укажувањата на бизнисот ќе бидат земени во предвид и во Собранието нема да се изгласа закон чии штетни последици ќе бидат повеќекратни, истакнува Стопанската комора.

The post Ќе ги затвори компаниите и ќе поттикне сива економија: Стопанска комора бара повлекување на новиот Закон за игри на среќа appeared first on Република.

На работните средби со претседателот на Комората Бранко Азески, менаџментите на компаниите „Кожувчанка“ ДОО Кавадарци и Металопромет – Струмица ја споделија загриженоста за високите трошоци за електрична енергија кои се неколкукратно повисоки и најавуваат дека без поддршка од државата прашање е на време кога ќе затворат.

И двете компании, на работните состаноци дадоа силна поддршка и застанаа зад Комората во нејзините барања стопанството да добие брза и ефикасна поддршка од државата.

Мора брзо да се дејствува, изгубивме многу време чекајќи ги мерките коишто треба да ги намалат негативните последици и ефекти по економијата што ги носи енергетската криза, потенцираше Азески на средбите.

Од „Кожувчанка“ нагласуваат дека скапата енергија ги зголеми цените и на репроматеријалите, во просек за 30%, и сето тоа придонесува за намалување на конкурентноста на домашниот пазар, во однос на увозните производи, кои имаат доста пониски трошоци за електрична енергија, а следствено на тоа и пониски трошоци за производство.

Следува зима кога за прв пат не знаеме ниту како да го испланираме производниот процес, а за начин на продажба и конкуренција на пазарот и остварување на приход не станува ниту збор. Ова е време кога е потребно да се задржиме како компанија на пазарот и да ги задржиме вработените сѐ со цел да се почекаат подобри времиња. Но без субвенции тоа ќе биде невозможно, ќе бидеме принудени да го прекинеме производството или да го сведеме на минимум и да го намалиме бројот на вработени, информираше Јанинка Чупаркоска, управител и сопственик на „Кожувчанка“.

И компанијата Металопромет – Струмица, која е на листата на големи потрошувачи на електрична енергија бара Владата итно да преземе мерки за ублажување на кризата предизвикана од високите цени на струјата. Во спротивно, велат од компанијата, прашање на време е уште колку долго можат така да издржат.

Нашата компанија е 95% извозно ориентирана, но сме целосно неконкурентни на пазарите на Европа затоа што конкуренти од регионот плаќаат многу поевтина цена на струјата, вели Митко Шапковски, сопственик.

Од компанијата, чија основна дејност е производство на заварени цевки и профили додаваат и дека продажбата сега, во споредба со првиот квартал од 2022 година, им е намалена за 80%.

The post На стопанството му се потребни субвениции за да ги задржи вработените appeared first on Република.

Претседателот на Стопанската комора на Македонија Бранко Азески заедно со неговиот тим денеска ќе ги посети рудниците „Бучим“ и „Боров дол“, кои поради енормниот пораст на цената на електричната енергија од 1 септември привремено прекинаа со процесот на производство.

Во двата рудника има вкупно 674 директно вработени и се едни од најголемите работодавци во регионот кои придонесуваат за одржливиот економски и социјален развој на општините Конче, Штип и Радовиш.

Во следниот период претставници на Стопанската комора ќе ги посетуваат компаниите коишто се наоѓаат во исклучително тешка состојба предизвикана од енергетската криза.

The post Делегација на Стопанската комора во посета на Бучим и Боров Дол appeared first on Република.

Владата најдоцна до 5 октомври 2022 година, за кога е закажана седницата на Економскиот совет, да донесе мерки кои ќе го ублажат силниот ценовен удар, апелира Стопанската комора.

Според Комората, бизнисот има една алтернатива – или државата ќе помогне или ќе се затворат капацитеите.

Ова е критичен момент. Брзината на реакцијата е пресуден фактор за зачувување на макроекономската и на буџетската стабилност на државата. Ситуацијата во која се наоѓа стопанството е сериозна со оглед на високите сметки за електрична енергија, зголемени до шест пати, за што ниту една компанија не е виновна. Повеќе од 1 600 правни субјекти кои се наоѓаат на слободниот пазар на 30.9.2022 година беа анкетирани и рекоа дека се наоѓаат во исклучително тешка состојба. Почнат е процесот на намалување на вработените, редуцирање на производството и на затворање на капацитетите. Ескалацијата ќе биде во наредните два месеца кога се склучуваат договорите за снабдување со струја за наредната година, наведува Комората во денешното соопштение и додава дека нема регистрирано ниту една земја во регионот и пошироко која не им помогнала на своите компании.

Стопанската комора оценува дека фирмите, оставени сами на себе да се снаоѓаат како знаат и умеат, излез бараат во враќањето на регулираниот пазар.

Комората регистрира случаи на правно преструктуирање (делење на фирмите за да се исполнат условите за влегување на регулираниот пазар), што може да доведе до сериозни последици за сиот енергетски систем, исто како и за отпуштените работници, кои, иако дома имаат субвенционирана цена на струјата, нема да можат да ја платат, наведува Комората.

Воедно укажува и дека без државна поддршка 10-те најголеми потрошувачи на електрична енергија, кои имаат 6.000 вработени, приход од една милијарда евра, наредната година, според овие цени, би требало да платат половина милијарда евра, со што ќе се наруши нивната конкурентност и ќе се удри врз темелите на македонската економија.

За другите компании на слободниот пазар Комората сугерира, врз основа на сите компаративни анализи, да добијат определена базна цена над која државата би ги покривала трошоците и со тоа би се создале неопходните претпоставки за некаква предвидливост, која е основа на бизнисот.

Барањата се оправдани и економски издржани за да се зачува ценовната конкурентност на македонските производи, во услови кога за мегават час Србија има цена од околу 100 евра, Босна и Херцеговина – 65 евра, Косово – 70 евра, Бугарија има поставена лимит-цена од 128 евра, износ над кој трошокот го покрива државата, Романија има цена од околу 180 евра, а Грција прогнозира максимално ниво на цена од 220 евра за мегават час, со субвенционирање на другиот дел од реалната вредност на цената на струјата. Исто така, ова апсолутно не е момент за каков било дополнителен фискален товар за бизнис-секторот во однос на државата, без оглед на тоа дали станува збор за промена на постојните даноци, воведување нови даноци или за укинување на даночни ослободувања,…, нагласува Комората.

Комората ги цени напорите на сите субјекти во државава кои се трудат да му помогнат на бизнисот, но, исто така е свесна, како што пишува, и за состојбите на глобално и на регионално ниво.

Затоа цениме дека е потребно да ги известиме сите меѓународни коморски институции во кои членуваме и да побараме помош од нив. Не исклучуваме и други мерки кои ќе бидат преземени во однос на потребите, истакнува Стопанската комора.

The post Владата надоцна до среда да донесе мерки за ублажување на ценовниот удар, апелираат од Стопанска комора appeared first on Република.

Сојузот на синдикатите на Македонија го повикува Уставниот суд да ја отфрли иницијативата на Стопанската комора на Македонија која се однесува на оспорениот Законот за изменување и дополнување на Законот за работните односи, којшто во својата содржина опфаќа „работа во недела” бидејќи, како што велат, е спротивна на Уставот.

Според ССМ, со иницијативата ќе се задре во веќе утврдено право на непрекинат неделен одмор што се состои од најмалку 24 часа, за период од седум дена, на илјадници работници во државата.

– Го повикуваме Уставниот суд веднаш да ја отфрли иницијативата на Стопанската комора која е спротивна на Уставот, а ги охрабруваме почитуваните судии разгледувањето на иницијативата и нејзиното отфрлање кое е предвидено за во среда, да ја одложат точката и седницата да ја закажат оваа недела и расправата да ја продолжат и неколку денови во денот недела. Да ги повикаат сите работодавачи од Стопанската комора на Македонија кои се многу загрижени да им се дозволи да работат во недела за да почуствуваат како се чувствуваат и нивните колеги работници кои досега работеа во ден недела без ограничување и без за тоа да бидат платени. Но се сомневаме дека газдите ќе дојдат, поради тоа што сите или 90 отсто од нив ќе бидат по монденските одмаралишта на продолжени викенди на грбот и од потта на работниците кои со нивниот труд им го ствараат капиталот, а ние работниците и оваа недела и секоја наредна ќе бидеме во судница на покана на Судот, се наведува во денешното соопштение од ССМ.

Од ССМ му предлагаат на Уставниот суд по ова егзистенцијално прашање за работниците да расправа секој ден – недела до крајот на годината и тогаш повторно да ги прашаат работодавачите кои стојат зад иницијативата правото на неделен одмор да не биде регулирано со закон, дали се против и дали остануваат на ставот истакнат во иницијативата.

Сојузот на синдикатите на Македонија како репрезентативен синдикат и национален социјален партнер во државата, како што е посочено во соопштението, беше иницијатор и најголем поддржувач на законските измени со кои денот недела е уреден како неработен ден за најголемиот број на вработени во државата и затоа нагласуваме дека недела конечно е ден на неделен одмор и е реалност колку и тоа на одредени работодавачи да не им се допаѓа.

-Работниците веќе го чуствуваат бенифитот од ова право, ден на неделен одмор да биде недела кое е уредено во Закон за изменување и дополнување на Законот за работните односи Сл.Весник бр.288 од 21 декември 2021 година и Законот за изменување и дополнување на Законот за трговијата Сл.Весник бр.295 од 27 декември 2021 година што е во целост согласно горенаведеното и член 32 од Уставот на Република Македонија дека секој вработен има право на платен неделен одмор и дека од тоа право работниците не смеаат да се откажат, а работодавачите не смеат да го ограничат, велат од ССМ.

Во поглед на иницијативата од страна на Стопанската комора која е предвидено Уставниот суд да ја разгледува утре на седница, ССМ нагласува дека согласно член 11 од Уставот „Се забранува присилна работа.“, согласно член 32 од Уставот „Секој вработен има право на платен дневен, неделен и годишен одмор“, а „Од овие права вработените не можат да се откажат“ и истиот член утврдува дека „Остварувањето на правата на вработените и нивната положба се уредуваат со закон и со колективни договори.“

- На секоја држава ѝ се потребни здрави работници и граѓани, а тоа особено дојде до израз во последните две години за време на ковид пандемијата, недвосмислено се докажа дека без здрави работници и граѓани не може да се обезбеди опстанок на државата, ниту да се одржат економските и општествените процеси, потенцираат од ССМ.

Додаваат дека нивна правна водилка во обезбедувањето на ова право се националните и меѓународните закони и документи: Уставот и работно правното законодавство на државата, Општа декларација за човековите права, Европската конвенција за заштита на правата,Конвенцијата за неделен одмор и др.

-Сите овие закони и фундаментални документи за човековите права од национална и меѓународна природа поаѓаат од постулатот дека секој има право на работа и работни услови кои го почитуваат човековото достоинство. Во таа насока секој има право на ограничување на максималниот број на работни часови, дневен, седмичен, годишен одмор и право на платено отсуство. (Член 31 Повелба на основните права на ЕУ), посочуваат од ССМ.

Истовремено, од ССМ укажуваат дека согласно Конвенцијата за неделен одмор C 106 е јасно наведено дека сите работници треба да имаат право на непрекинат неделен одмор што се состои од најмалку 24 часа за период од седум дена, дека периодот на неделен одмор треба да коинцидира со денот од неделата што се смета за ден за одмор согласно на традицијата и обичаите на земјата или регионот, дека секоја земја може да се примени посебен режим на неделен одмор или, за определни категории на лица или организации опфатени со Конвенцијата, да им се плати за сите соодветни социјални и економски барања и др.

-Истовремено Конвенцијата упатува и дека во определувањето на условите во кои привремените иземања за неделен одмор се дозволени, репрезентативните организации на работниците и работодавачите, онаму каде што истите постојат, треба да бидат консултирани што е случај во нашата Држава поради тоа што на ваквото законско решение дадоа согласно сите репрезентативни претставници на работниците и работодавачите преку процесот на социјалниот дијалог на Економско – социјалниот совет, велат од ССМ.

Дополнително нагласуваат дека дури во Конвенцијата е јасно наведено дека ниту една одредба од оваа Конвенција нема да влијае на закон, одлука, обичај или договор кој обезбедува поблагопријатни услови за работниците од оние што се обезбедуваат со оваа Конвенција што е случај со Измените на Законот за работните односи со кои се прогласи недела за ден на неделан одмор за над 92 отсто од работниците.

Работодавачите со ваквите постапки го покажуваат своето вистинско лице, дека не ги почитуваат работничките права дека не ги почитуваат работниците и дека најважен им е личниот интерес и нивното богатење на грбот на трудот на работникот.

-Законот за работни односи Сл.в. бр.288 од 21.12.2021 година и Законот за изменување и дополнување на Законот за трговија Сл.в.бр.295 од 27.12.2021 година е во целост во согласност со Уставот на РСМ и позитивното право во државата, исто така тоа се потврдува и со Конвенцијата за неделен одмор С 106 на МОТ и согласно горенаведеното бараме Уставниот Суд на РСМ да ја отфрли иницијативата, бидејќи со истата ќе се задре во веќе утврдено право на непрекинат неделен одмор што се состои од најмалку 24 часа за период од седум дена на илјадници работници во државата, нагласуваат во соопштението од ССМ.

The post ССМ го повикува Уставниот суд да ја отфрли иницијативата на Стопанската комоа за „работа во недела” appeared first on Република.

Претседателот на ВМРО-ДПМНЕ, Христијан Мицкоски денеска ќе одржи работен состанок со претседателот на Стопанска комора на Република Македонија, Бранко Азески во просториите на Стопанска комора на Република Македонија на тема енергетска криза.

https://youtu.be/QyC-XoeE_zQ

The post ВО ЖИВО: Изјава на Мицкоски по состанокот со претседателот на Стопанската комора Бранко Азески appeared first on Република.

Премиерот во сенка, поранешниот премиер Зоран Заев вечерва информира дека бил присутен во Палата Србија во Белград, на завршниот работен ручек на Самитот на „Отворен Балкан“, на покана на претседателот на Србија Александар Вучиќ, каде што се сретнал лидерите на „Отворен Балкан“.

Меѓународниот саем за вино, храна и туризам „Винска визија на Отворен Балкан“ и сите останати соработки кои се договараат и имплементираат во рамки на оваа иницијатива, се само доказ дека Македонија, Србија и Албанија започнаа нова ера на соработка на Балканот, која ќе носи добробит за сите наши граѓани, објави Заев на социјалните мрежи.

Претходно Заев доби голема плакета од Стопанската комора на Македонија поради неговиот придонес за иницијативата што ги спои трите земји од Западен Балкан.

Плакетата му беше врачена на Заев од претседателот на Комората, Бранко Азески, на Саемот за вино, храна и туризам „Винска визија на Отворен Балкан“.

„Благодарам на Стопанската комора за честа што ни ја укажа на лидерите од овие три земји за Иницијативата „Отворен Балкан“, бидејќи само заедно сплотени регионално, можеме да направиме многу повеќе за економиите на сите земји дел од процесот, да обезбедиме поголема економска соработка, повеќекратно зголемување на размената што ќе придонесе за побрз развој на регионот и благосостојба за граѓаните“, рече Заев.

Тој рече дека како бизнисмен, ќе продолжи да ги поддржува сите иницијативи во рамки на процесот Отворен Балкан, бидејќи тие влијаат на „развојот на бизнисите, приходите во буџетите на државите и со тоа влијаат на економската перспектива на регионот на западен Балкан“.

Заев додаде и оти се надева дека и останатите земји од овие простори ќе се приклучат на Иницијативата за сите заедно да чекорат на зацртаниот пат кон Европската Унија.

Комората им го додели ова признание и на албанскиот премиер Еди Рама, српскиот претседател Александар Вучиќ и на македонскиот премиер Димитар Ковачевски.

The post Се јави шефот на Ковачевски од Белград, неговото присуство ги насмеа сите appeared first on Република.

Оттаму бараат итна средба со Владата и Регулаторната комисија за енергетика за да се најде начин како компаниите да се справат со големите трошоци поради скапата струја.

Според претседателот на комората, Бранко Азески, ЕСМ нема капацитет да ги задоволи потребите и на граѓаните и на фирмите и затоа предлага сет мерки со кои ќе се стават сите капацитети во функција.

„Ако во ваква ситуација ние бараме решение и за парното греење и на помошта на компаниите на зголемување на производството, тоа едноставно во овој момент ЕСМ не може да го издржи. Да се одложат ремонтите во РЕК Битола, да се направат напори сите изградени фотоволтаици да се стават во функција.“- Бранко Азески, претседател на Стопанска комора на Македонија.

Азески со критика и за Народната банка. Смета дека премногу е фокусирана на задржување на стабилноста на курсот на денарот а помалку за состојбите во реалниот сектор.

„Ние имаме чувство дека изминатиов период НБРМ ја протежираше само едната обврска за зачувување на курсот, не водејќи сметка за состојбите во реалниот сектор. Така можеме да се доведеме и сме предупредиле дека може да дојде до ситуација операцијата да биде успешна а пациентот мртов.- Бранко Азески, претседател на Стопанска комора на Македонија.

Комората оценува дека и по 30 години државава нема воспоставено конципирани и издржани мерки. Затоа, според неа, економијата е забавена, бизнисот тапка во место и расте ризикот од преголемо задолжување.

The post Државата го запостави бизнис секторот поради политичките случувања, алармира Стопанската комора appeared first on Република.

Стопанската комора на Македонија во писмено соопштение апелира мерките за ублажување на последиците од кризата, да не го нарушат оперативното работење на компаниите.

Имајќи ги предвид усложнетите економски движења на глобално ниво, што воедно предизвикува и драстично зголемување на цените на нафтените деривати, во услови на несоодветната методологија за пресметка која се применува во Македонија, компаниите членки на Комората од редот на трговците со нафта и нафтени деривати, апелираат за наоѓање на заедничко решение со Регулаторната комисија за енергетика, бидејќи тие во овој момент работат со загуба, односно набавната цена е поголема од продажната - стои во соопштението на Стопанска комора.

Деловните субјекти од овој сектор ја поздравуваат одлуката за дневно регулирање на цените на нафтените деривати, но забележуваат на намалувањето на трговската маржа за 33 отсто, која од 4,5 денари сега изнесува три денари од литар што претставува историски најниско ниво на досега утврдена трговска маржа кај трговците со нафтени деривати.

Ваквата одлука по укажување на компаниите ќе го поремети нивното оперативно работење со што би се довеле во прашање егзистенцијата и понатамошното функционирање на трговците како и целиот енергетски пазар бидејќи истите со секој продаден литар гориво генерираат загуби. Воедно нејасно е зошто рокот за враќање на маржата не е ставен во правилникот (во еден момент регулаторот вели дека ќе се сменат маржите кога ќе се сменат законите а од друга страна дека сепак ќе зависи од цената на светските берзи), со што се влева недоверба кај трговците кои набавката на дериватите ја финансираат со сопствени средства - велат од Стопанската комора.

Оттаму додаваат дека во целиот изминат двегодишен период на траење на кризата предизвикана од корона вирусот, компаниите од овој сектор не ги користеле владините мерки за поддршка кои се носеа за деловните субјекти и своето работење го организирале континуирано и непречено и во неизвесни економски услови.

Затоа нивното размислување е дека сега не е момент да се креираат мерки со кои ќе се обременува нивното работење.

The post Стопанска комора: Мерките што се носат да не го нарушат оперативното работење на компаниите appeared first on Република.