Д-р Воислав Перишиќ споделува совети како да се справите со најчестата болест што се фаќа за време на летувањето, а тоа е стомачниот вирус. Според него може да се избегнат непријатните болки во стомакот, дијареата и повраќањето.

Три дена пред да тргнете на пат, пијте пробиотик. Може да е од оној стандардниот, но во мега доза. Имате неколку мега дози: 20 милијарди по капсула или кесичка, 35 милијарди и 55 милијарди. Дефинитивно би ве советувал ако одите во земја со висок ризик, да ја земете  ултрасилната доза од 55 милијарди. Ентерофурил, антибактериско и антивирусно хемиско соединение кое не се апсорбира, а кое има многу висока концентрација во нашите цревни сокови, па кога ќе навлезат бактерии, нема способност да навлезе во ѕидот, туку се уништува. Треба да се земе пред да се оди во земји со висок ризик, рече професорот Воислав Перишиќ во една прилика кога гостуваше на емисија „Јутро“ на ТВ Прва.

Тој објаснува и што да се прави ако се појават здравствени проблеми.

Многумина сега ќе ме стават во топ, како што се вели. Ми ѕвонат пријатели од Грција: „Стигнавме таму, денес имаме пет дијареи и сите нè боли стомакот, што да правиме? Има и мала температура“. Јас велам - земи антибиотик (антибиотик од втора генерација флуорокинолонски антибиотици), тоа се таблети што ги убиваат сите ентерални патогени и сe пијат по две по 12 часа. По третата доза, се колнам во Бога, поминува. Тоа е терапија и за возрасни и деца, вели докторот.

Што да направите за да избегнете инфекција?

• Мијте ги рацете што е можно почесто
• Пијте флаширана вода, никогаш од чешма
• Овошјето добро измијте го пред консумирање
• Јадете само во проверени ресторани со високи хигиенски стандарди.

The post Ми се јавува пријателот, вели само што стигнавме во Грција а… appeared first on Република.

Есента е период на многу вируси, меѓу кои чести се и стомачните.

Лекарот по општа медицина д-р Бојан Трајковски, на својот Фејсбук профил, објави кои симптоми се појавуваат при стомачниот вирус и нагласи дека го има застапено во поголем број. Тој им порача на граѓаните и што да преземат во случај да имаат појава на симптомите.

Симптомите се многу силни стомачни болки, грчеви страшни, силна треска, температура до кај 39, честа дијареа, нагони на повраќање…Нема што нема од симптоми! Влезе ли у фамилија ги проаѓа сите, вели Трајковски.

Како што препорачува докторот, треба да се изолирате и да пиете повеќе течности, како и лесна храна.

Изолирајте се, течности што повеќе, лесна храна, пробиотици уште од сега, спазмолитици по потреба, антипиретици и во крајна нужда и инфузиона терапија. Држи неколку дена па затоа трпение, одмарање и без паники!, додава тој.

The post Нема што нема од симптоми! Влезе ли у фамилија ги проаѓа сите: Стомачен вирус хара во Македонија appeared first on Република.

Болки во желудникот, дијареја и повраќање, се симптомите на кои најчесто се жалат граѓаните кои ги наполнија болниците и амбулантите. Ова се типичните симптоми за ротавирус, вели лекарот Седат Лумани, додавајќи додава дека во овој период не е вообичаено да се појави овој вирус. Но, вирусот не бира сезона вели тој. Симптомите траат до два дена, а причина за тоа може да биде внесување прехранбени производи со поминат рок на траење или прекумерно консумирање храна за време на празникот Бајрам, имајќи го предвид постот кој претходеше, објаснува Лумани.

-Беше и рамазанскиот пост, и пост-ковид симптомите кои можат да го нападнат и гастроинтестиналниот систем, но генерално мислам дека има злоупотреби со етикетите на храната, на прехранбените продукти кои ги земаме во разни продавници на кои им се менува рокот на траење. Инаку, во моментов имаше пораст на бројот на случаи со гастроинтестинални симптоми – повраќање, болки во стомак и дијареја, вели Лумани.

Лекарот Лумани ги повикува граѓаните да внимаваат на личната хигиена и чистотата на храната која ја консумираат, бидејќи, како што објаснува, само на тој начин можеме да се заштитиме од секаков вид вирус или бактериски болести.

-Хигиената секогаш треба да биде на ниво, особено хигиената на прехранбените производи, сега имаме зеленчук и овошје кои излегуваат. Прскани се со многу пестициди, инсектициди, микроорганизми кои за жал станаа отпорни на сите антисептички материи кои се и кои можеме да ги консумираме, а кои можат да предизвикаат било каква инфекција, рече Лумани.

Извор: ТВ21

The post Стомачен вирус ги наполни амбулантите appeared first on Република.

Почитувани граѓани, укинувањето на сите против епидемиски мерки не значи дека треба да престанете да ги миете рацете, остро порача д-р Нико Беќаровски.

Амбулантите и Клиниките се преплавени со стомачни вируси (Rotavirus, Picorna, Coxsackie, Hepatitis A) проследени со бројни проливи, стомачни болки, температура, дехидратација, поспаност.
МИЕЊЕТО РАЦЕ И ОДPЖУВАЊЕТО НА ЛИЧНАТА ХИГИЕНА, СПАСУВААТ ПОВЕЌЕ ЖИВОТИ ОД СИТЕ АНТИБИОТИЦИ ЗАЕДНО, порачува тој.

The post Д-р Беќаровски: Врие заболени од стомачни вируси, мијте ги рацете! appeared first on Република.