Секоја генерација си има задача да создаде подобра стартна основа од она што го има затекнато. За жал ние наидовме на блокирани сметки, заглавени процеси. Општина Сопиште во моментот не е заглавена, финансиски успеавме целосно да ги исплатиме сите побарувања, но имаме блокади во однос на функционирањето, рече Стефче Трпковски, градоначалник на Сопиште на денешната дебата на тема Локален економски развој која е во рамки на настанот „Важно е! Платформа за иднина кој е дел од кампањата „Важно е! Од тебе зависат промените.“

Трпковски наведе кои проекти се закочени поради немање слух од централната власт.

„Неколку години чекаме да ги добиеме сите потребни решенија, одлуки, за да почне со работа новата детска градинка. Исто така имаме блокиран процес во реализација на втора фаза од канализацискиот систем во населено место Ракотинци, проект  финансиран со средства од Европска инвестициска банка но процесот оди преку Министерство за транспорт и врски“, кажа Трпковски.

Според него со идејата на ВМРО-ДПМНЕ за децентрализација на 250 милиони евра годишно и тоа како ќе ги реши проблемите во локалните самоуправи.

„Тоа значи сите капитални проекти кои би се реализирале ќе бидат по приоритет на населението. Поголемиот дел од проектите се од самопридонес или акција на населението во минатото и многу тешко е наеднаш и во краток период да се санираат. Децентрализацијата ќе помогне во ваквите проекти“, заклучи Трпковски.

The post Трпковски: Идејата на ВМРО-ДПМНЕ за децентрализација на 250 милиони евра годишно ќе ги реши проблемите во општините appeared first on Република.

Денеска сме во посета на неколку проекти кои што се реализираат во текот на месец септември во општина Сопиште. Едниот е обновување фасада, реконструкција на фасада на подрачно училиште во населено место Чифлик, истакна Стевче Трпковски, градоначалник на општина Сопиште.

-Вториот проект кој денеска го посетуваме е токму ова место каде што реализираме нов паркинг простор пред детската градинка во Сопиште и третиот проект кој што ќе го посетиме е реконструкција и уредување на спортски центар каде што се наоѓаат повеќенаменски игралишта, тениско игралиште.

Во третиот проект ќе имаме нова содржина од детски забавен парк, летниовци и друга урбана опрема. Сите овие проекти кои што ги набројувам се реализирани од буџетот на општина Сопиште и вкупниот буџет за реализација е некаде повеќе од 7 милиони денари, додава Трпковски.

The post Трпковски: Три нови проекти во вредност од над 7 милиони денари се реализираат во општина Сопиште appeared first on Република.

Целта за која се бориме и вредностите зад кои цврсто стоиме во себе ги имаат зборовите труд, работа, доверба, одговорност и достоинство,порача градоначалникот на општина Сопиште Стевче Трпковски на денешниот регионален отчет „Промени што носат иднина – 100 дена локална власт отчет на ВМРО-ДПМНЕ“.

Трпковски истакна дека голем број на проекти во Сопиште се започнати со реализација, односно како што рече тој изминатите 100 дена е изградена прочистителна станица за третирање на отпадни води од канализацискиот систем за населено место Ракотинци.

-Во изминатите 100 дена изградивме прочистителна станица за третирање на отпадни води од канализацискиот систем за населено место Ракотинци. Оваа прочистителна станица е со капацитет за 1000 жители и истата е модуларна. Набавивме ново специјално возило за собирање и транспорт на смет во функција на јавното комунално претпријатие Сопиште, вели тој.

Изградивме нова детска градинка со капацитет за 84 деца. Во периодов течат административните постапки за комплетирање на потребните дозволи за отпочнување со работа на оваа детска градинка. Ја довршивме и изградбата на културен дом во населено место Сопиште и очекуваме усвојување на програмата од министерството за Култура за отпочнување со работа, истакна Трпковски.

Трпковски изјави дека во општината е направена промена на класичните светилки за осветлување на јавни површини со нови лед светилки со кои освен што добиваме поквалитетно осветлување се постигнува и заштеда во потрошувачката на електричната енергија.

Започнавме со промена на класичните светилки за осветлување на јавните површини со нови лед светилки со кои освен што добиваме поквалитетно осветлување се постигнува и заштеда на електричната енергија, истакна тој.

Поставивме нова и реконструиравме постоечка урбаната опрема во населените места Долно Соње и Добри дол. Продолживме со проектот за селектирање на отпад во секој дом, кажа Трпковски.

Трпковски нагласи дека во следниот период следува реконструкција на улиците во населеното место Горно и Долно Соње, како и асфалтирање на патот од населено место Св. Петка - Хидро Електрана Св. Петка во должина од 2км, како и изградба на водоснабдителни бунари за Долно Соње, Горно Соње, Чифлик, Св. Петка и Нова Брезница.

Во изминатите 100 дена посветивме големо внимание во изработка на техничка документација за инфраструктурни проекти и проекти во водоснабдување кои ќе бидат реализирани во периодот што доаѓа. Реконструкција на ул. 10 во населено место Горно Соње во должина од 1000м. Најавувам реконструкција на ул. 8 во населено место Долно Соње во должина од 1000м. Реконструкција на ул. 20 во населено место Нова Брезница во должина од 700м. Реконструкција на патниот правец Добри Дол - Маркова Сушица во должина од 3км. Асфалтирање на патниот правец од населено место Св. Петка - Хидро Електрана Св. Петка во должина од 2км, изградба на водоснабдителни бунари за Долно Соње, Горно Соње, Чифлик, Св. Петка и Нова Брезница, потенцираше Трпковски.

-Уредување на спортските терени во населеното место Сопиште. Изградба на пешачка патека по целата должина на ул 1 во населено место Сопиште. Изградба на трговски центар нјавувам за периодот што следува, заклучи Трпковски.

The post Градоначалникот на Сопиште Трпковски: Изградивме нова детска градинка и направена е промена на класичните светилки за осветлување во нови лед светилки appeared first on Република.