Граѓанин залутал во реонот на општина Старо Нагоричане, движејќи се накај бањата Стрнобац, соопшти денеска Центарот за управување со кризи. Полицијата презема мерки за пронаоѓање.

-Граѓанин се јавил на 112 дека залутал и се изгубил, движејќи се кон Стрновац- бања во Старо Нагоричане. По конференциска телефонска комуникација со дел од службите од Системот за управување со кризи и со ОЦ СВР Куманово, било донесено решено дека дежурните од полицијата од ПС Старо Нагоричане ќе го контактираат директно со лицето и ќе му помогнат – прво ќе му дадат насоки за движење, а потоа ако е потребно и ќе појдат по него на терен според локацијата добиена од неговиот мобилен телефон, соопшти ЦУК.

Центарот за управување со кризи информираше дека е пронајдена граната во двор на семејна куќа во кумановското село Романовце.

-На 112 пријава за пронајдена фрлена бомба – граната во двор што не е експлодирана, во село Романовце. Таа била фрлена во дворот во куќа чии сопственици не се во државата и се во Швајцарија. Настанот го пријавил зетот на сопствениците. Од ЦУК веднаш се известени во ОЦ СВР Куманово, за безбедносна постапка, соопшти ЦУК.

The post ЦУК: Залутан граѓанин во реон на Старо Нагоричане appeared first on Република.

Разговори и средби во Старо Нагоричане со вредните земјоделци и чесните жители на ова населено место. Имавме продуктивни разговори со жителите заедно со Цветан Трипуновски техничкиот заменик министер за земјоделство, шумарство и водостопанство и коалицијата „Твоја Македонија“, изјави потпретседателот на ВМРО-ДПМНЕ, Владо Мисајловски и носител на листа во ИЕ2.

Тој по средбата се огласи на својот Фејсбук профил каде истакна:

Јасно е и во Старо Нагоричане, народот ја препознава искрената намера на ВМРО-ДПМНЕ, Македонија повторно да биде достоинствена држава, држава каде младите ќе гледаат просперитет, повозрасните спокојно ќе ги поминуваат пензионерските денови со повисоки пензии, а земјоделците навремено ќе ги добиваат субвенции. Граѓаните на Старо Нагоричане никогаш нема да бидат игнорирани и заборавени од ВМРО-ДПМНЕ! Македонија повторно твоја!, потенцира во објавата Мисајловски.

 

The post Народот ја препознава искрената намера на ВМРО-ДПМНЕ, Македонија повторно да биде достоинствена држава, рече Мисајловски во Старо Нагоричане appeared first on Република.

Полициски службеници од СВР Куманово по преземени мерки и активности денеска во селото Сув Орах во Општина Старо Нагоричане го пронајдоа Ц.Д.(60) од Куманово. Од МВР соопштија дека лицето е во добра здравствена состојба.

За него вчера во 20.00 часот неговата сопруга М.Д. пријавила дека се оддалечил од домот, а дека станува збор за лице со здравствени проблеми.

The post Добра вест: Пронајден исчезнатиот во Старо Нагоричане appeared first on Република.

Неколку екипи од противпожарни единици од Старо Нагоричане, Куманово, Ранковце и Кратово го гасат пожарот што избувна попладневно кај село Руѓинце општина Старо Нагоричане.

Ветерот го отежнува гаснењето, од ЦУК е побарано да се ангажира и хеликоптер и ЕР трактор на Дирекцијата за заштита и спасување. Неколку куќи и викендици се загрозени.

– На терен сме повеќе екипи, информирана е и ЦУК ќе пратат и воздушна поддршка. Гори нискостеблеста шума, стрништа, сува трева, изјави командирот на ТППЕ Старо Нагоричане Далибор Трајковски.

Пожарот првин избувнал во високата трева и се проширил кон мешовитата шума. Ветерот само го отежнува гаснењето.

– Ненадејниот силен ветер брзо го раширил пожарот поради што е изгубена почетната контрола врз него. Поради загрозувањето на куќи и викендички и брзото ширење на пожарот поради силниот ветер, ангажиран е еден полициски хеликоптер и еден Ер трактор на ДЗС, изјави директорот на ЦУК, Стојанче Ангелов.

The post Пожар во село Руѓинце, Старо Нагоричане appeared first on Република.