Бизарен случај е забележан во провинцијата Манаби во Еквадор, откако 24-годишна девојка дошла кај лекарите со болки во стомакот.

Еден од хирурзите кој ја оперирал девојката, д-р Педро Ловато, открива дека купот отстранети влакна од стомакот тежел еден килограм.

Девојката се жалела на интензивни болки, повраќање, а имала и проблем со јадење течна или цврста храна.

„Станува збор за пациент со психоемоционално пореметување, така што конечната дијагноза е поставена со ендоскопија која ја направи гастроентеролошката служба“, заклучил д-р Ловато.

Таа ја јадела својата коса во последните пет години.

Бидејќи насобраните влакна стигнале до тенкото црево, девојката не можела да јаде и многу ослабела, па со операцијата биле спречени други сериозни компликации.

The post Доктори од стомакот на девојка извадиле еден килограм коса appeared first on Република.

Висцералните масти се вид на маснотија која се наоѓа длабоко во абдоминалниот ѕид и ги опкружува нашите органи. Според Клиниката во Кливленд, некои нивоа на висцерални масти се здрави и помагаат во заштитата на нашите органи. Сепак, премногу висцерални масти може да биде исклучително опасно за нашето здравје.

Лекарите нагласуваат дека висцералните маснотии понекогаш се нарекуваат „активни маснотии“ бидејќи играат активна улога во функционирањето на нашето тело. Премногу висцерални масти може да доведе до сериозни здравствени проблеми како што се дијабетес, срцеви заболувања и мозочен удар.

Генетските и еколошките фактори во голема мера влијаат на количината на висцерална маст што ја имаме. На пример, генетиката го одредува обликот на нашето тело и како тоа ги складира висцералните масти. Но, факторите на животната средина како исхраната и вежбањето исто така играат клучна улога.

Истражувањата покажаа дека лошата исхрана со висок внес на масна храна и јаглехидрати, неактивен начин на живот и стресот исто така го зголемуваат ризикот од развој на висцерални масти. Ова се сите навики кои предизвикуваат таложење сало на стомакот:

– неправилна исхрана

– недоволна количина на сон

– јадење премногу брзо

– прескокнување оброци

– недоволна физичка активност

– стрес

– пушење

– консумација на алкохол

The post Со овие секојдневни навики се таложат маснотиите околу стомакот appeared first on Република.

На странска државјанка која заврши на итен царски рез во клиничката болница „Свети Дух“ во загреб, лекарот и оставил стерилна газа во стомакот, јавува „ХРТ“. Грешката е направена и покрај фактот што операторот со инструменти ги предупредил колегите дека недостасува една газа.

Поради пропустот постоела опасност пациентот да добие сепса. Следното утро, стручната комисија расправала за ова прашање и одлучила да направи дополнителен рендген на пациентката за да се отстрани сомнежот дека предметот што недостасува и е во утробата.

Рендгенот потврдил дека газата навистина завршила во утробата на пациентката. Поради ова, неполни 24 часа по породувањето, таа била подложена на нова операција. Веста за новиот скандал од болницата доаѓа само два дена откако директорката на болницата Ана-Марија Шимундиќ поднесе неотповиклива оставка, пренесува медиумот.

The post Инцидент во болница во Загреб: По царски рез хирургот оставил газа во стомакот на родилка appeared first on Република.

Бебе вчера починало во стомакот на родилка од Битола откако ѝ била дадена таблета да го испровоцира породувањето, ама родилката била пратена дома од лекарот гинеколог кој бил дента на смена, објави „Независен“.

Како што пишува порталот, кога родилката се вратила ноќта на болница да раѓа, веќе било доцна, дежурните лекари виделе дека бебето страда, по бојата и исцедокот на водењакот, се обиделе да ја породат родилката и да го реанимираат бебето.

И директорот на битолската клиничка болница д-р Александар Обедниковски го потврдил случајот, без детали.

Денеска во 14 часот министерот за здравство д-р Фатмир Меџити доаѓа во посета на болницата.

И од битолското обвинителство го потврдиле случајот и велат „во тек е обдукција да се утврдат причините за смртта.

Претходно, на Детското одделение во болницата во Битола почина 6-годишната Јана Христовска откако и беше дадена инфузија.

The post Почина новороденче во битолската болница appeared first on Република.

Спојот од редовна физичка активност, намалување на стресот, квалитетен сон и урамнотежена исхрана е основата од која се поаѓа, со цел поздрав живот.

Ако сакате стомакот да ви е рамен и затегнат, познавачите препорачуваат - почнете со овие вежби и резултатите би требало да бидат видливи за неколку седмици.

Вежба „Планк“

Тоа е вежба за сила која ги зајакнува мускулите на абдоминалниот ѕид.

Вежба „Руско свртување”

Ги зајакнува главните стомачни мускули – „rectus abdominis“, надворешните коси, внатрешните коси и „transversus abdominis“.

Вежба „Брод“

Тука активни се и мускулите на колкот и грбот, а што е најважно, оваа вежба го стимулира и варењето.

The post Три вежби за цврст и рамен стомак appeared first on Република.

Студија кој ја направил Универзитетот во Амстердам покажува дека дебелите луѓе на кои масните наслаги им се таложат околу половината имаат недостаток од витамин Д.

Маснотиите во црниот дроб се исто така поврзани со малата изложеност на сончева светлина, но само кај мажите, не и кај жените. Не е јасно дали недостатоткот на витамин Д придонесува за таложење на абдоменалните маснотии или дебелината го редуцира нивото на витаминот Д.

Од претходни студии е откриена важноста на овој витамин, кој како што велат научниците, помага да не се дебелееме и го чува срцето здраво, го поттикнува производството на азотна киселина која го регулира протокот на крв и која спречува нејзино згрутчување.

The post На луѓето кои имаат сало околу стомакот им фали eден витамин appeared first on Република.