„СДС/ДУИ го потврди пресот од петокот дека цел викенд никаде ќе ги нема, поважен е викендот и партиските функции од катастрофата во Хирургија“, вели Наум Стоилковски, портпарол на ВМРО-ДПМНЕ и додава:

Доколку некаде ја видите д-р. Маја Манолева од СДС, потсетете ја дека е заменик министер за здравство! И прашајте ја дали е ова „нема откажување од иднината“ за кое водеше кампања два месеци? Или дали семејните бизниси, од приватно здравство до трговија со струја се поважни во моментов од Хирургија и колапсот на здравствениот систем? Д-р. Маја Манолева, заменик министер и потпретседател на лекарската комора, никаде ја нема. И уште едно прашање, дали таа ветува заштита на оние 12 директори кои функционираат на Хирургија и молчат пред проблемите?

Здравството тоне, проблемот со Хирургија и уште повеќе немањето волја брзо да се реши не може да се исклучи од аспектот за намерно рушење, односно мини државен удар во здравството.

Оттука, ќе поставам и прашања и до исчезнатиот министер Илир Демири, и до заменичката Маја Манолева, дали се работи за санација која би вредела 120.000 евра? Дали заради 120.000 евра, се создаде колапс на сиот здравствен систем? Каде е сега претприемачкиот дух на ДУИ, каде е претприемачкиот дух на семејството на Али Ахмети, или тој важи само за трговски центри и бизниси со енергенси?

Дали СДС/ДУИ свесно креираа проблем којшто го уништи столбот на терцијалното здравство, Хирургија, 12 оддели се исклучени, а нив никаде ги нема, вклучително и директорите, вклучително и оние Заеднички служби, вклучително и економскиот директор и администраторите кои заминаа на Азурен брег?

Почитувани, ова е срамно, недостоинствено, и над се неетички и нехумано. Трета недела нема никаков план за решавање на проблемот на хирургија, ниту пак некакви решенија се понудени.

12-те директори на оддели кои функционираат на Хирургија се уште немаат доблест да излезат во јавност и да проговорат за проблемите и за тоа колку пациенти со тешка медицинска состојба се оставени на чекање.

Одговорност ќе има, а неа нема да ја сноси повторно некој кабел!

The post Стоилковски: Доколку некаде ја видите д-р. Маја Манолева од СДС, потсетете ја дека е заменик министер за здравство! И прашајте ја дали е ова „нема откажување од иднината“ за кое водеше кампања два месеци? appeared first on Република.

15 дена растурените СДС и ДУИ повеќе се посветуваат на спас на партиски функции отколку што се грижат за пациентите кои ги враќаат од Хирургија и за колапсот на здравствениот систем којшто го предизвикаа со нивната негрижа и лакомост за провизии.

Најголем број директори и раководители од 12-те оддели на Хирургија се на функција по седум години, исто толку години колку што СДС/ДУИ во здравството гледаа златна кокошка, наместо систем за заштита на здравјето на народот.

15 дена нема абер од надминување на состојбата на Хирургија, темелот на системот и сржта на терцијалното здравство, а тоа предизвика хаос на сите здравствени установи, и државни и приватни.

До сега можеше барем да се обзнани колку би чинела санацијата, но веројатно уште нема таков план.

Оттука, ги повикувам сите 12 раководители на Хирургија, да не се кријат од јавноста, туку одговорно да излезат јавно да кажат колку операции и зафати се откажани, одбиени, препратени од Хирургија во овие 15 дена, и колкава опасност и штета предизвикува системот на компримиран воздух, додека економскиот директор шета на Азурен брег со други од администрацијата, а министерот се крие.

Д-р. Александар Трајановски директорот, да каже колку пациенти се вратени, одложени, препратени од ТОАРИЛУЦ?

Д-р. Софија Пејкова директор на пластична хирургија да соопшти бројка на пациенти кои се вратени или препратени да создаваат хаос во други болници.

Д-р. Зоран Караџов да излезе јавно да соопшти за бројот на пациенти од абдомен кои останаа без помош на Хирургија.

Директорот д-р. Сашо Дохчев за тоа колку пациенти се вратени или чекаат на Урологија.

Д-р. Александар Жупановски да излезе за состојбата со вратени пациенти за операции од Неврохирургија.

Директорот д-р. Неџат Јакупи на Торакална, да каже колкумина пациенти биле на листата за операции за минатите 15 дена. Директорката на Детската хирургија, д-р. Славица Литајковска за деца-пациенти, дали се оперирани со посебен потпис за одговорност на родителите?

Јавно да излезе д-р. Далип Јахија за состојбата со пациенти на Ортопедија кои чекаат операција.

Д-р. Никола Брзанов да каже колку пациенти се препраќани, или можеби враќани од Ургентен.

Илир Хасани, директорот наместо да се расправа со спикерката на албанскиот парламент, да излезе за состојбите на Траума поврзани со неработењето на салите за операција особено што беше и заменик министер на Филипче

Директорката Маја Мојсова да каже за состојбата на КАРИЛ, дали ќе издржат надворешните системи ама и кога ќе има услови за да почне реновирањето потпишано пред скоро 4 месеци?

И во нивниот настап секако да има став и за заеднички служби и за министерот, и секако зошто не се избориле, односно дозволиле распад на Клиниката?

Докторската и раководната титула не е само борба за плата, туку и борба за подобри услови за пациентите.

Белиот мантил не носи само привилегии и титула, туку и одговорност пред пациенти, особено ако се прифати и директорска раководна позиција.

Молкот е повеќе од срамен и е на ниво на соучество.

The post Стоилковски: 12 директори на Хирургија да кажат колку операции и зафати се откажани во овие 15 дена, додека министерот се крие appeared first on Република.

Во Македонија можеби се одвива најтежок заговор против изборите со можна злоупотреба на најмалку две високи државни институции, Претседател на држава и Агенцијата за разузнавање.

Пендаровски да не се крие зад закани со тужби, веднаш да каже што договарал со Асаф Еисин на Бихаќка и со кои пари тој е платен?

Постои основано сомневање дека делува мрежа за фалсификување на документи и лажни вести кои веќе се употребуваат против ВМРО-ДПМНЕ, а зад ова седат Стево Пендаровски, неговиот директор на разузнавање Еролд Муслиу како и поранешниот разузнувач и сега генерален секретар Миле Зечевиќ, како и мешетарот Асаф Еисин.

Следејќи ги фактите, веројатноста е дека посредник е Миле Зечевиќ, поранешен разузнавач, сега генерален секретар на СДС, а главни одобрувачи и добавувачи се  Стево Пендаровски, поранешен полициски службеник, се уште  претседател на држава и кандидат на СДС за претседател, а вклучен е и Еролд Муслиу, лице од доверба на Пендаровски, поставен од него за директор на Агенцијата за разузнавање.

Во јавноста се лиферувани фалсификувани документи, со фалсификувани потписи, што е кривично дело, а со цел за оцрнување на ВМРО-ДПМНЕ и со цел против изборите. Вакви зафати се дел од понудата на Асаф Еисин, консултант на СДС и на Пендаровски.

За да биде појасно, еве ја шемата зад мене.

Потсетувам, Асаф Еисин бил консулстант ангажиран од социјалдемократите, наведе Пендаровски сам.

Неговиот кабинет за медиумите дополнува: партијата која го поддржува на претстојните избори ја организирала оваа средба – велат самите во допис за медиумите.

Вака одговараат за средба со Асаф Еисин од Кабинетот на Пендаровски:

„Во однос на лицето за кое прашувате, претседателот Пендаровски и соработниците го имаат сретнато лицето во својство на консултант на Социјалдемократскиот сојуз на Македонија на средба која ја имаше организирано таа политичка партија која и формално му ја има дадено поддршката за претседателот Пендаровски за претстојните избори".

Ова ја потврдува шемата, Зечевиќ посредник, Пендаровски и Муслиу одобрувачи и добавувачи.

Еисин креатор на фалсификати и лажни вести, својствени на групата на која припаѓа водена од Тал Ханан.

Сето тоа се доставува до близок медиум којшто заради свои интереси нуди плашт да затскрие извор со термин „свиркач“ , а СДС потоа презема и води црна кампања врз медиумски производ, со што се крие како извор на фалсификатот.

Почитувани, во интерес на вистината ќе потсетам, лиферувани се фалсификувани документи, на коишто освен логото на ВМРО-ДПМНЕ, се впишувани лажни информации, впишувани дати за кои е познато дека имало партиски состанок од којшто е дадена изјава за медиумите, а потоа се злоупотребени имиња на лица познати во јавноста, впишани им се фалсификувани потписи, а впишано е и име на лице коешто воопшто не постои, а веројатно има и потпис од непостоечкото лице.

Сето ова е кривично дело.

И СДС и медиумите соработници на СДС, соработуваат во кривичното дело, градат приказна против изборите на фалсификувани документи. И притоа, за тоа се свесни.

Оттука, посочувам на шемата, Асаф Еисин водач на кампањата со фалсификувани документи, Миле Зечевиќ посредник, Пендаровски и Муслиу одобрувачи и добавувачи.

И главното прашање од кое Пендаровски не смее ниту час повеќе да бега од одговор:

Што разговарале со Асаф Еисин, консултантот, ангажиран од СДС? Што барал Пендаровски и соработниците, како што соопшти кабинетот, на средба со Асаф Еисин, освен ако не е терање кампања за Пендаровски?

Прашал ли Пендаровски, со кои пари Асаф е платен, дали има потпишано договор СДС со Асаф Еисин, пред да седне со него, а според соопштението е запознаен дека Асаф е ангажиран?

Знае ли Пендаровски со кои пари е плаќан Еисин и дали се тоа парите од еден странски конзул којшто добива огромни тендери од РЕК Битола?

И конечно, ќе сфати ли Пендаровски дека фалсификување и лажење не се замена за неработата и не се замена за единствена понуда, а тоа е менување ставови согласно потребите на СДС?

ЗАТОА, Пендаровски да не се крие зад закани со тужби, веднаш да признае што се договарал со Асаф Еисин на Бихаќка и дали прашал со кои пари е платен Еисин пред да седне на состанок и да договара и одобрува акции?

Портпаролот на ВМРО-ДПМНЕ, Наум Стоилковски денеска беше запрашан од новинарите за коментар во врска со најновиот криминал, односно случајот каде што наводен лажен вработен во АНБ рекетирал бизнисмен во Скопје.

Вистинско прашање, вели Стоилковски, е кој бизнисмен би дал 180.000 евра на некој кој што само се претставува како вработен во АНБ, верува ли некој во првичното соопштение на ЈО, дека рекетарот само лажно се претставувал?

„Како рекетарот го убедил бизнисменот дека има врска со АНБ, за да нема друг избор и да му даде 180.000 евра во пари, накит и автомобили? И тука доаѓаме до следното, каде требало да завршат парите? Дали рекетарот се претставувал во име на Заре Милошевски, директор на АНБ и Миле Зечевиќ? Влетува ли и АНБ во листата институции поврзани со Асаф Еисин и фалсификување на документи и фалсификување на потписи? Дали овие 180.000 евра изрекетирани од бизнисмен од Скопје требало да завршат кај Асаф Еисин за ангажманот за СДС? Дали и рекетираните пари во име на АНБ, требале да завршат кај Асаф Еисин“, прашува Стоилковски додавајќи дека ова се случува во време кога нема одговор за злоупотреба на Агенцијата за разузнавање на Еролд Муслиу, за потребите на црната кампања на Асаф Еисин за Пендаровски и за СДС со фалсификување документи против ВМРО-ДПМНЕ.

Стоилковски посочува дека ова е доказ зошто СДС мора да си замине од власт, никој не е безбеден со оваа криминална власт.

„Потребни се итни промени. Време е народот да си ја врати државата во свои раце. Македонија повторно ќе биде во рацете на граѓаните. Иднината е во рацете на народот“, посочи Стоилковски.

Наум Стоилковски, портпарол на ВМРО-ДПМНЕ

The post Стоилковски: Пендаровски да не се крие зад закани со тужби appeared first on Република.

Омилениот приврзок на СДС и ДУИ Данела Арсовска донесе скандалозна одлука против својот народ, против скопјани и против градоначалниците и општините кои се борат за градба градинки, училишта и спортски објекти.

Имено продолжената рака на СДС и ДУИ Арсовска донесе скандалозни решенија за запирање на процесот на градба преку ослободување на плаќање на надоместок на две градинки, две основни училишта и еден спортски објект.

Иако советот на Град Скопје донесе одлука за ослободување, приврзокот на СДС И ДУИ, Арсовска донесе одлука за поништување на одлуката за надоместок за градбата на две основни училишта, две градинки и спортски комплекс.

Јавноста треба да знае дека градоначалникот со партија поклонете од СДС и Зечевиќ донесе одлука за поништување на одлуките за:

Ослободување од плаќање на надоместок за изградба на ОУ Крсте Мисирков во Гази Баба

Ослободување од плаќање на надоместок за доградба на ОУ Блаже Коневски во Аеродром

Ослободување од плаќање на надоместок за доградба на градинката Весели Цветови во Кисела Вода

Ослободување од плаќање на надоместок за доградба и надградба на градинката Изворче во Аеродром.

Ослободување од плаќање на надоместок за изградба на затворено спортско игралиште во Пинтија Кисела Вода.

Причината за ова ја гледаме во политичкиот мотив на Арсовска да ја продолжи праксата на менторите од СДС на блокада на општините, овој пат на Општините Гази Баба Боби Стефковски, Кисела Вода Орце Ѓорѓиевски и Аеродром Тимчо Муцунски.

Скопјани мора да знаат дека нема да имаат градинки и училишта затоа што Арсовска, која делува како продолжена рака на СДС и ДУИ ги казнува скопјани поради политички причини.

Арсовска врати:
Единствена причина поради која се блокира градба на две градинки, две училишта и спортска сала е неписменоста на советниците на ДПМНЕ во Град Скопје. Жалиме што неписменоста на ДПМНЕ се рефлектира континуирано врз секојдневниот живот на граѓаните на градот Скопје, кои нема да добијат нови училишта и градинки бидејќи советниците на ДПМНЕ во Град Скопје се уште не знаат да напишат предлог-одлука која ќе биде спроведлива и во согласност со Законот.

Градот Скопје апелира до ДПМНЕ да престанат да се бламираат во јавност. Доволно е што веќе јавноста е жртва на нивната неписменост и некомпетентност.

Училиштата и градинките кои се финансирани од Владата на Р.Македонија ќе се градат кога за тоа Советот ќе донесе законски и спроведливи одлуки кои нема да бидат во спротивност со член 50 став (1) точка 6, член 62 став (3) од Законот за локалната самоуправа, член 59 од Законот за градење и член 114 од Деловникот на Советот на Град Скопје.

The post Стоилковски: Арсовска блокираше градба на две градинки, две училишта и спортска сала поради тоа што се градат од градоначалници на ВМРО-ДПМНЕ appeared first on Република.

Директорот на ЦСР од Радовиш, Александар Филев кој што е од СДС, и којшто пред 20 дена во Штип беше уапсен заради трговија со дрога, на 8 март бил уапсен заради алкохолизам и насилство врз полицајци среде полициска станица.

Истиот дирекот на ЦСР Радовиш, истиот Филев од Радовиш, пред само 20 дена во Штип беше уапсен од полиција за недозволена трговија со дрога, а кај него била најдена опојна дрога.

Почитувани Александар Филев е директор на ЦСР од декември 2023-та година, по избор на Јована Тренчевска функционер од СДС и по избор на СДС чијшто член и поддржувач е Филев.

Ова е втор тежок инцидент на Филев, Директор на ЦСР Радовиш за два месеци. Во неполни 20 дена, Александар Филев директор од СДС, е апсен, прво заради дрога, втор пат алкохолизиран и нападнал полицајци среде полициска станица.

Ова е срамно. Едно е дали СДС има потреба од ликови како Филев со кои можеби сака да врши изборен поткуп и злоупотреба на ЦСР, но ЦСР е пресериозна институција и со неа да раководи човек апсен со дрога или алкохолизиран насилник, па дури и да е од СДС и во предизборен период.

Оттука, во интерес на зачувување на дигнитетот на Центрите за СР, во интерес на лицата коишто користат услуги на ЦСР, но и во интерес на Македонија, го повикуваме Министерството за труд и социјални работи, под итно да преземе соодветни мерки и да го разреши и отстрани Александар Филев од ЦСР Радовиш до расчистување на случаите.

Ниеден процес како Техничка влада или изборни правила не смее да е над правата на корисниците на услугите на Ц-те за СР, но и вработените во ЦСР, да бидат водени и одлуки за нив да носи лице со проблеми со зависности од дрога и алкохол како што е можно да е Александар Филев од СДС Радовиш.

Никогаш не било полошо, време е за промена”, вели Стоилковски, портпарол на ВМРО-ДПМНЕ.

The post Стоилковски: Во неполни 20 дена Филев директор на ЦСР Радовиш, два пати е апсен, сега пијан нападнал полицајци appeared first on Република.

Во однос на програмата и она што ќе биде понуда, веќе се работи и веќе одржуваме трибини „Платформа за иднина“ под мотото „Важно е“ со кои сметаме дека е важно да ги запознаеме граѓаните со дел од проектите кои ќе бидат темел на програмата на ВМРО-ДПМНЕ, изјави Наум Стоилковски портпарол на ВМРО-ДПМНЕ за „Анализа“ на ТВ24.

– ВМРО-ДПМНЕ постојано е на терен, постојано имаме контакти со граѓаните, се слушаат нивните идеи, нивните желби за промена и надминување на оваа состојба на постојани порази на секој еден чекор во државата, истакна Стоилковски.

Во однос на каква кампања ќе се води, Стоилковски нагласи дека ВМРО-ДПМНЕ ќе води позитивна кампања затоа што граѓаните очекуваат претставување на проекти за иднината, а кај СДС гледаме само црна кампања на што се темели нивната работа.

– Во однос на реториката, жалам што Кузеска не си го отворила сајтот на партијата да види какви пораки се испраќаат таму, црната кампања е она на што се темели досегашната нивна работа. Она што граѓаните го очекуваат е позитивна кампања, претставување на проекти, планови идеи за иднината, граѓаните треба да слушнат што она што ќе ги очекува во иднина кон победите. Ако имаш критика кон власта кон криминалот на власта, ако не се согласуваш со нивното делување те оцрнуваат дека си анти ЕУ што е лага, а ако кажеш за криминалите на ДУИ за кои СДС молчи тогаш си анти Албанец. Се гледа како ќе се движи реториката од таа страна, потенцираше Стоилковски.

Стоилковски исто така посочи дека очекува СДС на овие избори да излезат со спотови за автопатот Кичево Охрид кој два пати го најавија а не го завршија, или за фабриката за електрични автомобили во Тетово, или спот кај железницата до аеродромот во Скопје што ја ветуваа, проекти кои не ги остварија.

The post ВМРО-ДПМНЕ на граѓаните им нуди проекти и идеи важни за иднината, додека СДС се што нуди е црна кампања и лаги appeared first on Република.

Лукаревска преку УЈП признава дека им се случил криминал од над 22 милиони евра пред нос и дека ништо не преземале, истакна на денешната прес-конференција портпаролот на ВМРО-ДПМНЕ Наум Стоилковски.

Лукаревска јавно вели дека на адреси на фирмите нема складишта, нема магацини, нема ништо, ама затоа, им ја признава трговијата и ги става на листа на должници?

По кој основ фирмите Актико, потоа Окитна и Хантонос, потоа Хант Осој се на листа на должници?

И тука има две огромни неодговорени прашања:

1.Доколку немало поврат на ДДВ, туку парите се за “аконтација” за “во иднина”; зошто УЈП после година и пол ги става на листа на должници Актико/Окитна и потоа Хантонос/Хант Осој? Како УЈП им пресметала даночен долг, ако нема пристап до деловните книги? За што треба да се наплати данок од 11 односно 12.2 милиони евра? Дали УЈП признава фиктивна трговија на овие две фирми, на “празна ливада”, а нема увид во книгите и тоа јасно го покажуваат извештаите од надворешната контрола на УЈП направена после цела година од продажбата на фирмите и година и пол по трговијата на овие фирми?

2.Зошто за Актико/Окитна и за Хантонос/Хант Осој нема предмет до ОЈО, тука има јасен организиран криминал?

Дури и во извештаите стои дека има сомнеж за други казниви дела. Законот е јасен, ова е криминал што опфаќа повеќе делови од Кривичниот закон како Член 60-а за даночна пријава со лажни податоци заради имотна корист, до член 378 за фалсификувани исправи. И ова било должност и пракса на УЈП.

Почитувани

Зошто Лукаревска не поднесе кривична, туку фирмите ги става на листа на должници?

Верувам дека во УЈП точно знаат за што зборам, и добро е некој да и одржи обука на Сања Лукаревска.

Почитувани криминал од 22 милиони евра се случува пред нос на Лукаревска. И тоа од исти ликови поврзани со криминален поврат на ДДВ во 2020 година.

Никогаш не било полошо, Важно е да ги поразиме, порача Стоилковски.

https://www.youtube.com/watch?v=vZ6-2PIyWYc&embeds_referring_euri=https%3A%2F%2Fkurir.mk%2F&source_ve_path=MjM4NTE&feature=emb_title

The post Стоилковски: Зошто Лукаревска не поднесе кривична пријава, туку фирмите ги става на листа на должници? appeared first on Република.

Заради ненавремени исплати и заради негирање на постоечки долг од 1.5 милиони евра од страна на Данела Арсовска, 1.5 милиони денари ќе треба да се исплати од страна на ЈСП кон приватните превозници, истакна Наум Стоилковски, портпарол на ВМРО-ДПМНЕ.

-Со одлука на суд, спротивно на тврдењата на Арсовска дека нема долг на ЈСП кон приватниците, сега ЈСП кое и онака е во колапс, ќе треба да исплати високи затезни камати за долг од 1.5 милиони евра.

Математиката покажува еден милион и 200 илјади денари за затезни камати зголемени за 10% и околу 300 илјади за судски трошоци и надоместоци, вкупно 1.5 милиони денари!

За потсетување Арсовска лани негираше дека има долг кон приватните превозници од 1.5 милиони евра, кои почнаа со штрајк и блокади, за потоа во март годинава Арсовска да направи договор со приватните превозници за исплата на долгот од 1.5 милиони евра, но и да го сокрие договорот за исплата на долгот.

Прашањето на коешто Арсовска сега треба да одговори е дали дополнителната исплата на камати од 1.5 милиони денари можеше да биде спречена доколку се исплатеше побаруваниот долг кога приватниците ги побараа?

Но и дали постои таен договор, на овој начин да се исплаќаат дополнителни камати за неисплатените фактури кон приватните превозници, со што се оштетува буџетот на Град Скопје?

1.5 милиони денари за казни кога се бара спас и постојани финансиски инјекции за ЈСП, а граѓаните не добиваат подобри, или пак никакви услуги?

Со вакви неразумни зафати и со бегање од вистината, Данела Арсовска системски го уништува ЈСП.

И наместо „Модерно Скопје“, Данела Арсовска ги уништува јавните претпријатија со туркање во долгови и со креирање ситуации за казни, затезни камати, за тужби и судски трошоци, додава Стоилковски.

https://www.youtube.com/watch?v=D6b0X7gHCsA

The post Стоилковски: 1.5 милиони денари затезни камати и судски трошоци ќе плаќа ЈСП затоа што Данела Арсовска не го признаваше долгот кон приватните превозници appeared first on Република.

Наместо по должност да отвори очигледен предмет за Државна Лотарија, ЈО со Љубомир Јовески повторно молчи и се крие, надевајќи се дека ДУИ ќе го донесе Јовески за Уставен судија, а СДС ќе остане уште некој ден на власт. ЈО со Љубомир Јовески е најголемиот срам за Македонија. ЈО со Јовески наместо да гони криминалци, молкум одобрува криминал, а кога е повикано се крие зад други институции, посочува портпаролот на ВМРО-ДПМНЕ, Наум Стоилковски.

Молкум газејќи го правото за случајот Лотарија, ЈО Јовески уште еднаш покажува дека е само и само во функција да не падне владата на ДУИ со СДС. Милионски и милионски скандали и криминалии се поврзани со ДУИ, Ахмети и Груби, а ЈО со Јовески никаде ги нема! Случајот Лотарија, каде директор најмува од фирма каде е ангажиран член на УО на Лотарија, двајцата од кабинетот на Груби, случајот каде фирма од кланот Зајас за 5 месеци постоење стигнува до 2.6 милиони евра, е класичен школски предмет за Јавен Обвинител. Ама не и за послушникот Јовески и не за Ислам Абази од Зајас, вели тој.

Стоилковски посочи дека ќе следува одговорност.

За нив нема предмет ни за дуќани во Скопје, ни за Соравија, ни за хотел на Шапка, ни за Лотарија, нема предмети за ништо поврзано со ДУИ. Да потсетам, одговорност од одговорно лице се бара за постапување спротивно на она што е должност, но и за непостапување според должноста. Наместо нова функција ќе следува лична одговорност за постапување или непостапување, истакна тој.

https://www.youtube.com/watch?v=Uqwj-Pkmjuk

The post Стоилковски: Случајот Лотарија е школски пример за криминал на ДУИ, само не за послушникот Јовески и Абази од Зајас! appeared first on Република.

Очекувано, наместо итна акција на ЈО и институциите за скандалот Лотарија, тие си ја префрлаат топката меѓу себе, оставајќи простор за забошотување, влијанија и сокривање на криминалот и корупцијата. Да потсетам накусо, Перпарим Бајрами, директорот на Лотарија, за 2.6 милиони евра изнајмува простор од фирма каде удел има и Шабан Азмовски Хамза, член на УО на Лотарија, а двајцата се дојдени од министерството на Артан Груби! Чист случај на корупција, чист предмет за ЈО!, истакна Наум Стоилковски, портпарол на ВМРО-ДПМНЕ.
-Но, ЈО како одговор до „Слободна Европа“, меѓународен американски медиум којшто работи и пишува серијал на овој случај, вели, цитирам: Доколку Финансиската полиција не постапи, обвинителството ќе оформи предмет!?

Ова потврдува дека ЈО молчи и бега од темата и е во функција да не падне владата!

Зошто ЈО се крие од постапка за Лотарија? Што го спречува ЈО за организиран криминал? Зошто ЈО да чека?

Но, дали зад чекањето и префрлувањето топката се фотографиите на Ислам Абази со ДУИ, или изборот на Јовески за уставен судија?

Или можеби фактот дека зад фирмата ХЕЈ којашто за 6 месеци се основа, купи имот и фати тендер од 2.6 милиони евра, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас?

Ужасни се низите криминалии и корупција поврзани со ДУИ, Артан Груби, Ахмети, кланот од Зајас, а институциите не смеат да писнат!

Злоупотребата на службата се прави и со постапка и со непостапување по опис на службата, и за тоа ќе има одговорност по смена на власта, додава Стоилковски.

https://www.youtube.com/watch?v=Hmv5UAE6WoE

The post Стоилковски: Зошто ЈО се крие од постапка за Лотарија? appeared first on Република.

Втора недела Артан Груби, ДУИ, Ковачевски, Лотарија, немаат одговор за скандалот - како директорот на Лотарија, Перпарим Бајрами изнајмува локал за цели 21.000 евра месечно од фирма чиј што дел е член на УО на Лотарија, Шабан Азмовски, Хамза и тоа со договор на 10 години?

21.000 евра месечно, 10 години, 252.000 годишно, вкупно 2 милиони 520.000 евра. Исто така, за годинава Лотарија предвидела речиси милион евра, над 970.000, за наем и реконструкција на деловен простор, всушност за истиот локал!

И двајцата притоа се дел од кабинетот на Артан Груби во министерството за политички систем!

Шабан Хамза, всушност отвора портал ХЕЈ.МК каде главен условно клиент е Фидан Селими со фирмата „Медиа Девижн 2021“, инаку уште еден вработен во министерството на Артан Груби, со задолженија за рекламирање на ДУИ!

Локалот кој што е изнајмен е од фирмата „ХЕЈ“, на Армин Машовиќ, познат како бизнис партнер со Ерџан Сулкоски, ортакот на зетот на Али Ахмети, Куштрим Смајлај!

Значи тројца вработени кај Артан Груби во бизнис со партнерот на Ерџан Сулкоски, оној којшто Али Ахмети се сеќавате дека нели не го познава!

Ова е чист случај за ЈО за организиран криминал доколку и тој не се поврзува со ДУИ и Али Ахмети!

Тоа што е интересно е дека за овој скандал пишуваше и „Слободна Европа“, домашната канцеларија на странски медиум. Но и тие пишуваат дека не добиле никаков одговор од институциите.

Затоа пак, наместо одговор до медиум и одговор на прозивките од опозицијата, едноставно, го срушиле интернет порталот, да е невидлив за јавноста.

Да потсетам на хронологијата:

„ХЕЈ“ ДООЕЛ е компанија којашто во 5 месеци прави чудо од бизнис. Основана на 02 февруари, на 22 март купува објект од речиси 3.000 квадрати, се пријавува на тендер на Лотарија во мај, и на 5 јули добива договор тежок 2,6 милиони евра!

За пет месеци од формирањето до бизнис тендер од 2,6 милиони евра! Секако, фирмата е на Армин Машовиќ, компанија за консалтинг, маркетинг и за медиумска застапеност.

Порталот ХЕЈ.мк е регистриран еден месец пред фирмата да започне, значи во јануари, од Шабан Азмовски, Хамза, инаку член на Управниот одбор на акционерското друштво на Државна лотарија, и вработен во министерството на Артан Груби!

Најголем огласувач на ХЕЈ.МК е фирмата на Фидан Селими, со информации, и видеа од и за ДУИ, а Фидан Селими со фирмата „Медиа Девижн 2021“, е уште еден вработен во министерството на Артан Груби!

Почитувани,

Тоа е шемата, а ќе ги повторам прашањата кои што досега останаа неодговорени, до Артан Груби, но и до Спасовски, до Грковска, па и Ковачевски кои што мора да одговорат, како тоа Перпарим, директорот од Лотарија најмува простор од фирма каде дел Шабан Хамза, член на Управниот Одбор на Лотарија?

Дали Перпарим од Лотарија ќе каже дали не знаел дека Шабан Азмовски, Хамза го регистрирал името на порталот ХЕЈ на фирмата каде ќе истурат 2,6 милиони евра?

Артан Груби мора да каже како тоа во Лотарија завршиле и Перпарим Бајрами и Шабан Азмовски, Хамза, но и оној со фирмата „Медиа Девижн 2021“, Фидан Селими.

А, Али Ахмети и Димитар Ковачевски мора да одговорат како сите големи државни тендери се вртат околу зетот на Ахмети и неговиот бизнис ортак Ерџан Сулкоски?

И секако СДС мора да одговори до кога молкум ќе слугува на криминалниот клан?

Реакцијата, бришењето на порталот, односно неговото т.н. „Рушење“, покажува нервоза и открива многу повеќе од тоа што се сака да се сокрие.

Институциите мора да почнат да работат, бидејќи да потсетам злоупотреба на службена положба се прави со дејствување ама и со недејствување, односно неработење на тоа што е задачата, вели Стоилковски.

The post Стоилковски: Институциите да не молчат, како директор на Лотарија потпишал договор со фирма каде дел е член на УО на Лотарија? appeared first on Република.

Дали владата со потпис на Артан Груби ја отвори вратата за криминалните пари на бугарското подземје и ја стави Македонија во партнерство со бугарската мафија?, прашува Наум Стоилковски, портпарол на ВМРО-ДПМНЕ.

-По низа толкувања и заобиколувања на законите, владата тивко, со потпис на Артан Груби летово, дозволи отворање нови видео лотарии, односно онлајн коцкање!

Тоа е овој документ со потпис на Артан Груби.

И тоа не за една, туку за три нови онлајн коцкарници, во партнерство со државната лотарија – односно со државата!

Државната лотарија, пак, овој септември распишува оглас во којшто речиси е направен фоторобот на идниот партнер на ДУИ и СДС, и којшто во никој случај не може да биде домашна фирма.

И оттука прашуваме:

Дали фирмата којашто партнерски ќе работи со владата во Македонија е онлајн коцкарницата 8888.бг, од Бугарија?

Дали оваа фирма не е позната како фирма на бугарското подземје, на групацијата на познатиот Васил Бошков, т.н. Черепот, познат на законот во Бугарија, којшто живее во Дубаи?

Зошто се поставени услови кои што ги исклучуваат домашните фирми? И зошто владата дава лиценца на дури 15 години!

Додека владата лаже дека е против коцкање и обложување, додека државата тоне во сиромаштија, ДУИ и СДС повторно влетуваат во партнерство со мафијата, овој пат поврзано токму со коцкарници!, додава Стоилковски.

The post Стоилковски: Дали владата со потпис на Артан Груби ја става Македонија во партнерство со бугарската мафија? appeared first on Република.

СДС и ДУИ даваат 40 милиони евра во три години за лиценци за администрација. Во 2020 година, рекордни 15 милиони евра, сега е срушен рекордот од 26 милиони долари, како аманет од Рашковски, рече на прес-конференција портпаролот на ВМРО-ДПМНЕ, Наум Стоилковски.

-Пари на една фирма, фаворизирана од Драги Рашковски, сега од екипата на Димитар Ковачевски. 40 милиони евра за лиценци, додека системот КАТО на Онкологија е исклучен. 40 милиони евра за една фирма, додека луѓе умираа за Трикафта, а телефонски се собираат донации за лечење. 40 милиони евра за лиценци во истите три години додека нема учебници, 40 милиони евра за лиценци, а нема за плати, за пензии, за земјоделците. За споредба, со 40 милиони евра во три години можеше да се изгради цела нова клиничка болница. Лиценците на владата чинат повеќе од цела клиничка болница Штип! Владата мора да одговори, зошто по само три години, со истата фирма избрана за 15 милиони евра, сега прави договор на 25 милиони евра? Праша Стоилковски.

Расипништвото на СДС нема граници. Договорот за лиценци за безмалку 25 милиони евра, по оние 15 милиони евра пред три години, е потпишан на 1-ви септември, кога без учебници тргна школска година, а во јавноста изби грозоморниот скандал на Онкологија! Само избори се спасот! Порача Стоилковски.

https://www.youtube.com/watch?v=_xdDubJfQAY

The post Стоилковски: Со 40 милиони евра, наместо за лиценци, за три години ќе изградеа нова клиничка болница appeared first on Република.

Злоупотребата на цитостатици и терапија на клиниката за Онкологија е мега криминал со смртни последици, злосторничко здружување за кражба на лекови од пациенти со канцер за продажба на црно. И тоа е невозможно без политичка поддршка и обезбедена неказнивост. Клиниката за Онкологија е единствена во светот што поседува КАТО систем за контрола на терапиите, а што 6 години не го користи, вели Наум Стоилковски, портпарол на ВМРО-ДПМНЕ.

Системот за контрола за дозирање на лековите е исклучен во 2017 година, со доаѓањето на СДС и поставувањето директор на клиниката од Арбен Таравари, тогаш нов министер за здравство. И сега кога грозоморниот скандал изби во јавноста, актуелниот министер, пулен на Таравари, повторно нема одговор зошто КАТО системот е исклучен од употреба, што доведува до логичен заклучок дека тоа е сторено за да може непречено да се спроведува криминалот со смртни последици! И наместо оставка своја и на сета влада, министер за здравство во владата на Димитар Ковачевски во обид да демантира вели “системот не е фрлен во подрум, туку заклучен во соба”. Морбидно, нечовечно, дно за медицинскиот систем, но врв на владеењето на СДС за опстојување на власт, рече тој.

The post Стоилковски: Дали КАТО системот е исклучен за да има криминал со смртни последици, веднаш оставка appeared first on Република.

Наум Стоилковски портпарол на ВМРО-ДПМНЕ во вечерашното гостување во емисијата ЗА или ПРОТИВ на телевизија Алфа потенцираше дека условените оставки од министрите на ДУИ се маркетиншки трик и обид за дефокус од криминалот и корупција на владата на СДС и ДУИ.

Тоа е само уште еден маркетиншки трик добро разработен во ДУИ. Оставките на ДУИ дојдоа во моментот кога над ДУИ падна оној мрачен облак на јавно објавување на криманлиите и криминогените состојби кои треба да ги истражи ЈО. Дали сега некој збори за претприемачкиот дух на младиот од семејството Ахмети кој без еден денар се стекна со огромен процент на сосптвенот на Трговски центар среде Скопје, зборам за случајот Соравија. За Артан Груби односно неговиот несразмерен имот и неговото таложење на имот и покажување на богатсво за кое треба да покаже од кадее потеклото на тие пари, затоа што претходно има поврзаности со други случаи и афери кои што ги објавувавме. И сега никој не збори за младиот Ахмети, никој не збори за Груби, никој не збори за хотелот на Попова Шапка, никој не збори за соседот на Груби кој е сопственик на хотелот на Шапка а потоа му дава автомобил на Груби така на позајмица кој што чини повеќе од тоа што е платено за хотелот. И сега никој не зборува за тоа, сите зборат за условените оставки кои се непозната терминологија условени од министрите на ДУИ, вели Стоилковски и додаде дека криминалот и корупцијата продолжува и понатаму.

А во меѓувреме продолжува да тече криминалот и корупцијата од владата на ДУИ и измеќарите од СДС и Димитар Ковачевски. Значи тие слугуваат на интересите на ДУИ, истакна Стоилковски.

Стоилковски посочи дека ДУИ со ова се обидува да купи ден за својот можен криминал и корупција, а во тој пакет се обидува да ги спаси и СДС, укажувајќи дека поразот им е неминовен.

ДУИ сега се обидува да купи ден повеќе за својот можен криминал и корупција, а во тој пакет се обидува да ги спаси и СДС. Поразот им е пред врата, избори мора да има што побрзо за доброто на Македонија, смета тој се со цел да започне борбата со криминалот и корупцијата.

The post Стоилковски: Оставките на ДУИ се маркетиншки трик и дефокус на нивниот криминал и корупција помогнат од измеќарот Ковачевски appeared first on Република.

Ислам Абази треба да одговори: дали снаата од брат Шпреса Абази работи во АЕК, како советник за одговор на компјутерски инциденти, а претходно била во министерството на Артан Груби?, истакна на денешната прес-конференција портпаролот на ВМРО-ДПМНЕ Наум Стоилковски.

Во продолжение интегрален текст и видео од прес-конференцијата на Стоилковски:

Сепак, Ислам Абази, до толку не смее да отвори уста за ДУИ, што Артан Груби одговара место него дури и за неговото семејство.

Груби во занес на неказнивост за криминал и корупција е во состојба да уверува дека има и двајца Ислам Абази – едниот актуелен јавен обвинител за организиран криминал, а другиот поранешен гостиварски обвинител, член на ДУИ, близок со семејството Ахмети, пријател на Невзат Бејта и неговиот зет Јеток Акику, директор на АЕК, каде работи снаата од брат на овој Ислам Абази, Шпреса Абази која била во министерството на Артан Груби.

Да не е трагично, ќе е смешно. Вака е и трагично и страшно, незнаењето на Артан Груби.

Факт е дека луѓе кога се враќаат на работно место во мирување, за тоа не се распишува оглас.

Факт е и дека Шпреса Абази е на листата вработени кај Груби, полагала тестови, за потоа да се вработи во АЕК, на објавен оглас за работно место во АЕК, советник за одговор на компјутерски инциденти.

Почитувани,

Јасни се низата злоупотреби на позициите, злоупотребата на министерство како агенција за вработување на миленички, снаи, деца, новинари на ДУИ!

Не очекуваме Ислам Абази да одговори, исто како што не одговара за ниедна корупција, ниту злоупотреба од ДУИ!

Очекуваме одговорност по смена на власта!, рече Стоилковски.

https://www.youtube.com/watch?v=Ezqlt2Io7Ak

The post Стоилковски: Абази да одговори дали снаата работи во АЕК, а претходно кај Груби? appeared first on Република.

На денешната прес конференција го честитаме најновиот бизнис на директорот на БЈБ Сашо Тасевски, на чијашто адреса од неодамна има регистрирано компанија поврзана за информатичка технологија и компјутери. Очигледно човекот има многу време, па покрај директорувањето со полицијата, со најважниот инструмент за спречување на криминалот и корупцијата, сега семејно ќе водат и бизнис, изјави Наум Стоилковски, портпарол на ВМРО-ДПМНЕ.

The post Стоилковски: Сашо Тасевски, директорот на БЈБ на домашна адреса има непријавена фирма за трговија со компјутерска технологија appeared first on Република.

Син на висок полициски функционер, но и лично функционерот, според медиумите можно е да се вмешани во напад врз полиција, но и можно е да влијаеле врз менување на факти во записите, ова денеска преку прес-конференција го истакна Наум Стоилковски од ВМРО-ДПМНЕ.

Пред неколку дена, поточно на 3 јуни, пред една скопска дискотека, екипа на ЕБР, извршувајќи задача, фатиле група младинци во раните 20-ти години како се подготвуваат да конзумираат бела прашкаста материја, за која што подоцна, според медиумите е утврдено дека е кокаин! Притоа, на повиците од полицијата младинците дрско одбивале да престанат со тоа што го прават и доаѓа до физички напад од групата кон полицаец, со тоа што, како што се наведува, еден од нив го фаќа полицаецот за врат, а други удираат со тупаници и тоа е документирано! Групата е однесена во полициска станица Карпош во 1 часот 45 минути! И тогаш, се наведува, се заведени приведените четворица, со име и со презиме! Но кривично правниот настан, нападот е заведен дури во 6 часот и 30 минути сабајлето! И во него се споменуваат само три лица, вели Стоилковски.

Тој, воден од многу големи индиции прашува:

· Дали при контролата и потоа за време на нападот бил присутен и синот на директорот на БЈБ Сашо Тасевски? Дали и тој во најмала рака недолично се однесувал кон полицијата?

· Дали веднаш тука се нашол како присутен лично и директорот на БЈБ Сашо Тасевски?

· Дали во периодот од 1 часот и 45 минути па се до 6 часот утрото на 3 јуни, синот и таткото, директорот на БЈБ Сашо Тасевски и синот, правеле притисок врз полицијата и полициската станица Карпош, прво, да не биде запишан синот, а потоа и да се менува записникот од листата на приведените, учесниците во нападот врз полицијата?

„Зошто дури 5 часа од времето на лишување од слобода и носење во полициската станица Карпош оставајќи доволно простор за сомневање се прави новиот извештај и се остава простор да се мисли дека се злоупотребени полициските овластувања? Затоа бараме да постапи Јавното обвинителство за организиран криминал и корупција да има постапка, да се изврши распит и проверка на фактите на полициските службеници, да се потврдат или да се отфрлат индициите за злоупотреба на полициски овластувања од страна на директорот на БЈБ Сашо Тасевски. Ова не е прв пат името на Сашо Тасевски да е дел од скандали, и тоа да е поврзано со наркотици, пукање од недозволени автоматски оружја или пак дивеење и самоволие, а сега и со напад врз припадници од ЕБР! Со ликови како Сашо Тасевски, чија заслуга е чисто партиска, МВР станува само испостава на мафијата, вели Стоиковски.

https://www.youtube.com/watch?v=ex42OUfzUyc

The post Стоилковски: ЈО за организиран криминал да расчисти дали директор на БЈБ Сашо Тасевски влијаел во случај кога се тепани припадници на ЕБР appeared first on Република.

Министер задолжен за евроинтеграции признава дека го крши и злоупотребува европското знаменце. Штетни противуставни закони протнуваат како реформски е европски! Има ли поголем парадокс за бандитизмот на оваа Влада? Спремни се да кршат закони, да злоупотребуваат знаменца, за да туркаат криминал, истакна портпаролот на ВМРО-ДПМНЕ, Наум Стоилковски.

Затоа, додава тој, Ковачевски бега од дебата и се крие по две покани за ТВ дуел од претседателот на ВМРО-ДПМНЕ Христијан Мицкоски.

https://www.youtube.com/watch?v=s_2RBkKtLBI

The post Стоилковски: Молкот на Ковачевски и бегањето од дебата е потврда на штетите во Договорот со „Бектел и Енка“ appeared first on Република.

Портпаролот на ВМРО-ДПМНЕ, Наум Стоилковски ја обвини власта дека и по два дена од скапата церемонија за почеток на градбата на Коридорот 8, на местото нема ништо од работа, нема механизација, нема работници, нема почеток на градба.

Токму на ова место пред два дена се одржа скапа церемонија за почеток на градбата на Коридор 8. И по два дена нема ништо од работа, нема механизација, нема работници, нема почеток на градба, апсолутно ништо.

Фрлија лопата, направија реклама и толку.

Нема ништо, уште една празна нива, празен градежен плац посеан со лаги.
СДС и ДУИ се церемонијал, мајстори за промоција на проекти и инвестиции што потоа никаде ги нема.

Дали церемонијата беше потребна за да се испере Артан Груби од скандалот поврзан со градбата на Коридорот 8 и 10 или беше потребно за да се обезбедат пари за фирма миленичка на ДУИ, ако веќе нема пари за печатење на учебници?

Ова празна нива е вистината за владеењето и за лагите на СДС и ДУИ. Ова е сликата за иднината со СДС и ДУИ, скапи церемонии, скапи свечености, фирми блиски до ДУИ и СДС и празни градежни плацеви. Само избори се спасот од тонењето на Македонија.

https://www.youtube.com/watch?v=gcLH6ccMM7k

The post Стоилковски: Ниту багер, ниту работник за Коридор 8, уште една празна нива по скапа церемонија appeared first on Република.