Новоизбраниот претседател на Друштвото на писателите на Македонија, Христо Петрески, мандатот го започнува со иницијатива за спасување на куќата на познатиот македонски писател Стале Попов (1902-1965).

Куќата на големиот македонски раскажувач и романописец, која се наоѓа во малото село Мелница, Мариово, се распаѓа, на што укажуваат и фотографиите објавени на социјалните мрежи.

Уште денес ќе започнеме со акција за спасување на куќата на великанот Стале Попов. Ќе направиме сè за да ја вратиме куќата во првобитна состојба, се разбира со помош на, државата, граѓаните, учениците, институциите, работните организации и сите кои сакаат и можат да издвојат средства за да помогнат!“, напиша денес на својот фејсбук-профил Христо Петрески, претседателот на ДПМ.

На 25 мај годинава се навршија 120 години од раѓањето на Стале Попов, при што во Градската библиотека „Борка Талески“ во Прилеп беше одбележано со осврт на неговите делата, од страна на проф. д-р Наташа Аврамовска од Институтот за македонска литература, насловен „Стале Попов – фолклорот, усноста и драмата на писмото во македонската литература“.

The post ДПМ ќе ја спасува родната куќа на Стале Попов appeared first on Република.

Градската библиотека „Борка Талески“ од Прилеп денеска ќе одбележи 120 годишнината од раѓањето на писателот Стале Попов.

120 годишнината од раѓањето на нашиот роднокраен автор, да ја чествуваме заедно!
Бидејќи така го чествуваме својот ген, своите великани, традиција, обичаи, јазик, книжевност и култура!
Слава и почит за нашиот сограѓанин Стале Попов, векат од Библиотеката.

The post Одбележување на 120 годишнината од раѓањето на Стале Попов во Градската библиотека „Борка Талески“ во Прилеп appeared first on Република.