Вардар следната сезона нема да игра во Лигата на шампионите, по одлуката на ЕХФ дека не може да биде дел од елитата поради заостанати долгови. Капитенот Стојанче Стоилов откри дека е разочаран од одлуката, но уверен е дека ќе биде преброден и овој лош период.

„Разочаран сум од одлуката на ЕХФ, сите сме шокирани. Не се свесни каква е ситуацијата во клубот кај нас. Бездушно не казнија кога долговите беа при крај и се беше исчистено. Токму кога застанавме на нозе по неколку тешки години по титули во ЛШ, оваа одлука на ЕХФ, не враќа назад“.

„Како што кажа и Михајло, не сакаме да нагаѓаме, но и претходно имаа можност да не казнат, но ова сега е некоја чудна казна. Јас гледам субјективно, овде сум долго и ќе останам до крај, ќе поминеме низ ова. Се надевам дека Михајло нема наскоро да си замине и ќе остане со нас. Сепак е во право за она што го збори, дека е во години, дека сака мирен живот, но Вардар се уште не е доспасен за тој да не напушти, потребен ни е“.

„Еве јас да пренесам еден апел…. не беше одамна кога освојувавме титули во ЛШ, во тешка ситуација во клубот. Успесите брзо се забораваат од ЕХФ. Вардар не смее да згасне, иако имаше ветена помош, ништо од тоа. Знаат добро дека беше тешка ситуацијата, пандемија, војна, но сепак чудна беше одлуката на ЕХФ. Не играме во ЛШ и тоа е чекор назад за нас. Михајло рече ќе обезбедиме уште некој играч за да бидеме конкурентни за домашното првенство“, порача Столе Стоилов.

The post Стоилов: Многу сум разочаран од ЕХФ, бездушно не казнија! Ќе го поминеме и ова! appeared first on Република.

Големиот триумф над Чешка воедно беше и последен репрезентативен натпревар за Стојанче Стоилов.

„Сакам да најавам крај на репрезентативната кариера. Ми беше чест и задоволство 15 години да бидам тука, со гордост да го носам овој дрес. Има толку многу имиња што треба да се набројат… ќе почнам од Кире, фалати за се, за се што направивме и не успеавме да направиме. Исто и Миркуловски, кој го остави здравјето играјќи за Македонија. Тоа е причина и за мојата одлука, чувствувам дека телото веќе не ми ги издржува сите овие напори. Фала на цела македонска јавност, ми беше чест да играм за оваа репрезентација“, изјави Стоилов.

The post Стоилов најави крај на репрезентативната кариера: Со гордост го носев овој дрес appeared first on Република.

Капитенот на актуелниот ракометен шампион Вардар, Стојане Стоилов, вели дека овој пораз од Веспрем е „тежок“, но реваншот во Унгарија нема да биде само формалност.

„Сакам да му честитам на Веспрем. Се случува, игравме добро само на стартот, нивните голмани бранеа неверојатно, паднавме на самодоверба. Веспрем е фаворит, ние не успеавме да ги изненадиме. Сепак, ова е ракомет и одиме максимално на реваншот во Унгарија. Се надевам ќе одиграме подобро“, изјави Стоилов.

Реваншот меѓу Веспрем и Вардар се игра на 6 април.

The post Стоилов: Oдиме максимално на реваншот, се надевам дека ќе одиграме подобро appeared first on Република.

Денеска македонската ракометна репрезентација на ЕП ќе игра без Стојанче Стоилов, кој на последното тестирање доби позитивен тест на Ковид-19.

„Се надеваме Столе како еден од лидерите ќе биде во можност да се врати во составот за скоро време“, велат од Ракометната федеранција на Македонија.

Македонија вечерва игра против Црна Гора

The post Стојанче Стоилов позитивен на Ковид-19 appeared first on Република.