Желбата на министерот за економија Дурмиши е минималецот да биде 600 евра, но ќе се преговара за 450 евра. Она што е сигурни е дека во март минималната плата ќе се зголеми  околу 1.700 денари. За ова пари во буџетот се предвидени, но повторно нема да се достигне бројката од 450 евра, нешто што синдикатите го бараат со месеци. Велат дека и овој износ веќе не е доволен, но ќе се обидат на следниот состанок со владата и работодавачите кој најверојатно ќе биде на почетокот од декември, освен за законското покачување да се најдат плус пари за минимална плата од 450 евра.

Мислам дека на наредната седница, на ЕСС ќе ги презентираме нашите аргументи со кои располагаме за да ги убедиме затоа што мораме да се убедуваме за потребите од растот на сите плати вклучително и минималната плата, вели претседателот на ССМ,  Слободан Трендафилов.

Министерот за економија Дурмиши пак вели дека неговата желба е таа да биде 600 евра, но за тоа мора да се консултира и со работодавачите и со останатите колеги од владата.

Јас сакам минималната плата и 600 евра да биде. Реално барањето е 450 евра, но јас сакам 600 евра да биде но ајде да ги видиме сите засегнати страни да се отвори темата на маса, во првите денови од декември, таму ќе ги видиме и можностите на Владата да има можност да ги покријат тие и ќе ги видиме барањата на работодавачите, вели министерот за економија и труд, Бесар Дурмиши.

Токму ниските плати се една од причините за иселувањето, поради што државата се доведе во ситуација да увезува работна сила.

Главната причина поради кога луѓето заминуваат се ниските плати. Ако вие ги плаќате мизерно тогаш може да очекувате дека тие имаат пари за билет во еден правец, а тоа е надвор од Македонија, додава Трендафилов.

Инаку, наскоро  ќе биде соопштена и новогодишната кошничка во која се планира да се најдат 600 производи. И покрај сугестијата од министерката за финансии Кочоска, но и на дел од економистите дека ваквите кошнички не даваат резултати и дека институциите немаат капацитет да проверуваат дали се почитуваат, се одлучи повторно да се донесе а министерот Дурмиши е убеден дека ќе може да се контролира.

Со претходната ваква кошничка имаше производи кои воопшто не поевтинија а некои минимално, граѓаните се пожалија дека нема ефект, а инспекторитее регистрираа низа неправилности и манипулации.

The post Минималец од 600 евра е желбата на Дурмиши, ССМ се надева на 450 евра appeared first on Република.

Трговците се алчни, повторно се обидуваат да заработуваат на грбот на граѓаните. Владата треба да преземе поригорозни чекори, рече денеска претседателот на ССМ Слободан Трендафилов, коментирајќи ги ефектите од есенската кошничка.

Како што истакна Трендафилов, трговците го искористија периодот кога мерката за ограничување на маржите беше најавувана, па прво ги зголемија цените, за потоа, кога мерката стапи во сила, да ги намалат.

ССМ не очекува многу и од Законот за нефер трговски практики зашто, според Трендафилов, Инспекторатот кубури со луѓе и не може да исконтролира огромен број трговци.

Министерот за економија и труд Бесар Дурмиши во врска со Законот за нефер трговски практики, најави казни по Нова година. Дотогаш, рече, ќе се изрекуваат само опомени. Комисијата за заштита од конкуренција ќе има пет членови, а тројца ќе бидат дел од посебен сектор кој ќе се занимава само со прекршоци.

Вкупно 47 производи од синдикалната кошничка беа опфатени со есенската. За жал, трговците го искористија перидот кога мерката се најавуваше и ги зголемија цените па синдикалната кошничка во делот на храната и пијалаците за септември беше зголемена за околу 750 денари, а сега, за октомври, е намалена за 960 денари. Трговците беа алчни, на грбот на работниците повторно се обидуваат да заработуваат. Зголемените цени во септември само ги намалија во октомври и повторно останаа со истиот профит. Сметам дека Владата треба да преземе поригорозни чекори за да ги спречи ваквите појави. Чекаме да профункционира и ограничувањето на маржите со Законот за нефер трговски практики, но слаб е настапот на Инспекторатот, не зашто не сака, туку зашто има многу мал број луѓе за да исконтролира огромен број трговци - истакна претседателот на ССМ.

Тој напомена дека Владата треба да го вклучи ССМ во креирањето на новите мерки за ограничување на маржите.

Две третини од тоа што Владата предвиде, е од минимналната синдикална кошничка, а ние ја пресмтуваме и најдобро знамеме што е потребно, нагласи Трендафилов.

Според министерот, откако е донесен Законот за нефер трговски практики, се следи ситуацијата на терен.

До крајот на годинава им дадовме време на добавувачите да ги усогласат цените, а по Нова Година, ќе се пишуваат казни. Дотогаш ќе има опомени и советувања за тоа како да ги прават договорите согласно Законот за нефер трговски практики. И Комисијата и секторот ќе ги разгледуваат овие договори што ќе ги склучуваат добавувачите и откупувачите. Мислам дека ќе се контролираат многу добро. Пример е Хрватска каде исто така е формирана Комисија за заштита од конкуренција од пет члена и функционира многу добро. Откога е донесен Законот за нефер трговски практики, ние сме на терен. Реализирани се состаноци со трговците, проиозводителите и дистрибутерите, ги слушнавме нивните маки, со што се соочуваат. Ако треба, за да функционират како што треба, во наредниот период ќе се додадат и нови членови. Законот е нов и затоа ги слушаме нивните забелешки - истакна Дурмиши.

Министерот и Трендафилов присуствуваа на настанот по повод одбележувањето на Европската недела на безбедност и здравје при работа

The post ССМ: Трговците се алчни, прво ги зголемија, па ги намалија цените, Владата да преземе поригорозни мерки appeared first on Република.

Пресметките на Сојузот на синдикати на Македонија покажуваат дека во септември минималните трошоци на едно четиричлено семејство изнесуваат 61.306 денари што е зголемување за 107 денари во однос на август кога истите трошоци изнесувале 61.199 денари.

Загрижува податокот во делот на трошоците за Исхрана и пијалоци за месец септември кои изнесуваат 23 034,00 денари споредено со месец август (22 317,00 денари) и истите како трошок се зголемени за 717,00 денари, што покажува дека трговците во текот на месецот ги искористија најавите за воведување на ограничени маржи или цени за да ги зголемат цените на основните прехранбени производи пред објавување на Одлуката на Владата во Службен весник и на тој начин дополнително да се збогатат и да си осигураат зголемени цени и во наредниот период, односно за време на траењето на Одлуката за ограничени маржи на штета на граѓаните и работниците во Македонија, велат од ССМ.

Додаваат дека делот од синдикалната минимална кошница за трошоци за исхрана и пијалоци во целост, односно 86 проценти се превземени во листата на производи чии маржи се ограничени од страна на Владата со што се очекува дека доколку мерката се почитува од страна на трговците, ќе придонесе за значајно намалување на трошоците за храна и пијалоци на најранливите категории на граѓани или на работниците со најниски примања.

The post Пораснале за еден месец: ССМ пресмета дека минималните трошоци во септември се 61.306 денари appeared first on Република.

Сојузот на синдикатите на Македонија (ССМ) очекува благо зголемување на минималната синдикална кошничка што ќе биде објавена во понеделник или вторник идната недела. Тоа, како што истакна денеска претседателот на ССМ, Слободан Трендафилов, ќе биде црвен аларм за креаторите на политиките и за работодавачите во приватниот сектор, дека „раст на платите е потребен вчера, бидејќи денес е веќе доцна“.

Добро е се што се прави во интерес на работниците, посебно во насока на намалување на цените, оцени Трнедафилов на прес-конференција во врска со владиниот предлог што предвидува ограничување на бруто профитната маржа до 10 отсто за стотина основни прехранбени производи. Сепак, укажа, ваквата идеја треба да се спроведе во целост.

Трендафилов изрази жалење што ССМ не е вклучен во подготовката на владините кошнички за ограничување на цените и маржите.

Минималната синдикална кошничка се пресметува во тековниот месец. Се надевам дека на почетокот на наредната недела, во понеделник или вторник, ќе биде објавена. Според податоците, веројатноста е голема да биде со благо зголемување, имајќи предвид дека од почетокот на годинава се зголеми за 4 600 денари. Ние, за жал, не сме вклучени во подготовката на владинит кошнички за ограничување на цените и маржите. ССМ смета дека е добра идеја се што се прави во интерес на работниците во насока на намалување на цените, но таа ќе треба да се спроведе во целост како што е планирана. Се надеваме дека делот на храна и пијалаци што го пресметуваме како ССМ и изнесува 22 300 денари за минатиот месец во синдикалната кошница ќе биде појдовна основа за утврдување на оние 100 производи за кои ќе треба да бидат ограничени маржите за да им се помогне на најранливите граѓани. Овој тренд треба да продолжи за да им се помогне на граѓаните и работниците да можат да набават основни прехранбени производи. Ние денес плаќаме зеленчук како да сме јануари и овошје како да сме сред зима, нешто што не е оправдано. Но, конечно не охрабрува тоа што и владините функционери и другите носители на јавни функции го зборуваат она што го говори ССМ, дека некој се богати на грбот на работниците, неоправдано - напомена Трендафилов, одговорајќи на новинарски прашања.

Инаку Владата на вонредна седница донесе одлука за ограничување на бруто профитната маржа до 10 отсто со кој ќе бидат опфатени стотина основни прехранбени производи во трговијата на големо и мало: леб, пекарски и млечни производи, млеко, месо и преработки од месо, дел од конзервните производи, овошје, зеленчук,.

The post ССМ очекува благо зголемување на минималната синдикална кошничка и ја оценува како добра идејата за ограничување на маржите appeared first on Република.

Живко Митрески, поранешен претседател на Сојузот на синдикати на Македонија, денеска на прес-конференција се осврна на барањето на Сојузот на синдикати за зголемување на платите тврдејќи дека актуелниот претседател на ССМ Слободан Трендафилов ја замајува јавноста. Трендафилов, пак, кој исто така присуствуваше на прес-конференцијата, рече дека ССМ е репрезентативен синдикат и дека остануваат на барањето за зголемување на платите.

Да упатам јавна критика во делот на однесувањето на г. Трендафилов и замајувањето на јавноста за зголемувањето на платите. Ние како чесни синдикалци ќе бараме зголемување на платите и ќе бараме врз основа со легитимните синдикати да направиме реален социјален дијалог со кој ќе утврдиме зголемување на платите на начин како што е утврдено во нашето законодавство, а не повикување на нешто што е спротивно на сите стандарди - рече Митрески.

Тврди дека е нелегитимно сменет од функцијата со решение потпишано од поранешната министерка за труд и социјална политика Фросина Ременски.

Пристигнато е најново барање од страна на ЕУ до претседателот на Владата на Република Македонија, исто така и до министерот за економија и труд со кои бараат елиминирање на сите решенија, посебно на решението на госпоѓата Ременска со кој нелегитимно бев променет од позицијата претседател на ССМ - изјави Митрески.

Актуелниот претседател на ССМ, пак, во изјава за медиумите рече дека остануваат на барањето за зголемување на платите.

Мене ми е многу жал што претседателот Митревски се уште живее како да е 2017 година, 11 август, кога бил променет од функцијата. Од тогаш до денеска се поминати повеќе од шест години. Ние како ССМ остануваме на ставот дека платите во Македонија мора да се зголемат. Политичките памфлети, политичките напади врз претседател на ССМ, врз ССМ како организација, врз работниците ги отфрламе и сметаме дека се крајно несериозни особено поради тоа што ССМ е единствениот репрезентативен партнер во оваа држава на работодавачите и на владата и особено поради тоа што во изминатиот период успеавме да покажеме дека не само со социјален дијалог туку и со штрајкови и со преговори и со блокади ќе успееме да го направиме тоа што го правиме најдобро за работниците, а тоа е зголемување на нивните плати - изјави Трендафилов.

Митрески беше претседател на ССМ до 2017 година кога функцијата ја презеде Дарко Димовски.

The post Се скараа бившиот и сегашниот претседател на ССМ: Митрески контра Трендафилов appeared first on Република.

Пред зградата на Работничкиот дом (ССМ) во Скопје денеска почна протестот на Сојузот на синдикати организиран по повод Меѓународниот ден на трудот.

Претседателот на ССМ Слободан Трендафилов порача дека работниците даваат црвен картон на судот, појаснувајќи дека тоа се должело на направени обиди за притисок врз синдикатите.

Денеска ние работниците се собравме пред Работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнувавме сите протести, сите штрајкови и денеска го започнуваме големиот работнички протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе не наплаќаат посилни не прават и колку повеќе пробуваат да ги уништат синдикатите ние се повеќе сме силни - порача Трендафиловски.

Синдикатот на денешниот протест ќе потсети на барањата за пораст на платите во приватниот и во јавниот сектор,за минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.

Протестот продолжи пред Собранието на Република Македонија и Стопанската комора и се очекува да заврши пред Владата.

The post Трендафиловски: Работниците дадоа црвен картон на судот поради обидите за притисоците врз синдикатите appeared first on Република.

Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што денеска Сојузот на синдикати ќе ги испорача на протестот организиран по повод Меѓународниот ден на трудот.

Синдикатот бара и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.

Протестот ќе почне пред Работничкиот дом, ќе продолжи пред Собранието и Стопанската комора и ќе заврши пред Владата.

Неколку години наназад протестите станаа заштитен знак на ССМ како начин на изразување на работничкото незадоволство од продолжувањето на практиката карактеристична за изминатиот период, а тоа е дека нашите социјални партнери, работодавачите и претставниците на законодавната и извршната власт немаат слух за проблемите на работниците и народот, туку единствено и исклучиво работат за своите интереси. Сведоци сме дека додека платите на работниците се зголемуваат минорно, со забавено темпо и несоодветно на инфлацијата и зголемените трошоци на живот или воопшто не се зголемуваат, функционерите си обезбедија пораст на платите од енормни и незаслужени 78 проценти, се наведува во Првомајскиот проглас на ССМ.

Оценка на ССМ е дека има зголемено кршење на работничките права, а новиот закон за работни односи не се носи веќе шест години, додека последнава година, како што посочуваат, воопшто не се работело на него, односно не биле одржани расправи за надминување на разликите во креирањето на законот меѓу социјалните партнери.

Од Синдикатот нагласуваат дека кај нив има над 10.000 обраќања за прекршени работнички права, а според ССМ, преседан е и тоа што измената на Законот за работни односи со која е воведена можноста за 72 часовна работна недела е направена без социјален дијалог и учество на ССМ како репрезентативен синдикат.

Според ССМ, атак на синдикализмот во државата е и пресудата на Врховниот суд со која после 18 години судски спор и повеќе од осум пресуди во корист на ССМ, се одзема Работничкиот дом.

На идната Влада, ние работниците и порачуваме дека партнерски треба да ги градиме меѓусебните односи со активно учество на синдикатите во креирањето на националните стратегии и политики и доследно почитување на работничките и граѓанските права, во спротивно ќе продолжи трендот на штрајкови и протести како единствен облик на синдикална борба за работничките права и интереси, се наведува во Промајскиот проглас на ССМ.

Меѓународниот ден на трудот се празнува секој 1 мај и е посветен на борбата за зачувување и унапредување на правата на работниците. Овој празник се одбележува во знак на почит кон жртвите на штрајкот што се одржал од 1 до 4 мај 1886 година во Чикаго, организиран со цел воведување на осумчасовен работен ден. Во знак на почит кон жртвите од штрајкот, Втората интернационала на Основачкиот конгрес во 1889 донесе декларација со која се повикуваат работниците од целиот свет на демонстрации на 1 мај со цел подобрување на својата положба.

Меѓународниот ден на трудот е државен празник во повеќе земји во светот. Во државава има статус на државен празник и до 2006 година се празнуваше два дена, а од 2007 година се празнува само на 1 мај.

The post Првомајски протест и барања до новата влада за Меѓународниот ден на трудот – 1 Мај appeared first on Република.

Сојузот на синдикатите на Македонија (ССМ) и Конфедерацијата на синдикалните организации на Македонија (КСОМ) денеска упатија заеднички повик до сите работници да се обединат и заедно со синдикатите да излезат на 1 Мај на протестот кој ќе започне во 11 часот пред Работничкиот дом под мотото „Ние работниците“.

Ова, како што информираат од ССМ, е договорено на заедничката средба на претседателот на ССМ Слободан Трендафилов и секретарот на Советот на ССМ Златко Цветковски со претседателот на КСОМ Марјан Ристески и генералниот секретар на КСОМ Гоце Делчев Тодев.

-ССМ и КСОМ ги слушнаа барањата на работниците за потребата од обединување на синдикатите и оваа години заедно го организираат работничкиот протест на Меѓународниот ден на трудот 1 Мај. Сојузот на синдикатите на Македонија и Конфедерација на синдикалните организации на Македонија заедно излегуваат на работничкиот протест на 1 Мај под мотото „Ние работниците“, соопштија од ССМ.

The post „Ние работниците“: ССМ и КСОМ заедно ќе протестираат на 1 Мај appeared first on Република.

Сојузот на синдикатите бара од газдите да се врати надоместокот за храна и превоз во законскиот износ од 20 отсто од просечната плата (околу 8.000 денари или 4.500 денари со даночното ослободување), бидејќи од нивната минимална плата од 22.500 денари, најмалку една третина сега оди за овие трошоци. Ова е едно од главните барања што синдикалците ќе го испорачаат на најавениот Првомајски протест, за кој побараа масовност од работниците. Слободан Трендафилов, претседател на ССМ, ги потсети членовите дека мора да се охрабрат, да излезат и да маршираат од Работничкиот дом до Владата, рециклирајќи еден поранешен слоган „Гаси скара, барај плата“, алудирајќи на тоа дека низ годините работниците повеќе „павтаа да ја разгорат жарта на скарите, отколку што се заложуваа за нивните права“.

Ќе бараме право што го немаме од 2009-та, оти цените на горивата и на храната отидоа до небо, а уште во првите 100 дена од новата влада, ќе се заложиме минималната плата да изнесува 450 евра, како што е секаде во регионот. Невозможно е повеќе од 20.000 работници сега да примаат плата под минималната и тоа веќе не се толерира. Лесно им е на функционерите со плата од 2.500 евра, прашајте ги работниците како им е со 22.500 денари. Од јануари до април годинава, работниците изгубија 3.000 денари поради дивеењето на цените. А, веќе 14 години не добиваат превоз и хранарина – порача Трендафилов.

Претседателот на ССМ беше прецизен дека само во април одржале 6 протести, а нема никаков возвратен одговор од институциите.

Протестот го организираме во ситуација кога вработените во ЈП „Македонски шуми“ немаат земено три плати, кога ЈП „Водостопанство“ ја нема примено последната плата, кога вработените во културата бараат зголемување на платите што им следува по зголемената минимална плата. Со каков образ од нас се бара да им го дадеме нашиот глас – за да нè крадат и натаму“ – праша Трендафилов.

Од ССМ велат дека работничкото движење во Македонија е исправено пред сериозен предизвик поради односот на креаторите на политиките, кои во последните неколку месеци водат грижа исклучиво за себе, а не мислат за работниците.

Не го сметајте ова како повик од ССМ, туку повик од работниците на кој сите ние ќе одлучиме заедно да излеземе на работничкиот протест – поентираше Трендафилов.

The post Гаси скара, барај плата: ССМ ќе бара враќање на надоместокот за храна и превоз во висина од 20 отсто од просечната плата appeared first on Република.

Основниот граѓански суд Скопје донел решение со кое ќе се повтори постапката за Работничкиот дом кој со одлука на Врховниот суд треба да му биде одземан на Сојузот на синдикати на Македонија, информира попладнево претседателот на ССМ Слободан Трендафилов.

На прес-конференција, Трендафилов рече дека очекуваат ова прашање да се реши најбрзо што може.

До 1 мај очекуваме приоритет на постапката и нова пресуда која ќе значи враќање на предметот на повторно одлучување пред пониските судови, пред првостепениот и Апелациониот суд, или укинување на пресудата на Врховниот суд и на таков начин враќање на Работничкиот дом на работниците - рече Трендафилов.

The post Трендафилов: Постапката за Работничкиот дом ќе се повтори appeared first on Република.

Сојузот на синдикати на Македонија (ССМ) апелира менаџментот на ЈП „Национални шуми“ и Владата да не поигруваат со судбината на 1.800-те вработени во јавното претпријатие и да им обезбедат плата во спротивно најавува радикализирање на протестот и негово префрлање пред Владата.

Денес 30 подружници од цела Република се собраа пред ЈП „Национални шуми“ да го изразат своето раководство бидејќи втор месец немаат плата. Не се проблем само платите, туку и теренскиот додаток што не е исплатен, а се тераат луѓето да одат на работа. Во меѓувреме во претпријатието има штрајк, луѓето се на своите работни места и не ги извршуваат задачите, бидејќи се гневни на менаџментот, директорот и нивните раководители, како и на сите претставници од власта зашто сите земаат за 80 отсто зголемени плати, а тие втор месец не земаат. Веќе третиот месец тече и доколку денеска има една исплатена плата повторно ќе немаат здравствен осигурување, изјави претседателот на Синдикатот за градежништво, индустрија и проектирање (СГИП) Иван Пешевски на денешниот протест пред дирекцијата на ЈП „Национални шуми“ и додаде дека целиот проблем е во претставниците на власта и на менаџментот.

Како што кажа, ставот на менаџментот на јавното претпријатие е дека зимскиот период секогаш е тежок и праша доколку е тежок како можеа во тој период да набават нови возила и да потрошат милионски суми, а да не обезбедат плата за вработените.

Посочи дека пред избори во претпријатието биле вработени 355 лица заради кои, како што рече, сите 1.800 вработени не може да земат плата. Ги повика сите претставници на власта и на политичките партии кога одат по градовите во рамките на изборната кампања да ги прашаат луѓето за нивните проблеми, а не да кажуваат што ќе направат или што не направиле тие пред нив. Ако продолжат вака, потенцира, нема да дочекаат да има народ на избори.

На работникот во Македонија му е згорчено од политика и од сето она што го живее секојдневно и оди на работа за плата и за додатоци на плата. Срамно е во 21. век да се молиме за плата за месеци кои луѓето ги изработиле. Ако се прашуваат некои или кажуваат дека има лопови во Национални шуми, јас од тука им кажувам дека лоповите се во дирекција и во фотелји, лоповите не се ни сеча, ни дотур, ни сите шумари кои и онака земаат мизерни плати, рече Пешевски и посочи дека во претпријатието не треба да има сезонски вработувања од 10 месеци годишно, туку вработените треба да работат 12 месеци, да земаат плата и да им бидат платени придонеси.

Најави дека планираат во следните денови да го радикализираат протестот пред Влада и да го заокружат и 1 Мај како Меѓународен ден на трудот. Во следните денови, како што кажа, ќе бидат се побројни и погласни, а особено вработените во јавниот сектор, бидејќи, посочи, „врие и во Паркови и зеленило, во Комунално, во Водовод, Водостопанство, Македонски пошти, кај културните работници каде има мизерни плати“.

The post „Срамота е во 21. век да молиме за плата која сме ја сработиле“, велат од ССМ најавувајќи радикализација на протестите appeared first on Република.

Сојузот на синдикати на Македонија (ССМ) апелира менаџментот на ЈП „Национални шуми“ и Владата да не поигруваат со судбината на 1.800-те вработени во јавното претпријатие и да им обезбедат плата во спротивно најавува радикализирање на протестот и негово префрлање пред Владата.

Денес 30 подружници од цела Република се собраа пред ЈП „Национални шуми“ да го изразат своето раководство бидејќи втор месец немаат плата. Не се проблем само платите, туку и теренскиот додаток што не е исплатен, а се тераат луѓето да одат на работа. Во меѓувреме во претпријатието има штрајк, луѓето се на своите работни места и не ги извршуваат задачите, бидејќи се гневни на менаџментот, директорот и нивните раководители, како и на сите претставници од власта зашто сите земаат за 80 отсто зголемени плати, а тие втор месец не земаат. Веќе третиот месец тече и доколку денеска има една исплатена плата повторно ќе немаат здравствен осигурување - изјави претседателот на Синдикатот за градежништво, индустрија и проектирање (СГИП) Иван Пешевски на денешниот протест пред дирекцијата на ЈП „Национални шуми“ и додаде дека целиот проблем е во претставниците на власта и на менаџментот.

Како што кажа, ставот на менаџментот на јавното претпријатие е дека зимскиот период секогаш е тежок и праша доколку е тежок како можеа во тој период да набават нови возила и да потрошат милионски суми, а да не обезбедат плата за вработените.

Посочи дека пред избори во претпријатието биле вработени 355 лица заради кои, како што рече, сите 1.800 вработени не може да земат плата. Ги повика сите претставници на власта и на политичките партии кога одат по градовите во рамките на изборната кампања да ги прашаат луѓето за нивните проблеми, а не да кажуваат што ќе направат или што не направиле тие пред нив. Ако продолжат вака, потенцира, нема да дочекаат да има народ на избори.

На работникот во Македонија му е згорчено од политика и од сето она што го живее секојдневно и оди на работа за плата и за додатоци на плата. Срамно е во 21. век да се молиме за плата за месеци кои луѓето ги изработиле. Ако се прашуваат некои или кажуваат дека има лопови во Национални шуми, јас од тука им кажувам дека лоповите се во дирекција и во фотелји, лоповите не се ни сеча, ни дотур, ни сите шумари кои и онака земаат мизерни плати - рече Пешевски и посочи дека во претпријатието не треба да има сезонски вработувања од 10 месеци годишно, туку вработените треба да работат 12 месеци, да земаат плата и да им бидат платени придонеси.

Најави дека планираат во следните денови да го радикализираат протестот пред Влада и да го заокружат и 1 Мај како Меѓународен ден на трудот. Во следните денови, како што кажа, ќе бидат се побројни и погласни, а особено вработените во јавниот сектор, бидејќи, посочи, „врие и во Паркови и зеленило, во Комунално, во Водовод, Водостопанство, Македонски пошти, кај културните работници каде има мизерни плати“.

The post ССМ ќе го радикализира протестот: Срамно е во 21. век да се молиме за плата за месеци кои луѓето ги изработиле appeared first on Република.

Потесното раководство на Сојузот на синдикатите на Македонија (ССМ) денеска се собра на протест пред зградата на Врховниот суд за, како што рекоа, да им дадат жолт картон на судиите поради судската одлука да им се одземе сопственоста на Работничкиот дом. Порачаа дека правото мора да владее во државата и оти не е работа на синдикатите да се изборат за тоа, но кога мораат – можат и ќе покажат дека правото ќе владее во земјава. Во спротивно најави дека по 1 мај ќе им дадат црвен картон на судиите.

Чекаме до 1 мај. Доколку влезат во нашиот дом, ќе влеземе во нивните домови. Доколку го земат нашиот дом ќе ги земеме нивните домови. Ние друг избор немаме, отстапка назад немаме. Ние сме доведени до ѕидот, а до ѕидот се знае што се прави – се гази само напред и само право - изјави претседателот на ССМ Слободан Трендафилов.

Дојдовме, додаде, пред Врховниот суд да им го завртиме грбот на оние судии кои ја донесоа срамната пресуда за конфискација на Работничкиот дом.

Денеска дојдовме тука само раководствата на синдикатите да им кажеме на овие судии дека време е правото и правдата да победи, дека не може на слободно судско убедување да одземаат имот кој работниците започнале да го градат во 1958 година врз основа на законот од 1998 година. Вакво чудо нема никаде во светот, суд со пресуда на работници кои двоеле од сопствена уста, од лебот, од синдикалната членарина, од нивните плати кои изградиле дом да го одземаат и да го даваат на државата за потоа државата да може да го раскрчми. Ние сме успеале 30 години од 1992 да го зачуваме Работничкиот дом во периодот на транзицијата кога олигархијата, газдите ги грабнаа работничките имоти и работничките фабрики и денеска 30 години после тоа сакаат да го грабнат и Работничкиот дом и на таков начин да го замолчат синдикалното движење - потенцира Трендафилов.

Порача дека ваквата пресуда „шефе види што им направив“ ќе предизвика штета на еден куп други организации во државата, почнувајќи од политички партии, од стопански комори, Црвен крст, пензионери, борци и слични организации кои пред 1992 година граделе свои сопствени куќи и свои сопствени домови.

Најави дека на 18 април треба да се одржи рочиште во Основниот граѓански суд кој треба само да го препрати предметот во Врховниот суд кој, пак, треба да одлучува по барањето за повторување на постапката со истиот судечки совет кој ја донесе првичната одлука.

Видоа што се случува изминатите денови, ќе ги прочитаат и новите докази и аргументи кои ги имаме и сметаме дека ќе ја исправат неправдата која ја нанесоа. Имаат доволно време да седнат, да разговараат, да разменат идеи и да ги почитуваат мислењата на оние две судијки кои ги дале како издвоени мислења во целокупната постапка врз основа на аргументи, а не само на слободно судско уверување и да донесат нова пресуда врз основа на Уставот, законите и меѓународните трудови стандарди. Во спротивно слободното судско убедување ќе стане слободно работничко убедување и ќе ги преземаме истите работи како и тие - рече Трендафилов.

За нивното барање за преиспитување на одлуката и за разрешување на тројцата судии од судечкиот совет кои ја донесоа, рече дека ССМ уште веднаш кога ја доби одлуката побара оставка од тројцата судии.

Во судечкиот совет од пет судии имаме две издвоени мислења во интерес на ССМ и во интерес на правото и на правдата – во интерес на работниците. Очекуваме да се одважат и да поднесат оставки. Поради не поднесувањето оставки од нивна страна поднесувавме барања за утврдување на дисциплинска одговорност до Судскиот совет и очекуваме веднаш по извршувањето на изборите Советот да ги разгледува трите барања поединечно врз основа на доказите кои ги поднесовме и да утврди дисциплинска одговорност доколку овие судии до 1 мај не се одважат и не донесат поинаква пресуда во интерес на правото, правдата и во интерес на работниците - рече Трендафилов.

Очекуваат за предметот да се заинтересиран и Уставниот суд поради нивната одлука од 1992 година која, како што велат, тројцата судии ја погазија и ја фрлија во канта за отпадоци и поради барањето што го поднесе ССМ до нив за заштита на правата и слободите, а не ја исклучуваат и можноста да ја тужат државата пред Меѓународниот суд во Стразбур.

На 15 мај истекува рокот за поднесување на тужба против државата. Не сакаме да бидеме доведени во ситуација како работници да ја тужиме и напаѓаме државата и да ги срамиме политичарите, судиите и функционерите и очекуваме до 1 мај да заврши разрешницата. Доколку не, имаме безрезервна поддршка од Европската и Меѓународната конфедерација на синдикати и ќе поднесеме тужба до Меѓународниот суд, но по 1 мај сите акции и активности кои ќе ги преземаат синдикатите во насока на заштита на Работничкиот дом не можеме да гарантираме дека ќе се одвиваат на ваков начин и може да бидат далеку поригорозни особено ако некој проба да влезе во Работничкиот дом и ако проба да ни го одземе Работничкиот дом кој го граделе нашите дедовци и баби и нашите татковци и мајки и ние како работници - посочи Трендафилов.

Како што кажа, ССМ или Единствените синдикати на Македонија како што се нарекувале во 1948 година уште тогаш обезбедиле 10 проценти од средствата за изградба на Работничкиот дом, а во наредните 10 години ги обезбедиле сите потребни средства за изградба. Државата, како што потенцира, нема ни еден доказ дека инвестирала ниту еден тогашен динар во изградбата. Сите документи од одобрението за расчистување на просторот, одобрението за градба, исплатените средства преку банка на сметка на изведувачот, договорот за изградба, уверението за употреба и сите други документи се исклучива само на име на Сојузот на синдикатите на Македонија.

Доколку не сме имале право тогаш немало ниту да ги имаме на наше име. Денеска дојдовме тука да им дадеме жолт картон од членовите на органите и телата на синдикатите, а доколку е потребно можеме да бидеме и 700, можеме да бидеме и 7.000, можеме да бидеме и 70.000. Седумдесет илјади членови брои ССМ, 70.000 од нас ќе застанат тука да им покажат на овие судии дека правото и правдата мора да завладее и дека мора од некаде да се почне. Ќе почнеме од Врховниот суд, пресудата која ја очекуваме не е да биде тоа во интерес на ССМ, туку тоа да биде во интерес на работниците и на правото - рече Трендафилов.

За време на протестот целосно затворена за сообраќај беше левата страна од булеварот „Кочо Рацин“ на потегот од семафорите кај судска палата до Работничкиот дом.

The post ССМ со жолт картон до судиите, најавија и црвен: Доколку го земат нашиот дом, ќе ги земеме нивните домови appeared first on Република.

Сојузот на синдикати на Македонија најавува неколку протести во следниот период. На 2 април, ССМ ќе излезе на протест пред Врховниот суд поради одлуката што ја донесе овој суд за одземање на Работничкиот дом, а на 1 Мај – Меѓународниот ден на трудот ќе го организира традиционалниот првомајски протест од кој ќе биде испратена порака дека работниците очекуваат најмалку 450 евра минимална плата во првите 100 дена од новата влада и враќање на хранарината и превозот.

На 2 април ќе организираме протест од пред зградата на ССМ кој ќе заврши пред Врховниот суд во насока да им покажаме на судиите дека треба да се одважат и побрзо да донесат нова пресуда со која ќе го вратат Работничкиот дом на работниците имајќи предвид дека ССМ само пред еден месец достави предлог за повторување на постапката врз основа на новите докази до Основниот граѓански суд Скопје. Во вторник ќе ги охрабриме да ја преиначат срамната пресуда за конфискација на Работничкиот дом и негово доделување на државата. На државата не и треба уште една зграда, и требаат работници и синдикати - рече претседателот на ССМ Слободан Трендафилов на прес-конференција.

Трендафилов информираше дека е испратено барање и до Уставниот суд бидејќи Врховниот суд не ја почитувал одлуката на Уставниот суд донесена во 1992 година во која се кажува дека државата нема право да одзема имот на синдикатите.

Им стоиме на располагање на уставните судии доколку не повикаат за да ги чујат нашите аргументи. Доколку е потребно, ќе се потпишат не само 17-те членови на синдикатите при ССМ, туку и сите 70 илјади членови на синдикатот - рече Трендафилов.

Врховниот суд на 9 ноември лани донесе пресуда со која Работничкиот дом му се одзема на ССМ по што раководството на ССМ побара оставка од судиите што ја донесоа одлуката и поднесе предлог за нивно разрешување до Судскиот совет.

The post ССМ на 2 април на протест поради одлуката на Врховниот суд, ќе протестира и на 1 мај appeared first on Република.

Просечната нето-месечна плата на вработените за јануари 2024 година изнесува 39.542 денари. Просечниот бруто-износ е 59.392 денари, објави Државниот завод за статистика. Во однос на декември, ова значи дека просечната плата во земјава е намалена за околу 500 денари. Најголем пад има во градежништвото, минус 10,9%, во преработувачката индустрија минус 4,9% и во трговијата на големо и мало од минус 3,8%. Ова намалување уште повеќе го отежнува животниот стандард, кога потрошувачката кошничка во овој месец за четиричлено семејство достигна 1.210 евра сосе евентуалната кирија. Професорот Љубомир Кекеновски нагласува дека политичката корупција влијае и на платите и на енормното поскапување.

Од друга страна, одлуката за зголемување на минималната плата сè уште не е објавена во Службен весник, а доцни и усогласување на платите на околу 60.000 вработени во јавниот сектор кои во платата за март треба да имаат 2.500 денари повеќе. Од Сојузот на синдикати на Македонија (ССМ) велат дека власта намерно ја одолговлекува одлуката за зголемување на минималецот.

„Се работи за 2.500 денари по вработен во јавниот сектор, покрај 2.500 евра плата на функционерите кои ќе се обидат да манипулираат со овој закон. По објавувањето на социо-економскиот совет во Владата, истиот ќе биде објавен во Службен весник, во петок или најдоцна во понеделник и се очекува да стапи во сила. Доколку не се усогласат платите, тоа ќе биде кривично дело за што ќе пријавиме во обвинителството“, рекоа од ССМ.

Последните пресметки на синдикатите покажаа дека на едно четиричлено семејство му се потребни околу 59 илјади денари за покривање на основните потреби во месецот. Во март, во однос на февруари, трошоците се зголемени за повеќе од 1.500 денари, главно за храна и пијалоци. Овие производи беа под контрола на мерката за гарантирани цени, но Владата не ја продолжи. Сега ќе се чека да профункционира Законот за спречување на нефер трговски практики, но за тој да почне да се применува ќе почекаме до септември.

The post Просечната плата во земјава намалена за околу 500 денари appeared first on Република.

Сојузот на синдикатите на Македонија (ССМ), за да ја спречи конфискацијата на Работничкиот дом, поднесе предлог за повторување на постапката пред Основниот граѓански суд и бара што е можно поскоро овој предлог да биде доставен до Врховниот суд за брзо и ефикасно да се постапи, поради новите доставени докази.

Како што соопшти денеска на прес-конференција претседателот на ССМ, Слободан Трендафилов, за максимум една недела до недела и пол, Сојузот ќе почне со низа протести кои ќе кулминираат со голем работнички протест на 1 Мај. Тој апелира во протестите да се вклучат и останатите синдикати.

Според Трендафилов, кој изрази очекување дека постапката ќе заврши за 30 до 45 дена, како и дека правдата ќе победи, Работничкиот дом треба да остане на работниците, а законот не може да се применува селективно. Негова оценка е дека ако евентуално се одлучи на ССМ да му биде одземена зградата, тогаш таквата пресуда ќе биде злоупотребена од сите, а најмногу токму од ССМ кој за многу кратко време ќе може да почне постапки за одземање на сопственоста на имотите на некои политички субјекти што, пак, напомена, може да доведе до нивно згаснување, па и до колапс на општеството.

Претседателот на ССМ се надева дека судиите нема да потпаднат на политички, бизнис или олигархиски притисок. Смета и дека за овој случај треба да се заинтересира Уставниот суд до кого, рече, ќе биде поднесено барање за да се утврди дали е повреден Уставот.

-Претседателството и Советот на ССМ едногласно донесоа одлука за организирање низа протести кои ќе кулминираат со голем работнички протест на 1 Мај. Низата на протести се токму поради ова – трпението на работниците е премногу мало, не можеме веќе да се усогласиме со политиките што се водат, особено во судскиот систем на штета на работниците со конфискацијата на Работничкиот дом, не можеме да се усогласиме со некои политики без оглед на тоа дали се на централно или на локално ниво во поглед на постапките кои значат намалување на работничките плати. Протестите ќе бидат со отворена покана до сите синдикати во Македонија, не само синдикатите од ССМ, туку ги покануваме и Конфедерацијата на слободни синдикати на Македонија, СОНК, УНСМ и сите останати грански синдикати кои не се здружени во ниту една федерација, сојуз или конфедерација, да ни дадат поддршка и да се придружат на ваквите протести. Овие моменти, особено поради изборниот процес, се моменти кога работниците можат јасно да дадат до знаење на сите кои претендираат да бидат власт, дека не може повеќе корумпирано судство, дека не може повеќе намалување на платите, дека не може повеќе да си овозможувате само за вас, а за работниците не, истакна Трендафилов.

Во врска со предлогот на пратеничката група на СДСМ поднесен вчера за законски измени со кои нема да се зголемат платите на функционерите, Трендафилов потсети дека ССМ веќе има доставено ваков предлог уште во август минатата година.

– ССМ има доставено ваков предлог во август месец минатата година за да им помогне да не се мачат, да не менуваат седум закони, туку да сменат само еден член од еден закон кој ќе овозможи враќање на платите на функционерите пред срамната одлука на Уставниот суд со која им се зголемија платите за 78 проценти, нагласи Трендафилов.

Одговорајќи на новинарски прашања во врска со конфискацијата на Работничкиот дом, тој напомена дека „предлогот за повторување на постапката ги побива сите недоречености на судиите кои се надвор од правната рамка и правниот разум, зашто слободното судиско убедување не може да биде посилно од документите, од Уставот, од одлуките на Уставниот суд, како и од законите кои се применувале и порано и денес“.

-Очигледно е дека дилемите кај овие тројца судии кои ја донесоа ваквата срамна пресуда за конфискација на Работничкиот дом треба дополнително да се разјаснат. Очекуваме правото и правдата конечно да победат. Апелирам и до Врховниот суд и до Советот кој одлучувал за донесувањето на оваа ревизија за конфискација на Работничкиот дом, до првостепениот суд, односно Основниот граѓански суд, оваа работа што е можно побрзо да ја заврши, да го разгледа предлогот за повторување на постапката, да ја отфрли ревизијата и Работничкиот дом да остане на работниците онака како што е повеќе од 60-70 години, од педесеттите години на минатиот век. Не можете да применувате селективно закон од 1998 година за здруженија и фондации кога ССМ од 1994 година се регистрира по Законот за работни односи и се води посебен регистар за тоа во Централниот регистар, како и во МТСП, и од 1994 година до денес се регистрира на истиот начин, а вие селективно да применувате еден член од законот кој вам ви одговора и покрај тоа што и во тој закон и во сите останати закони средствата од дописнина, од чланирина и од имовина, како што ја нарекувале во тој период, се средства со кои располагале дури здруженијата и фондациите во тој период и на таков начин имале право да располагаат, имале право да градат, имале право да имаат своја сопственост и никој не може денеска, после 70 години, да одлучува дали тие тогаш правилно одлучувале и дали органите на државата во тој период правилно одлучувале, потенцира претседателот на ССМ.

Трендафилов изрази наеж дека нема да има политички влијанија.

-Ќе видиме во наредниот период дали некој ќе се обиде да го минира процесот. Не сакаме да веруваме дека ќе има политички влијанија и политички притисок. Не сакаме да веруваме дека судиите ќе потпаднат и под бизнис или олигархиски притисок, особено поради вниманието на јавноста. Ние добивме допис од Европската конфедерација на синдикати со која се укажува и на Европската комисија и на Делегацијата на ЕУ во Македонија, испратен е дописот и до амбасадорот на Делегацијата на ЕУ дека се става под знак прашалник и претпристаниот процес на Република Македонија во ЕУ. Толку сме силни, ги користиме сите механизми и ќе ги искористиме сите механизми за да покажеме дека Работничкиот дом мора да остане на работниците. Очекуваме брза реакција и од Правобранителството – да го добијат предметот, да го вратат во Врховниот суд кој дал првпат одлука на штета на работниците и на ССМ и доколку не се случи тоа, излегуваме на улица, прво пред судовите. Во моментов одговорноста ја гледаме таму. Сомнежите веќе ни се потврдуваат и за политичката одговорност. Тоа што можат политичарите да го изгубат доколку го изгубиме ние Работничкиот дом, значи исто, да ги изгубат и нивните домови, подвлече претседателот на ССМ.

Во овој контекст дополни дека нивното, работничкото, не може никој да им го „враќа“.

-Не може да очекуваме некој сега да дојде и да ни каже дека ни го враќа тоа што е наше, тоа што ние сме го изградиле. Она што е наше е наше и не може никој да го земе, ниту ќе го дадеме „на тацна“. Да, политичка волја е потребна, меѓутоа и политичка одговорност има. Да не заборавиме дека имотите на неколку политички субјекти и политички партии кои наредниот период ќе се тркаат на следниве избори се општествено-политички организации и дека на ваков начин ќе биде проблем за нив и дека некој ќе дојде како нас, дека некој ќе дојде сличен како на нив, како на тие што ја почнале целата постапка, како на овие тројца судии кои ја донеле ваквата срамна пресуда ќе им го одземе и нив. Тоа значи дека ќе се случи колапс во општеството, во Македонија. Не зборуваме само за згаснување на ССМ како единствената класна работничка организација, можеби и за згаснување на неколку политички субјекти во следниот период во Република Македонија преку одземање и конфискација на нивните имоти. Да не заборавиме, ние можеме да донесеме многу слична одлука за многу брзо време, да почнеме постапки токму за нивните имоти доколку постои ваквата пресуда во правниот промет. Ваквата пресуда ќе биде злоупотреба од сите, најмногу од нас, рече Трендафилов.

Повотори и дека овој предмет и ваквата пресуда не треба да постојат во правниот промет.

-За нас е значајно што идејата за изградба на овој Работнички дом почнала со зборовите „Смрт за фашизмот, слобода на народот“ и веројатно така и ќе заврши. Очекуваме Уставниот суд да се заинтересира, зашто овој предмет и ваквата пресуда не треба да постојат во правниот промет, особено поради тоа што се спротивни на правата на слобода на здружување. Ние имаме ратификувано меѓународни конвенции на Меѓународната организација на труд во Македонија кои имаат сила на закон. Таквиот начин значи дека прекршувањето на правото на слобода на здружување, прекршувањето на правото на синдикалците, на работниците да се организираат во синдикати со конфискацијата на нивниот дом особено зашто тоа го нема никаде во светот, е прекршување директно на правото на слобода на здружување. Ние ќе поднесеме барање до Уставниот суд за да се утврди дали е повреден Уставот во некои членови особено зашто во 1992 година, токму на барање на ССМ на СДСМ кој се приклучи кон ССМ и на Социјалистичката партија се укинати одредбите со кои се одзема имотот граден од овие организации, особено поради тоа што ССМ е уставотворна организација која постоела во Уставот од 1992 година, рече претседателот на ССМ.

The post Трендафилов за зградата на ССМ: Се надеваме дека судиите нема да потпаднат на политички или олигархиски притисок и дека правдата ќе победи appeared first on Република.

57.476 денари е минимумот потребен на четиричлено семејство за да го истурка месецот февруари, покажуваат пресметките на Сојузот на синдикати. Тоа значи дека на семејство каде двајцата родители се со минимален доход ќе им недостасуваат речиси седумнаесет и пол илјади денари.

Доколку семејството живее под кирија оваа сума драстично се зголемува и тогаш синдикалната кошница за месец февруари изнесува 72.851 денар, сума кој едвај може да се покрие доколку двајцата родители се со просечна плата од по 38 илјади денари

Споредено со минатиот месец синдикалната кошница се зголемени за 313 денари без, и 213 денари со стан по кирија.

Најголема ставка се храната и пијалаците – 21.219 денари а потоа се образованието со 7.022 денари и режиските трошоци со 6.014 денари. За транспорт месечно четиричлено семејство треба да издвои 4.956 денари, а за рекреација и култура 4.245 денари. За двете ставки, лична хигиена и хигиена во домот, односно за здравје, треба да се одвојат вкупно 2.912 денари.

Методологијата за пресметување на синдикалната кошница, која во изминатите десетина години често беше оспорувана, од Владата и надлжените во декември минатата година претрпе измени а пресметките и анализите за висината на минималната синдикална кошничка ги изработија двајца поранешни министри за финансии, Никола Поповски и Драган Тевдовски.

The post ССМ: На едно четиричлено семејство со две минимални плати му недостигаат речиси 300 евра за да го преживее месецот appeared first on Република.

Работничкиот дом останува на работниците, а битката за тоа ќе ја водиме како пред домашните, така и пред меѓународните судови, но ќе бараме и одговорност од сите инволвирани во овој процес. Токму тоа и му го пренесовме на министерот, посочи претседателот на Сојузот на синдикатите на Македонија (ССМ) Слободан Трендафилов по средбата со министерот за труд и социјална политика во техничката Влада, Ѓоко Велковски во просториите на ССМ.

Не би сакал да ги коментирам одлуките што ги носат судовите иако знаеме како функционираат, но како човек и како Министерство ќе имаат поддршка од мене. Ќе направиме се што е во наша надлежност за да им бидеме од помош и им стоиме на располагање за сите консултации и правни елементи за кои сметаат дека треба да ни се обратат и да учествуваме ние како Министерство - рече Велковски.

Трендафилов во одговор на новинарско прашање како срамна ја оцени пресудата што ја донесоа тројцата судии во Врховниот суд со кои им е одземена сопственоста на зградата на ССМ во центарот на Скопје.

Овие тројца судии не заслужуваат да се нарекуваат судии. Очекувавме нивна оставка која не ја поднесоа и затоа поднесовме барање за утврдување на одговорност на овие тројца судии до Републичкиот судски совет кој е единствено надлежен за тоа. Очекуваме нивно разрешување затоа што нивната одлука не се поткрепува ниту на еден закон, ниту, пак, на Уставот, туку само на слободно судско убедување - рече Трендафилов.

Нагласи дека ССМ уште во 90-десеттите години од минатиот век,а и пред тоа е регистриран во Министерството за труд и социјална политика со решение врз основа на Законот за работни односи. Токму затоа, како што кажа, судиите при носењето на пресудата не смееле да применуваат закон од 1998 година кој се однесува за здруженија и фондации.

Ако сме биле здружение или фондација немало да го склучиме Општиот колективен договор или договор за унапредување на работничките права лани во јули како партнери на Владата, ниту, пак, доколку сме биле владина институција - рече Трендафилов.

Очекува во текот на наредната недела да следи повторување на постапката и Врховниот суд веднаш без одлагање да постапи заради изборите кои се ближат. Не ја исклучува и можноста да достават претставка и до Меѓународниот суд во Стразбур за што имаат рок од четири месеци и каде како што вели со сигурност ќе го добијат процесот. Тоа го заклучиле во консултација со нивните братски синдикати од Европската и Светската конфедерација на синдикати и со претставниците на Меѓународната организација на трудот кои посочиле дека не постои ниту еден ваков случај во некоја социјалистичка или посткомунистичка земја да се одзема сопственост на дом граден од синдикална членарина од работниците за синдикатите.

Ова е прв случај во светот и веројатно Македонија како и по многу други работи ќе биде позната по нешто за првпат, а тоа е да се разграба работничкиот имот веројатно за бизнис или се сомневаме и за други интереси. Како Синдикат не сакаме да се мешаме во политичките процеси, но со прст ќе покажеме кон виновниците покрај овие тројца судии за кои со сигурност знаеме дека се виновници, без разлика дали се политичари, политички партии или други чинители во општеството, кои сакаат да го обезглават синдикалното движење во Македонија и да го уништат ССМ. Некој смета дека на ваков начин ќе не дисциплинира, но само ќе не направи погласни - потенцира Трендафилов.

The post Трендафилов: Работничкиот дом останува на работниците appeared first on Република.

Сојузот на синдикати на Македонија бараат оставка од судиите Шпенд Деваја, Наке Георгиев, Исамедин Лимани од Врховниот суд кои ја донеле пресудата за одземање на имотот на Синдикатот.

Доколку до петок не поднесат оставки, како што најави денеска претседателот на ССМ Слободан Трендафилов, од следната недела ќе почнат постапка пред Судскиот совет за нивно разрешување.

– Овие тројца луѓе од Советот на пет судии, вклучително и Елица Крстевска и Анета Бошковска кои гласале против ваквата одлука, ја донеле пресудата со нивно слободно убедување без аргументи, со користење на закон што не е во сила, рече Трендафилов на денешната прес-конференција.

Како што образложи Трендафилов, тројцата судии во пресудата се повикуваат на законот од 1998 година кој е вон сила, затоа што во 2010 година е донесен нов закон во кој е наведено дека со стапувањето во сила на новиот закон претставува да важи законот од 1998 година.

– Многу ми е жал што овие врховни судии не знаат дека од 2010 година има нов закон за здруженија и фондации во кој во членот 2 се наведува дека одредбите од овој закон не се однесуваат на политички партии, цркви, верски заедници, религиозни групи, синдикати, комори и други видови на здружување утврдени со посебни закони, рече Трендафилов.

Сојузот на синдикати на Македонија бараат оставка од судиите Шпенд Деваја, Наке Георгиев, Исамедин Лимани од Врховниот суд кои ја донеле пресудата за одземање на имотот на Синдикатот. Докол

Како што посочи, дури и во член од законот од 1998 година е наведено дека имотот на ваквите здруженија стекнат од сопствени пари им припаѓа на тие здруженија.

– Шестар систем во судството, да ги бодат законите и да бираат кој ќе го применуваат за временски период што ним им одговара е погубно за судството и е погазување на честа на сите оние судии кои совесно си ја извршуваат работата. Токму поради ваквите судии довербата во судството е два проценти, рече Трендафилов.

Тројцата судии, посочи Трендафилов, не ја почитувале ниту одлуката на Уставниот суд од 1992 година во чие образложение е укината одлуката за определување на рокот за преземање на средствата на општествени и политички организации, а не ја почитувале ниту пресудата на Врховниот суд од 24.11.2004 година во која се одбива барањето за одземање на имотот на ССМ.

Од ССМ се сомневаат дека под политички притисок е донесена одлуката и како што велат најмалку што можат сега да сторат судиите е да донесат нова пресуда со која ќе ја поправат старата.

За случувањата информирани се европските и светските синдикати. – Целокупното светско синдикално лидерство ќе дојде во Македонија токму во изборите кога ќе им гори на политичките партии и кога тие ќе треба да покренат одговорност за овие судии, рече Трендафилов.

Најавуваат постапка и пред Меѓународниот суд на правдата.

– Ние нема да ја предадеме зградата на тацна. Нема ни да влезат во зградата. Но, обезглавувањето на претставникот на работниците, односно на ССМ е нешто што нема да го дозволиме, а нема да го дозволат ниту Европската конфедерација на синдикати, ниту Светската конфедерација на синдикати. Тие тоа што ќе го направат во процесот на претпристани преговори за Република Македонија во Брисел е нешто што треба да се замислат политичарите, рече Трендафилов, прашувајќи кој ќе биде оној во Владата што ќе гласа за одлуката да се одземе имотот на ССМ бидејќи овој објект мора да биде впишан на име на државата.

The post Трендафилов: Бараме оставки од судиите Деваја, Георгиев и Лимани кои пресудија одземање на зградата на ССМ appeared first on Република.

Сојузот на синдикати на Македонија бараат оставка од судиите Шпенд Деваја, Наке Георгиев, Исамедин Лимани од Врховниот суд кои ја донеле пресудата за одземање на имотот на Синдикатот.

Доколку до петок не поднесат оставки, како што најави денеска претседателот на ССМ Слободан Трендафилов, од следната недела ќе почнат постапка пред Судскиот совет за нивно разрешување.

Овие тројца луѓе од Советот на пет судии, вклучително и Елица Крстевска и Анета Бошковска кои гласале против ваквата одлука, ја донеле пресудата со нивно слободно убедување без аргументи, со користење на закон што не е во сила - рече Трендафилов на денешната прес-конференција.

Како што образложи Трендафилов, тројцата судии во пресудата се повикуваат на законот од 1998 година кој е вон сила, затоа што во 2010 година е донесен нов закон во кој е наведено дека со стапувањето во сила на новиот закон претставува да важи законот од 1998 година.

Многу ми е жал што овие врховни судии не знаат дека од 2010 година има нов закон за здруженија и фондации во кој во членот 2 се наведува дека одредбите од овој закон не се однесуваат на политички партии, цркви, верски заедници, религиозни групи, синдикати, комори и други видови на здружување утврдени со посебни закони, рече Трендафилов.

Како што посочи, дури и во член од законот од 1998 година е наведено дека имотот на ваквите здруженија стекнат од сопствени пари им припаѓа на тие здруженија.

Шестар систем во судството, да ги бодат законите и да бираат кој ќе го применуваат за временски период што ним им одговара е погубно за судството и е погазување на честа на сите оние судии кои совесно си ја извршуваат работата. Токму поради ваквите судии довербата во судството е два проценти - рече Трендафилов.

Тројцата судии, посочи Трендафилов, не ја почитувале ниту одлуката на Уставниот суд од 1992 година во чие образложение е укината одлуката за определување на рокот за преземање на средствата на општествени и политички организации, а не ја почитувале ниту пресудата на Врховниот суд од 24.11.2004 година во која се одбива барањето за одземање на имотот на ССМ.

Од ССМ се сомневаат дека под политички притисок е донесена одлуката и како што велат најмалку што можат сега да сторат судиите е да донесат нова пресуда со која ќе ја поправат старата.

За случувањата информирани се европските и светските синдикати.

Целокупното светско синдикално лидерство ќе дојде во Македонија токму во изборите кога ќе им гори на политичките партии и кога тие ќе треба да покренат одговорност за овие судии - рече Трендафилов.

Најавуваат постапка и пред Меѓународниот суд на правдата.

Ние нема да ја предадеме зградата на тацна. Нема ни да влезат во зградата. Но, обезглавувањето на претставникот на работниците, односно на ССМ е нешто што нема да го дозволиме, а нема да го дозволат ниту Европската конфедерација на синдикати, ниту Светската конфедерација на синдикати. Тие тоа што ќе го направат во процесот на претпристани преговори за Република Македонија во Брисел е нешто што треба да се замислат политичарите - рече Трендафилов, прашувајќи кој ќе биде оној во Владата што ќе гласа за одлуката да се одземе имотот на ССМ бидејќи овој објект мора да биде впишан на име на државата.

The post ССМ бара оставка од тројцата судии што ја донеле одлуката за одземање на зградата, најавуваат постапка и пред Судскиот совет appeared first on Република.