Некој не довел до оваа состојба по прашањето со Бугарија за да биде уште некое време на власт.Ќе се бориме и ќе победиме, ништо не паднало од небо.Не влегуваме на тие преговори да се инаетиме туку влегуваме и нудиме решение и сме контруктивни. Тој направи споредба и со Договорот со Грција,објасни премиерот Мицкоски во поткастот кај Лазаров.

Велат дека Преспанскиот договор бил добар.Тогаш зошто прашањето со Бугарија не го решиме на ист начин.Во Договорот од Преспа стои-уставните измени ќе бидат ефективни кога Грција ќе го ратификува пристапниот протокол за Македонија во НАТО.Зошто тоа да не го решиме на идентичен начин со Бугарија.Уставните измени са важат кога Бугарија  ќе го ратификува пристапниот договор за Македонија во ЕУ.И нема да има пречки.-прашува премиерот.

The post Мицкоски прашува: Зошто уставните измени со Бугарија да не ги решиме на ист начин како со Договорот од Преспа? appeared first on Република.

Вечерва со почеток од 20 часот започна да се емитува вториот дел, второто гостување на Бојан Јовановски- Боки 13 кај јутјуберот Стефан Лазаров.

По извесно време, подкастот мораше да биде прекинат откако на Јовановски му јавија дека има полиција во домот кај неговите родители. Боки откако се јави на неговата мајка ја напушти емисијатаа потоа се врати и опиша што се случило.

 

– Се слушнав со мајка ми, видно вознемирена, во два наврати доаѓало полиција во мојот дом во Тафталиџе. Ме бараат на информативен разговор. Пријавен сум по член 144 од КЗ, тоа е загрозување на безбедност. Моите информации велат дека Зоран Милески – Кичеец ме пријавил дека јас сум му ја загрозил безбедноста со тоа што сум споменал јавно и сум објавил дека тој стои позади заканите и тој е човекот што сакаше да ме замолчи, рече Јовановски

The post Полиција влезе во домот на Боки додека беше на подкаст кај Лазаров appeared first on Република.

Бојан Јовановски-Боки 13 во подкастот кај Стефан Лазаров читаше пораки за кои рече дека се разменети помеѓу него и обвинителката Вилма Русковска, која беше шефица на Обивнителството за гонење организиран криминал.

Бојан Јовановски-Боки 13 читаше пораки за кои рече дека се разменети помеѓу него и обвинителката Вилма Русковска, која беше шефица на Обивнителството за гонење организиран криминал.

„Јас ја прашувам на 23.02.2019 година,

‘Вилмич, кај сакаш да седнеме на вечера’. И ги повикувам медиумите, еве, и таа нѐ гледа, можеби само е во алкохолизирана состојба, да ѝ се јават и да ја прашаат дали е тоа точно или не е, ако е тоа точно. Вилма ми одговара ‘Ќе ви јавам, само да завршам’, јас ја прашувам ‘Што сакаш од Италија, Вилмич’, таа ми одговара: ‘Од Италија само кондури се купуваат’, јас ја прашувам: ‘Кој број кондури носич Вилмич’, таа вика ’37’, па вика дека кога била во Рим, само кондури купувала. На 20.03. 2019 година ми вели: ‘Пуштај ми новинар, ќе го викнам на распит З. Караџовски, многу ми е одвратен, ќе го уништам’, јас ја прашувам: ‘За што го викаш на распит?’, таа ми вели: ‘Нели му отворив предмет за бонусите кои ги потпиша за судиите’. Јас ја прашав кога и треба новинар, а таа одговара. Таа вика: ‘Одвратен ми е, ќе ти кажам што да го праша новинарот’. Таа ги уредуваше работите. Тоа го правела во Рекет, цело време“, рече Јовановски.

Потоа продолжи со читање на пораки.

Само вие фалете ја Катица и тие дебили за да можат да им го донесат законот за да зимаат уште повеќе бонуси’. Јас ѝ одговарам: ‘Не сум во тек, на пат сум’. Таа вика: ‘Па на вести само тоа објавувате и уште најавувате дали јас сум можела да ги постигнам овие резултати во ОЈО-ГОКК. Срамота. Ај те молам кажи за кои стандарди треба да се борам’. Значи, таа уште тоа време, имаше анимозитет кон Катица и СЈО. И вели: ‘Или треба да бидам неписмена како свиња Катица’. Потоа ми вели: ‘Онаа дувнатата од кај тебе од ТВ многу се замислува’. Мисли на Дувњак и кажува дека веќе нема да гостува. Потоа вели: ‘Оној шпиунон Ордановски не мора толку да одработува за СЈО, ја изгледав емисијата за 27-ми, на што личеше тоа?’. Јас ѝ викам, чекај да видам, те барам“, додаде Јовановски.

Посочи дека внукот на Вилма Русковска е обвинител во Куманово, па барала тој да биде вработен кај Катица, да помогнел.

„Месец март, 2019 година.

Откако јас сум ги зел наводно парите од Јордан Камчев. Јас на тоа викам, ‘слушни се подобро со Катица, така е подобро’. Да си се договорат тие две, колешки се. Се оградувам. Претходно кога ми рекла да пробам кај Катица, јас викам, ‘важи, ќе биде’“, додаде Јовановски.

Потоа, посочи дека на 13.03. бил во комуникација со Русковска, на два дена пред пресудата за 27-април.

„Таа ги знаеше пресудите за 27 април пред судот да ги изрече и да донесе пресуда. Јас ѝ пишувам: ‘Утре ќе ја пренесуваме пресудата за 27, цела’, Вилма враќа: ‘Ќе биде интересно, највисоки казни, после ќе давам изјава’. Јас враќам: ‘Значи Кацарска ќе направи лом’, Вилма вели: ‘Лом, лом, ќе видиш’. Јас ѝ викам: ‘Дај некоја ексклузива’, јас ѝ барам ексклузива на телевизијата. Она ми одговара: ‘Само една ослободителна, другите сите високи’. Русковска: ‘После пресудата ќе ја бараме Кацарска да гостува’ и точно, дојде кај Гордана Дувњак да гостува во емисија. Таа ми изнесува пресуда пред пресудата да биде изнесена. Потоа ми зборува за директори кои што ќе бидат ексклузивно апсени за две недели итн“, додаде Јовановски.

По ова посочи: „Јас ѝ го зборував ова на Вилма Русковска, дека ќе ѝ дојде овој ден, дека ќе одговара.

Она беше свесна дека ова постои во мојот телефон. Они ме уапсија, мислеа ќе ги има само доказите за Јордан Камчев, снимка, разговори и дека во мојот телефон нема да има ништо. Две недели пред да ме уапсат, една личност ме подучуваше да избришам сѐ од телефонот, да сум го напраел ко нов.

Ми викаше ‘зло не требало’. Јас на тоа, за да престане да ми зборува тоа, јас викав: да, да, да избришав’. Јас намерно телефонот го држев без пасворд, намерно. Таа кога го зема телефонот, се сретна со пораки, меѓу кои, со пораки со Наум Пановски. Виде пораки каде Наум Пановски ја напаѓа, каде дава информации какво ѝ е обвинението за 27-ми април, мене ми кажува дека е алкохоличарка која е неписмена, тоа се негови зборови и дека други ѝ ги правеле обвиненијата, дека од ракав ѝ се обвинети луѓето“.

Јовановски објасни:

„Заради 27 април доби шефовско место. Го доби предметот за работење, па стана и шеф на организиран криминал. За да се изживљава на луѓе, упропасти толку места. Цитирам порака дека обвинението е пишувано од ракав и дека кому-иде луѓето се ставени таму“.

The post „Само една ослободителна, другите сите високи“: Русковска предвреме ги знаела пресудите за „27 април“ appeared first on Република.

Во Основниот кривичен суд, новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“ денеска изјавија дека не се чувствуваат виновни за делото што им се става на товар.

Латас пред Судот рече дека не се чувствува виновен и дека обвинението е тенденциозно.

Не се чувствувам виновен за поднесеното обвинение бидејќи сметам дека е тенденциозно, под притисок на мала група луѓе кои себе се дефинираат како јавност, во соработка со директорот на јавната полиција, односно Бирото за јавна безбедност и премиерот Димитар Ковачевски кој заедно со претходно спомнатите, однапред, и пред да се донесе обвинението, обвинија и јавно пресудија, рече Латас.

Не се смета за виновен бидејќи, како што рече, во самото обвинението се цитира реченицата во која е нагласен мотивот за да се напушти средината со такви појави.

Исто така, не се сметам за виновен, бидејќи ниту во самата емисија, која раскажува животен пат на момче од сиромашна средина, до ниво на познат и признат новинар, постојат разни фази, случки и мотиви да се напушти таа средина и оствари нешто ново. На крај, токму реченицата која се цитира во обвинението е нагласен мотивот за да се напушти средината со такви појави и се премине на нешто друго, друг живот, рече тој.

Обвинетиот Стефан Лазаров, исто така, изјави дека не се чувствува виновен.

Самите две минути, според мене, се извадени од контекст. Сметам дека треба да се помине целата емисија за да се увиди мотивот на гостинот. Искажан став не значи и искажана ситуација која што се случила некогаш во неговиот живот, а моето смеење на истата не значи дека оправдувам и промовирам насилство врз жени, рече тој.

Рочиштето продолжи со изведување на докази од Обвинителството при што беше изведен делот од подкастот на кој обвинителството го темели обвинението.

Според обвинетиот Латас, овој доказ не е целосен бидејќи недостасува целата емисија во која се состои контекстот.

Како што рече, обвинителот не може да оценува и проценува што е смеење.

Какво е тоа смеење и кои се целите на тоа смеење, што спаѓа во рамки на друга струка за која вообичаено и во процеси на клевета, се бара мислење од стручно лице психолог или психијатар кој оценува дали и какви смеење има, вели тој, нагласувајќи дека тоналитетот на неговото смеење бил ист низ целата емисија, како и во конкретниот дел изведен од обвинителството.

На ова обвинителот одговори дека при изведувањето не извршил проценка на нивното смеење, туку само навел дека тие се смеат.

Според обвинението, двајцата обвинети, преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста.

Првообвинетиот, гостувајќи во интервју објавено на 14 февруари како поткаст на Јутјуб канал на второобвинетиот, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување. Второобвинетиот, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан, стои во соопштението на обвинителството.

На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап.

Според Кривичниот законик, тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на раса, боја на кожа, национално или етничко потекло, како и верско уверување, ќе се казни со затвор од една до пет години.

Процесот го води судијката Диана Груевска Илиевска, а застапник на обвинението е обвинителот Даниел Коцев.

The post Латас и Лазаров не се чувствуваат виновни appeared first on Република.

Судењето против новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“ се одложи за 10 мај, откако одбраната на првообвинетиот, поради обврски со друг предмет од организиран криминал и корупција и барање за увид во списите денеска побара одложување на процесот.

Според обвинението, двајцата обвинети преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста.

Првообвинетиот, гостувајќи во интервју објавено на 14 февруари како поткаст на Јутјуб канал на второобвинетиот, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување. Второобвинетиот, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан, стои во соопштението на обвинителството.

На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап.

Според Кривичниот Законик, тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на раса, боја на кожа, национално или етничко потекло, како и верско уверување, ќе се казни со затвор од една до пет години.

Процесот го води судијката Диана Груевска Илиевска, а застапник на обвинението е обвинителот Даниел Коцев.

The post Судењето против Латас и Лазаров се одложи за 10 мај appeared first on Република.

Во Основниот кривичен суд Скопје денеска треба да започне судењето против новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“.

Според обвинението, двајцата обвинети преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста.

Првиот обвинет, гостувајќи во интервју објавено на 14 февруари како поткаст на Јутјуб канал на вториот обвинет, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување. Вториот обвинет, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан, стои во соопштението на обвинителството.

На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап.

Според Кривичниот Законик, тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на раса, боја на кожа, национално или етничко потекло, како и верско уверување, ќе се казни со затвор од една до пет години.

Процесот го води судијката Диана Груевска Илиевска.

The post Во Кривичен треба да започне судењето против Латас и Лазаров appeared first on Република.

Кривичниот суд оформи предмет за спорното интервју на новинарот Драган Павловиќ-Латас со јутуберот Стефан Лазаров.

По предлогот на Обвинителството за определување мерки за претпазливост против двете лица, судот со решение го уважи предлогот и на обвинетиот Латас му се определува превентивна мерка, и тоа привремено одземање на патната исправа, односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап, со кој се промовира ширење расистички и ксенофобичен материјал.

На обвинетиот јутубер Стефан Лазаров исто така му се определува мерка на претпазливост поради присуство на обвинетиот, и тоа забрана за преземање определени работни активности поврзани со кривичното дело, односно забрана за јавен настап, со кој се промовира ширење расистички и ксенофобичен материјал, соопшти судот.

Претходно, Основното јавно обвинителство Скопје пред надлежниот суд поднесе обвинителен предлог против двете лица за ширење расистички и ксенофобичен материјал по пат на компјутерски систем.

Двајцата обвинети преку компјутерски систем ширеле расистичка и ксенофобична репрезентација на идеја што промовира насилство спрема жени, со што предизвикале реакции и чувство на згрозеност и вознемиреност во јавноста. Првиот обвинет, гостувајќи во интервју објавено на 14 февруари како поткаст на јутјуб-канал на вториот обвинет, јавно промовирал чин на полово насилство евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување, соопшти Обвинителството.

The post Латас и Лазаров остануваат без пасош, забранети им се и јавни настапи appeared first on Република.

Основното јавно обвинителство Скопје пред надлежниот суд поднесе Обвинителен предлог против две лица за кривично дело – Ширење расистички и ксенофобичен материјал по пат на компјутерски систем од член 394-г став 1 во врска со член 22 од Кривичниот законик, соопштија денеска од ОЈО за случајот со интервјуто на Драган Павловиќ - Латас во поткастот кај Стефан Лазаров. Според ОЈО, двајцата обвинети преку компјутерски систем, ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста.

Првиот обвинет, гостувајќи во интервју објавено на 14 февруари како поткаст на Јутјуб канал на вториот обвинет, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување.

Вториот обвинет, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан.

По наредба на јавен обвинител, Секторот за компјутерски криминал при МВР го документираше и го обезбеди наведениот поткаст и целокупниот доказен материјал кој ги потврдува елементите на кривичното дело за кое е предвидена казна затвор од 1 до 5 години.

Поради опасност од бегство, надлежниот јавен обвинител му предложи на Основниот кривичен суд Скопје да определи мерка на претпазливост за првиот обвинет – привремено одземање на патна или друга исправа за преминување на државната граница. Освен ова, особено имајќи ги предвид меѓународните обврски кои произлегуваат од Конвенцијата на Советот на Европа за спречување и борба против насилството врз жените и семејното насилство, но и влијанието и последиците од постапките на двајцата обвинети врз јавниот морал и интерес, за двајцата обвинети предложена е мерка – забрана за преземање определени работни активности кои се поврзани со кривичното дело кое им се става на товар, односно забрана за каков било јавен настап со кој се промовира ширење расистички и ксенофобичен материјал.

The post Ова се обвиненијата поднесени против Латас и Лазаров appeared first on Република.

Реакциите на јавноста на интервјуто на Латас кај Лазаров земаа сосема погрешен тек и преминаа во жигосување на мајката на јутјуберот. Она што всушност ја покрена јавноста, насилството врз жените, премина во - насилство врз жена.

Саше Политико на својот портал Мактел објавил празен текст, само исечок од фејсбук коментари, од кои го извадил насловот за својот текст „Коментар на денот: Мајката на Лазаров по годините одговара на девојката од фиќото“.

Лазарова побара заштита од Форумот на жени на СДСМ, од каде што не се одзваа.

https://republika.mk/vesti/makedonija/lavina-rekatsii-na-intervjuto-na-latas-kaj-lazarov-politichka-hajka-ili-chovekovi-prava/

The post Саше Политико ја нарече мајката на Лазаров „девојката од фиќото“, таа бара заштита од Форумот на жени на СДСМ appeared first on Република.

Jутјуберот Стефан Лазаров се обрати до јавноста со извинување. Извинувањето на Лaзаров доаѓа откако Скопското обвинителство отвори случај за интервјуто со Латас. Во извинувањето Лазаров обвини дека се работите се ваделе од контекст.

Латас е човек кој многу го почитувам и еден од луѓето кои имаат интересна животна приказна и затоа одлучивме да биде прв гостин. Концептот на подкаст е да се зборува на табу теми и да има слободен говор и да се споделуваат работи кои на ТВ не можеме да ги чуеме. Мене ми е јасно дека во Македонија ова е прво нешто и за сите нас е ова чудно и интервјуто на Карло Бос, меѓутоа се сложувам со вас, во право сте, и затоа сакам да ви се извинам за тоа што го чувте во подкастот, а јас како домаќин и водител дозволив тоа да се емитува. Дали се работи за силување или не, тоа ќе оставам на вас, меѓутоа сакам да се извинам затоа што добива една слика дека кај мене се промовираат такви работи, изјави Лазаров.

The post Лазаров: Извинете! appeared first on Република.

Интервјуто на Латас е избришано од Јутјуб каналот на јутјуберот Стефан Лазаров.

https://republika.mk/vesti/makedonija/lavina-rekatsii-na-intervjuto-na-latas-kaj-lazarov-politichka-hajka-ili-chovekovi-prava/

Видеото кое беше објавено пред пет дена, а викендов предизвика реакции на јавноста го разбуди и Скопското обвинителство, кое веќе отвори предмет.

https://republika.mk/vesti/makedonija/obvinitelstvoto-otvori-predmet-za-intervjuto-na-latas-kaj-lazarov/

И од МВР потврдија дека секторот за компјутерски криминал презел мерки и денеска испратиле известување до надлежното јавно обвинителство со документиран материјал.

The post Спорното интервју на Лазаров со Латас е симнато од Јутјуб appeared first on Република.

Здружението на новинари на Македонија (ЗНМ), Самостојниот синдикат на новинари и медиумски работници (ССНМ) и Советот за етика во медиумите на Македонија (СЕММ) го осудуваат говорот со кој се поттикнува насилство и стимулира родова дискриминација кој деновиве се појави на канал на „јутјуб“ платформата. Укажуваме дека слободата на говор подразбира одговорност и постоење на висока свест за демократските начела и за слободите, правата и обврските во едно отворено општество. Кога слободата на говор се претвора или провоцира криминални дејствија или каков било тип на нарушување на граѓанските и човекови права, тогаш тоа не е слобода туку е агресија и така треба да се третира.

Укажуваме дека професионалните еснафски организации никогаш нема да прифатат ваков начин на комуникација во јавниот простор. Без оглед на тоа што лицата, во конкретниов случај, ниту биле, ниту се наши членови, чувствуваме потреба да предупредиме дека ова може да остави сериозни последици на јавноста, посебно на младата публика. Говорот на омраза како и говорот што поттикнува насилство и креира предрасуди не е и не смее да биде нормален во јавната комуникација.

Во вакви ситуации нужно е надлежните институции да преземат итни мерки со цел да покаже дека не се толерира неказнивност при груба злоупотреба на јавниот говор во интернет просторот. Оттука, ја поздравуваме брзата и транспарентна реакција на МВР и Обвинителството и очекуваме во најбрз рок да има судска постапка со која ќе се покаже дека ваков тип на злоупотреби подлежат на санкции.

Освен ова, укажуваме дека одговорноста за тоа кој и каква содржина за публиката креира ја имаат компаниите кои преку платена реклама своите производи ги промовираат на вакви платформи. Рекламерите треба да знаат дека имаат општествена одговорност и дека свесно поддржување на вакви содржини ги прави соучесници во промоција на искривени вредности во нарушувањето на граѓанските права. Затоа потребно е тие јавно да се оградат од ваквиот јавен наратив, да ја преиспитаат својата соработка и во иднина да внимаваат каде се рекламираат.

The post ЗНМ, ССНМ и СЕММ: За јавни наративи што стимулираат омраза и агресија, мора да има одговорност appeared first on Република.

Секторот за компјутерски криминал од МВР доставил известување до Скопското обвинителство по интервјуто на јутуберот Стефан Лазаров со Драган Павловиќ-Латас емитувано на 15 февруари.

Денеска (20.02.2023), МВР поднесе Известување до надлежното Јавно обвинителство, во врска со претходно објавено интервју на С.Л. со Д.П.Л., како подкаст на Јутјуб канал. Имено, Известувањето е поднесено по преземени мерки и активности од страна на Секторот за компјутерски криминал и дигитална форензика, заедно со целокупниот документиран материјал за понатамошно постапување, велат од МВР.

https://republika.mk/vesti/makedonija/lavina-rekatsii-na-intervjuto-na-latas-kaj-lazarov-politichka-hajka-ili-chovekovi-prava/

Има известување од МВР. Предметот е распореден кај обвинител, ќе видиме како натаму ќе се одвива случајот, одговори Јавниот обвинител Гаврил Бубевски на прашање од „Сакам да кажам“.

The post Обвинителството отвори предмет за интервјуто на Латас кај Лазаров appeared first on Република.

Интервјуто на новинарот Драга Павловиќ Латас во поткастот на јутјуберот Стефан Лазаров предизвика бура од реакции во јавноста. Мислењата се дијаметрално спротивставени имајќи предвид дека во дискусијата се вклучија и политички чинители и борци за човекови права.

За Хелсиншкиот комитет и поранешни членови на Шарената револуција спорни се изјавите на Латас во кои раскажува сексуални искуства, додека пак Латас во реакциите препознава хајка против него која има цел да ги одвлече погледите на јавноста од скандалот со ФЗОМ.

Во јавната дискусија која цел викенд се одвива на социјалните медиуми се вклучи и Форумот на жени на СДСМ, но и самиот Зоран Заев.

Нападите се насочени и кон јутјуберот Стефан Лазаров, па во негова одбрана се крена и неговото семејство, мајката Анита Лазарова и неговата сестра, актерката Марија Лазарова.

Неодамнешното гостување на новинарот Драган Павловиќ – Латас во поткастот на јутјуберот Стефан Лазаров. можете да го погледате на линкот што е прикачен.

Хелсиншкиот комитет за човекови права прв се огласи во врска со интервјуто.

„Неодамна објавеното интервју од јутјуберот Стефан Лазаров, каде неговиот гостин Латас споделува дека тој и неколку другари на 15-годишна возраст злоставувале и силувале девојка е колективен, општествен пораз и реален приказ за тоа како ги третираме жените жртви на насилство. Во видеото, кое веќе има над 50 илјади прегледи, за двајцата соговорници силувањето е извор на забава и смеа, со што тие директно праќаат порака кон огромната публика не само дека тоа е нешто нормално, туку и смешно. Ова интервју е само еден јавен и болен показател за тоа како во пракса излгеда нормализирање на културата на насилство и до каде може може да доведе непостапувањето на институциите и немањето јасни ставови и политики кои ги заштитуваат жртвите, наместо насилниците.

 

Таа култура, им дава ветер во грб на насилниците, кои не само што продолжуваат да живеат нормално, туку и да бидат славени како ‘вистински мажи’ и победници. Истата таа култура ги осудува жртвите, праќајќи им јасна порака дека системите на поддршка се речиси непостоечки. На оваа култура мора да ѝ се стави крај, јасно и гласно, ако јавната осуда е единствено оружје кое го имаме на располагање, соочени со систем кој очигледно не знае и не сака да се справи со родово базираното насилство“, велат од Хелсиншкиот комитет за човекови права.

Во хајката на социјалните мрежи се вклучија пратеник на СДСМ, Форумот на жени на СДСМ како и партискиот експретседател Зоран Заев. Латас одговори на изјавата на Зоран Заев за порталот Мактел на Саше Политоко.

Веднаш да го лоцираме изворот, главниот поддржувач на сорсоидите, негова платена војска кога ќе му затреба. А сега му треба дефокус од многу теми, како аферата во Фондот за здравство, на пример.

 

Станува збор за Зоран Заев, фронтменот на нивната шарена револуција, заштитникот на Катица Јанева и СЈО, со се што следи во и околу нив.

 

После сите ботови на нивните социјални мрежи, платени невладини и партиски функцинери од пратеници со женски форум на СДСМ, се јави и шефот. Главата на хајките – Зоран Заев.

 

Во негова изјава која ја објавува неговиот портал Мактел, партнерот и другарот на Марјан Доказ со години, Зоран Заев изјавува:

 

(Латас) Многу лош и злобен човек, му помогнав и нему и на неговиот син кој требаше да се лечи во Германија, дојде да ме моли и да плаче во кабинет кога станав премиер, јас простувам и не сум злопамтило особено помагам на оние кои се во невоља без разлика што направиле против мене и моето семејство… Нека му служи на чест што ниту е благодарен па дури и ја манипулира и лаже јавноста дека сум сакал да му наштетам и да му се одмаздам – изјави Заев за Мактел.мк

 

То е тоа, пријатели. Машина за лаги, спинови, пакувања истраги, прогони, патрон на судството и лидер на обвинителствто… Зоран Заев и неговите соросоиди.

 

Никогаш, никаде, ни приватно ни службено, ни на улица ни во канцеларија… никаде не сум се сретнал со Зоран Заев освен при неговото гостување во Сител.

 

Никогаш, ниту телефонски, не сум разговарал со него, и немам негов телефонски број. Заев лаже. Заев лаже. Заев лаже, ама тоа ви е на сите познато. Но, ни јас не сум верувал дека е гнаса до ова ниво.

 

Да изјави дека “сум плачел кај него во канцеларија за да молам помош да се лекува мојот син во Германија“ е најдолна можна манипулација со трагедија на едно семејство во таква ситуација и со судбина и состојба на, во тоа време, болен млад човек.

 

Бидејќи никогш не сум се ни сретнал ни слушнал со Зоран Заев ова е лага. И тоа пакувана со злоба и подлост.

 

Болен од карцином, мојот син се лекувал исклучиво со приватни пари за што постојат фактури, обезбедени со проджба на стан, за што е известено и СЈО за да знае која е целта и намерата за продажба на станот и парите од него.

 

А Зоран Заев вели „плачеше кај мене во кабинет да му помогнам…“. Па, просудете сами со кого имаме работа. Ова е веќе на граница на неговата ментална состојба, ако не и потаму.

 

Како би се чувствувал било кој од вас во оваа прилика? Патронот на хајките не издржа да не се појави и сега, и стави тонч на нивната хајка. Политичка. Партиска. Заевистичка, со ова потпишан лично од него, пишува Латас.

Се огласи и Стефан Лазаров, кој повика да се погледне подкастотм во кој Латас во ниту еден момент не кажа дека некоја девојка била силувана.
Чувствувам морална одговорност да Ви се обратам на сите по скандалозните обвинувања дека сум подржувач на силување и на малтретирање на жени.

Од старт сакам да кажам и потсетам дека од првиот ден зборувам јавно за еднаквост, поддршка и љубов помеѓу мажите и жените и никогаш не сум дискриминирал ниту пак сум подржувал изживување врз женскиот род.

 

Многу од вас можеби слушате и првпат за мене денес, па си формирате своја слика на лажни обвинувања. Тие што ме следат постојано точно знаат каков човек сум и за што се залагам!Жално е што се дига лажна хајка и се оцрнува моето име и се она што го работам изминативе години. Не би сакал да навлагам во детали, но кога некој покренува иницијатива со вакви сериозни обвинувања, фер е да се изгледа видеото и да се види дека ситуацијата била сосема поинаква и не станува збор за силување. И јас имам и мајка, сестра, девојка, баба и многу пати пак , ќе повторам , сум зборувал за еднаквост!

 

Јасно ми е дека живееме во држава во која се чека момент да уништите некого и немам проблем со тоа, но да прифатам дека сум подржувач на силување нема никогаш, пишува Лазаров на ФБ.

Пратеник од СДСМ бара неодложно апсење на Латас, СДСМ бара укинување на Јутјуб каналот Лазаров и повлекување на спонзорите. По порталите се шири фотографија од Лазаров обвиткан со македонското знаме на протести против францускиот предлог за бугарското вето и се алудира на негова политичка припадност.

Мајката на Лазаров, член на СДСМ – ја искина партиската книшка и тоа го објави на Фејсбук:

Долго време размислував да го направам тоа, но вечерва навистина, претерувам само затоа што ми пречиш, па можеш да се тргнеш од позицијата!

 

Да објавиш вакво нешто само затоа што не ти се допаѓа гостопримството, а притоа етикетираш млад човек.Насилството врз жените е многу многу примитивно ѝ веруваме повеќе од 20 години. Од мене и од многу како мене ЗБОГУМ се уште ја сакам ДЕМОКРАТИЈАТА, напиша Анита Лазарова на Фејсбук.

Во одбрана на младиот јутјубер застана и неговата сестра, актерката Марија Лазарова.

Првпат се огласувам јавно на оваа тема, до сега бев фер и зборував само каде што треба - на ссотаноци. СДСМ, вие сте партија која покажа кукавичлук, борба против индивидуалци кои само работат во нивната држава со ресурси што сами си ги обезбедуваат.

А вашето дело: предавство, елитизам, непотизам, неспособност, лицемерие и клечење задник на организации кои не застапуваат ништо и тоа зад кое се повикуваат. Лазаров нема да падне, моето семејство - индивидуалци кои многу чесно и макотрпно си го заработуваат лебот, нема вечно да биде жртва на партиски удари и притисоци, дур сум жва нема да ја наведнам главата. Срамете се, изгубивте многу, жал ми е што ја посрамотивте единствената партија што требаше да застапува прогресивност.

А вие Форум на жени, занимавајте се со неправди како случајот на Јилдиз Веапоска, а не да се криете како пички позади владина партија, навредени од нечие смеење на сопствената платформа, кое не штети апсолутно никому, стои во фејсбук статусот на Марија Лазарова.

The post Лавина рекации на интервјуто на Латас кај Лазаров – политичка хајка или човекови права?! appeared first on Република.

Не постои ниту друг идентитет, нити друг јазик, ниту друга држава освен Македонија. Застанувам тука без никаква друга цел освен за мојата држава Македонија, без никаква друга позадина, изјави Стефан Лазаров на вечерашниот протест насловен „Ултиматум, НЕ благодарам“.

Тој упати обраќање на младите кои не се тука меѓу нас, кои се дома и ги следат овие протести и кои велат дека ако се присутни тука дека нема ништо да решат.

„Не е така, сите ние треба да станеме да се бориме за нашата држава. Ова се историски моменти и во вакви моменти не смееме да бидеме кукавици. НЕ за бугаризација, НЕ за француски предлог“, рече Лазаров.

Лазаров упати обраќање и на оние кои деновиве си се топлат во фотелја.

„Додека својот народ е излезен, па и нивниот народ ние сме Македонци е излезен на улица па беше и каменуван, тепан а тие седат во фотелја. Сакам да ги прашам како ќе се погледнат во огледало кога ја ставаат својата држава на маса и преговараат? Македонија не е за преговарање, треба да знаат дека тука сме со една иста цел и сите имаме ист став а тоа е НЕ, НЕ, НЕ“, кажа Лазаров.

The post Лазаров: Ги повикувам сите млади да ни се придружат, ова се историски моменти, не смееме да бидеме кукавици, НЕ за бугаризација и НЕ за француски предлог appeared first on Република.

Објавен е спорот за „Пари“, новата песна на најпознатиот македонски јутјубер и водител Стефан Лазаров.

Со новиот видео запис, 25-годишниот јутубер ја слави двегодишнината од отворањето на својот јутуб канал преку кој стекна голема популарност, а во моментов брои скоро 70 000 следбеници.

Видео записот за песната „Пари“, е режија на Томислав Живковиќ, а се снимал во Грција. Текстот, музиката и аранжманот на песната се на дуото „Два Бона“. Во спотот се појавува и македонскиот модел Сара Дојчиноска.

Музиката ми дава можност да се претставам и искажам емотивно и на најдобриот начин на којшто знам. Сакам да се заблагодарам на целиот тим кој работеше на овој проект и да нагласам дека следува период на активно посветување на мојата музичка кариера, изјави Лазаров.

Лазаров во досегашната негова кариера има неколку хита како „Ти“, „Мајко моја“, „Победник“ и други.

https://youtu.be/MRCcEDk0g6w

The post Објавен спот за „Пари“, новата песна на Стефан Лазаров appeared first on Република.

Познатиот јутјубер Стефан Лазаров во неговото шоу „карпул караоке“ го возеше Димитар Апасиев. Лидерот на Левица зборуваше за неговиот приватен живот, за неговото детство, за студиите, за тоа каква музика да слуша, а во еден момент тој дури и почна да рапува.

Апасиев ги „закачи“ и Талат Џафери, Петре Шилегов, Васко Ефтов...

https://youtu.be/E2K6y20SLws

The post За Талат, за Шилегов, за „глупиот“ Ефтов – Апасиев во „карпул караоке“ appeared first on Република.

Популарниот јутјубер Стефан Лазаров ја започна новата сезона на „карпул караоке“, во кое ќе гостуваат најпознатите јавни личности од нашата земја, но и соседството.

Прв гостин во новата сезона му беше познатиот српски рапер Газда Паја. Стефан и Паја разговараа на повеќе теми, а најмногу за музиката, за плановите, за познанството со момците од Два Бона, Слаткар, а раперот откри и кое му е омилено македонско јадење.

Два Бона и Слаткар ги знам многу одамна, од 2012 година. Тие се преталентирани момци. На почеток публиката не ги препозна, но затоа пак сега се легенди. Ги обожавам, беа зборовите на Газда Паја за македонските рапери.

https://youtu.be/_ZAnYBY4t2Y

Стефан за следниот „карпул“ подготвува уште едно изненадување, за кое не открива дали ќе биде од светот на музиката или пак можеби политиката.

The post Газда Паја ги „закачи“ 2 Бона! appeared first on Република.

Познатиот македонски јутјубер Стефан Лазаров добил понуда да влезе во популарното српско реално шоу „Задруга 5“. Ова се случило откако раперот Ша влезе повторно во реалното шоу и пред камерите и сите присутни таму ја обвини неговата девојка Тара Симов дека го изневерувала токму со нашиот Лазаров.

Тара го демантираше раперот и ги отфрли сите негови обвинувања. На истата тема влог сними и Стефан, во кој се обиде да објасни што точно се случувало.

https://youtu.be/ucHX_iVNwXo

Дали Лазаров ќе ја прифати понудата и ќе влезе во „Задруга“ да ги разреши недоразбирањата со Ша, останува да видиме.

The post Јутјуберот Стефан Лазаров влегува во „Задруга“?: Ќе го решава недоразбирањето со раперот Ша и старлетата Тара Симов? appeared first on Република.