Козметичката компанија „Авон“ (Avon Products) поднесе барање за стечај во САД во обид да се спаси од напливот на тужби од оштетени корисници поради производи кои содржат талк кој предизвикува рак.

Компанијата во постапката наведе дека ќе има обврски по отштети од најмалку 1 милијарда долари и не повеќе од 10 милијарди долари.

Матичната група на козметичката компанија, Avon Products, соопшти дека поднела барање за стечај во САД, но дека меѓународните организации ќе останат отворени. Брендот Авон во САД моментално е во сопственост на LG Household & Health Care Ltd, а исто така не е дел од стечајот.

„Авон“ е втора козметика компанија која поднесе барање за стечај за да се справи со тужбите кои произлегуваат од производите од талк. Џонсон и Џонсон, исто така, неколку пати се обиде да ги реши судските спорови користејќи банкрот, но обидите му пропаднаа.

The post Пропадна „Авон“ appeared first on Република.

Фабриката за производство автомобили „Застава“ од Крагуевац ќе оди на продажба. Во рамки на постапката за стечај на компанијата, огласена е почетна цена од 584.000 евра за фабриката во Крагуевац, како и канцеларии и деловни простории на повеќе локации

Агенцијата за лиценцирање на стечајни управници (АЛСУ) за 5 март ја објави првата продажба од стечајот на групацијата „Застава“ од Крагуевац. Продажбата ќе биде изведена по пат на јавно наддавање со почетна цена од околу 68,9 милиони динари (околу 584.000 евра).

Во пакетот се продаваат деловни простории на повеќе локации како и фабрички згради и канцеларии.

The post Фабриката „Застава“ се продава по цена од 584 илјади евра appeared first on Република.

Стечајна постапка е отворена за „Еуроникел индустри“ денеска во Основен суд Кавадарци. За стечаен управник е назначен Ацо Петров од Скопје. Со судското рочиште раководеше стечајниот судија Елизабета Петковска.

Ова беше одлучено на денешното рочиште на кое се испитуваше постоењето на услови за отварање на стечајна постапка, на кое присуствуваше МИА.

Стечајниот предмет беше поведен по предлог на тројца доверители. Една прилепска компанија, јавно претпријатие од Кавадарци, како и вработени во фабриката. Претставниците на доверителите, рекоа дека сметаат оти покрај обврските, должникот чија сметка била блокирана повеќе од 45 дена и законски има услови за стечај, има и имот од кој би можела да се формира стечајна маса и да се намират доверителите преку сразмерен процент.

На рочиштето беше презентиран извештајот од досегашната привремена стечајна управничка, Љубица Зајкоска од Прилеп, за економско - финансиска состојба на должникот и преземените мерки за обезбедување на имотот. Биле анализирани податоци за последните пет години, земени податоци од различни субјекти.

Анализата за 2019, 2020, 2021 и 2022 година, покажува дека должникот цело време бил во добивка, но последната година, таа била 26 пати помала од 2019 година. Анализата за 2022 година покажува дека вкупни побарувања има над пет милијарди денари, или 5.748.924.154. денари, а обврски, близу пет милијарди, или 4.823.845.233 денари. Според имотен лист, компанијата нема недвижен имот. Има возила, залихи роба во готови производи никел, резервни делови и ситен инвентар, канцелариска опрема и залихи и авто делови во централен магацин, појасни Зајкоска, нагласувајќи дека 670 вработени побаруваат по четири плати во вкупен износ од 133.823.193 денари.

Таа додаде дека книговодствено, компанијата има побарувања и од домашни и странски субјекти и од државни институции, но нивната веродостојност ќе се испита во отворената стечајна постапка.

The post „Еуроникел“ замина во стечај appeared first on Република.

Градбата на покриениот базен во Битола подолг период е во застој иако, според најавите, досега требаше да биде изграден, пишува порталот СДК.мк.

Базенот се гради во училишниот двор на основното училиште „Даме Груев“ во Битола, како инвестиција на Агенцијата за млади и спорт во соработка со претходната локална самоуправа.

Сегашната директорка на училиштето Биљана Дамчевска-Бакиевска на Комисијата за јавни дејности во Општина Битола ѝ изјави дека дел од градежните материјали се расфрлани низ училишниот двор, а местото не е обезбедено и претставува опасност за учениците.

Целиот текст овде.

The post Во стечај е фирмата што требаше да го гради покриениот базен во Битола, градбата запрена, материјалите расфрлени appeared first on Република.

Штипското јавно обвинителство покренува обвинение против управител на една штипска текстилна конфекција за намерно лажно предизвикување на стечај.

Претседателката на здружението „Гласен Текстилец”, Кристина Ампева, на денешната прес-конференција рече дека известувањето на Основното јавно обвинителство(ОЈО)-Штип го добиле денеска. Тоа доаѓа по вчерашната судска пресуда во корист на работничка од Делчево. Ампева забележува оти ова значи дека пресудата нема да биде изолиран случај.

-Драго ми е за денешното известување од Основното јавно обвинителство-Штип, каде што поднесовме обвинение против управител на една конфекција во Штип, ќе го почекаме исходот од постапката. Меѓутоа овде се разботи за намерно предизвикување на стечај, со самото тоа што ОЈО –Штип за првпат ни одговара позитивно во однос на еден член од Кривичниот законик нас ни влева доверба, а треба да им влева и доверба на работниците, вели Ампева.

Кривичните постапки треба за крајна цел да имаат намалување на злопотребите од страна на работодавачите на сметка на работниците.

-Време е веќе ова да започне да се практикува по Кривичен законик, а не како прекршување на Закон за работни односи. Нека има затворски казни, парични казни, нека се полни буџетот, од работодавачи кои сметаат дека треба да ги злоупотребуваат работниците, вели Ампева.

За кривично дело предизвикување на намерен лажен стечај е предвидена затворска казна од една до пет години.

The post Обвинение за газда на штипска конфекција, намерно предизвикал стечај appeared first on Република.

Банкарите од земјава реагираат дека не е точна информацијата која минатата недела ја пренесоа штедачите од Еуростандард банка, а таа е дека тие ќе имаат предност на намирување од стечајната маса, пред Фондот за осигурување на депозити.

Во врска со неодамнешните написи објавени во средствата за јавно информирање со кои се дава неточно известување за правата на доверителите при распределбата на средствата од стечајната маса во случајот со Еуростандард банка АД Скопје во стечај, при што се сугерира да не се почитува Законот за стечај по однос на начинот на намирување на побарувањата на доверителите од ист исплатен ред, Македонската банкарска асоцијација ја потсетува јавноста за следното:

- Фондот за осигурување на депозити иако е државна финансиска институција основана со посебен закон, истиот целосно е финансиран од премиите за осигурување на депозитите на физичките лица кои ги уплаќаат банките и штедилниците согласно нивната законска обврска;

- благодарение на неговата поставеност и улога, како и на целосната финансиска поддршка од членовите на Македонската банкарска асоцијација, Фондот за осигурување на депозити даде значаен придонес кон создавање на стабилен и сигурен банкарски сектор кој ужива огромна доверба кај штедачите, поради што ваквата реалност не смее да биде загрозена од никого и на ниту еден начин;

- Фондот за осигурување депозити во случајот со Еуростандард банка АД Скопје во стечај, навремено и ефикасно ја изврши својата законска обврска и од средствата на Фондот досега се обесштетени 90 отсто од штедачите - физички лица со право на обесштетување;

- статусот на Фондот за осигурување на депозити на доверител со утврдено побарување во предметната стечајна постапка е неспорен за правниот систем на нашата држава, а тоа го потврдија и судовите со свои одлуки“, се вели во соопштението од МБА.

Во таа смисла, Македонската банкарска асоцијација очекува во рамки на стечајната постапка над  Еуростандард банка АД Скопје во стечај целосно да се почитуваат одредбите од Законот за стечај и Фондот за осигурување на депозити како доверител, рамномерно и пропорционално да се намири истовремено со сите други доверители од ист исплатен ред, нагласуваат оттаму.

Сметамe дека секоја друга одлука би можела да нанесе ненадоместлива штета директно на Фондот за осигурување на депозити, а со тоа и индиректно на банките и штедилниците коишто го финансираат овој Фонд, нагласуваат од Македонската банкарска асоцијација.

The post Банкарите не сакаат при земањето пари од стечајната маса на „Еуростандард“ штедачите да имаат предност appeared first on Република.

Апелацискиот суд во Штип ја усвои жалбата на Сојузот на синдикати на Македонија и решението на Основниот суд за предметот преку кој работниците како предлагачи побараа отварање на стечајна постапка над должникот  – фабриката за чевли АД „Баргала“. Сојузот на синдикатите на Македонија преку писмено соопштение информираат дека предметот е вратен на повторно судење во Основниот суд во Штип.

Со Решението, Апелацискиот суд го задолжува Основниот суд во Штип при повторното постапување со сигурност да утврди дали доверителите – работниците имаат доспеани, а неплатени парични побарувања врз основа на важечки основи за плаќање,  дали исплаќал плата во износ и висина утврдена во согласност со Закон и колективен договор и дали должникот е неспособен за плаќање повеќе од 45 дена од која било негова сметка кај кој било носител на платниот промет.

Судијата Емил Пилатов кој во тој период во врска со поднесеното барање за отварање на стечајна постапка во АД Баргала Штип, во изјава за медиумите кратко одговорил : – ,, Нема стечај засега, ќе чекаме Апелација што ќе каже“ го доби одговорот од Апелациониот суд кој Решение ја усвои жалбата на ССМ и Решението на Основниот суд Штип СТ.12/21 го укина и предметот му го  врати на повторно судење заради суштествени повреди на постапката со оглед на тоа што причините се нејасни и контрадикторни врз основа на кој судел Судијата. Иако за сите државни институции и за ССМ, работењето во Баргала АД Штип е скандалозно и без почитување на законите во државата,  судијата Емил Пилатов и привремениот стечаен управник Пепи Панев дозволија да страдаат околу 300 вработени и нивните семејства, оставени без плати, со незаконити отказни решенија и без стабилен статус и егзистенцијална иднина што се потврдува и со оваа пресуда, се вели во писменото соопштение на ССМ.

Посочуваат и се сомневаат на развиена мрежа од поединци судии и стечајни управници кои, како што велат во соопштението слугувале на газдите на АД Баргала и дозволуваат работниците со месеци да гладуваат и покрај решенијата за исплата на неисплатените плати и решенијата за враќање на работниците и работничките на своите работни места.

The post Продолжува сагата на 300 вработени и нивните семејства, случајот со стечајот на штипска „Баргала“ се враќа на повторно судење appeared first on Република.