Поранешниот тренер на Милан, Стефано Пиоли, е назначен за нов шеф на стручниот штаб на саудискиот фудбалски клуб Ал Наср.

Информацијата ја објави вечерва Ал Наср на социјалните мрежи.

Италијанецот Пиоли седнува на клупата на саудискиот клуб на местото на Португалецот Луис Кастро.

Со тимот на Милан, кој го водеше од 2019 година до крајот на минатата сезона, Пиоли ја освои Серија А во 2022 година, а истата година беше прогласен за најдобар тренер во италијанското првенство.

Италијанскиот стратег во кариерата предводеше уште 11 други екипи, меѓу кои Интер, Лацио и Фиорентина.

Ал Наср, во чиј редови настапуваат Кристијано Роналдо, Садио Мане, Емерик Лапорте, Марсело Брозовиќ и други познати фудбалски имиња, се наоѓа на седмото место во саудиската лига со пет освоени бода од три натпревари

The post Пиоли му стана тренер на Роналдо appeared first on Република.

Тренерот на фудбалерите на Милан, Стефано Пиоли, се договорил со Наполи. Тој ќе седне на клупата на наполитанците на крајот на сезоната и ќе потпише договор за две плус една година.

58-годишниот стратег ги презеде „росонерите“ во октомври во 2019 година и досега има 236 натпревари во сите конкуренции.

Миланезите под негово водство победија на 131 меч, 54 пати одиграа нерешено а претрпеа 51-еден пораз. Милан стана шампион на Италија во сезоната 2020/21.

The post Стефано Пиоли ја прифати понудата на Наполи appeared first on Република.

Милан од следната сезона ќе има нов тренер. Италијанските медиуми наголемо пишуваат дека Пиоли нема да ја води екипата во следниот шампионат, и дека раководството веќе работи на отказот, кој би можел да го добие и пред завршувањето на сезоната.

Ова стана јасно откако Пиоли не успеа да го внесе тимот во полуфиналето на Лигата на Европа, а имаше неуспешна сезона и во Серија „А“, односно не дојде до титулата, која патува во другиот дел на Милано, во рацете на Интер.

Пиоли од 2019 година е тренер на Милан, и најголем успех му е титулата во сезоната 2021/22. Истата сезона ја освои наградата тренер на сезоната.

The post Пиоли добива отказ од Милан appeared first on Република.

Стефано Пиоли би можел да го напушти Милан доколку Рома го исфрли од Лигата на Европа.

Во првиот натпревар од четвртфиналето во второто по квалитет клупско фудбалско натпреварување во Европа, Рома на гости го победи Милан со 1:0.

Според „La Gazzetta dello Sport“, иднината на Пиоли во Милан зависи од исходот на реваншот, како и од резултатот на натпреварот со Интер во Серија А. Се забележува дека натпреварот со Рома ќе има посериозно влијание врз кадровските одлуки.

Доколку Милан се пласира во полуфиналето на Лига Европа, иднината на Пиоли во клубот нема да биде загрозена.

Во случај на оставка важна улога во изборот на нов тренер ќе има мислењето на Златан Ибрахимовиќ.

Пиоли е во Милан од 2019 година. Под негово водство тимот стана шампион на Италија во сезоната 2021/22.

The post Четврток е клучниот ден за Пиоли на клупата на Милан appeared first on Република.

Тренерот на Милан, Стефано Пиоли е задоволен од изданието на неговите избраници по победата на гости синоќа кај Фиорентина (2:1) во Серија А.

- Игравме добро, создадовме многу шанси и мислам дека ја заслуживме победата на теренот на противникот, со кого секогаш имавме проблеми на гости. Не е лесно по репрезентативната пауза, па затоа сум особено среќен поради оваа победа. Во добра форма сме веќе два до три месеци. Тимот станува посигурен, а сите се подготвени да помогнат во одбраната. Кога добро се браниме, тогаш нормално, благодарение на нашата напаѓачка вештина, можеме да му правиме проблеми на секој противник, изјави главниот тренер на Милан.

Според најавите од Италија, Пиоли и следната сезона ќе остане шеф на стручниот штаб на Милан.

По 30 кола „Росонерите“ имаат 65 бодови и се наоѓаат на втората позиција во поредокот во Серија А.

The post Велигденска победа на Милан во Фиренца appeared first on Република.

Стефано Пиоли е незадоволен од арбитражата на Марко Ди Бело во четвртфиналето Купот на Италија. Милан синоќа загуби (1:2) како резултат на голот на Аталанта од пенал, досуден за прекршок на дефанзивецот Алехандро Хименез врз играчот од средниот ред Алексеј Миранчук.

- Првото полувреме го одигравме одлично, заслужено го отворивме резултатот, но после тоа одигравме крајно наивно. Требаше да направиме многу подобро дефанзивно кога Аталанта израмни. Но, вистината е дека тоа беше пенал што не се случи што промени сѐ. После тоа ги загубивме главите, се распаднавме и изгубивме контрола над играта. Сега многу се зборува за ВАР, но немаше пенал. Нашиот играч прво играше со топката, а играчот на Аталанта почна да паѓа уште пред контакт. Непријатна вечер. Можевме подобро да одговориме. Го разбирам незадоволството на играчите што загубија по толку добра игра, но имаше уште многу време за враќање. Не ги искористивме создадените шанси, изјави Пиоли за „Sport Mediaset“.

Во полуфиналето Аталанта ќе се соочи со Фиорентина

The post Mилан се врати на поразите appeared first on Република.

Тренерот на Милан, Стефано Пиоли, даде свое видување за синоќешниот пораз (1:3) од Борусија Дортмунд во Лигата на шампионите.

- Го загубивме натпреварот кога можевме да го насочиме според нашето сценарио. Така беше со пеналот, така беше една минута пред нивниот втор гол, кога можевме да поведеме. Кога нема да постигнеш гол и веднаш после тоа примаш, тоа ти го крши духот. Загубата на Тиао секако влијаеше на рамнотежата на одбраната. Требаше подобро да се браниме. Разочарувачка вечер. Знаевме дека имаме одлична можност и тоа ни тежеше. Сега наша должност е да одиме во Њукасл, да одиграме добар натпревар и да се обидеме да победиме. Имаме уште мали шанси за плејоф. Тешко е да се најдат зборови. Мислам дека на навивачите не им треба никаква порака. Тие имаат право да бидат лути, да се чувствуваат разочарани, а ние имаме обврска да играме подобро затоа што денес не се претставивме како што сакавме, изјави тренерот на Милан за „Sport Mediaset“.

На едно коло пред крајот во Ф-групата, Борусија Дортмунд е лидер со 10 бода, ПСЖ има седум

The post Тренерот на Милан: Играчите имаат право да бидат лути за поразот appeared first on Република.

Тренерот на Милан, Стефано Пиоли е разочаран од исходот во полуфиналната пресметка со Интер во Лигата на шампионите.

- Големо разочарување, изминавме долг пат. Сакавме да стигнеме до финалето, тоа е јасно. Имавме неколку шанси во првото полувреме и доколку постигневме гол, можеби ќе го однесевме натпреварот во друга насока. Сега треба добро да го завршиме првенството. Искуство? Имавме искусен играч, но за жал не можев да го искористам Златан Ибрахимовиќ, изјави Пиоли.

„Росонерите“ синоќа го загубија реваншот од полуфиналето на Лигата на шампионите со резултат 0:1. Во првиот натпревар Милан беше поразен со 0:2

The post Tренерот на Милан разочаран од елиминацијата од Интер appeared first on Република.

Тренерот на Милан, Стефано Пиоли ги искажа очекувањата за вечерашниот натпревар со Наполи во четвртфиналето на Лигата на шампионите.

- Смирени сме бидејќи знаеме дека се подготвивме за овој натпревар на најдобар можен начин. Ги разбираме сите тешкотии со кои треба да се соочиме. Лигата на шампионите е елитно натпреварување. Ние сакаме да го покажеме нашиот најдобар фудбал. Милан има фантастично успешна историја во Лигата на шампионите. Во исто време, неколку години не можевме да влеземе на овој турнир. Утрешниот натпревар е многу важен. Веќе го надминавме резултатот од минатата сезона, а сега ќе се обидеме да ја надминеме и бариерата од четвртфиналето. Наполи е многу силен. Но, во оваа фаза, на турнирот останаа само силни противници. Мора да ја дадеме целата наша сила, изјави Пиоли.

Натпреварот ќе се игра вечер од 21 часот на „Сан Сиро “ во Милано

The post Tренерот на Милан задоволен од досега постигнатото во ЛШ, но сакаат уште повеќе appeared first on Република.

Тренерот на Милан, Стефано Пиоли наскоро би можел да биде разрешен од функцијата.

Според италијанските медиуми, челниците на клубот од Сан Сиро се уште веруваат во тренерот, но би можеле да се предомислат доколку наскоро не се промени ситуацијата во тимот, а со тоа и во поредокот на табелата.

Росонерите се во серија од три порази во првенството, односно на последните пет натпревари освоија само два бода, со што во моментов се на петтото место со 38 бода.

Во случај актуелниот шампион да продолжи со слаби резултати и да се доведе во прашање пласманот во Топ 4, цехот би можел да го плати токму Пиоли, кој на клубот му ја донесе првата титула од 2011 година.

Педесет и седумгодишниот тренер на клупата на Милан е од октомври 2019 година.

The post Тренерот на Милан се соочува со отказ appeared first on Република.