https://www.youtube.com/watch?v=mHux9LxOvL4

The post Во Живо: Прес-конференција на министерот за дигитална трансформација appeared first on Република.

Прес-конференција на премиерот Христијан Мицкоски и министерот за дигитална трансформација Стефан Андоновски по повод Националната стратегија за информатичко-комуникациски и телекомуникациски развој.

https://www.youtube.com/live/JnO1jkPhLws?si=egKYzm-x_S6Tb9tm

The post ВО ЖИВО: Прес-конференција на премиерот и на министерот за дигитална трансформација appeared first on Република.

Министерот за дигитална трансформација Стефан Андоновски денеска во новите простории на Министерството за дигитална трансформација пред медиумите и граѓаните го презентира сработеното во рамките на 100 дена од новата Влада.

Министерот Андоновски го најави проектот за изработка на првата владина мобилна апликација за административни услуги Super App ELI. „Аплицираме на програма на Европската Унија, која ќе ни овозможи да развиеме мобилна апликација за административни услуги. Овој проект, наречен Supper App ELI, со вредност од 1.200.000 евра, е дел од иницијативата „Дигитална Европа“. ELI ќе биде револуција во пристапот до јавните услуги“, изјави Андоновски.

Андоновски најави дека секој граѓанин ќе има пристап до административните услуги директно преку својот мобилен телефон.

Во рамките на овој проект се работи на воведување дигитална верзија на лични карти и возачки дозволи, познати како мобилен паричник (ID Wallet). Дигиталниот паричник ќе претставува револуција во начинот на кој граѓаните се идентификуваат и пристапуваат до услуги.

Андоновски најави и дека Министерството работи на целосен редизајн на порталот за услуги – uslugi.gov.mk.

„Свесни дека постојниот изглед на порталот за е-услуги не ги исполнува целосно потребите на граѓаните се зафативме со сериозни негови подобрувања. За кратко време ќе имаме обновен портал за услуги со изглед кој е поинтуитивен и полесен за користење, кој ќе понуди нови функционалности и пристапност за лицата со попреченост и нови услуги и ќе се осигураме дека тие одговараат на реалните потреби на граѓаните“, истакна Андоновски. „Веруваме дека со овие подобрувања ќе создадеме портал што навистина ќе ги задоволува потребите на нашите граѓани и ќе прерасне во едноставна и единствена точка за контакт меѓу граѓаните и институциите“, потенцира Андоновски.

Во своето излагање Андоновски најави и 100 нови електронски услуги во 2025 година, достапни на порталот за услуги.

The post Андоновски ја најави првата мобилна апликација за лични документи и услуги appeared first on Република.

Ажурирање на дигиталната алатка „Балансер“ со податоците од пописот од 2021 година користејќи го само резидентното население, испорачување на повеќе од 80 нови дигитални алатки за граѓаните и компаниите со што порталот услуги.гов.мк бележи раст од 56 отсто во користењето на постоечките услуги од страна на граѓаните и откочување на физибилити студијата за воспоставување Национална транспортна оптичка мрежа, проект вреден 400.000 евра која ќе биде основа за унпаредување на покриеноста со широкопојасен интеренет, се меѓу постигнувањата на Министерството за дигитална трансформација во првите 100 од својата работа.

Министерот за дигитална трансформација Стефан Андоновски на прес-конференцијата што ја одржа во новите простории што ги имаат добиено од Владата, во зградата на Министерството за односи меѓу заедниците, поранешното Министерство за политички систем и односи со заедниците, ги наброја и потпишаниот грант со ЕУ од 1,3 милиони евра за формирање Национален центар за побезбеден интернет, како клучен чекор за заштита на децата на интернет, како и активностите на сајбер безбедноста.

Интензивно се работи на развој на Националната стратегија за сајбер безбедност и заштита на критичната инфраструктура која очекуваме да биде донесена до карјот на оваа есен. Формиравме работна група која ќе го изработи првиот Закон за сајбер безбедност, кој ќе биде исто така предложен во Собранието до крајот на есента. Откако ќе биде донесена Стратегијата ќе пристапиме кон процес на формирање на два клучни центри за одговор на сајбер инциденти - еден фокусиран на јавниот и приватниот сектор, а другиот специјално наменет за владината мрежа. Очекуваме овие центри да бидат целосно функционални во текот на 2025 година - рече Андоновски.

Во делот на затекнатите состојби министерот укажа дека по однос на финансиски обврски МДТ се соочува со огормни финансиски предизвици со вкупна сума од над една милијарда денари, кои произлегуваат од тужба во судска постапка за банкарска гаранција, тужба од поранешни вработени за неисплатени придонеси и тужба од АВМУ и МРТВ, потоа со блокирани проекти од витално значење, катастрофални просторни услови и возен парк, неадекватни системи за одржување на ИТ инфраструктурата и застарена законска регулатива која, вели, не е променета последните пет години.

Последното усогласување на нашето ИТ законодавство со она на ЕУ било во 2019 година, 140 закони не се усогласени со законите за дигитализација, не постои важечка ИТ стратегија која би ни дала насока за развој на дигиталниот сектор, а последната краткорочна стартегија е истечена во 2017 година, вели меѓу другото министерот Андоновски.

За наредниот период како проект од посебно значење тој го издвои аплицирањето на програмата на ЕУ која ќе ни овозможи да развиваме мобилна апликација за административни услуги. Станува збор за проектот наречен Supper App ELI, со вредност од 1,2 милиони евра, кој е дел од иницијативата Дигитална Европа, која има фонд од 7,5 милијарди евра. Ќе се работи во партнерство со украинското Министерство за дигитална трансформација и реномираниот Lisbon Council, кој треба да овозможи пристап до широк спектар на државни услуги директно преку мобилниот телефон.

Во рамките на овој проект работиме на воведување на дигитална верзија на лични карти и возачки дозволи, познати како ID Wallet, кои претсвауваат револуција во начинот на кој граѓаните се идентификуваат и пристапуваат до услуги - вели Андоновски.

Андоновски најави и дека Министерството работи на целосен редизајн на порталот за услуги – uslugi.gov.mk.

Свесни дека постоечкиот изглед на порталот за е-услуги не ги исполнува целосно потребите на граѓаните, се зафативме за сериозни подобрувања на порталот. За кратко време ќе имаме обновен портал за услуги со изглед кој е поинтуитивен и полесен за користење, кој ќе понуди нови функционалности и пристапност за лицата со попреченост и нови услуги и ќе се осигураме дека тие одговараат на реалните потреби на граѓаните. Веруваме дека со овие подобрувања, ќе создадеме портал кој навистина ќе ги задоволува потребите на нашите граѓани и ќе прерасне во едноставна и единствена точка за контакт меѓу граѓаните и институциите - потенцираше Андоновски.

Во своето излагање, министерот Андоновски најави и 100 нови електронски услуги во 2025 година, достапни на порталот за услуги.

Секоја од овие услуги ќе биде базирана на анкетата која ја спроведовме со приватниот сектор, но и анализите кои произлегуваат од институциите. Овие нови услуги ќе опфаќаат широк спектар на области, од административни процедури во МВР, до услуги од ПИОМ, Министерство за правда, итн, вели министерот задолжен за дигиталната трансформација.

Со воведувањето на новите услуги, од МДТ се очекува значително да се зголеми бројот на активни корисници на порталот и да се подобри ефикасноста на државната администрација.

На овој начин создаваме единствена точка за контакт меѓу граѓаните и институциите. Ова е иднината на дигиталната трансформација во нашата земја - заклучи Андоновски.

На новинарско прашање тој потврди дека не е доволна искористеноста на електронските услуги, а голем проблем кој го нотира и Државниот завод за ревизија дека тоа потекнува од непознавањето дека постои таков портал или тие услуги се достапни на јавноста, и во надминување на состојбата прво ќе се работи на редизајн на порталот за услуги, а потоа на кампања за информирање на граѓаните.

Но прво сакавме да работиме на редизајн на порталот да го направиме полесен за употреба и второ да работиме на признавање на електронски изработените документи, а потоа да влеземе во фаза на кампања и информирање на граѓаните дека постои ваков портал, и постојат тие услуги. Затоа што фрустрацијата кај граѓаните е огромна. Вие ќе стигнете некако да извадите електронски документ, но потоа во некоја институција нема тој да ви биде прифатен дека е легален. Затоа прво работиме на редизајн на порталот за полесно да извадите услуга, нови услуги достапни на порталот прифаќање на тие услуги законски, а потоа да влеземе во информирање на граѓаните. Затоа што не сакаме да се доведеме во ситуација да рекламираме нешто пред граѓаните што не е целосно функционално - вели Андоновски.

Во однос на кадровската состојба, тој потврди дека постои репозиционирање на вработените и ќе се бара од нив развивање на нови вештини, на нови дигитални вештини, но оти ниту едне вработен нема да го загуби работно место заради просецот на дигитализација. Андоновски уверува и дека и покрај фисннаиските предизвици ќе се обезбедат средства за процесот на дигитализација.

Пристапот до средства е комплицирано прашање, особено имајќи во вид дека се работи за развој на буџетски систем и којшто го наследуваме и долгови во сите области, во сите средини, и пожари кои горат во секоја област, па треба да се гаси еден по еден, енда по една криза која што е наследена. Но, заедно со нашите меѓународни партнери, но и со разговори, и со премиерот, и со министерот за финансии, мислам дека проектно ќе успееме да најдеме средства за овие работи коишто значат целосен редизајн, целосно нови услуги на порталот и целосна дигитална трансформација на општеството - потенцира Андоновски.

Во однос на дигиталната алатка Балансер, главната надлежност ја има рече, Министерството за јавна админстрација, а нивна задача како МДТ била дигиталната алатка да се врати на законските основи.

Во наредниот период се надевам дека тие ќе работат на законско вообличување, правно вообличување на темелната вредност на Уставот, соодветна правична застапеност на сите етнички заедници во Македонија. Важен е тој темелен принцип на Уставот, и треба да се почитува, но треба да се најде начин како тој темелен прицнип да не биде во колизија како што беше до сега со квалитетот кон претенциите и изигрувањата на системот, што е најважно. И се надевам дека ќе успее да се најде во Министерството за јавна админстрција одогвор на овие дилеми и низ една дебата да постигнеме решение со кое што сите ќе бидат задоволни. Наша задача беше дигиталната алатка да ја вратиме на законските основи, а се понатаму претставува владин договор, а потоа и согласно и со граѓаните и со пратениците во Собранието, вели меѓу другото министерот за дигитална трансформација.

Во однос на поевтинувањето на електронските услуги, Андоновски подвлече дека е потребно прво да се зголеми нивото на нивното користење па да се размислува во таа насока, а придобивките од нивната употреба се повеќе и значат заштеда на време, на хартија и заштеда на многу средства во административните постапки преку воведување вештачлка интелигенција и машинско читање на податоците.

The post Андоновски: Во првите 100 дена испорачани повеќе од 80 нови дигитални алатки за граѓаните и компаниите, во 2025 уште 100 нови услуги appeared first on Република.

Владата ќе остане силно посветена на борбата против нелегалното коцкање на интернет.

По владината одлука за забрана на онлајн коцкањето, Министерот за дигитализација вели дека следниот чекор ќе биде детекција и гасење на сите страници кои приредуваат игри на среќа на интернет, а во оваа акција покрај домашните, ќе бидат опфатени и странските играчи на пазарот.

Мене ми е драго што владата е обединета со нелегалното онлајн обложување. Првиот состанок е со Агенцијата за електронски комуникации, Марлет и од Лотарија, на кои се утврдија чекори како да се справуваме со нелегалното коцкање. Прво забранување со домејните на .мк, затоа што тие се спротивни со законот на игри на среќа. Потоа разговаравме за блокирање на странски домејни кои се присутни на домашниот пазар - рече Стефан Андоновски, министерот за информатичко општество.

The post Андоновски: Ќе се гасат нелегалните страници за онлајн коцкање appeared first on Република.

Владата веќе ги утврди чекорите како ќе се справува со нелегалното онлајн коцкање, кое ќе биде нејзин примарен приоритет во наредниот период, бидејќи тоа е многу раширено кај младите во општеството, а наскоро ќе бидат претставени и активности што ќе бидат презмени, вели министерот за дигитална трансформација, Стефан Андоновски.

Прво, нашите најмлади се зафатени од оваа болест без никаква контрола, ниту се знае дали користат туѓи лични карти, па се пријавуваат за да играат, ниту се знае колку средства користат, ниту се знае каде се излеваат тие средства, ниту каде се користат тие средства понатаму – дали се за финансирање на некои други нелегални активности, но пред се ова што ни се случува е болест на македонското општество. И справувањето со ова ќе биде примарна задача на Владата во наредниот период, рече Андоновски на новинарско прашање по отворањето на симпозиум и промоција на Дигит Мак.

Владата, вели тој, е многу обединета и е многу ревносна во справување со нелегалното онлајн обложување и веќе одржале состанок со Агенцијата за електронски комуникации, Марнет, претставници на телеком операторите и директорот на Лотарија на кој се утврдени чекори како да се справат со нелегалното онлајн коцкање.

Првата фаза е забрана на домеините коишто се точка мк (.мк), кои приредуваат нелегални онлајн игри на среќа затоа што се во спротивност со Законот за организирање игри на среќа. Во втора фаза разговараме кои се начините за забрана на странски домеини коишто се присутни на македонскиот пазар, а коишто приредуваат нелегално игри на среќа...Треба да најдеме методологија како да ги забраниме овие веб-страници во Македонија затоа што нивната нелегалност е јасна, утврдена со Законот, но нивното постоење тука е затоа што тие се регистрирани некаде во светот и лесно се пристапни за нашите граѓани. Имаме методологија, имаме правец, но ќе ми дозволите неколку дена за да излеземе со точни активности кои веќе сме ги преземале. Не сакам да зборувам пред преземањето на активностите, но веќе во Лотарија на Македонија се прават табели коишто утврдуваат кои точно веб-страници се најприсутни и каде најмногу се закачени нашите граѓани, на кои веб-страници најмногу се приредуваат тие нелегални игри на среќа. Страшниот дел е што и многу малолетници се вклучени, вели тој.

Во моментов вели, постојат стотина странски веб страници, но најкористени се две кои се присутни и се користат во земјава.

Во првата фаза ќе треба да се работи со овие 100 да се забранат, но потоа според дискусијата која што ја имаме со претставниците на Лотарија тоа ќе биде континуиран процес. Значи не може да се направи еднаш засекогаш, туку постојано ќе треба да се ажурира оваа листа и постојано да се информира АЕК и телеком операторите за да нешто се случува за да може после постојано да се движат кон забрана на овие нелегални приредувачи на игри на среќа. Ќе повторам, ако тие беа регистрирани во Македонија ова е кривично дело што го прават, но затоа што се регистрирани во странство не можете да видите кој е точниот приредувач и затоа мораме да одиме со забрана на пристап, подвлекува министерот Андоновски.

Тој на новинарско прашање во однос на надлежностите посочува дека Законот за електронски комуникации и дозволува на АЕК да утврди односно да им препорача, односно да ги задолжи телекомите да забранат пристап до определени веб-страници ако е тоа во спротивност со Законот за електронски комуникации или ако е во спротивност со други закони.

Тој дел сакаме да го операционализираме затоа што досега не се користел и во наредниот период точно ќе излеземе со тоа какви активности ќе преземеме ние како Министерство, Марнет и АЕК во соработка со телекомите, порача министерот за дигитална трансформсација Андоновски.

The post Утврдени се чекорите за справување со нелегалното онлајн коцкање appeared first on Република.

Министерот за дигитална трансформација, Стефан Андоновски, денеска во Скопје имал поздравно обраќање на министерска конференција на Управувачките платформи на Западен Балкан за образование и обука и истражување и иновации, во организација на делегацијата на Европската унија во Република Македонија.

Во своето обраќање, министерот Андоновски ја истакнал важноста на дигиталната трансформација за напредокот на Македонија и регионот.

- Денес дигиталните вештини и иновации се клучни за напредокот на нашето општество и економија, изјавил Андоновски, соопштија денеска од Министерството за дигитална трансформација.

Тој ги презентирал плановите на Република Македонија во областа на градењето на дигиталните вештини.

Наша цел е до 2030 година, најмалку 80% од возрасното население да поседува основни дигитални вештини. Исто така, се стремиме значително да го зголемиме бројот на ИКТ професионалци, со посебен фокус на зголемување на учеството на жените во оваа област, истакнал министерот Андоновски.

Агендата за иновации, истражување, образование, култура, млади и спорт, се наведува во соопштението, го става регионот во добра насока за подлабока соработка со ЕУ и Министерскиот состанок ќе се фокусира на заедничките напори за нејзино спроведување.

Министрите присутни на состанокот и сите други учесници ќе разговараат за важната улога на Европската истражувачка област и Европската агенда за иновации, во која сите партнери од Западен Балкан се целосно интегрирани

The post Андоновски: Наша цел е до 2030 година најмалку 80% од возрасното население да поседува основни дигитални вештини appeared first on Република.

Во соработка со раководството на Фондот за иновации и технички развој откривме недоследности во бројни предмети, за дел од нив веќе е побарано враќање на средства, додека за останатиот дел, почнуваме правна и финансиска ревизија за да се открие вистината како се потрошени парите на граѓаните, истакна денеска министерот за дигитална трансформација Стефан Андоновски во емисијата „Daily click” на ТВ21.

Според Андоновски, поголемиот дел од недоследностите се фирми кои се блиски на оската СДСМ-ДУИ кои изминативе години го ограбиле државниот буџет.

Кај дел од фирмите кои добиле средства имате извештај, кај дел немате. Постојат и фирми кои добиле финансии од фондот за лепење на плакати на такси возила. Имате и примери каде што постои фирма отворена само за оглас од ФИТР, но по завршување на огласот и добивање на проектот, фирмата не ја испорачува својата обврска, и понатаму ја снемува или згаснува, потенцираше Андоновски.

Тој дополни и дека постојат основани сомненија за злоупотреба на Фондот во периодот на Ковид кризата каде што посочи дека требало да биде фонд за иновации и технолошки развој, но фондот финансирал определени приватни здравствени установи додека државните се соочуваа со здравствената криза.

The post Од ФИТР земале пари за лепенки на такси возила, па си ги затворале фирмите appeared first on Република.

Министерот за дигитална трансформација Стефан Андоновски денеска присуствуваше на богослужба во македонската црква „Св. Климент Охридски“ во Љубљана, каде заедно со македонските иселеници го одбележа празникот Успение на Пресвета Богородица и го истакна значењето на православната вера.

Како што информира Кабинетот на министерот за дигитална трансформација, Андоновски учествувал и на Богородичниот собир во организација на Македонското културно друштво „Св. Кирил и Методиј“ од Крањ, каде се сретнал со бројни македонски граѓани и заедно ги споделиле македонските традиции и обичаи.

- Со македонските иселеници, Андоновски разговараше за нивните искуства и предизвици со кои се соочуваат во дијаспората. Изрази задоволство од одличната организираност на македонската  заедница во Словенија, која продолжува да биде важен столб на македонскиот културен и духовен живот во оваа земја, се наведува во соопштението. 

The post Министерот Андоновски на богослужба и на собир со македонската заедница во Словенија appeared first on Република.

Минатата Влада на ДУИ и СДСМ го девалвираше зборот „иновации“. Средства од Фондот за иновации се делеа за рецепти за пица, за непостоечки апликации, за вибер групи. Едноставно, се финансираа партиски послушници и криминални здруженија, вели Стефан Андоновски, министер за дигитална трансформација.

Со новото раководство на ФИТР направивме план за откривање на методите на кои се распределувале средствата, откривање на злоупотребите, враќање на средствата во буџетот и отпочнување на кривичен прогон онаму каде што ќе се појават основи на сомнение, велат од кабинетот на министерот за дигитална трансформација.

Андоновски говореше и за планот за дигитализација на услугите, при што најави целосен редизајн на порталот за услуги – uslugi.gov.mk, нови дигитални услуги за граѓаните и олеснета пристапност.

The post Во ФИТР се делеле пари за рецепти за пица, за непостоечки апликации, за вибер групи… appeared first on Република.

Едносменската настава за која се залага МОН, според министерот за дигитална трансформација Стефан Андоновски е можност учениците во дополнителните часови да ги подобрат и своите ИКТ-вештини, со оглед на недоволната застапеност на предметот Информатика во наставата.

На дебата за реформа на јавната администрација, Андоновски рече дека е парадоксално да зборуваме за дигитализација на услугите во јавните институции кога „немаме доволно дигитално писмено население“, а предметот Информатика задолжително се изучува во само две одделенија во основното образование и во една година во средното, и тоа во гимназиите.

Ем во образование не им нудиме Информатика, критичко размислување, програмирање итн. , ем од друга страна очекуваме луѓето да бидат дигитално писмени.

Со ова мора да се справуваме и мислам дека заложбата на министерката за образование и наука за продолжена едносменска настава ќе помогне во дополнителните часови кога учениците се во училиштата да добијат ваков вид вештини, рече Андоновски.

Вториот парадокс, како што кажа, е тоа што над 85 проценти од нашите граѓани имаат пристап до интернет во своите домови и на своите мобилни телефони, но само 30 проценти од генерацијата за која се смета дека најдобро го владее интернетот или дигиталните алатки, од 18 до 40 години, сметаат дека имаат задоволителни дигитални вештини.

The post Андоновски: ИКТ-вештините да бидат позастапени во наставата за да имаме дигитално писмено население appeared first on Република.

Наскоро ќе бидат вратени во функција сервисите за електронско закажување и добивање документи преку порталот uslugi.gov.mk, најави министерот за дигитална трансформација Стефан Андоновски. Не прецизира кога, но очекува да биде во првите 100 дена од мандатот.

Електронското поднесување на барањата за документи во МВР извесен период е прекинато и со министерот за внатрешни работи Панче Тошковски тој веќе имал состаноци за враќање на оваа услуга за граѓаните.

Она што се случувало во изминатиот период, е тотален хаос во издавањето документи. Во моментот, електронското поднесување на барање е паузирано во Министерството, но веќе имавме состаноци со министерот Тошковски и многу сериозна дискусија методолошки како да ги вратиме. Се надевам дека во наредниот период, не сакам да играм со рокови и со датуми, кога немам точна информација или не зависи само од мене или од моето Министерство, но сум сигурен дека за многу брзо време ќе ги вратиме сервисите на закажување и добивање електронски документи преку порталот uslugi.gov.mk. Мислам дека во првите 100 дена ќе имаме резултати, рече Андоновски, одговарајќи на новинарски прашања по состанокот со работната група за изработка на сајбер-стратегија.

The post Наскоро ќе се врати во функција електронското поднесување барања за документи, најави Андоновски appeared first on Република.

Министерот за внатрешни работи Панче Тошковски оствари работна средба со министерот за дигитална трансформација Стефан Андоновски.

Како што соопштија од МВР, средбата на двајцата министри беше во насока на почеток на процесите за дигитална трансформација на услугите и процесите во министерството, зошто дигитализацијата на услугите и процесите на сите државни институции и органи е еден од главните столбови во владината програма.

Во тој контекст, фокусот беше насочен во подобрување на постојните и креирање на нови електронски услуги од делокругот на работа на МВР, изработка на нова модерна веб страна на министерството, каде граѓаните ефикасно и брзо ќе ги пронајдат сите информации кои им се потребни, велат од МВР.

Ја разгледавме и можноста за дигитализација на личните документи, односно креирање на електронски лични документи, развој на електронска апликација во делот на дозволите за оружје, други можности за дигитализација на работата и процесите во полицијата кои ќе овозможат поефикасна, модерна полиција, која користејќи ги бенефитите на модерната технологија ќе испорача поефикасни услуги и поголема безбедност за сите граѓани, потенцираше министерот Тошковски.

The post Гужвите на шалтерите на МВР ќе станат минато со електронски лични документи, ветуваат министрите Тошковски и Андоновски appeared first on Република.

Министерот за дигитална трансформација, Стефан Андоновски денеска информираше дека нема пријавено проблеми во компјутерските системи на државните институции, откако за системски падови медиумите јавија дека се случиле низ повеќе земји во светот.

Андоновски рече дека добро во ситуацијата е што не станува збор за сајбернапад и дека добиле информации дека станува збор за несоодветност на ресурсите на платформата Мајкрософт.

Тоа е нивното известување, и дека одредени институции коишто биле поврзани на таа платформа преку нивните сервиси, имало некои недостаток и предизвикале некој пад на системот. Што се однесува до државните институции, во постојана комуникација сме и со министерката за енергетика, но и со другите одговорни лица, не се пријавени до сегашни падови на системите во државните институции. Има некоја информација за приватниот сектор, но мислам дека тоа се изолирани случаи и веќе се надминува. Дополнителни информации може да имаме во текот на утрешниот ден, но како што ја гледам ситуацијата во моментот, станува изолиран инцидент во Мајкрософт и со него поврзани системи, така што не очекувам да има повеќе проблем во државните институции - истакна Андоновски, кој во тетовско Јегуновце потпиша меморандум за соработка со градоначалникот Димитар Костадиноски, со цел отворање на административна канцеларија за „Една точка за услуги“.

Според министерот државата има стратегија за работа во областа на заштита во сајбер просторот. Се формира работна група со стручни лица кои ќе работат на изработка на стратегијата за сајбер безбедност и изработка на законот за сајбер заштита.

Можам да кажам дека од најголемиот дел од институциите веќе ги одобривме номинациите од сите државни институции засегнати. Ние ќе го водиме процесот заедно со нашите партнери, меѓународни партнери во НАТО, за изработка на стратегија за сајбер безбедност, закон за сајбер заштита и патоказ протокол како се однесуваме во случај на инциденти кои можат да се појават. Видите, овој свет е под напад, постојано се развива и постојано трпи напади, но кога имате јасен одговор од страната на државите, проблемите со кои ќе се соочите и последиците со кои ќе се соочите, се секогаш помали но многу е важно да имаме системски пристап и стратешки да се позиционираме за да се заштитиме - изјави Андоновски.

The post Андоновски: Не се пријавени проблеми во компјутерските системи на државните институции appeared first on Република.

Министерот за дигитална трансформација, Стефан Андоновски денеска информираше дека нема пријавено проблеми во компјутерските системи на државните институции, откако за системски падови медиумите јавија дека се случиле низ повеќе земји во светот.

Андоновски рече дека добро во ситуацијата е што не станува збор за сајбернапад и дека добиле информации дека станува збор за несоодветност на ресурсите на платформата Мајкрософт.

– Тоа е нивното известување, и дека одредени институции коишто биле поврзани на таа платформа преку нивните сервиси, имало некои недостаток и предизвикале некој пад на системот.

Што се однесува до државните институции, во постојана комуникација сме и со министерката за енергетика, но и со другите одговорни лица, не се пријавени до сегашни падови на системите во државните институции.

Има некоја информација за приватниот сектор, но мислам дека тоа се изолирани случаи и веќе се надминува.

Дополнителни информации може да имаме во текот на утрешниот ден, но како што ја гледам ситуацијата во моментот, станува изолиран инцидент во Мајкрософт и со него поврзани системи, така што не очекувам да има повеќе проблем во државните институции, истакна Андоновски, кој во тетовско Јегуновце потпиша меморандум за соработка со градоначалникот Димитар Костадиноски, со цел отворање на административна канцеларија за „Една точка за услуги“.

Според министерот државата има стратегија за работа во областа на заштита во сајбер просторот.

Се формира работна група со стручни лица кои ќе работат на изработка на стратегијата за сајбер безбедност и изработка на законот за сајбер заштита.

– Можам да кажам дека од најголемиот дел од институциите веќе ги одобривме номинациите од сите државни институции засегнати.

Ние ќе го водиме процесот заедно со нашите партнери, меѓународни партнери во НАТО, за изработка на стратегија за сајбер безбедност, закон за сајбер заштита и патоказ протокол како се однесуваме во случај на инциденти кои можат да се појават.

Видите, овој свет е под напад, постојано се развива и постојано трпи напади, но кога имате јасен одговор од страната на државите, проблемите со кои ќе се соочите и последиците со кои ќе се соочите, се секогаш помали но многу е важно да имаме системски пристап и стратешки да се позиционираме за да се заштитиме, изјави Андоновски.

The post Андоновски: Не се пријавени проблеми во компјутерските системи на државните институции appeared first on Република.

Денеска, министерот за дигитална трансформација, Стефан Андоновски имаше воведно обраќање на третата сесија на Националната конвенција за Европската Унија во Република Македонија (НКЕУ-МК), на Работната група 6 – Антикорупција, на тема „Градење кохезивна дигитална инфраструктура за развој на напредни јавни финансии“. На настанот, покрај министерот Андоновски, со воведни говори се обратија и националниот координатор на НКЕУ-МК, професор Милева Ѓуровска, и Александар Кржаловски од Македонскиот центар за меѓународна соработка.

Во своето обраќање, министерот Андоновски ја истакна важноста на дигиталната трансформација како клучен приоритет за Европската Унија, која третата декада од Третиот милениум ја прогласи како декада на остварување на високо ниво на дигитална трансформација. Тој подвлече дека преку дигитална трансформација имаме можност да ја унапредиме транспарентноста и ефикасноста на јавните финансии, создавајќи кохезивна дигитална инфраструктура која ќе овозможи поефикасно управување со јавните ресурси и зголемена доверба на граѓаните во институциите.

Нашите напори за дигитална трансформација се насочени кон иднината – иднина во која инвестициите во дигиталната инфраструктура ќе бидат двигател на сите сфери од општеството, која за разлика од автопатите и железниците, не препознава граници, рече Андоновски.

Во контекст на поврзливоста и воспоставувањето на кохезивна дигитална инфраструктура, Андоновски зборуваше за напорите што веќе се прават за унапредување на функционалноста на Платформата за интероперабилност која овозможува електронска размена на податоци и документи помеѓу институциите, но и меѓу институциите, компаниите и граѓаните на стандардизиран, безбеден и унифициран начин.

Не можеме да зборуваме за примена на Вештачка интелигенција, алатки за подобрување на транспарентноста или откривање на потенцијални случаи на корупција доколку над 90% од институциите податоците ги чуваат на хартија или ги разменуваат на традиционален начин, a не се поврзани во една заедничка дигитална околина. Дигитализацијата на регистрите ќе овозможи брз пренос на податоци и примена на алатки за нивна автоматска обработка и анализа. По постигнување на оваа цел, потенцијалот за примена на ИКТ технологии во контекст на денешните теми неколкукратно се зголемува, нагласи Андоновски.

Настанот продолжи со дискусија на различни засегнати страни, вклучувајќи претставници на релевантни институции, граѓански организации, меѓународни експерти и други. Присутните разговараа за прашањата поврзани со дигиталната трансформација и нејзината улога во подобрување на јавните финансии и борбата против корупцијата.

The post Андоновски: Ако сакаме успех – институциите мораат да комуницираат меѓусебе, а тоа е преку платформата за Интероперабилност appeared first on Република.

Како да се забрза процесот на дигитализација на здравствениот систем во државата? Што е потребно, како да се зголемат и подобрат дигиталните услуги и како да се изврши вмрежување на сите податоци на едно место за пациентите. Ова беа дел од темите за кои денеска разговараа Стефан Андоновски, министерот за дигитализација и Сашо Клековски и Бранко Аџигогов, директори на Фондот за здравствено осигурување.

Потребата од целосна дигитализација во овој сегмент е неопходна затоа што ќе се зголеми ефикасноста и ефективноста на здравствените услуги, ќе се намали административната работа на здравствените работници и секое медицинско лице ќе ги има сите потребни податоци за еден пациент. Системот може да биде надграден, ќе се нудат повеќе услуги и на тој начин ќе се забрза користењето на здравствените услуги и ќе се намали драстично можноста за корупција.

Приоритет е дигитализацијата, бидејќи само со дигитализација се зголемува транспарентноста и подобрува контролата во сите подрачја, од рецепти до лекување во странство. Отпорот што се јавувал кон дигитализацијата во сегментот во здравство е поради намалувањето на можноста за злоупотреби. Но сега има политичка волја тоа да се надмини“, објасни на состанокот Клековски.

За министерот Андоновски, овој принцип на работа со внесување на елементи на дигитализацијата е начин да се избегнат понатамошни злоупотреби, пациентите да ги добијат посакуваните услуги побрзо и подобро. Министерот Андоновски ја истакна и важноста за поврзување со Услуги.гов.мк.

Веќе се прави анализа на сите потребни надградби на системот и во следниот период ќе се започне со имплементација.

The post Директорите не ФЗОМ и министерот за дигитализација Стефан Андоновски разговараа за вмрежување на сите податоци на едно место за пациентите appeared first on Република.

Министерот за дигитална трансформација, Стефан Андоновски, денеска оствари средба со шефот на Мисијата на Европската Унија, Амбасадорот, Дејвид Гир, на која станало збор за реформите што претстојат на евроинтеграцискиот пат, со акцент на дигиталната трансформација на процесите.

Како што се наведува во соопштението од Министерствотот за дигитална трансформација, Андоновски подвлече дека дигитализацијата е висок приоритет на оваа Влада, дека е неизбежна за секое општество и токму затоа, колку побрзо ја реализираме таа трансформација на општеството, паралелно со градење на вештини кај граѓаните, толку побрзо ќе изградиме ефикасни, отчетни и одговорни институции.

Андоновски додадал дека премногу долго постоел некоординиран пристап за ова прашање што го оневозможувал напредокот, како и дека таа реалност се менува преку системска активност на Министерството за дигитална трансформација, која подразбира дигитална инфраструктура и поврзување, дигитални вештини и компетентност, дигитална економија во ера на нови ИКТ технологии, доверба и безбедност, како и економска интеграција.

Граѓаните со право бараат подобар живот, а Владата е целосно посветена на подобар стандард и исполнување на високите критериуми за интеграција, истакна Андоновски.

На средбата станало збор и за развојот на проектите во рамките на Програмата за Дигитална Европа, која отвора одлични можности за граѓаните, јавните институции и разни организации да аплицираат и да имаат корист од финансирањето од 7,5 милијарди евра.

Поддршката која доаѓа од ЕУ е од огромна важност за нашата држава и е сигнал за ефикасно и ефективно надминување на предизвиците во текот на интегративниот процес. И покрај бројните отстапки и откажувања кои не се вреднувани до крај, ние остануваме решителни да ги негуваме заедничките вредности, демократските принципи и клучното партнерство со ЕУ, која игра најважна улога во развој на државата по европски стандарди, нагласи Андоновски, се посочува во соопштението.

The post Андоновски – Гир: ЕУ ќе ја помага дигиталната трансформација на земјата appeared first on Република.

Министерот за дигитална трансформација, Стефан Андоновски, имаше средба со амбасадорката на САД, Анџела П. Агелер.

Како што соопшти кабинетот на Андоновски, во фокусот на разговорите биле проектите, активностите и целите на Министерството за дигитална трансформација.

Нашата заложба за дигитализација не е само технички проект; тоа е дел од нашата стратегија за изградба на почесно и поодговорно општество во служба на граѓаните, истакнал Андоновски на средбата.

Соговорниците се согласиле дека безбедносните предизвици во сајбер просторот се сериозна закана за постојниот меѓународен поредок. Воедно, била нагласена потребата од заеднички пристап и стратешка размена на информации и искуства особено меѓу НАТО сојузниците, во насока на успешно справување и надминување на сајбер заканите кои стануваат сѐ побројни, поразновидни и пософистицирани.

Била потенцирана отвореноста на САД за соработка и продолжување на спроведувањето на реформите и системските мерки, кои се од огромна важност за дигитална трансформација на процесите во државата.

Дигитализацијата не е само технологија; таа е алатка за транспарентност, отчетност и ефикасност. Со воведувањето на електронски услуги и дигитални системи, можеме да ги елиминираме многу од точките каде што корупцијата најчесто се јавува. Дигиталната трансформација на процесите е важен елемент во справувањето со корупцијата, било заклучено на средбата од страна на соговорниците.

The post Средба Андоновски – Агелер: Дигиталната трансформација на процесите е важен елемент во справувањето со корупцијата appeared first on Република.

И се во државата да е дигитализирано и институциите да ги заштитиме, ако не ги заштитиме младите и децата на интернет, не сме направиле ништо, изјави министерот за дигитална трансформација, Стефан Андоновски, на „Тема на денот“ во вестите на ТВ Сител.

Министерството за информатичко општество и администрација, во техничката Влада, во соработка со неколку универзитети и невладини организации, подготвуваше документи за повикот од програмата Дигитална Европа за поддршка за формирање на национални центри за побезбеден интернет за деца, дополни Андоновски.

Тој посочи дека наскоро се очекува отпочнување на проектот за Центар за безбеден интернет за деца.

По доработка на проектната документација, отстранување на недостатоците, очекуваме скоро да го потпишеме Договорот за отпочнување на проектот за Центар за безбеден интернет за деца. Главна цел на проектот ќе биде да ги зајакне капацитетите за давање совети и поддршка на децата, младите, родителите, наставниците, како и другите засегнати страни, за прашања поврзани со употребата на дигитални технологии и услуги од страна на децата, како и да се зајакне поддршката за жртвите на сајбер малтретирање, појасни Андоновски.

Опсегот на проектот е формирање на национален Центар за безбеден интернет во Македонија, составен од Центар за подигање на свеста и телефонска линија за поддршка.

Министерот додаде дека целта е да ги подобрат понудените услуги, да го олеснат пристапот до содржини погодни за возраста и да ја зголемат свеста кај граѓаните.

Ова ќе ги поттикне младите и родителите полесно да ги препознаат ризиците на интернет, како и да сфатат која содржина е погодна за деца. Ние ќе соработуваме со децата, младите, родителите, наставниците и другите витални чинители, рече тој.

Андоновски потенцираше дека е посветен на обезбедување механизми за поддршка за жртвите на сајбер малтретирање, деца со посебни или специфични потреби, вклучително и оние од обесправени или ранливи средини.

The post Андоновски најави Центар за безбеден интернет за деца и млади appeared first on Република.