Одлуката на САД да испратат поголема група современи борбени авиони од петта генерација Ф-35 на воени маневри на Пелопонез, се смета како потврда дека Вашингтон во Атина гледа како на доверлив балкански сојузник и како еден вид на американско „да“, за барањето на Грција и самата да ги набави тие стелт авиони.

Како што наведува порталот „Балканска безбедносна мрежа“, по барањето на Атина да набави американски Ф-35, Вашингтон упати такви стелт авиони во Грција на големи заеднички маневри, со што е потврдена подготвеноста да се направи на земјата да ѝ бидат достапни најновите воени технологи.

Авионите се испратени на грчко-американските маневри „Гневот на Посејдон 22“, што ќе траат до 20 јули, а набљудувачите забележаа дека за првпат во заедничките вежби на вооружените сили на двете земји, учествуваат борбени авиони од четврта и петта генерација Ф-15 и Ф-35.

Истовремено, началникот на Генералштабот на грчката војска, генералот Константинос Флорос, е во официјална посета на САД. Покрај средбите со највисоки воени официјални лица, тој го разгледа производствениот погон на Ф-35 на Локид Мартин во Тексас - се наведува во текстот.

Формалното барање за набавка на Ф-35 го најави грчкиот премиер Кирјакос Мицотакис, за време на неодамнешниот НАТО самит во Мадрид.

Грција очекува авионите да бидат испорачани 2027 или 2028 година. Тоа е долг процес и ние имаме простор во буџетот за купување - појасни грчкиот премиер.

Според грчки медиуми, една ескадрила ќе има 20 авиони, а доколку се набават две, ќе бидат вкупно 40 авиони Ф-35.

Западни медиуми во извештаи за грчкото купување истакнуваат дека Грција планира модернизација на 38 авиони Ф-16, што е уште една работа со Американците, како и купување 24 авиони Рафал и воени бродови од Франција.

Набавката на воена опрема се гледа во светло на растечките тензии со Турција. Со гранични инциденти, турскиот претседател Реџеп Тајип Ердоган одби состанок со грчкиот премиер Мицотакис за време на НАТО самитот во Мадрид.

Како што пишуваа американски медиуми во мај, за време на посетата на Мицотакис на Вашингтон, Грција истовремено лобирала против потенцијални американски продажби на авиони Ф-16 на Турција, но и за влез на грчката авио-индустрија во програмата Ф-35.

Авионот Ф-35 има стелт можности за намалена радарска видливост, а учесници во програмата се САД и уште седум земји. Одобрено е купување за уште шест земји. Грција може да биде деветта членка на програмата за производство, 15 корисничка на овој модерен авион и прва на Балканот.

The post САД прифатиле Грција да набави стелт авиони Ф-35 appeared first on Република.

Вкупно 63 отсто од испитаните примероци во Лабораторијата за вирусологија и молекуларна дијагностика при Институтот за јавно здравје (ИЈЗ) на Македонија биле позитивни на  BA.2 сублинијата на омикрон - позната уште и како „стелт“, покажува последниот извештај на ИЈЗ за периодот од 7 до 13 март годинава.

Во текот на изминатата недела е изведен PCR тестот базиран на Single Nucleotide polymorphism со користење на Vir SNiP SARS CoV 2 Spike S371L S373P за детекција на SARS CoV-2 кај 92 позитивни примероци на SARS-CoV-2 од болнички и примероци од пунктовите. Позитивните примероците се одбрани од тестираните позитивни во период од 7 до 12 март, од следните градови: Скопје, Кавадарци, Тетово, Велес, Свети Николе, Кочани, Прилеп, Кратово и Гевгелија.

Во 32 (34,8%) од испитуваните примероци е докажана BA.1 сублинијата на Омикрон. Во 5 (63,0%) од испитуваните примероци е докажана BA.2 сублинијата на Омикрон - позната уште и како „стелт“, се вели во извештајот.

Регистрирани сe 1.818 нови позитивни случаи од 30 градови во државата, со намалување од 27,4% во однос на минатата недела. Процентот на позитивност се движи од 7,8% до 13,8%, просечно 11,6%.

Според неделниот извештај тестирани се вкупно 15.264 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 12,% во однос на минатата недела.

Најголем дел од регистрираните случаи се од Скопје, а највисока неделна инциденца е регистрирана во Кавадарци.

Регистрирани се заболени лица во сите возрасни групи. Најзастапена е возрасната група на лица на возраст над 60г (27,8%). Најмал број е регистриран кај возрасната група од 0-9 години (3,3%).

Во однос на претходната недела, се регистрира намалување на бројот на заболени кај сите возрасни групи, со најзабележително намалување од 41,7% во возрасната група од 0-9 години.

Согласно новиот алгоритам за оздравување во текот на минатата недела со статус „оздравени“ се стекнале 2.400 лица во хоспитализирани услови или на домашно лекување.

Во текот на минатата недела вкупно се пријавени 267 реинфекции, со намалување од 28,2% во однос на претходната недела.

Пријавени се 34 смртни случаи во 13 градови во текот на изминатата недела, за 33,3% помалку во однос на претходната недела. Најголем дел од нив се од Скопје (17). Во однос на возраста, регистрирани се 33 починати од возрасната група над 60 години и еден починат од возрасната група од 50-59 години.

До 13 март се регистрирани се вкупно 11.113 (3,7%) реинфекции. Од реинфекциите, 19 завршиле со смртен исход.

Регистрирани се 9.150 смртни случаи.

Досега во земјата се направени вкупно 1.923.358 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 301.583, бројот на оздравени пациенти е 290.617, на починати е 9.150, а бројот на активни случаи изнесува 1.816.

На 17 февраури 2021 година во  Македонија започна вакцинацијата против ковид-19. Заклучно со 12.03.2022, вакцинирани се вкупно 871.669 лица со барем една доза на вакцина против ковид-19 во државата и странство. Комплетно вакцинирани (со две дози) се вкупно 851.655 лица, а со трета доза се вакцинирани 147.223 лица.

The post Кај ковид-позитивните во Македонија доминира подваријантата „стелт“ – дури 63 отсто се заразени со неа appeared first on Република.

Подваријнтата стелт омикрон е регистрирана кај пациенти во Македонија, објави Институтот за јавно здравје (ИЈЗ) во неделниот извештај кој се однесува за период од 14 до 20 феврруари 2022 година.

Во Лабораторијата за вирусологија и молекуларна дијагностика при ИЈЗ во текот на изминатата недела, кај 49 позитивни примероци на САРС-КоВ-2 од болнички и примероци од пунктовите е направено ПЦР тестирање за детекција на Омикрон сојот. Позитивните примероците се одбрани од тестираните позитивни во период од 14 до 20 февруари од Скопје, Кавадарци, Тетово, Охрид, Струга, Кочани, Велес, Свети Николе, Штип, Виница и Гевгелија.

Во 29 (59,2%) од испитуваните примероци е докажана BA.1 сублинијата на Омикрон. Во 20 (40,8%) од испитуваните примероци е докажана BA.2 сублинијата на Омикрон - позната уште и како „стелт“, соопшти ИЈЗ.

Регистрирани сe 6.119 нови позитивни случаи од 34 градови во државата, со намалување од 29,2% во однос на минатата недела. Процентот на позитивност се движи од 16,7% до 31,1%, просечно 25,8%.

Според неделниот извештај на ИЈЗ во периодот тестирани се вкупно 23.396 материјали во лабораториите во кои се спроведува молекуларно тестирање и антигенско тестирање за присуство на САРС-КоВ-2, со намалување од 11,2% во однос на минатата недела.

Најголем дел од регистрираните случаи се од Скопје, а највисока неделна инциденца е регистрирана во Неготино, Скопје и Кавадарци.

Процентот на позитивност се движи од 16,7% до 31,1%, просечно 25,8%. Регистрирани се заболени лица во сите возрасни групи. Најзастапена е возрасната група на лица на возраст над 60г. Најмал број е регистриран кај возрасната група од 0-9 години. Се забележува намалување на бројот на заболени кај сите возрасни групи, со најзабележително намалување од 31,5% во возрасната група од 20-29 години и 31,2% кај лицата на возраст од 50-59 години.

Во текот на минатата недела вкупно се пријавени 863 реинфекции, со намалување за 29,8% во однос на претходната недела. Пријавени се 106 смртни случаи во 23 градови во текот на изминатата недела, за 27,9% помалку во однос на минатата недела. Најголем дел од нив се од Скопје (41). Во однос на возраста, најголем број (95,3%) од починатите припаѓаат на возрасната група над 60 години, а регистрирани се починати лица и кај возрасната група од 50-59 години (4) и 40-49 години (1).

Заклучно со 20.02.2022, вакцинирани се вкупно 869.763 лица со барем една доза на вакцина против ковид-19 во државата и странство. Комплетно вакцинирани (со две дози) се вкупно 848.573 лица, а со трета доза се вакцинирани 140.455 лица.

The post Откриена подваријантата стелт омикрон кај пациенти во Македонија appeared first on Република.

Во Македонија присутна и подваријантата на Oмикрон со назив „стелт“, пренесува ТВ21.

Информациите покажуваат дека оваа подваријанта е регистрирана кај 5 примероци, a биле детектирани преку специфична RT-PCR анализа со крива на топење.

До сега во земјава потврдени се вкупно 255 случаи на зараза со сојот „Омикрон“, објавија од Институтот за јавно здравје. Завчера и Хрватска го потври првиот случај на заразен со подваријанта на омикрон-сојот BA.2.

The post Во Македонија присутна и подваријантата на омикрон – „стелт“ – регистрирани пет случаи appeared first on Република.