Стевче Јакимовски, градоначалникот на скопската општина Карпош вчеравечер во гостување на поткаст-емисија, а коментирајќи го случајот со Општина Струмица, најави дека и Општина Карпош ќе се приклучи на најавите за напуштање на ЗЕЛС.

И јас ќе се придружам на Општина Струмица. И така одамна се спремам да ја напуштиме ЗЕЛС. Нека си прават таму партиска забава, рече Јакимовски.

Тој ја поучи и градоначалничката на Градот Скопје, Данела Арсовска, да го направи истото, оти градот бил  главен финасиер на ЗЕЛС, а за возврат не добивал ништо.

Во овие повлекувања, нога повлече општина Струмица, од каде најавија дека ќе ја напуштат Заедницата на единиците на локална самоуправа (ЗЕЛС).

Ова на својот фејсбук-профил го објави градоначалникот на Општина Струмица, Костадин Костадинов, посочувајќи дека денеска за ова ќе подготви и официјален допис, во кој ќе ја извести ЗЕЛС оти не ја заслужува партиципацијата на градот со кој раководи.

Го напуштаме ЗЕЛС. Со огромна грижа кон народот на моја Струмица, со целата одговорност, обиди за соработка, партнерски однос, доволно е. Филозофија без прагма, штета за која ја плаќаат граѓаните, напиша Костадинов.

Од Агенцијата за храна и ветеринарство (АХВ) вчера информираа дека водата од струмичкиот водоснабдителен систем и натаму е забранета за пиење, иако градоначалникот Костадин Костадинов тврди дека таа е исправна и во хемиско-физичкиот состав и микробиолошки.

The post Прво Костадинов, сега и Јакимовски: Oпштините Струмица и Карпош ќе ја напуштат ЗЕЛС appeared first on Република.

Јас и моите колеги одговорно тврдиме дека постапката е спроведена согласно законските прописи и дека нема никаков правен пропуст. Ова е само еден обичен обид политички да се влијае пред локалните избори. Тука не се цел на напад моите пет колеги кои се наведуваат, туку јас како градоначалник, изјави градоначалникот на општина Карпош Стевчо Јакимовски на денешната прес конференција по повод поднесената кривична пријава од страна на МВР за легализација на спортски терени, рече на денешната прес-конференција Стевчо Јакимовски, градоначалник на Карпош.

Јакимовски го демантираше тврдењето во соопштението на МВР дека станува збор за времени објекти, потенцирајќи дека терените имаат одобрение за градба, при што заклучи дека „со оваа кривична пријава која МВР помпезно ја најави во јавноста доведени сме во ситуација да објаснуваме дека „воздухот е безбоен““.

Пред прес конференцијата, градоначалникот имаше брифинг со новинарите каде што заедно со дел од вработените во општинската администрација детално им го објаснија целиот случај за легализацијата на спортските терени на Александар Палас кои се во посед на хотелот речиси триесет години: „Што има Фершпед? Го има Александар Палас, а Александар Палас има спортски терени кои ги користи 30 години. Што направила општина Карпош? Ги легализирала спортските игралишта кои ги користи Александар Палас. Што е важно во овој случај да се знае?

„Важно е дека законот вели „се легализира се она за што се издава одобрение за градба“. Спортските терени на Александар Палас имаат одобрение за градба уште од 1999 година од Влада на ВМРО-ДПМНЕ и истите се изградени по таа скица и за тоа се платени комуналии.

Тоа што друго е важно, е што овие објекти се сопственост на Александар Палас, но во тој период не биле запишани во Катастар, па се воделе како „сопственост со незапишани права“. Бидејќи дозволата им била истечена, во 2016 година одлучиле да ги впишат во Катастар користејќи го Законот за легализација и покренале постапка за негова легализација. За легализацијата општината му наплаќа по втор пат комуналии, сега 170.000 евра.

Важно е да се знае дека земјиштето не е државно, туку е дадено на користење на Фершпед од страна на државата со надоместок. Повторно тоа го направила влада на ВМРО-ДПМНЕ.

МВР тврди дека објектите се времени, а јас морам да им кажам дека слабо ја познаваат оваа материја. Ако објектите се времени, на документот треба да стои „Решение за поставување на времен објект“, а овие терени не се времени затоа што на нив се прави градба. Тоа е исто како кога градите куќа, паркингот што го правите надвор се води како вон етажен упис во Катастарот.

Исто така многу е важно да се знае дека законодавецот смислил повеќе нивоа на одбрана од евентуална можна грешка при процесот на легализација. Прво, геодетот што го правел елаборатот не можел да отпочне со изработка на геодетски елаборат ако кај него во правилникот не стојат ваков тип на објекти. Второ, кога легализираните објекти ги предаваме во Катастар тогаш прво предметот го гледа геодет и гледа дали е се согласно закон, а потоа го гледа нивен правник. Ако предметот има било каков проблем со законитоста Катастар ќе го даде на поништување, на доработка, или ќе побара носење на нови документи“, изјави Јакимовски.

На крајот, Градот Скопје ги пресметува комуналиите. Ако има било каков проблем Градот ќе сигнализира, рече Јакимовски.

Градоначалникот го повика обвинителството побрзо да седнат за да се расчисти овој случај, а вработените најавија дека во знак на револт повеќе нема да работат на предмети за легализација додека не се докаже вистината за овој предмет.

„Во исто време сакам да кажам овие мои колеги што работат за 30.000 денари апсолутно е нечовечки да им се валкаат нивните имиња, да се вознемируваат нивните семејства, да им се прават стресови како што им ги направија… Ние сакаме што е можно побрзо да седнеме со обвинителството и да го расчистиме овој случај, а колегите кои што работеле на сите овие предмети инсистираат дека нема повеќе да работат на предмети за легализација додека овој предмет доставен од МВР до обвинителството да се расчисти, односно додека не се докаже вистината.

На крајот уште една работа. Нели е чудно од 83 општини во Македонија, само во Карпош да има проблем со легализација. Нема проблем во Охрид,
родното место на министерот за транспорт и врски, Нема проблем во Велес, родното место на министерот за внатрешни работи. Нема никаков проблем во Тетово, Чаир, Гостивар, Струга… Никаде нема проблем, само во Карпош.

А истите овие луѓе од Карпош се обучувачи за спроведување на Законот за легализација, од Карпош другите луѓе бараат мислење при решавање на комплицирани објекти. Јас одговорно тврдам дека овие луѓе се професионалци, кои одлично си ја познаваат својата работа, и не заслужуваат од било кого ваков третман.

На крајот, сакам да кажам дека ова е управна постапка. Ако било кој сметал дека општината погрешила, можел да достави до нас мислење дека предметот е несоодветно решен и дека треба да се поништи. Ние во тој случај ќе го разгледаме предметот и ќе донесеме одлука. Ако сметаме дека сме во право, ќе го отфрлиме барањето, ако сметаме дека сме погрешиле ќе ја поништиме постапката и оштетената странка во тој случај ќе си го бара своето право во второстепена владина комисија и Управниот суд. Тие не постапиле вака. Наместо да прават циркузи со кривични постапки, ако биле сигурни зошто не дошле да побараат поништување на предметот и да видиме на Управен суд дали нашето решение ќе опстане или нивното политичко мислење“, изјави градоначалникот Јакимовски.

The post Јакимовски: Одговорно тврдам дека постапката е спроведена согласно законските прописи и дека нема пропуст appeared first on Република.

Лидерот на ГРОМ, кој ја предводи коалицијата „Храбро за Македонија“ Стевчо Јакимовски вечерва го призна поразот на парламентарните избори. На прес-конференција тој и ја честиташе победата на кандидатката на ВМРО-ДПМНЕ Гордана Сиљановска-Давкова.

– Очигледно дека ВМРО-ДПМНЕ ќе биде блиску до 60 пратеници што е блиску до апсолутна власт и во делот на парламентарната власт, локалната самоуправа и во делот на претседателот, тоа значи апсолутна власт, а очигледно дека ќе има можност и за двотретинско мнозинство. Очекувам дека ќе има тешки одлуки, но моето политичко искуство покажува дека апсолутната власт не е на арно бидејќи таа апсолутна власт носи девијации и како резултат на тоа доаѓаме до ретроградни процеси на кои не сакаме да бидеме сведоци, рече Јакимовски на прес-конференција.

Како што посочи, денеска граѓаните се определиле за враќање на уставното име, за поништување на договорот со Бугарија и за реваншизам затоа што, според Јакимовски, целата оваа кампања се водела во насока дека треба на некому да му се реваншираме.

Според Јакимовски, денешниот изборен ден бил срам за државата бидејќи ниту една државна институција не го видела поткупот на гласачи и т.н. бугарски воз.

The post Jaкимовски: Апсолутната власт според него носи девијации и ретроградни процеси appeared first on Република.

Што се случи со Стевчо Јакимовски?! Веројатно е единствениот претседателски кандидат во историјата на Македонија кој не успеал на избори да ги добие ни гласовите од оние 10 000 граѓани кои застанале зад кандидатурата за претседател. Освои 8103 гласа (со обработени 99,85 отсто од гласовите) или во превод не успеа да ја добие довербата од ниту 1 отсто од гласачите во Македонија. Јакимовски кога собираше потписи се пофали дека за само неколку дена собрал над 10.300 потписи.

Се поставува прашањето каде се изгубија околу 2000 гласови разлика од кандидатурата до гласањето? Односно, кој му ги собра гласовите на Стево „муња“?

Вториот момент е бројот на освоено гласови во Карпош - општината во која тој е градоначалник и каде ја уживал довербата на граѓаните. Довербата која ја имаше кај гласачите во Карпош се стопи. Тој освои само 6 проценти или 2.143 од гласовите во оваа општин. Сите кандидати за претседатели Македонци освоија повеќе гласови од него. После Гордана Сиљановска Давкова – 14.482 (41,49%), по што следи Стево Пендаровски – 9.130 (26,15%), на листата се најде Максим Димитриевски – 3.974 (11,38%), кој собра повеќе потписи и од Билјана Ванковска Цветковска – 3.089 (8,85%) која пак потекнува токму од оваа општина. Бујар Османи освои 602 (1,72%) и Арбен Таравари 483 (1,38%).

Стевчо Јакимовски синоќа прв го призна поразот, но и разочараноста. Гордоста не попушти и по ова бришење под, па рече дека ќе видиме после пет години дали изборот на граѓаните бил добар или не. Единственото нешто што достоинствено го направи беа честитките кои ги упати до Силјановска, но секако фрлајќи недоверба дали граѓаните го наравиле вистинскиот избор.

-Далеку се резултатите од очекувањата, битно беше дека граѓаните имаа избор. Дали граѓаните биле во право, ќе видиме после 5 години, да сме живи и здрави, рече Јакимовски на прес-конференција.

The post Јакимовски згазен на свој терен – дали е време за пензија?! appeared first on Република.

„Храбро за Македонија!“ е слоганот кој треба да ги поткрене Македонците да излезат в среда и својот глас да го дадат за Стевчо Јакимовски, актуелен градоначалник на Општина Карпош.

https://republika.mk/vesti/makedonija/blinken-ima-kredibilni-informatsii-jakimovski-ja-zloupotrebil-funktsijata-za-lichna-korist/

Карпошани знаат дека навистина треба храброст на гласачкото ливче да се заокружи бројот 3 пред името на Стевчо Јакимовски. Јакимовски првпат излегува на мегдан за претседател на Македонија, но веќе три мандати ја средува и уредува Општина Карпош. Колку го прави тоа успешно, можете и самите да заклучите.

The post Ја среди општина Карпош, па ќе ја средува Македонија: Кој има храброст да гласа за Стевчо? appeared first on Република.

Претседателскиот кандидат од редовите на ГРОМ Стевче Јакимовски, кампањата ја продолжи со средба со жителите на Гостивар.

Јакимовски, зборуваше со гостиварци за актуелните случувања и напомена дека најголемата мака е иселувањето и како што напомена тоа е заради, поради лошите политики на досегапните владеjачки гарнитури.

„Причината за масовниот егзодус е поради полтронскoто однесување на функционерите не водејќи сметка за својата туку за туѓите држави“, рече Стевчо Јакимовски претседателски кандидат од ГРОМ.

Тој посочи дека е кандидат на граѓаните, а не продолжена рака на партиите. Зборувајќи за промената на Уставот, тој упати критики за предлозите на неговите противкандидати околу овој процес.

„Претседателските кандидати бегаат од дебати. Тоа е голем срам за демократијата. Народот мора да ги слушне нивните ставови околу суштинските прашања за државата“, рече Јакимовски.

The post Јакимовски: Претседателските кандидати бегаат од дебати, тоа е срам за демократијата appeared first on Република.

Мојата кампања ќе оди во две насоки – реформа на Судскиот совет и Уставниот суд и втората развој на наменското производство, порача претседателскиот кандидат Стевчо Јакимовски пред почетокот на денешната Конвенција на коалицијата Храбро за Македонија.

Тој нагласи дека мора во Судскиот совет и Уставниот суд да има истакнати судии и адвокати, како и универзитетски професори а не стручни соработници.

– Република Македонија мора да се фокусира на наменската индустрија зошто глад за оружје нема само во Европа туку насекаде во светот, изјави Јакимовски. За таа намена како што кажа треба да се отвори посебна катедра за вооружување на Машинскиот факултет во Скопје.

The post Јакимовски пред почетокот на Конвенцијата на коалицијата Храбро за Македонија: Мојата кампања ќе оди во две насоки appeared first on Република.

Стевчо Јакимовски ја злоупотребил својата јавна функција со мешање во јавните процеси, кои се однесуваат, меѓу другото, на јавни набавки и урбанистичко планирање, за лична корист и во корист на неговите соработници, изјавија за Гласот на Америка на македонски од прес-службата на Стејт департментот, на барањето да ја искоментираат изјавата на Јакимовски оти одлуката на САД да го стават на црна листа е „мешање на странски разузнавачки служби во изборот на претседател на државата“.

– Делот 7031(c) предвидува дека функционерите на странски влади за кои државниот секретар има кредибилни информации за директна или индиректна вмешаност во значителна корупција или грубо кршење на човековите права, не се подобни за влез во САД, изјавија од Стејт департментот.

Функцијата државен секретар на САД сега ја извршува Ентони Блинкен. Инаку, САД вчера ги санкционираа градоначалникот на Општина Карпош и претседателски кандидат Јакимовски, како и поранешната специјална јавна обвинителка Катица Јанева, заедно со членови на нивните потесни семејства, за вклученост во коруптивни дела, поткопување на владеење на правото и довербата на јавноста во демократските институции. Јакимовски најави кривична пријава против непознат сторител за мешање во внатрешни работи.

The post Блинкен има кредибилни информации, Јакимовски ја злоупотребил функцијата за лична корист appeared first on Република.

Наместо урбано домување  и зелена агенда, бизнис пајташите ДУИ и СДС тераат бизнис интерес на штета на Карпош и на граѓаните. Во корелација со градоначалникот Јакимовски тие по секоја цена го туркаат бетонизирањето на Алумина, со што би му овозможиле на Пуцко Петрол 600 милиони евра бизнис. Да потсетиме сопственикот на Пуцко Петрол е пратеникот од владеачкото мнозинство, Исмаил Јаховски, кој во исто време е омилениот градежник на градоначалникот на Карпош.

Се работи за сериозни милиони, кои веројатно се лепак и на политичка неформална коалиција. Очигледно 600 милиони евра не само што ја смениле зелената во бетон агенда, туку влијаеле и врз реториката на други субјекти кои сега изигруваат портпароли на компанијата која треба да гради бетонска џунгла во Алумина.
ДУИ, СДС и Јакимовски на сила решиле тоа да спроведуваат, иако јавноста, експертите и граѓаните се против.

Според информациите кои постојат, а кои ниту Ковачевски, ниту Јакимовски не ги демантираат, во план е Владата да ги одземе ингеренциите на општина Карпош, со цел да се заобиколи локалниот совет и овој ДУП да се спроведе во корист на Пуцко. Со тоа Јакимовски ќе биде единствениот градоначалник кој барал одземање на ингеренции, само да му помине бетонизацијата.

 Случајот Алумина на виделина ги извади лицемерието, алчноста и лагите на оваа екипа. Сега бегаат од одговори, ама наскоро нема да може да избегаат од одговорност. Сите до еден ќе сносат последици за работењето против интересите на граѓаните.

The post Јакимовски по секоја цена турка бетонизирање на Алумина за Пуцко Петрол да заработи 600 милиони appeared first on Република.

Ивор Мицковски го коментира однесувањето на градоначалникот на Карпош и неговото шурување со актуелната власт.

The post Го спасија Стевчо од затвор а сега во знак на благодарност ќе им издигне зграда на 17 ката appeared first on Република.

Честитки за храброста која денес ја покажа Стевчо Јакимовски. Конечно, импонира неговата одлука да покаже дека не се крие дека одработува за СДССМ и го симна актерскиот “веризам” за лажен опозиционер. Денешното отворање на новиот објект на најстарата градинка во државата „Орце Николов“ во скопски Карпош, ја потврди релацијата на Стевчо и Владата предводена од Артан Груби и заменикот Ковачевски и нивните пазарни релации. Воедно, се надевам дека идентична доблест и храброст ќе покаже и лидерот на Левица и ќе се фотографира со заменикот Ковачевски или со Талат - пишува на социјалната мрежа на Фејсбук советникот во Град Скопје Петар Милетиќ.

Тој понатаму додава:

Доколку ве збунив со Талат и “лидриштево” од Левица, да ве информирам дека гореспоменатиов тандем според утврдено сценарио, ЈАКО го напаѓа собранискиов спикер, а јавноста му аплаудира, ги апострофира неговите реплики и милозвучноста ја шерува во бесконечни web граници. За македонската кауза ТОЈ, “лидериштето” ќе се пресмета и физички со спикерот ако треба. Но, дилот е ТОЈ, супериорниот Апасиев да стане супер Facebook херој и да направи огромна штета на коалицијата за обнова на Македонија, предводена од ВМРО.

Впрочем, наградата за неговата посветеност кон СДССМ е евидентна веднаш по шарената револуција кога беше богата награден со позиција во Специјалното обвинителство, а потоа и со регистрирање на Левица, а со силна финансиска потпора на СДССМ. Го помните Заев, лут и нервозен кога кажа дека ги финансирал?

Набрзо очекувам дека многу маски ќе паднат и секојдневно ќе се соочуваме со вистински СУРАТИ.

The post Советникот од Град Скопје Милетиќ до Јакимовски: Честитки што веќе не се криеш дека одработуваш за СДСМ appeared first on Република.

Завршува школската година, а голем дел од родителите кои немаат кој да им ги чува децата се соочуваат со проблемот за нивно згрижување во текот на летниот период додека се тие на работа.

По повеќенеделната голгота со поднесување на барања и молби до градинките натериторијата на општина карпош за прием на дечиљата, од страна на директорите се добива истиот одговор дека општината одлучила дека годинава нема прием на школски деца , дека немаат кадар, немаат услови итн.

Тие прашуваат зошто градоначалникот на Општина Карпош нема доволно слух што соовие деца кои нема кој да ги чува, дали ќе треба еден од родителите да дава отказ од работа за да може да си ги чува дома децата во време на голема финансиска иекономска криза.

Согласно чл.57 став 2 од законот за заштита на деца „детска градинка може даобезбедува престој и исхрана и за деца над шест години, односно од поаѓање воосновно училиште до 10-годишна возраст “,заинтересираност од страна наградоначалникот и директорите на градинките за ова проблематика не постои во Општина Карпош.

 Уште еднаш јавно и гласно апелираме до директорите, до градоначалникот наопштина карпош, до советниците на општината да се разгледа можноста одформирање на групи по градинките за прием на школските деца за да бидатзгрижени во текот на летниот распуст – изјавуваат родители од едно одосновните училишта во општина карпош-прашуваат загрижените родители.

The post Родители од Општина Карпош се жалат дека не им ги примаат децата во градинка во текот на летото appeared first on Република.

За свеченото отворање на џамијата која е дивоградба во Нерези од страна на градоначалникот на Карпош, Стевче Јакимовски, Ивор Мицковски на својот фејсбук профил коментира: И таму ли стан му дале?

The post Мицковски за Јакимовски: И таму ли стан му дале? appeared first on Република.

Александар Пандов од ВМРО-ДПМНЕ преку Фејсбук го обвини лидерот на ГРОМ Стевчо Јакимовски дека го ситни отпорот кон власта и дека не се појавувал на протестите пред владата од лични интереси.

-Кој го ситни отпорот, поточно кој се обидува да го ситни отпорот кон предавнициве? Стевче Јакимовски! Не му чуе нему ни за бугарски договор, ни за француски предлог, уште помалку за протоколите, а со тоа и бугаризирањето на Македонија. Главен проблем му е што не добил јавно претпријатие во градот Скопје и одреден број места по управните одбори низ градот. Тоа е причината што Стевче не дојде на сенародниот протест на 18.06, каде ќе го слушнеше претседателот на ВМРО ДПМНЕ, Христијан Мицкоски, како професорски им ја демонтира заверата на предавниците кон македонскиот народ и воедно ги предупреди на отпорот кој следи!

Беа потребни да поминат само неколку дена, а неговите предупредувања да се остварат и на секого во Македонија да му стане сосема јасно или да бидам попрецизен, на над 80% од народот, но не и на Стевче. Излегуваме на протести пред влада на 22, 23 и 24 јуни, Стевче го нема!

И покрај високите температури и годишните одмори веќе наредната недела народот предводен од претседателот на ВМРО, Христијан Мицкоски, но и од претседателите на Левица, Димитар Апасиев, Социјалистичка Партија, Љупчо Димовски и Демократска Партијата на Србите во Македонија, Иван Стоиљковиќ, секојдневно маршираа по скопските улици и сплотени и обединети извикува: Ултиматум, Не благодарам, Стевче повторно никаде го нема. Додуша има сведоци кои тврдат дека еден ден се појавил, некој велат дека дури и два пати дошол и толку!

Оттука да обвинуваш некого кој 20 дена поминал по улици протестирајќи, а ти само два, најблаго кажано е неморално и нечесно.

Македонскиот народ и Македонија се соочени со најголемата опасност по нивниот опстанок и постоење! Ако бидеме обединети против предавниците ќе ги победиме.

Премногу е ниско и мизерно било кој, та бил тоа и Стевче Јакимовски, оваа борба да ја сведе на лечење фрустрации и суети за едно директорско место или неколку членови по управни одбори!, напиша Пандов на Фејсбук.

The post Пандов за Јакимовски: Не му чуе нему ни за бугарскиот договор ни за францускиот предлог appeared first on Република.

The post Јакимовски: Заев ми е пријател, интересен ми е, а со Мицкоски не функционираме најдобро appeared first on Република.

Претседателот на Владата на Република Македонија Димитар Ковачевски и директорот на Агенцијата за млади и спорт, Наумче Мојсовски, денеска направија увид на отпочнатите градежни работи за целосна реконструкција на спортската сала „Наум Наумовски-Борче“, која меѓу карпошани, но и ширум државата е позната под името „Партизан“.

Со севкупната обнова го враќаме првичниот сјај и функционалност на оваа спортска сала која е гордост за Карпош и за која се врзани дел од најубавите спомени на голем број скопјани. Токму тука се родија и афирмираа плејада спортисти од различни спортски дисциплини. Како Влада која сериозен дел од својот фокус го определува за младите и спортот, а водени од важноста која ја има овој објект, преку Агенцијата за млади и спорт инвестираме 69,5 милиони денари државни средства, за да може „Партизан“ да биде целосно современо и функционално уредено спортско игралиште. За да го вратиме некогашниот дух на спортски ентузијазам и да создадеме уште едно место за спортски активности на младите и на сите граѓани, истакна премиерот Ковачевски во својата изјава на настанот.

Премиерот Ковачевски истакна дека Владата, дури и во услови на светска економска криза е посветена на градење капитални објекти кои се со трајна вредност за општеството.

Инвестираме во објекти кои се од капитално значење и вредност за државата, младите и спортот. И во услови на светска економска криза не запираме да градиме капацитети со кои го подобруваме животот на граѓаните и ги поттикнуваме на спортување и рекреација, кои се важни за менталното и физичкото здравје. Вложуваме по план во секоја општина и населено место во државата, создавајќи општество со еднакви можности за сите, рече премиерот Ковачевски.

Ковачевски дополни дека Владата и Агенцијата за млади и спорт, континуирано вложуваат и создаваат услови за непречено спроведување на активностите на спортските федерации, клубовите и индивидуалните спортисти како што е мерката „Ваучер во спортот“, со која државата ги пренасочува дел од парите од данокот на добивка во македонскиот спорт.

Директорот на Агенцијата за млади и спорт (АМС) Наумче Мојсовски во својата изјава истакна дека денеска сите заедно сведочиме на возобновување на еден многу значаен објект во македонскиот спорт, „Наум Наумовски – Борче“, или како што скопјани се сеќаваат - салата „Партизан“.

Култната сала „Партизан“, заслужува да блесне, да го добие потребното внимание, а карпошани и сите скопјани да си ја вратат и својата гордост, но и среќата дека овде ќе се одиграат уште многу натпревари во кои сите ќе уживаме, нагласи директорот на АМС Наумче Мојсовски.

The post Ковачевски: Со реконструкција на салата „Партизан“ инвестираме во капитални објекти како трајна вредност за општеството appeared first on Република.

Путин сака да ја покори цела Украина. Обидот да се дојде до руската граница и да се заокружи Русија е преопасна игра, на која Путин предупреди. Тој молеше Европа и Русија да бидат обединети против еден непријател, а тоа е тероризмот, вели градоначалникот на Карпош, Стевче Јакимовски во емисијата „Студио 10“.

Според него, нападот во Украина може да има верижна реакција низ светот.

Кина со Тајван, на Балканот српскиот свет, имате носач на НАТО во Јадранското море, може да биде гаѓан Белград и Бања Лука. Работата е сериозна, појаснува Јакимовски.

Тој додава дека во изминатиот период пред инвазијата починале 15.000 лица.

Во Украина се отпуштени Руси и се убиваа лица. Кога ќе изберете претседател-комичар (Зеленски) ќе си доручкувате гранати. Наместо тој да седне и да се смират тензиите, тој обидува со закани. Додека Бајден и Џонсон дојдат со тенковите, отиде Украина, смета Јакимовски.

The post Јакимовски за Зеленски: Кога ќе изберете комичар за претседател, ќе си доручкувате гранати appeared first on Република.