Полициски службеници од СВР Куманово привеле 17-годишен малолетник од Куманово, постапувајќи по добиена пријава на 29.11.2024 во 09.05 часот дека е откорната табла од канцеларијата на Конзулатот на Србија во Македонија, лоциран во Куманово.

Како што се наведува во соопштението од МВР, веднаш по добиената пријава, во координација со ОЈО Куманово, полициски службеници од СВР Куманово презеле мерки и активности и го расчистиле кривичното дело.

Малолетникот е приведен во полициска станица и по документирање на случајот СВР Куманово ќе поднесе кривична пријава по член 319 од КЗ до ОЈО Куманово.

https://www.youtube.com/watch?v=WpCyCHEPl74&embeds_referring_euri=https%3A%2F%2Fmia.mk%2F&source_ve_path=MjM4NTE

The post Уапсен малолетникот кој ја откорна таблата од Конзулатот на Србија во Куманово appeared first on Република.

Амбасадата на Република Србија во Македонија денеска преку соопштение најостро го осудува вандалскиот чин што се случи вчера кога од фасадата на зградата на Конзулатот на Република Србија во Куманово, во доцните вечерни часови, младо машко лице, обвиено со албанско знаме, насилно ја отстранило таблата со грбот на Република Србија и натписот „Конзулат на Република Србија во Куманово - Почесен конзул“, напишан на српски и македонски јазик.

Понатаму во соопштението се наведува дека Амбасадата на Република Србија во Скопје изразува длабока загриженост во врска со вчерашното сквернавење на државните симболи на Република Србија и загрозување на безбедноста на просториите на Конзулатот на Република Србија во Куманово, особено имајќи го предвид фактот дека просториите на дипломатско-конзуларните претставништва и резиденцијални објекти наменети за членовите на дипломатскиот персонал на Република Србија, не е првпат да бидат предмет на вандалски напади на територијата на Македонија.

Во овој поглед, Амбасадата нагласува дека е целосно посветена на соработка со надлежните органи на Република Македонија, со цел што поскоро откривање и процесуирање на сторителот на насилниот чин, чиј идентитет може недвосмислено да се утврди врз основа на достапните снимки од безбедносни камери. Амбасадата на Република Србија останува посветена на негување пријателски односи со Република Македонија и изразува уверување дека надлежните органи на земјата домаќин, во духот на развиените билатерални односи и добрососедството, ќе направат се за да се реши овој случај на адекватен начин, стои во соопштението од српската Амбасада.

The post Напад врз просториите на српскиот Конзулат во Куманово, амбасадата на Србија со најостра осуда appeared first on Република.

Се отвори српскиот конзулат во Охрид

The post Се отвори српскиот конзулат во Охрид appeared first on Република.

Српскиот министер за надворешни работи Никола Селаковиќ во придружба на министерската за култура Бисера Костадиновска Стојчевска, денеска ќе го отвори Конзулатот на Република Србија во Охрид, соопшти српската Амбасада во Mакедонија.

Според најавата, на отворањето на Конзулатот ќе присуствуваат и почесниот конзул на Србија во Охрид, Михајло Филев и охридскиот градоначалник Кирил Пецаков.

Одлуката за отворање на својот Конзулат во Охрид, Србија ја донесе минатиот месец.

Како што е објавено во Службениот гласник на Република Србија, српскиот Конзулат во Охрид ќе ги покрива општините Охрид, Струга, Вевчани, Дебарца, Кичево, Дебар и Центар Жупа.

The post Отворање на Конзулат на Србија во Охрид appeared first on Република.

Република Србија донесе одлука за отворање на конзулат во Охрид, а за почесен конзул поставен е Михајло Филев, јави дописникот на МИА од Белград.

Како што е објавено во Службениот гласник на Србија, српскиот конзулат во нашата држава ќе ги опфаќа со работа следните општини: Охрид, Струга, Вевчани, Дебарца, Кичево, Дебар и Центар Жупа.

The post Србија отвора конзулат во Охрид appeared first on Република.