Македонскиот голман, Столе Димитриевски се наоѓа во Валенсија каде што се случуваат огромните поплави кои однесоа над 70 човечки жртви.

Во изјава за „Меридијан Спорт“ која ја пренесува „МКД.мк“ Столе Димитриевски ја опишува актуелната ситуација во Валенсија.

За среќа не се најдов во епицентарот, живеам на периферијата, малку надвор од градот. На безбедно сме. Нашиот дел беше погоден од голема бура и ветер, дождот исто така создаваше проблеми. Но, не заврши трагичично како во внатрешноста на градот. Соиграчите ми кажуваат дека се е под вода, се срушил и цел мост. Калта носи автомобили, вакво нешто со години не се случило во Валенсија“, изјави Димтириевски за „Мердијан Спорт“.

Вечерва Валенсија требаше да игра натпреварот во Копа дел Реј, но тој е одложен, а под знак прашалник е и натпреварот против Реал Мадрид.

Дефиитивно нема да играме во купот, додека натпреварот со Реал Мадрид е под знак прашалник. Ме побараа повеќе пријатели од Македонија и Мадрид, сите мислат на актуелната ситуација. Критично е! Изразуам сочувство на семејствата на настраданите и се надевам дека сите исчезнати ќе бидат пронајдени живи и здрави.

The post Голманот Столе Димитриевски од Валенсија: Јас сум безбеден, но тоа што се случува во градот е страшно! appeared first on Република.

 Тренерот на Барселона, Ханси Флик, ги искажа впечатоците за победата над Валенсија (2:1) во 1. коло од шпанското првенство.

Каталонците синоќа со пресврт стигнаа до трите бода на гостувањето на „Местаља“.

-Многу е важно да се започне со победа. Бевме подобри во второто полувреме. Направивме повеќе грешки во првото полувреме. Голот на крајот од полувремето беше многу важен. Левандовски е голем професионалец. Се браниме и напаѓаме како еден тим. Заврши многу дефанзивна работа и постигна два гола. Имаме многу да подобриме, но многу е важна победата на стартот на првенството, изјави Флик за „Marca“.

Во следниот натпревар Барселона ќе се сретне со Атлетик Билбао на 24 август

The post Димитриевски не бранеше на дербито против Барселона appeared first on Република.

Тренерот на Барселона, Ханзи Флик, нема поплаки за неговиот тим и има целосна доверба во клубот, увери Германецот пред првиот дуел на Каталонците во Ла Лига против Валенсија утре.

Екипата на Барселона, која минатата сезона заврши на второто место во шпанската лига зад Реал Мадрид, досега потпиша договор со офанзивниот играч за врска Дани Олмо и Пау Виктор во тековниот преоден рок.

Пред неговиот ангажман во Барселона, Флик го предводеше Баерн Минхен до две титули во Бундеслигата и по еден куп во Лигата на шампионите, Светското клупско првенство и Суперкупот.

-Среќен сум со составот што го имам, останатото е под знак прашалник. Кога го потпишав договорот знаев дека нема да биде лесно, но имам слепа верба во клубот. Задоволен сум со тимот и она што го нуди. Имаме повредени играчи кои постепено ќе се враќаат. Сè уште сме силен тим, увери Флик.

Дваесет и шест годишниот Олмо, кој и помогна на Шпанија да ја освои титулата на ЕП 2024, нема да биде достапен за натпреварот со Валенсија, откри Флик.

-Дани Олмо не е во добра физичка кондиција. Почна да тренира доцна, но ние ќе се грижиме за него. Тој нема да биде на располагање утре. Сакаме сите да бидат добро и да играат без повреди, изјави тренерот на Барселона.

Флик, исто така, рече дека 17-годишниот крилен напаѓач Ламин Јамал, чиј татко Мунир Насрауи е во „сериозна, но стабилна состојба“ откако беше избоден со нож во средата на паркинг во североисточниот шпански град Матаро, според шпанската национална ТВЕ, ќе игра против Валенсија.

Флик прокоментира и дека не очекува лесен натпревар против „лилјаците“, тим кој минатата сезона заврши на деветтото место во Ла Лига.

-Се радувам на овој прв натпревар. Валенсија е посебно место. Ќе биде тежок натпревар. Нашите противници покажаа дека играат добар, напаѓачки фудбал, мора да внимаваме на нашите линии... Ќе биде тешко, додаде германскиот тренер на Каталонците

The post Утре нашиот Столе ќе дебитира против Барселона appeared first on Република.

Ливерпул постигна договор за условите на голманот на Валенсија, Гиорги Мамардашвили, пренесува инсајдерот Фабрицио Романо.

Според Романо, 23-годишниот голман на грузиската репрезентација е подготвен да се пресели во таборот на „Црвените од Енфилд“, дури и ако треба да ги помине следните сезони на позајмица во други клубови.

Забележано е дека Ливерпул се уште не се договорил за трансферот со Валенсија.

Мамардашвили игра за Валенсија од јануари 2022 година. За шпанскиот тим одигра 100 натпревари, прими 112 гола и ја зачува 31 пат мрежата „чиста“.

Со евентуалното заминување на Мамардашвили, во Валенсија се отвора можност македонскиот репрезентативец Столе Димитриевски да биде прв голман

The post Нашиот Столе ќе биде прв голман во Валенсија, досегашниот си замина appeared first on Република.

Првото засилување на Валенсија е веќе во градот. Столе Димитриевски овој вторник допатува во градот каде утре ќе го направи последниот лекарски преглед пред потпишувањето на договорот со тимот од Местаља. Договорот е запечатен со недели, иако ќе биде официјализиран во следните неколку часа. Спортскиот директор Мигел Анхел Корона и директорот за комуникации Хозе Мануел Сегара го чекаа во хотелот. „Многу сум среќен и многу задоволен“, беа неговите први зборови по стапнувањето во Валенсија.

Димитриевски (Куманово, Македонија, 1993) пристигнува како слободен играч откако го исполни договорот со Рајо Ваљекано. Голманот, кој штотуку одигра пријателски натпревари со својата репрезентација против Хрватска и Чешка, ќе стане првиот македонски фудбалер во историјата на Валенсија. Клубот Местаља има голман со 69 меѓународни натпревари за својата земја, 127 натпревари во Првата лига и 120 во Втората лига. Валенсија ќе биде петтиот клуб во неговата долга кариера, по периодите во Работнички, Гранада, Настико и Рајо. Димитриевски ќе потпише со Валенсија на две сезони плус две опционално.

The post Столе Димитриевски пристигна во Валенсија appeared first on Република.

Барселона повторно искажа интерес за нашиот голмам Столе Димитривски, пишува бугарски „темаспорт“. Барселона мака мачи со голманите па чуварот на мрежата на Рајо Ваљекано е одлична можност, пишуваат бугарските медиуми.

Доколку се реализира овој транфсер македонскиот репрезентативец бил замена на германскиот чуват Тер Штеген.

The post Бугарски медиуми: Барселона повторно заинтересирана за Димитриевски appeared first on Република.

Раководството на шпанскиот фудбалски прволигаш Рајо Ваљекано му врачи отказ на тренерот Франциско Родригез поради незадоволителни резултати.

Четириесет и петгодишниот Шпанец во јули го презеде тимот од мадридското предградие Ваљекас, предводејќи ги „пчелите“ на 27 натпревари во сите натпреварувања во кои остварија осум победи, девет нерешени и десет порази.

Рајо Ваљекано моментално се наоѓа на 14. место на табелата во Ла Лига со 24 освоени бода. Тимот е на седум бода од зоната за испаѓање откако освои само еден бод во последните пет натпревари.

Прв голман на Рајо Ваљекано е македонскиот репрезентативец Столе Димитриевски

The post Столе Димитриевски остана без тренер appeared first on Република.

Голманот на Рајо Ваљекано, Столе Димитриевски е на списокот на интереси на Севилја и Виљареал, пренесува инсајдерот Фабрицио Романо.

Според Романо, двата клуба сакаат да го ангажираат како слободен играч македонскиот репрезентативен голман. Актуелниот договор на 29-годишниот Димитриевски со Рајо Ваљекано истекува летото 2024 година.

Димитриевски оваа сезона бранеше на 13 натпревари во Примера. Прими 17 гола и шест пати ја зачува мрежата чиста.

Порталот „Трансфермаркт“ ја проценува вредноста на Димитриевски на четири милиони евра.

The post Севилја и Виљареал заинтересирани за Димитриевски appeared first on Република.

Македонскиот репрезентативен голман Столе Димитриевски е прогласен за најдобар играч на синоќешниот натпревар на неговиот тим Рајо Ваљекано и Реал Мадрид.

Средбата заврши без победник 0:0, а Македонецот со неколку одбрани го спаси својот тим од пораз.

Ова беше шести натпревар во тековната сезона на кој Димитриевски ја зачува мрежата „чиста“.

По 12 кола во шпанската Ла Лига, Рајо Ваљекано има 18 бода и се наоѓа на 9. место, Реал Мадрид со 29 бода е втор

The post Столе чиста мрежа: Димитрирвски не прими гол на „Бернабе“ и е прогласен за МВП appeared first on Република.

Македонија, по нерешениот резултат со Италија (1:1), утре ќе одигра уште еден натпревар во квалификациите за пласман на Европското првенство. Во Ла Валета, во Ц-групата, Македонија и гостува на Малта.

Столе Димитриевски поради болка во грбот (повреда здобиена на мечот со Италија) нема да биде во комбинација за настап против Малта на утрешниот натпревар.

Селекторот Благоја Милевски дополнителни го повика Давор Талевски во А селекцијата.

Голманот на Шкендија веќе пристигна во Малта и ќе биде на официјалниот тренинг (19:00 часот) заедно со тимот.

The post Димитиревски нема да брани против Малта appeared first on Република.

Македонскиот репрезентативен голман Столе Димитриевски има две желби пред дуелот со големиот фаворит Италија. Нашиот национален тим да ги победи „аѕурите“, а потоа и да направи селфи со неговиот идол Џанлуиџи Буфон.

„Тоа би била перфектна вечер, да ја победиме Италија и да направам потоа селфи со Џиџи“, вели Димитриевски за „Газета дело Спорт“.

„Буфон е мојот идол. Еднаш играв против него во Торино со Македонија, во октомври 2017 и натпреварот заврши 1:1. Го побарав неговиот дрес, но не го добив, зашто тој го ветил за аукција. Против Италија победивме во Палермо и тоа е победа на која ќе се сеќаваме вечно, не само јас, туку целата држава. Италија беше спакувана да патува за Португалија, но заминавме ние. Стигнавме до неверојатна победа со голот на Трајковски, кој неколку години играше во Палермо. Јас сум оптимист и за претстојниот меч, ќе дадеме сѐ од себе да победиме, иако јасно е дека Италија е фаворит“, истакна Столе Димитриевски.

Натпреварот меѓу Македонија и Италија ќе се игра утревечер, со почеток во 20.45 часот, на арената „Тодор Проески“ во Скопје.

The post Столе Димитриевски има две желби – победа над Италија и селфи со Џиџи Буфон appeared first on Република.

Голманот на македонската фудбалска репрезентација Столе Димитриевски верува дека може да се дојде до позитивен резултат на утрешниот натпревар со Англија.

Мора да го дадеме нашиот максимум на терен и мислам дека ако фокусот ни е на високо ниво, може да извадиме позитивен резултат, а зошто не и да дојдеме до победа. Нормално е дека овој натпревар ни доаѓа близу, по оној по Украина, а се наоѓаме на крајот на сезоната и чувствуваме замор. Но, знам дека ние имаме квалитетна екипа. Мора само да бидеме концентрирани, за да може да дојдеме до посакуваната цел. Имавме перфектни шеесет минути со Украина, но, сепак, мечот трае 90 минути. Немавме концентрација и фокус до крајот на натпреварот и така загубивме. Сега ни следи нов меч, за ново докажување. Мора да имаме подобар фокус, само така можеме до победа или нерешен резултат, изјави Димитриевски.

Натпреварот ќе се игра утревечер од 20:45 часот на „Олд Трафорд“ во Манчестер.

Англичаните се први на табелата во Ц-групата од квалификациите за Еуро 2024, македонската селекција има три бода исто колку и Италија и Украина. Малта е последна без освоен бод.

The post Димитриевски: Ако се фокусираме, можеме и да ја победиме Англија appeared first on Република.

Нашиот голман Столе Димитриевски даде интервју за еден познат поткаст во Шпанија.Таму тој говореше за неговите две големи страсти-кафето и модата.

Па така, голманот на Рајо има скапи парчиња гардероба и кафемат кој чини дури 4000 евра.

Погледнете го видеото.

https://www.youtube.com/watch?v=xuVSBMl_6go&embeds_euri=https%3A%2F%2Fsportmanija.mk%2F&source_ve_path=MjM4NTE&feature=emb_title

The post Столе Димитриевски има кафемат од 4000 евра appeared first on Република.

Рајо Ваљекано синоќа го победи Реал Мадрид со 3-2 а пред крајот на мечот Валверде имаше шанса да му даде гол на нашиот Столе Димитриевски. Но наместо во голот топката заврши кај соседите на тераса.

Погледнете.

The post Падна големиот Реал: Шутот кон Столе заврши кај комшиите на тераса appeared first on Република.

Столе Димитриевски е херојот на Рајо Ваљекано, успеа да ја одбрани својата мрежа на „Камп Ноу“ против Барселона, и тоа го стори вторпат по ред. Со своите одбрани ги излуде Левандовски, Рафиња, Дембеле, Ансу Фати, Обамејанг, кои се обидуваа да постигнат победнички погодок за каталонскиот тим.

Димитриевски направи вистинско спортско чудо. Тој е само четвртиот голман во историјата кој успеал на две гостувања по ред на „Камп Ноу“ да остане несовладан против Барселона. Такво нешто се нема случено буквално половина век, од 1972 година.

Во историјата на шпанскиот фудбал само три голмани пред Димитриевски успеале двапати по ред на „Камп Ноу“ да имаат „мирна мрежа“ против Барселона, и тоа Еснаола со Реал Мадрид во 1967/68 и 1868/69, легендарниот Ирибар со Атлетик Билбао во 1970/71 и 1971/72 и Дуесто со Малага во 1971/72 и 1972/73.

Димитриевски е четвртиот голман, а прв по пауза од половина век.

Извор: Макфудбал.мк

The post Подвигот на Столе Димитриевски се нема случено половина век appeared first on Република.

Откако речиси еден месец ги избегнуваше подготовките на Манчестер Јунајтед, Кристијано Роналдо вчера настапи на подготвителниот натпревар против Рајо Ваљекано и дополнително го налути навивачите на својот клуб.

Мечот заврши 1-1 а на голот на Рајо беше нашиот Столе Димитриевски.

Не само што одигра катастрофално што и не е изненадување ако се знае дека не тренираше со своите соиграчи, туку го напушти Олд Трафорд пред крајот на натпреварот.

Излезе од игра на полувреме, а во 80. минута веќе беше на пат кон дома со што ги понижи своите соиграчи и стручниот штаб.

Дел од навивачите го пречекаа пред стадионот и побараа автограми од него, но оние најзагреаните му се лути поради неговото однесување.

The post Роналдо се налути откако не му даде гол на нашиот Столе Димитриевски appeared first on Република.

Македонскиот репрезентативен голман, Столе Димитриевски најавува максимална борбеност против Португалија во вечерашното финале од плејофот за пласман на Светското првенство 2022.

Наше е да излеземе на „Драгао” и да го дадеме најдоброто од себе. Ништо повеќе, ништо помалку. Овој меч е тоа што го посакувавме цел живот. Го заслуживме и ќе се бориме да го оствариме сонот. Нашиот и на цела Македонија, изјави Димитриевски за „Видеолотарија Касинос Австрија“ партнерот на „црвено-жолтите“.

На својот 54-ти настап во националниот дрес, Димитриевски сигурно ќе биде изложен на огромни искушенија, соочен со налетите на еден од најдобрите фудбалери во историјата на оваа игра, Кристијано Роналдо, меѓутоа и на неговите вонсериски колеги од репрезентацијата како Бруно Фернандеш, Диого Жота, Жоао Феликс…

Ќе биде исклучително тешко. Португалија е една од најсилните светски репрезентации. Имаат неверојатен индивидуален квалитет, покриени се на сите позиции и секако дека влегуваат како фаворити. Треба да го исполниме тоа што од нас го бара селекторот. Секој ја знае својата задача и мора да бидеме максимално фокусирани. Веруваме во себе и ќе излеземе со желба и мотив да испишеме историја за македонскиот фудбал, додаде Димитриевски.

Португалците играат за осми настап на Мундијалите, Македонците за историски, прв.

Натпреварот ќе се игра на „Драгао“ во Порто со почеток во 20 часот и 45 минути.

The post Димитриевски: Ќе се бориме да го оствариме сонот на Македонија appeared first on Република.

Голманот на Македонската фудбалска репрезетанција Столе Димитриевски можеби не доби дипломатски пасош како неговите соиграчи Енис Барди и Александар Трајковски, но доби огромен мурал во родното Куманово.

Уметниците Младен Трендевски и Дејвид Стоилковски од Здружението за ликовна уметност „Форма“, го исцртаа ликот на Димитриевски пред влезот од населбата Перо Чичо.

Како што велат тоа го сториле самоиницијативно и со сопствени финансии со цел да му дадат поддршка на нашиот голман за досегашните, но и идни успеси во националниот дрес.

 

View this post on Instagram

 

A post shared by Форма📍Куманово, Македонија (@formakumanovo)

The post Столе Димитриевски доби мурал во родното Куманово appeared first on Република.

И покрај онаа специфична грешка на дуелот со Италија во Палермо, Столе Димитриевски се издвои како еден од најдобрите поединци во националниот тим во историската победа над актуелниот европски шампион.

Голманот на Рајо Ваљекано потоа беше и тоа како сигурен на голот на националниот тим издвојувајќи се и во најдобриот тим на полуфиналните бараж пресметки за СП 2022. Сето тоа носи дополнителен мотив кај Димитриевски за финалната пресметка со Португалија…

„Запишавме уште еден неверојатен натпревар за историјата на македонскиот фудбал. По оној триумф над Германија во квалификациите, сега е победен и европскиот шампион Италија. Па, ако ја победиме и Португалија нека дојде потоа само уште Бразил и нека ни ја дадат светската шампионска титула“ – вели низ шега и Димитриевски, дополнувајќи дека еуфоријата после Палермо е завршена и сега мора максимално концентрирано кон дуелот во Порто.

„Нарадот нека се радува, но ние мора да продолжиме со максималната подготовка. Знаеме дека Португалија е голем фаворит, но знам дека повторно ќе бидеме подготвени и ќе го дадеме и последниот атом од силата да дојдеме до уште еден успех“.

The post Димитриевски: Ако ја победиме Португалија, нека дојде уште Бразил па нека ни ја дадат титулата! appeared first on Република.

Голманот на фудбалската репрезентација на Македонија, Столе Димитриевски,  преку две објави на Твитер даде одговор на прашањето што си го поставуваа Македонците по промената на името на нивната татковина Република Македонија наспроти волјата на две третини од избирачите.

World Cup Playoff! 🏆💪
🇮🇹🆚🇲🇰 Let’s go @ffmmkd!!!#MatchDay 🔛🔥⚽ #SD1️⃣ pic.twitter.com/IR8mrlHRwl

— Stole Dimitrievski (@Dimitrievski1) March 24, 2022

NO WORDS! 🇲🇰
MAKEDONIJA ❤💛 pic.twitter.com/YIkzn4g1GR

— Stole Dimitrievski (@Dimitrievski1) March 25, 2022

The post Голманот Столе Димитриевски: „Без зборови! Македонија“ appeared first on Република.