Вчера на социјалните мрежи ДНК ја промовираа својата најнова песна со наслов „Чаршија“. Станува збор за уште една песна која во стилот потсетува на претходните „Ако утре ме нема“ и „Животе брате“, звук кој по се изгледа ѝ се допаѓа на публиката.

Вво ова најново музичко остварување на ДНК свој допринес даде еден од нашите најдобри хармоникаши, Мишел Трајковски и мајсторот за конги, популарниот Бока Конга.

Мислам дека со Лазе уште еднаш успеавме да создадеме нешто што ќе ѝ се допадне на публиката. Очигледно е дека го сакаат овој звук и навистина ни е драго што е така, велат Панчо и Андреј од ДНК.

Видеоспотот за песната се снимаше во Старата скопска чаршија, а во него покрај Панчо и Андреј се појавува и познатата водителка Вера Мештеровиќ, моделот Драгана Спасовска, диџеите Irie Scratch, Nasty и други… Како режисер на спотот се потпишува Огнен Шапковски, додека директор на фотографија беше Кристијан Теодоров.

https://youtu.be/SQdRFObawFE?si=48Dqrofpqxuxb8mA

The post ДНК снимаа спот за „Чаршија” во чаршија appeared first on Република.

По преземени мерки и активности, полициски службеници од Единицата за интервентна полиција при СВР Скопје вчера го лишиле од слобода Б.А.(18) од скопското село Студеничани, кој беше баран по централен распис.

Како што соопшти МВР, Б.А. се сомничи дека на 28 август 2023 околу 4:00 часот на улица „Градиште“ во Старата скопска чаршија со малолетник од скопското село Моране предизвикале пожар во угостителски објект.

Малолетникот, како што се наведува, претходно беше лишен од слобода. Во домовите на двајцата беа извршени претреси, при што во домот на малолетникот беа пронајдени предмети кои потекнуваат од кривичното дело.

Од МВР информираат дека против двајцата беше поднесена кривична пријава поради постоење основи на сомнение за сторено кривично дело „тешки дела против општа сигурност“ во врска со кривично дело „предизвикување општа опасност“.

Б.А. е изведен пред судија на претходна постапка, кој му определил мерка притвор во времетраење од 30 дена, по што бил спроведен во Казнено – поправната установа Затвор Скопје за издржување на мерката притвор, се вели во соопштението.

The post Приведен и вториот осомничен за предизвикување пожар во Старата скопска чаршија appeared first on Република.

СВР Скопје – Единица за насилен криминал поднесе кривична пријава против Б.А.(18) од Скопје и 16-годишник од Скопје поради постоење основи на сомнение за сторено кривично дело „тешки дела против општата сигурност“ во врска со „предизвикување општа опасност“.

Како што соопштуваат од МВР, на 28.08.2023 на ул.„Градиште“ во Скопје, пријавените со запалива течност предизивкале пожар на излог на угостителски објект, сопственост на Ќ.И.(35) од Скопје.

The post На тинејџери ќе им се суди за палење на излог во чаршија appeared first on Република.

Единицата за насилен криминал – Одделение за крвни и сексуални деликти при СВР Скопје поднела кривична пријава против Б.А.(18) од скопското село Студеничани и малолетник од скопско Моране, поради постоење основи на сомнение за сторено кривично дело „тешки дела против општа сигурност" во врска со кривично дело „предизвикување општа опасност".

По преземени мерки и активности било констатирано дека пријавените на 28.08.2023 околу 04.00 часот на ул.„Градиште“ во Стара чаршија во Скопје предизвикале пожар во угостителски објект. На 06.09.2023, со судска наредба, биле извршени претреси во домовите на двајцата, при што кај малолетникот биле пронајдени предмети кои потекнуваат од кривичното дело. Малолетникот бил лишен од слобода и ќе биде изведен пред судија, додека за Б.А. се преземаат мерки за пронаоѓање, соопштија од МВР.

The post Тинејџери од Студеничани и Моране запалија дуќан во Стара скопска чаршија appeared first on Република.

„Чаршијата е нашa цивилизациска вредност и одраз на нашиот мултикултурализам и затоа сите ние треба да се грижиме и да ја негуваме за да и пркоси на времето“, рече заменик-претседателот на Владата на Република Македонија, задолжен за економски прашања, координација со економските ресори и инвестиции, Фатмир Битиќи, при посетата на Скопската Чаршија каде беше пречекан од членовите на здружението на занаетчии „Еснаф“.

Вицепремиерот Битиќи посетата ја искористи и за средба со новиот председател на Еснаф, Бујар Дулови, и членовите на новото раководство на кои и им посака успешен мандат и реализација на нивната визија за Чаршијата, и порача дека ќе ја имаат неговата безрезервна подршка за потребите на занаетчиите и на Чаршијата.

„Чаршијата е наша цивилизациска вредност и одраз на нашиот мултикултурализам и затоа сите чинители треба да се грижат и да ја негуваат за да и пркоси на времето, и оттука моја обврска но и ваша, е интензивно да работиме за понатамошно развивање на Старата скопска чаршија“, рече вицеперемиерот Битиќи.

Председател на Еснаф, Бујар Дулови, се заблагодари за искажаниот интерес на вицепремиерот Битиќи да ги слушне нивните потреби и искажа вадеж дека во Владата ќе најдат еден партнер со кои заеднички ќе придонесат за понатамошна ревитализација на чаршијата како едно историска и мултикултурна вредност на Македонија.

Вицепремиерот Битиќи при посетата на Чаршијата разговараше и со неколку занаетчии за начините како да се афирмира нивната дејност, но беше запознаен и со ревитализацијата на некои улици кои до скоро беа запуштени, во кои неодамна се отворени угостителски објекти кои помагаат за враќање на сјајот кој го имаше Чаршијата во минатото.

The post Битиќи: Скопската чаршија е нашата мултикултурна вредност appeared first on Република.

Извршен е вонреден инспекциски надзор на дивоградби во Старата скопска Чаршија, објави Телма.

Од Државниот инспекторат за градежништво и урбанизам потврдуваат дека утрово директорот Фатмир Арифи и надлежни инспектори извршиле надзор по што ќе изготват извештај за постапување. Надзорот е вршен со полициска асистенција, потенцираа од Инспекторатот.

Директорот на Државниот инспекторат за градежништво и урбанизам спроведе вонреден инспекциски надзор со придружба на полициски службеници во Стара скопска чаршија врз објекти кои се бесправни, а се изградени во заштитено старо градско јадро  од култорно наследство во Стара скопска чаршија, соопштија од Инспекторатот.

Станува збор за објекти кои се изградени без дозвола и без конзерваторско мислење кое е задолжително за заштитената скопска чаршија. Објектите биле доградувани и проширувани врз патеки и улички во чаршијата со што е попречувано и движењето во овој културно-историски споменик.

Инспекторатот ќе подготви извештај и ќе преземе дополнителни активности на отстранување на бесправно изградените објекти.

The post Извршен вонреден инспекциски надзор на дивоградби во Старата скопска Чаршија appeared first on Република.

Едно време властите се фалеа како ќе ја униформираат Старата чаршија, кога тоа, само дозволија нејзина узурпација, потенцира Ивор Мицковски споделувајќи фотографија од Скопската чаршија на која секојдневно никнуваат нови платформи и градби.

Инаку се изградија паркинг згради, станбени згради, хотели и спа, навлегувајќи во јадрото и уништувајќи го традиционалното и автентичното.
Див Запад, пардон, Исток…, коментира тој.

The post „Униформираната“ чаршија узурпирана од паркинзи, згради, спа центри, хотели… appeared first on Република.

Јорганџија, опинчар, јажар, крзнар, грнчар, шапкар, ковач, лимар, казанџија, копчар, свеќар, венци, сита, саатчија, ракотворби-корпар, ракотворби-изработка на сувенири, домашна ракотворба, изработка на филигран, накит и слични производи, производство на музички инструменти и самарџија, се занаетчиите кои од денеска ќе може да конкурираат за субвенции на повикот што го објави Град Скопје.

Со повикот се опфатени старите занаети и занаетчиските дејности во изумирање. Субвенциите се во висина од 10.000 денари за што во градскиот буџет се предвидени 500.000 денари преку Програмата за финансирање проекти за развој на занаетчиството, угостителството и трговијата.

Рокот за доставување на апликациите е до 10.12.2022 година.

-Право на учество на јавниот повик имаат: занаетчии кои не добиле буџетски средства од проекти за субвенционирање од Град Скопје во тековната година и занаетчиите кои се регистрирани согласно Законот за занаетчиство и обавуваат занаетчиски дејности во изумирање, кои согласно обработените податоци бележат намалување на активноста во континуитет, и тоа следните занаети: јорганџија, опинчар, јажар, крзнар, грнчар, шапкар, ковач, лимар, казанџија, копчар, свеќар, венци, сита, саатчија, ракотворби-корпар, ракотворби-изработка на сувенири, домашна ракотворба, изработка на филигран, накит и слични производи, производство на музички инструменти и самарџија, наведуваат од Град Скопје.

За потребните документи и субвенционирањето, повеќе детали може да се прочитаат на https://skopje.gov.mk/media/8929/javen-povik-za-subvencii-za-zanaetgii.pdf, а информации може да се добијат и во Одделението за поддршка на развој на занаетчиство и трговија на (02) 3297-372 и 3297-328.

-Барањето за субвенционирање на стари занаети и занаетчиски дејности во изумирање до Град Скопје со комплетна документација треба да се достави во затворен плик на адреса: Град Скопје, Сектор за локален економски развој, бул. „Илинден“ бр.82, 1000 Скопје (со назнака – Пријава за јавен повик за субвенционирање на стари занаети и занаетчиски дејности во изумирање во градот Скопје), најдоцна до 10.12.2022 година. Исплатата на одобрените средства ќе се врши сукцесивно, според редот на пристигнати барања, по принципот „Прв дојден прв услужен”, информира Градот.

Ненавремена и нецелосна документација нема да биде предмет на разгледување од страна на Комисијата, а доколку бидат исцрпени предвидените финансиски средства, Градот Скопје ќе го објави завршувањето на Јавниот повик преку својата веб страница. мч/дма/

The post Почнува пријавувањето за субвенции за стари занаети во Скопје appeared first on Република.

Кој и како дозволува државните земјишта да се узурпираат и на сметка на истите да се профитира, анализира ТВ24, откривајќи дека паркинг простор, кој се наоѓа на самиот влез од Старата скопска чаршија, веќе долги години успева да опстојува на државно земјиште.

Но, наместо државата, како сопственик на земјиштето, да води грижа за истото долги години дозволило физичко лице да води грижа за државното земјиште на кое пак си поставил рампа и наплаќа 50 денари од час за секој еден кој решил да го искористи просторот и да го паркира своето возило.

Покрај тоа што е државно земјиште истото се наоѓа и во зоната на заштитено подрачје со што се отвора и прашањето како државните институции долги години дозволиле пред нивни очи физичко лице да постави рампа и да профитира.

Дека се работи за државно земјиште кое се наоѓа во заштитено подрачје потврдија и од Државниот инспекторат за градежништво и урбанизам. Од таму велат дека физичко лице си дозволил да го узурпира државното земјиште и да постави рампа за паркинг простор.

Повеќе на ТВ24

The post Некој со години си наплаќа 50 денари на нелегален паркинг на заштитено државно земјиште appeared first on Република.