Светскиот рекет број 11, грчкиот тенисер Стефанос Циципас не е задоволен од формата во која се наоѓа во последно време.

Гркот доживеа елиминација уште во првото коло на Грен слемот во Њујорк.

Во првото коло Циципас загуби од Австралиецот Танаси Кокинакис со резултат 6:7 (5:7), 6:4, 3:6, 5:7.

- Не сум ништо во споредба со играчот што бев порано. Кога бев помлад, играв на теренот со адреналин, чувствувајќи дека мојот живот зависи од натпреварот. Сега сето тоа го нема. Имам чувство дека има некој вид на исцрпеност, продолжен замор. Ова го чувствувам од почетокот на годината. Без разлика дали ќе се откажам или не, тоа веќе се случи и не може да се врати, изјави Циципас за „RTBF“.

На почетокот на август, 26-годишниот Грк престана да работи со својот татко Апостолос Циципас, кој му беше тренер.

The post Циципас за испаѓањето од УС Опен: Јас не сум ништо во споредба со играчот што бев порано appeared first on Република.

Првиот носител Новак Ѓоковиќ и осмиот фаворит Стефанос Циципас ја формираа првата двојка за четвртфиналната фаза на Олимписките игри во Париз.

Ова е епилогот по првите два денешни натпревари на тенискиот олимписки турнир.

Србинот беше поуспешен од Доминик Кефер од Германија со 7:5 и 6:3.

Грчкиот тенисер славеше победа над Себастијан баез од Аргентина со 7:5 и 6:1.

Мечот Ѓоковиќ – Циципас е закажан за утре

The post Гркот Циципас следен противник на Ноле appeared first on Република.

Дванаесеттиот светски рекет, грчкиот тенисер Стефанос Циципас го освои турнирот во Монте Карло.

Гркот попладнево во финалниот меч го совлада Норвежанецот Каспер Руд, 10-ти на светската ранг-листа, за 1 час и 38 минути со 6:1 и 6:4.

Циципас по трет пат во кариерата го освои Мастерсот во Монте Карло. Вкупно, тој сега има 11 АТП титули во сингл.

Наградниот фонд на Мастерсот во Монте Карло изнесуваше 5,95 милиони евра.

The post Циципас го освои Мастерсот во Монте Карло appeared first on Република.

Ова уште не сме го имале - рече судијата на натпреварот Циципас - Шелтон во 2. коло во Синсинати, кога Гркот му пријде и му рече дека госпоѓата од првиот ред кога и да служи имитира зуење на пчела и на тој начин го вознемирува.

Ме вознемирува зуењето како пчели - му пријде Стефанос Циципас на судијата.

- Дали си сигурен? Тоа уште не сме го имале – одговори судијата.

- Мислиш дека е во ред?

Во продолжението од мечот, дамата ги смири страстите на навивачите, па престана да му се меша на Циципас, кој во 2. коло го совлада локалниот играч Бен Шетон

The post На Циципас му пречеше жена која имитираше зуење на пчела appeared first on Република.

Исклучително непријатна сцена ја одбележа полуфиналната пресметка на Мастерсот во Рим меѓу Данило Медведев и Стефанос Циципас.

Рускиот тенисер го совлада лутиот ривал од Грција со резултат 2:0 (7:5, 7:5) и обезбеди пласман во финалето, а мечот го одбележа скандалозното однесување на Циципас.

Имено, Гркот среде натпревар пцуеше, и се развика на својата мајка Јулија Апостоли и на крајот ја избрка од свечената ложа.

„Не зборувај на руски. Зборувај на грчки! Зборувај на својот јазик жити Бога“, рика Циципас.

The post Циципас и се развика на мајка си дека зборува руски appeared first on Република.

Гркот Стефанос Циципас е првиот финалист на Австралија опен, откако во денешното полуфинале во Мелбурн го совлада Карен Хачанов од Русија со 3-1 во сетови (7-6, 6-4, 6-7, 6-3).

За Циципас, четврто рангиран на АТП листата, ова ќе биде негово второ грен – слем финале во кариерата по Роланд Гарос во 2021 година.

Противник на 24-годишниот Циципас в недела ќе биде победникот од вториот полуфинален дуел меѓу американскиот тенисер Томи Пол (АТП-35) и Србинот Ѓоковиќ, кој допатува во Мелбурн со цел да ја освои својата 22. Грен – слем титула.

The post Гркот Циципас во финалето на АО appeared first on Република.

Грчкиот тенисер Стефанос Циципас се пласираше во полуфиналето на Мастерсот во Париз. Во два сета тој го победи Американецот Томи Пол со резултат 6:2, 6:4.

Следен ривал на Циципас ќе биде српскиот тенисер, Новак Ѓоковиќ.

Другата полуфинална двојка ја сочинуваат Холгер Руне (Данска) и Феликс Оже-Алијасим (Канада).

АТП Ролекс Мастерс турнирот во Париз се игра за награден фонд од 5,4 милиони евра.

The post Циципас оди на Ѓоковиќ во полуфиналето на Мастерсот во Париз appeared first on Република.

Грчкиот тенисер Стефанос Циципас го критикуваше однесувањето на Ник Кирјос (Австралија) од кого загуби во 1/16 финалето на Вимблдон со 1-3, по сетови 7:6, 4:6, 3:6, 6:7.

Навистина се надевам дека ќе создадеме почиста верзија на нашиот спорт, каде ваквото однесување е недозволиво. Треба да се преземе нешто околу ова. Не е во ред. Некој треба да разговара со него. Не можам да седам како робот и да не реагирам на никаков начин. Се уморуваш од ова. Се чувствував како да сме во циркус. Постојано нешто кажуваше, постојано се жалеше за нешто. Иако дојдовме да играме тенис, а не да водиме дијалози. Се обидов да не се провоцирам од тоа, бидејќи можеби е намерно. Тоа е негов начин да манипулира со противникот, да го собори - изјави Циципас.

Тој додаде дека Кирјос извикувал „добар удар“ по неговите грешки.

Ова е постојано малтретирање. Постојано ги малтретира противниците. Веројатно, на училиште бил еден од оние кои се потсмеваат. Не сакам такви луѓе кои ги понижуваат другите. Има добри карактеристики, но има и нешто многу зло. Нешто што може да ги повреди луѓето - додаде Циципас.

Во осминафинаето на Грен слемот во Лондон, Кирјос ќе се соочи со Брендон Накашима од САД.

The post Циципас му се налути на Кирјос: Веројатно, на училиште бил еден од оние кои се потсмеваат appeared first on Република.

Грчкиот тенисер Стефанос Циципас полеснио од очекувањата избори пласман во полуфиналето на Австралија опен.

Циципас во четврт-финалето на Грен слемот во Мелбурн, го совлада Италијанецот Јаник Синер со 3-0 (6:3, 6:4 и 6:2) по безмалку два часа игра.

Циципас кој е четврти носител на турнирот, во полуфиналето ќе игра со победникот од мечот Данил Медведев (Русија) – Феликс Оже-Алијасим (Канада).

Првата полуфинална двојка ја сочинуваат Рафаел Надал (Шпанија) – Матео Беретини (Италија).

The post Циципас лесно до полуфиналето на Австралија опен appeared first on Република.