Директорот на Центарот за управување со кризи Стојанче Ангелов денеска изјави дека сите пожари се изгаснати, освен пожарот на териорија на Македонски Брод кој покажува се уште одредена активност. Ангелов упатува и апел до сточарите и земјоделците, од следната недела кога се очекува зголемување на температурите, да бидат внимателни со палењето на стрништа.

- Во Македонски Брод на некои места се уште може да се забележи чадење, а некаде и жешки точки. Овој пожар се одвива во два крака. Првиот крак во насока на селото Тажево и селото Брезница, вториот крак во насока на ловиштето Јасен. Утрово се испратени два полициски хеликоптери кои што го надгледуваат теренот и дејствуваат врз сите точки кои што покажуваат чадење или горење, изјави Ангелов.

Тој додаде дека на локалните пожарникари од Македонски Брод денеска им помагаат 40 припадници на Армијата, како и 30 припадници на полицијата. Од страна на ловиштето Јасен во гаснењето помагаат и вработените во ловиштето.

Ангелов информираше дека од страна на УХМР се известени дека од понеделник се очекува зголемување на температурата.

-Од тие причини апелирам до сите македонски граѓани, посебно до сточарите и земјоделците, да бидат исклучително внимателни да не предизвикаат пожар. Апелирам до земјоделците и сточарите да не ги палат своите стрништа и пасишта бидејќи можат да предизвикаат пожар, кој што покрај голема материјална штета, голема еколошка штета, може да загрози и човечки животи. Благодарност до сите оние кои овие денови учествуваа во гаснењето на пожарите, додаде Ангелов.

The post Ангелов: Активен само пожарот во Македонски Брод appeared first on Република.

Пожарот кој што денеска околу пладне избувна кај границата со Грција, помеѓу Богданци и Дојран, дефинитивно е изгаснат, извести директорот на ЦУК, Стојанче Ангелов.

– Во текот на ноќта претставник на Дирекцијата за заштита и спасување, како и локален тим на пожарникари ќе останат на лице место, да внимаваат да не дојде до горење. Доколку утре дојде до повторно разгорување на оганот, два ер-трактори на ДЗС се подготвени за дејство, изјави Ангелов.

Како што објасни претходно директорот на ЦУК, пожарот се наоѓа на линија на фронтот од Првата светска војна и се слушнале повеќе од 20 детонации.

https://www.youtube.com/watch?v=GS1RMTn9vIc

The post Изгаснат пожарот кај Дојран во кој експлодираа гранати од Прва светска војна appeared first on Република.

Стојанче Ангелов, директорот на Центарот за управување на кризи, денеска алармираше дека во кањонот Матка над браната има нестабилна карпа со тежина од 20 тони на висина од 100-тина метри. Таа може во секое време да се излизга и да падне во водата, но и да повлече со себе лавина од други карпи и камења кои би можеле да го загрозат ѕидот на хидроелектраната.

ЕВН Електрани веќе биле предупредени од алпинистите дека карпата е во нестабилна состојба.

Долга е од 6 до 8 метри кубни и тежи 20 тони, на висина од 100 метри. При лизгањето постои можност да биде предизвикана лавина од други камења кои би паднале во близина на ѕидот, но ние дополнително сакаме да ги провериме ваквите податоци. Падот би бил во непосредна близина на испустот. Карпата се наоѓа на самиот врв од гребенот, изјави Ангелов.

Директорот на ЦУК додаде дека карпата може таму да остане уште 100 години, но должност на центарот кој тој го води е да ги извести релевантните институции.

Нема место за кревање паника, но ја известуваме компанијата со чамците местото да не го користат блиску до браната. Ризикот е многу мал, но сакаме да делуваме превентивно, да не се користи овој дел од ѕидот на браната, истакна Ангелов.

Тој додаде дека од набљудувањето е заклучено дека карпата изгледа како да ја држи само триење, а ќе следува набљудување со дронови, по што институциите би излегле со конкретни мерки.

The post Ангелов: Карпа од 20 тони и се заканува на браната на Матка appeared first on Република.