Германија се соочува со сериозен недостиг на кадар во областа на социјалните услуги, бидејќи бројот на луѓе на кои им е потребна грижа е речиси двојно зголемен во изминатите години, додека бројот на негуватели расте релативно бавно. Тоа го објави ДПА, цитирајќи информации дадени од Министерството за труд како одговор на барањето на претставникот на Алтернатива за Германија, Рене Спрингер.

Многу луѓе кои работат во секторот за социјални услуги се имигранти. Во 2022 година околу 30 отсто од работната сила во секторот за нега на стари лица беше од странско потекло, процени Експертскиот совет за интеграција и миграција.

Податоците на германското Министерство за труд покажуваат дека во 2015 г имало 2,9 милиони луѓе кои имаат потреба од нега, а до крајот на 2023 г тие веќе биле 5,6 милиони. Во истиот период, бројот на вработени во болниците и домовите за стари лица пораснал од околу 1,5 милиони на само околу 1,85 милиони, или околу 23 отсто.

Бројките, исто така, покажуваат дека слободните работни места во болниците и домовите за стари лица се пополнуваат подолго, и покрај зголемената невработеност кај медицинските сестри и негуватели.

Според Федералната агенција за вработување, во октомври имало околу 34.000 слободни работни места во социјалните служби.

The post Во Германија има сериозен недостиг на кадар во домовите за стари лица appeared first on Република.

Пензионерите и постарите лица кои живеат во општина Босилово за првпат добиваат Центар за дневен престој на стари лица со активно стареење. Центарот е лоциран во населеното место Турново и ќе може секојдневно да го посетуваат до 24 корисници, каде преку различен вид активности кои ќе се спроведуваат под надзор на стручни лица, добиваат можност за квалитетен, активен живот и социјализација.

Отворањето на овој центар се реализира преку Проектот за подобрување на социјалните услуги, кој го имплементира Министерството за труд и социјална политика, со поддршка од Светска Банка, во рамки на социјалната реформа која започна да се спроведува во 2019 година. Една од клучните цели на оваа реформа е зголемување на достапноста на социјалните услуги на локално ниво, до оние граѓани на кои тие им се најпотребни.

„Центрите за дневен престој на стари лица за активно стареење се еден тип на социјална услуга која е наменета за активните стари лица и им овозможуваат на старите лица низ разновидни активности да бидат ангажирани, да се дружат, како и квалитетно да го исполнат нивното време. Јас сум многу задоволна што денеска ќе ја врачиме лиценцата за вршење дејност на третиот центар за дневен престој на стари лица и верувам дека истиот ќе им носи многу дружба и активности на жителите од село Турново. Задоволството е поголемо што се работи за рурална средина и тоа покажува дека ние сме посветени на изградба на систем на социјални услуги низ целата земја, со акцент на одалечените места.“, истакна министерката за труд и социјална политика, Јованка Тренчевска.

Со новиот центар за дневен престој на стари лица со активно стареење во Турново ќе управува општинската организација на Црвениот крст во Струмица, кој од Министерството за труд и социјална политика ја доби соодветната дозвола за вршење дејност од областа на социјалната заштита.

Од Црвениот Крст Струмица искажаа задоволство што заедно со општина Босилово се добитници на грант за развој на оваа услуга и потенцираа дека ќе го искористат своето знаење и искуство за да креираат активности кои ќе внесат свежина и радост во секојдневниот живот на корисниците, помагајќи им квалитетно и активно да го поминат третото доба.

Значајна придобивка од социјалната реформа е и децентрализацијата на социјалната заштита која се спроведува преку пренос на ингеренциите за спроведување на социјалните услуги од централно на општинско ниво. Една од улогите на општините во овој процес е да ги препознаат потребите и барањата на жителите во нивните заедници и, заедно со потенцијалите даватели на услуги, да подготват соодветни проекти за развој на социјални услуги со кои ќе настапат пред ресорното министерство и за кои, доколку ги исполнат неопходните предуслови, добиваат соодветна финансиска поддршка.

„Горд сум што Босилово е една од општините чии проекти за развој на нови социјални услуги беа избрани како најдобри и чија реализација е овозможена од страна на Министерството за труд и социјална политика. Тоа покажува дека сме направиле добра проценка на потребите на нашите сограѓани и добро сме ги идентификувале оние што заслужуваат посебно внимание и поддршка. Постарите граѓани од нашата општина секако спаѓаат во таа група и затоа денеска сум особено задоволен што заедно со ресорното министерството и давателот на услугата – Црвениот крст од Струмица, започнуваме со исполнување на оваа наша заложба“, оцени градоначалникот на Општина Босилово, Ристо Манчев.

Инаку, во рамки на Компонентата 1 од Проектот за подобрување на социјалните услуги, што го спроведува Министерството за труд и социјална политика, досега е обезбедена соодветна поддршка за реализација на 34 поединечни проекти за воведување социјални услуги во 41 општина ширум земјата. Покрај отворање дневни центри за активно стареење, со овие проекти дадена е и конкретна поддршка за развој на друг вид нови социјални услуги, како што се: дневни центри за престој на лица и деца со попреченост, центри за рехабилитација и реинтеграција на лица со попреченост, како и развој на услугите лична асистенција, помош и нега во домот и други. За давање на овие социјални услуги досега се обучени и лиценцирани над 300 лица, а истите се достапни за повеќе од 1200 корисници.

The post Старите лица од општина Босилово добија нов центар за дневен престој appeared first on Република.

Телата на седум постари лица се пронајдени во шума во близина на гробишта во бугарската престолнина Софија.

Како што соопшти локалната полиција, првичната истрага покажува дека тие луѓе, чии тела биле закопани во шумата, најверојатно починале од природна смрт, пренесе АП.

Инспекторите се сомневаат дека станува збор за штитеници во домовите за стари лица во Софија, кои таму биле незаконски погребани по нивната смрт, како дел од незаконска шема за наплата на трошоци за погреб.

Во врска со случајот е уапсен 51-годишен службеник на погребално претпријатие, кој е обвинет за припадност на поголема криминална група која ги земала телата на починатите од домовите за стари лица, наводно планирајќи кремирање, по што ги закопувала во шумата во близина на гробиштата.

The post Мистериозни трупови во Бугарија: Во Софија се појавија седум тела во близина на гробишта appeared first on Република.

Од старите може многу да се научи.Затоа што советите што ќе ви ги дадат вашите баба, дедо,чичко, татко, мајка се непроценливи.

Еве некои од нив

Тешко е да се види поголемата слика на сопствениот живот ако сте заглавени во секојдневниот живот, преоптоварени или ако имате премногу семејни обврски. Сепак, можеби овие зборови на поискусните луѓе, кои веќе поминале низ сето тоа, ве натераат да размислите и да ви помогнат да разберете дека животот нема повторување, кои се приоритетите и дека треба да уживате во моментот.

Можеби ќе имате долг живот, или животот ќе ви биде краток - кој знае. Но, во секој случај, ќе зажалите што не сте се грижеле подобро за себе во младоста.

* Работата е само работа. Немојте да бидете опседнати со материјални работи, ценете го времето и искуството.

* Љубомората ги уништува врските. Верувај на својата друга половина, затоа што на кој друг ќе му веруваш?

* Најважната личност во вашиот живот е личноста која се согласила да го сподели својот живот со вас. .

Луѓето секогаш велат: „Погрижи се да добиеш работа каде што ќе го работиш тоа што го сакаш!“ Но, тоа не е најдобриот совет. Вистинската работа е онаа што ја сакаш неколку дена, не ја поднесуваш другите денови, а сепак си ги плаќаш сметките. Речиси никој нема работа што ја сака секој ден.

* Годините минуваат додека да трепнеш. Не стапувајте во брак премногу млади. Живеј го својот живот. Патувајте. Без разлика колку пари имате. Спакувајте ги куферите и одете каде што можете да си дозволите. Додека никој не зависи од вас, не купувајте работи.

Не го сфаќајте животот сериозно. Дури и ако работите ви изгледаат мрачни и безнадежни, обидете се да се смеете на тоа колку е глупав животот.

Вистински пријател е оној што ќе дојде ако му се јавите во два часот наутро. Сите останати се само познаници.

* Децата растат пребрзо. Искористете го максимумот од времето што го поминувате со нив.

Никој никогаш не умрел жалејќи што не работел повеќе. Бидете вредни, но не ставајте ја работата пред семејството, пријателите или себеси.

The post Старите лица даваат непроценливи совети: Немојте да се разбудите и да сфатите дека имате 60 години без да сте ги направиле работите за кои сонувавте appeared first on Република.