Стево Пендаровски, претходниот претседател на Македонија покажа дека само глумел чесност, се вели во партиското соопштение на владејачката ВМРО-ДПМНЕ.

Пендаровски рече дека во неговиот кабинет како поранешен претседател на Македонија ќе има ангажирано само три лица. Пендаровски сега по неколку месеци од заминување од функцијата претседател на Македонија побарал финансии за четири лица. Пендаровски за четвртото лице побарал сума од 51.000 денари. Пендаровски и како поранешен претседател на Македонија покажа дека само ги лаже граѓаните. Пендаровски едно изјавуваше како претседател, сега изјавува друго. Пендаровски и како претседател ги менуваше ставовите, ги менува и сега како поранешен претседател на Македонија, истакнуваат од ВМРО-ДПМНЕ.

Пендаровски докажа уште еднаш дека не може да му се верува, додаваат од владејачката партија.

The post Пендаровски за четвртото лице побарал сума од 51.000 денари appeared first on Република.

Стево Пендаровски глумеше скромност и кога рече дека во својот кабинет за поддршка ќе ангажира само 3 лица, рече на денешната прес-конференција пратеникот Тони Јаревски.

https://republika.mk/vesti/makedonija/vmro-dpmne-lazhnata-skromnost-na-pendarovski-kazha-deka-ne-saka-kantselarija-za-den-potoa-ekspresno-da-pobara/

Два месеци откако Пендаровски замина oд функцијата, тој побарал покрај 3те редовно ангажирани лица, да му се одобрат финансиски средства за ангажирање на 4то лице. Сумата која Пендаровски ја барал за ангажирање на 4тото лице е 51.000 денари.Стево Пендаровски ги манипулира граѓаните и лажно се претставува за скромен, а всушност бара повеќе пд тоа што јавно се го изјавуваше. Стево Пендаровски е истиот како кога беше претседател. Стево Пендаровски ги менува ставовите по потреба, вели Јаревски.

https://youtu.be/XpH21YBEl_E?si=nTW_Xa2cmFfW24yY

The post Кога Пендаровски глумеше скромен рече дека ќе ангажира тројца вработени, за потоа да бара средства за четворица appeared first on Република.

Лажната скромност на Пендаровски, кажа дека не сака канцеларија, за ден потоа експресно да побара, се вели во партиското соопштение на владејачката ВМРО-ДПМНЕ.

На 14 мај 2024 година од Кабинетот на Пендаровски изјавиле дека тој не сакал да користи канцеларија, туку повремено, но бидејќи таа можност не постои во иднина ќе земел. Таа иднина очигледно веќе била на 15 мај, т.е. наредниот ден, кога Пендаровски побарал да му се дозволат средства за канцеларија. Претседателот по закон го следува канцеларија, но лажната скромност и лицемери на Пендаровски се одраз на неговиот манипулативен однос со граѓаните, истакнуваат од владејачката партија.

Како што менуваше ставови од позиција на претседател, така менува и сега, што ќе каже денес, не важи и утре, додаваат од ВМРО-ДПМНЕ.

The post ВМРО-ДПМНЕ: Лажната скромност на Пендаровски, кажа дека не сака канцеларија, за ден потоа експресно да побара appeared first on Република.

Пратеникот од ВМРО-ДПМНЕ Тони Јаревски, на прес-конференција изјави дека Стево Пендаровски ги излажа граѓаните кога глумеше скромност дека не сака да отвора канцеларија на Претседателот, туку истото ќе го направи некогаш во иднина.

На 14 мај, кабинетот на Пендаровски за медиумите го даде следниот одговор на тоа што се неговите планови:

 

„Во однос на административната и логистичка поддршка која му е потребна за средбите со поранешни и актуелни државници и за учество на меѓународни конференции претседателот Пендаровски побара од државните институции повремено да користи канцеларија, но, бидејќи таква пракса и законски основ не постои, Пендаровски во иднина ќе го искористи правото да отвори канцеларија, каде што тројца од сегашните вработени во Кабинетот, ќе бидат ангажирани во поддршка на тие активности на поранешниот претседател“.

 

Стево Пендаровски и неговиот кабинет излажаа. Само еден ден откако е даден овој став за медиумите, односно на 15.05, според нашите информации Пендаровски побарал да му се одобри користење на канцелариски простор, службено возило и возач.

 

За Пендаровски таа иднина очигледно е еден ден откако кажал дека во иднина некогаш ќе отвори канцеларија.

 

Не го разбираме лицемерието на Пендаровски, кога очигледно е дека намерата му била да земе канцеларија веднаш, а за тоа доказ е и дека веќе на 3 јуни нашол канцеларија и договорил и цена за закуп.

 

Стево Пендаровски не се променил никогаш, неговите ставови не држат ниту еден ден, изјави Јаревски.

The post Јаревски: Стево Пендаровски тврдеше дека не сака канцеларија, за еден ден потоа да побара да му се дозволи да користи appeared first on Република.

Поранешниот претседател Стево Пендаровски се откажа од правото на користење државна пензија, и одлучил да и се врати на академската кариера.

Кaко поранешен претседател, Пендаровски нема да ја користи државната пензија која му следува по закон, затоа што веќе се врати на својата академска кариера како професор на Универзитетот Американ Колеџ во Скопје, потврдија за МИА од неговиот тим.

Претставници на Министерството за внатрешни работи ќе продолжат да го обезбедуваат поранешниот претседател во согласност со безбедносните проценки што ги прават.

Пендаровски ќе користи и канцеларија со тројца вработени од неговиот поранешен кабинет.

Во однос на административната и логостичка поддршка која му е потребна за средбите со поранешни и актуелни државници и за учество на меѓународни конференции претседателот Пендаровски побара од државните институции повремено да користи канцеларија, но, бидејќи таква пракса и законски основ не постои, Пендаровски во иднина ќе го искористи правото да отвори канцеларија, каде што тројца од сегашните вработени во Кабинетот, ќе бидат ангажирани во поддршка на тие активности на поранешниот претседател, се посочува во изјавата за МИА.

Според Законот за правата на претседателот и неговото семејство, Пендаровски има право на пензија чиј износ е еднаков со износот на платата што ја прима шефот на државата, на канцелариски простор со најмногу тројца стручни соработници, лично обезбедување, како и право на користење на службено возило и возач согласно со прописите што ги донесува министерот за внатрешни работи.

Правата кои произлегуваат од највисоката државна функција ги користат поранешните претседатели Бранко Црвенковски и Ѓорге Иванов.

The post Пендаровски се откажа од државна пензија, но ќе има обезбедување, канцеларија и тим од тројца appeared first on Република.

Поранешниот претседател Стево Пендаровски, по предавањето на функцијата на новата претседателка Гордана Сиљановска Давкова, во објава на Фејсбук се заблагодари на граѓаните за укажаната доверба и на неговите соработници во тек на мандатот.

-Благодарност до сите граѓани за укажаната доверба и на сите соработници со кои заеднички работевме во изминатите пет години, напиша Пендаровски.

Сиљановска-Давкова денеска ја презеде функцијата претседател на државата од Пендаровски во Кабинетот на Претседателот на Република Македонија, на официјална церемонија со највисоки државни и воени почести.

Претходно во Собранието даде свечена заклетва за совесно извршување на должноста, со што го почна петгодишниот претседателски мандат.

Сиљановска-Давкова е шести претседател и прва претседателка од осамостојувањето на државата.

На Претседателските избори кои се одржаа на 24 април и 8 мај, таа освои 561 000 гласови.

The post Пендаровски им се заблагодари на граѓаните за укажаната доверба appeared first on Република.

За тоа колку се неомилени лидерот на СДСМ Димитар Ковачевски и Стево Пендаровски меѓу граѓаните покажуваат податоците од Државната изборна комисија за бројот на гласови што го добија во населбите каде што живеат.

Ковачевски гласаше во избирачкото место 2606 во основното училиште „Јан Амос Коменски“ во Тавталиџе. На тоа гласачко место СДСМ доби 170 гласа, а ВМРО-ДПМНЕ 256.

Слично помина и се уште актуелниот претседател Стево Пендаровски. Во гласачкото место 2489 во населбата Автокоманда тој доби само 95 гласа а Силјановска 372.

The post Koвачевски и Пендаровски загубија дури и во своите маала appeared first on Република.

Редакцијата на „Република“ неколкупати побара интервју од сега веќе поранешниот претседател Стево Пендаровски. Тоа го направивме и официјално, но и лично до најблиските луѓе во неговиот кабинет. Кажано во модерен речник имавме само „seen“.

Сосема легитимно, тој самиот бира каде ќе се појави, откако веќе се појави на разни „шутели“ и портали кои се познати само во најблиските кругови на власта во заминување.

Го разбираме Пендаровски, и ние да сме на негово место не би прифатиле интервју знаејќи какви прашања поставуваме и дека кај нас нема „бомбона“ прашања со кои тој би поентирал и испаднал „манга“ каков каков што сака да се претстави.

Па господине Пендаровски, еве ги прашањата кои планиравме да ви ги поставиме.И сега не е доцна да одговорите и како обичен граѓанин.

Дали сѐ уште стои зад изјавата дека „душата ќе му ја извадат на тој што би потпишал промена на името?

Дали уште е на ставот дека Гоце Делчев е Бугарин?

Дали сѐ уште мисли за поранешниот бугарски премиер Кирил Петков дека е Нелсон Мандела?

Дали е точно дека челниците на НАТО одбивале средби со него, а уште помалку сакале да споделуваат доверливи изјави откако „тропна“ дека знаеле кога Русија ќе ја нападне Украина?

Кој Пендаровски ја говори вистината за францускиот предлог.?Оној што на 11.6 2022 година изјави дека „Ние во Скопје тука немаме видено француски предлог“ или оној Стево кој на 30.7 2022 година гордо се пофали „па јас ги работев сите тие документи“?

За какви заслуги или поведение му ја намали казната на водачот на нарко кланот „Барон“ Бедри Зекири?

Дали кога го гледа претседателот на Србија Александар Вучиќ како се бори за својата земја не му е  малку непријатно?

Зошто за време на неговиот петогодишен мандат не го посети ниту еден негов колега од „големите земји“ ако не се смета претседателот на Германија кој има ингеренции скоро како Пендаровски?

За крај господине Пендаровски, ќе останете запаметени само како прв претседател на „Северна“ и ништо повеќе. Оној другиот збор „Македонија“ не го заслужувате.

Се виде дека не сте за претседател.Вашите претходници за вас и навистина се Нелсон Мандела“. Сега како обичен граѓанин можете да се вратите на она што најмногу ве биваше-политички аналитичар без никаква одговорност.За нешто повеќе се виде дека не сте.

Ви посакуваме добро здравје и мирна пензија. А да, сега конечно ја имате можноста да се иселите од Македонија.

The post Наместо интервју: Еве кои прашања ќе му ги поставевме на Пендаровски доколку прифатеше разговор за „Република“ appeared first on Република.

Победничката на претседателските избори и идна мајка на нацијата Гордана Силјановска Давкова вечерва откри дека нејзиниот противкандидат Стево Пендаровски и ѕвонел.

Како што вели, таа го заборавила својот телефон дома..

„Со што ја заслужив оваа чест? Немав многу време да го следам говорот на господинот Стево Пендаровски, но фатив неколку инсерти. Рекол дека ми ѕвонел на телефон за да ми честита, ама за жал, сум го заборавила телефонот дома“, рече Сиљановска Давкова

The post „Стево ми ѕвонел, ама телефонот сум го оставила дома“, рече Силјановска Давкова appeared first on Република.

Според досегашните резултати од вториот круг на претседателските и на парламентарните избори објавени на веб-страницата на Државната изборна комисија, кандидатот за претседател на СДСМ, Стево Пендаровски, освои повеќе гласови од оние кои партијата ги доби за пратеници.

Со обработени 3.227 од 3.508 избирачки места низ Македонија (91,99%), Пендаровски доби 228.987 гласа, додека, пак, СДСМ според обработени 3.195 од 3.477 избирачки места (91,89%), освои 136.748 гласа, што е за околу 92 илјади гласови разлика.

Вечерва лидерот на СДСМ Димитар Ковачевски го призна поразот и најави внатрепартиски избори и реконструкција на партијата.

The post Стево го победи СДСМ со над 90.000 гласа appeared first on Република.

Уште пред Нова година знаев дека коалицијата предводена од СДСМ не се во онаа кондиција во која што беа пред 5 или 10 години, како и што покажуваа сондажите. Анализитите покажуваа дека мојот личен рејтинг е над партијата и коалицијата и тоа ми даде надеж дека можам да бидам рамноправен натпреварувач. Она што денес се случи значајно ми ги одзема шансите да бидам рамноправен натпреварувач – стотици илјади наши граѓани беа оневозможени да земат второ ливче, изјави претседателот и кандидат за втор мандат, Стево Пендаровски на прес-конференција.

Тој веќе го призна поразот и ѝ ја честиташе победата на неговата противкандидатка Гордана Силјановска-Давкова.

https://republika.mk/vesti/makedonija/pendarovski-prizna-poraz/

Според Пендаровски, трката за претседател ќе била далеку поинезвесна доколку не се случел скриениот бојкот на претседателските избори. Тој истакна дека има информација дека голем дел од гласачите од здружената албанска опозиција постапиле многу слично на гласачите на ДУИ и не земале две ливчиња.

Најави дека ќе се врати на факултетот и ќе продолжи со предавањата, како и пред да ја извршува претседателската функција.

The post Пендаровски: Уште пред Нова година знаев дека СДСМ не се во кондицијата пред 5 години appeared first on Република.

Досегашниот претседател Стево Пендаровски го призна поразот и им честиташе победа на победниците. Воедно напомена дека совеста не е мирна на оние кои не гласале за претседател и се одлучиле да бојкотираат.

Дозволете да се заблагодарам на сите учесници во изборниот процес и на сите институции кои се погрижија да помине овој ден фер и демократски. Знаеме дека има извештаи за изборни прекршувања, но оставаме институциите да ги разрешат и да не остават ниту една темна дамка на изборниот процес. Резултатите се јасни, и немам намера подетално да ги образложам. Согласно резултатите, сакам да им честитам на победниците, да им посакам успешна работа во следните пет години. Мојот концепт на мултиетничка Македонија целосно интегрирана во евроатлантските структури, денеска, за жал, не доби мнозинска поддршка од граѓаните. Јас сум длабоко убеден дека само така Македонија може да биде демократска и проспиретна држава. Затоа мојата совест е мирна. Не сум сигурен дека совеста е мирна на оние кои не дозволија на граѓаните да го земат второто ливче и да гласаат на претседателските избори денеска. Ја користам приликата да ви се заблагодарам на успешната соработка во изминатите пет години, и се надевам ќе соработуваме во иднина, рече Пендаровски.

The post Пендаровски призна пораз appeared first on Република.

https://www.youtube.com/watch?v=hDr967UtN5w

The post ВО ЖИВО: Обраќање на Пендаровски appeared first on Република.

Од вкупно 271.098 избирачи кои гласале на вкупно 3508 изборни места 169.483 лица довербата ѝ ја дале на кандидатката поддржана од ВМРО-ДПМНЕ, Гордана Силјановска Давкова.

Стево Пендаровски, кој е кандидат поддржан од СДСМ, освои 83,112 гласови, односно двојно помалку од Силјановска.

Додека картата на Македонија се бои во портокалово, и во вториот круг црвенеат само неколку општини.

Кадидатот на СДСМ Стево Пендаровски води Дебар со 1082 гласови наспрема Силјановска, која има освоено 772 од вкупно 2.145 избирачки кои гласале.

Изјавата на Пендаровски дадена во Крушево „дојдов во Крушево за да победам“ ги поттикнала крушевчани, кои традиционално го поддржуваат СДСМ, својот глас да го дадат за кандидатот на оваа партија. Пендаровски има 3 пати повеќе гласови од Силјановска, 679 наспрема 191. Трипати повеќе гласови има освоено Пендаровски и во Желино и Арачиново.

И Пласница е обоена во црвена боја. 341 гласач наспрема 233 во корист на Пендаровски.

Липково гласаше за Пендаровски. Таму разликата е 2:1, 456 гласа наспрема 236.

Стотина гласа е во предност Пендаровски пред Силјановска и во Врапчиште и Теарце.

The post „Дојдов во Крушево за да победам“, рече Пендаровски и победи во Крушево и во уште неколку општини appeared first on Република.

Претседателот Стево Пендаровски се потсети на референдумот за промена на името.Тој призна дека тој не ги успешен но оти морале да ја продолжат постапката во Собранието поради повисоки цели како што е членството во НАТО.

Две третини за промена на Уставот имаше.Во делот на право да бидеме чесни да крај, во делот на правната процедура за референдумот условите не беа исполнети.Но ви го кажувам безбедносниот аспект од аспект на Алијансата, од нашиот стратешки партнер Америка постоеше безбедносна компонента зошто мораше да ја завршиме постапката и да бидеме членка на НАТО.Се виде добро што сме постапиле политички на тој начин и не сме размислувале само како правници-објасни шефот на државата.

The post Пендаровски призна дека референдумот за промена на името не бил успешен appeared first on Република.

Гласањето на 8-ми мај почнува од нула, а иднината на вашите деца и внуци е во ваши раце“, им порача на граѓаните, лидерот на СДСМ, Димитар Ковачевски на вечерашниот митинг во Скопје.

Ги повика да гласаат совесно и одговорно затоа што гласањето на избори е најмоќниот демократски инструмент во рацете на граѓаните, но во исто време одлуката кого ќе поддржат со себе носи голема одговорност.

„Пред да го заокружите бројот, убаво размислете каква иднина замислувате за Македонија, каква држава сакате за вас и вашите деца. Не дозволувајте врз таа одлука да влијаат евтините дневно-политички ветувања и националистички наративи на ДУИ и на ВМРО – ДПМНЕ. Погледнете ја големата слика, визуелизирајте како ќе изгледа државата по четири години ако довербата ја дадете на проевропска партија, а како ако гласате за наследниците на последниот автократ во Македонија“, истакна Ковачевски.

Лидерот на СДСМ вети пред граѓаните дека тој и неговите соборци од СДСМ и Коалицијата за европска иднина се подготвени да се борат до последен здив Македонија да стане модерна и развиена европска држава.

„Стигнавме многу далеку. Од заробена држава со угнетени медиуми, истепани студенти по библиотеки и плоштади, заробено судство, криминални проекти со лажен барок и прескап стиропор, денес сме земја членка на НАТО, со отпочнати преговори со ЕУ, претседававме со ОБСЕ и кај нас преговара други држави кои меѓу себе имаа отворени прашања а претходно ние преховаравме со други држави по трети места за отворени прашања кои ги имавме со соседите. Затоа денес сме земја фактор на стабилност на Балканот. И за тоа да продолжи мора да се бориме, да продолжиме да ја менуваме Македонија, и да ја направиме европска држава!“, рече Ковачевски.

Го повика граѓаните на гласањето в среда да го заокружат бројот 1 и да ги поддржат пратеничките листи на СДСМ и коалицијата и претседателскиот кандидат, Стево Пендаровски.

The post Ковачевски: Гласањето на 8-ми мај почнува од нула appeared first on Република.

Кандидатот за претседател Стево Пендаровски вечерва во Скопје го одржа завршниот митинг во рамки на претседателската кампања и притоа истакна дека е сигурен дека на 8 мај, ќе се извојува двојна победа, како што рече: „не за нас, за сите вас“.

Тој ги повика скопјани, но и сите граѓани на Македонија да размислат кому ќе ја дадат довербата в среда бидејќи ако се дограба ВМРО-ДПМНЕ до власт, последиците можат да бидат непоправливи и на среден и на долг рок, бидејќи според него тоа се луѓе без искуство, без политичко искуство да водат држава, да водат град или општина.

„Кога ќе ги прашате што ќе правиме со нашето членство во НАТО, кое самите во својата програма го ставија како најголема вредност и најголема контрибуција за безбедноста на Македонија, тие велат ќе го почитуваме Преспанскиот одговор, но никогаш нема да изговориме Северна. Да го кажува ова дете од претшколска возраст па и ќе се насмеете. Кога го кажува возрасен човек, професор на факултет, кандидат за највисоката политичка функција, а тоа го повтори и денеска на последниот дуел кој го имавме, единствено ви останува да ја жалите госпоѓата“, додаде Пендаровски.

Тие, продолжи Пендаровски, немаат ниту еден конкретен одговор за нашите најголеми стратешки проблеми и дилеми.

„Велат немало да ја менуваат Европската преговарачка рамка, таа ќе останела како што е. Меѓутоа ќе барале за возврат од Бугарија да исполнува одлуки на судот во Стразбур. Кога ќе и предочите на госпоѓата дека не е можно од 1957 кога е направена ЕУ, до ден денешен земја која е кандидат, која не е членка, да условува земја која е членка на ЕУ, што е азбука во сите меѓународни организации и кога ќе и кажете дека солидарноста меѓу земјите членки е примарна, не кон оние кои не се членки, таа само превртува со очи и буквално ништо не ви одговара“, рече Пендаровски.

Осврнувајќи се на изјавите на неговата противкандидатка дека Рамковниот договор го надминал времето, Пендаровски истакна дека Македонија ќе опстои исклучиво како заедница на потполно рамноправни граѓани.

„Кога имате работа со луѓе кои за, а сите знаеме колку мртви колку повредени, колку инвалиди, колку деструкција имавме во таа 2001 и дека тие рани ден денеска не можеме да ги залечиме, тоа значи дек тие луѓе немаат осет во каква држава живеат, каква е популационата структура. Ако можело да функционира 23 години, не гледам причини да одиме по овие забегани теории, заговори и личности кои тврдат дека имале подобри решенија“, подвлече тој.

Истакнувајќи дека граѓаните на Центар имаат голем креативен, демократски потенцијал, тој ги повика на 8 мај масовно да се мобилизираат и да покажат дека знаат да се грижат за себе и за иднината на своите деца.
 

„За да ја зацементираме иднината на Македонија на магистралата која води кон Европа и развиениот свет, со заокружување на бројот 1, во масовна бројка да им покажеме на ова кои ја замислуваат Македонија само како нивна, приватна држава дека нема да успеат. Нема да успеат! За број 1, на 8 мај, на двата избора“, заклучи Пендаровски.

The post Пендаровски: Нема предавање и откажување пред 8 мај по ниедна цена appeared first on Република.

Претседателот Стево Пендаровски во ТВ дуелот со Гордана Силјановска призна дека не треба никаков Бадинтер за формирање на Влада.

За формирање на владата јасно е дека не треба двојно мнозинство.Потребно е двојно мнозинство, односно т.н бадинтеров принцип за некои закони кои ги допираат правата на етничките заедници кои не се во мнозинство.Тука немаме никаква дилема-јасен е претедателот.

The post Пендаровски: Не треба Бадинтер за формирање Влада appeared first on Република.

Претседателот Стево Пендаровски во ТВ дуелот со Гордана Силјановска призна дека не треба никаков Бадинтер за формирање на Влада.

За формирање на владата јасно е дека не треба двојно мнозинство.Потребно е двојно мнозинство, односно т.н бадинтеров принцип за некои закони кои ги допираат правата на етничките заедници кои не се во мнозинство.Тука немаме никаква дилема-јасен е претедателот.

The post Пендаровски: За формирање Влада не треба двојно мнозинство appeared first on Република.

Следете го во живо последно соочување на претседателските кандидати Гордана Силјановска Давкова и Стево Пендаровски:

The post ВО ЖИВО: Последно соочување на Гордана Силјановска Давкова и Стево Пендаровски appeared first on Република.