Премиерот на Србија, Милош Вучевиќ денеска изјави дека Владата му наложила на Министерството за одбрана итно да подготви измена на Законот за укинување на суспензијата на воениот рок, „така да одиме кон седница на Собранието за да го вратиме воениот рок“, јави дописникот на МИА од Белград.

- Мислам дека в петок ќе имаме седница на Владата на која ќе го усвоиме предлогот за измена на законот. Го поканивме претседателот на државата Александар Вучиќ како врховен командант да присуствува бидејќи темата е во рамките на неговата уставна јурисдикција, изјави Вучевиќ на ТВ Пинк.

Тој потврди дека воениот рок ќе трае 75 дена, „што не го нарушува животот, школувањето, студирањето, работата, мајките и татковците ќе бидат суштински благодарни затоа што војската ќе ги подготви нивните синови уште подобро за живот, така што тие ќе стасаат и ќе станат мажи“.

-За војската ова е предизвик да подготви обука за толку краток временски период, бидејќи порано таа беше многу подолга. Подготвуваме касарни, униформи, за да им биде интересно, изјави Вучевиќ.

Тој изјави дека момчињата кои завршиле електротехника, машинство, ќе бидат ангажирани да служат воен рок во, на пример, Воено-техничкиот институт, ремонтни заводи за да може веднаш да се употреби нивното знаење.

- Ќе имаме доста млади луѓе кои се мајстори за возење дронови, кои ќе ни помогнат во ова. Тие се повеќе смртоносни со дрон отколку со пушка. Војската ќе добие многу различен потенцијал да ги зајакне своите способности, рече Вучевиќ.

Тој додаде дека Србија не се подготвува за војна, туку ќе го чува мирот, бидејќи „колку е посилна војската, толку е побезбеден нашиот мир“.

Српскиот премиер нагласи дека професионалниот состав на војската не се укинува и дека е наменет за најтешките задачи.

The post Воениот рок во Србија ќе трае 75 дена appeared first on Република.

Владата на Србија на денешната седница донесе заклучок со кој се усвојува пакет правни и економско-социјални мерки насочени кон заштита на правата на Србите и виталните државни и национални интереси во Косово, оперативен план за спроведување на одредени мерки во социјално-економската област, како и Министерството за одбрана да поведе процедура за задолжително служење на воен рок, јави дописникот на МИА од Белград.

- Мерките подразбираат силна дипломатска кампања на сите државни органи за заштита и борбата за почитување на правата на српскиот народ на подрачјето на Косово, кои се загрозени од едностраните и насилни потези на Албин Курти, поради што е неопходно враќање на статус кво, како основа за почитување на сите достигнувања на дијалогот, се наведува во соопштението на Владата.

Сетот мерки вклучува и силна финансиска поддршка за српскиот народ на подрачјето на Косово, преку доделување по 20.000 динари (околу 10.000 денари) месечно за 5.000 невработени и социјално најзагрозените корисници, бесплатни учебници за сите деца, надоместок за ужина за децата во предучилишното образование, основните и средните училишта, нови работни места, инфраструктурни проекти во форма на изградба и адаптација на нови куќи за српскиот народ во Косово и Метохија, се со цел системска поддршка за одржлив опстанок на српскиот народ на овие простори.

- Со цел заштита на виталните национални интереси на српскиот народ во покраината, ќе се формира Специјално обвинителство за гонење на злоупотреби и кршење на основните човекови права, узурпација на имот, загрозување на физичкиот интегритет и достоинство на српските граѓани на Косово и Метохија, се наведува во соопштението на Владата.

Со одлуката што денеска беше усвоена на седницата на Владата на Србија се потврди ставот за отпорноста на српските институции на подрачјето на Косово и Метохија, кои нема да биде згаснати, како и одлуката за незаконитоста на сите органи и институциите основани на територијата на Косово по незаконското еднострано прогласување независност и непостоењето на сите нивни акти кои се донесени или ќе бидат донесени.

Пакетот мерки и оперативниот план се обврзувачки за сите органи на државната управа, владините канцеларии, сите функционери, како и за преговарачите од српска страна во Дијалогот меѓу Белград и Приштина.

Членовите на Владата донесоа и заклучок со кој се наложува Министерството за одбрана да ја поведе постапката за враќање на задолжителниот воен рок во траење од 75 дена

The post Почна процедурата за задолжителен воен рок во Србија appeared first on Република.

Претседателот Александар Вучиќ денеска изјави дека неговата совест е чиста за сите прашања, и дека на нашите од Косово и Метохија им порачал дека ако знаат дека не бил со нив сите овие години, тогаш не треба да му веруваат.

За време на неговото гостување на ТВ Пинк  тој објави дека КФОР го одбил барањето за враќање на српските безбедносни сили на Косово и Метохија.

https://republika.mk/vesti/balkan/vuchik-za-nova-godina-belgrad-beshe-kako-kazablanka-poln-so-shpioni/

Воопшто не е случајно што одбивањето се случи на Божик-смета Вучиќ.

The post Вучиќ: Воопшто не е случајно што одбивањето српските сили да се вратат на Косово се случи на Божик appeared first on Република.

Вучиќ на ТВ Пинк откри дека КФОР во својот одговор изјавил дека нема потреба од враќање на српските сили, откако во средината на декемри властите во Србија испратија барање до канцеларијата на мисијата на НАТО во Косово, КФОР, за враќање до 1 000 припадници на српската војска и полиција во Косово

КФОР го одби барањето на Србија за враќање на српските безбедносни сили во Косово, изјави денеска српскиот претседател Александар Вучиќ во интервју за ТВ Пинк.

Вучиќ кажа дека КФОР во својот одговор соопштил дека нема потреба од враќање на српските сили, откако во средината на декемри властите во Србија испратија барање до канцеларијата на мисијата на НАТО во Косово, КФОР, за враќање до 1 000 припадници на српската војска и полиција во Косово.

„КФОР ни одговори дека нема потреба нашите сили да се вратат на северот на Косово и Метохија, како што очекувавме, иако според резолуцијата 1244 на Советот за безбедност на ОН тие немаат право да го отфрлат нашето барање бидејќи не се прашуваат за тоа“,

рече Вучиќ.

The post Oчекувано: KФОР не дозволи српската војска да се врати на Косово appeared first on Република.

Претседателот Вучиќ посети една од касарните на војската на Србија и на лице место се увери какви се условите.Тој контатираше дека сега условите се многу подобри отколку кога тој бил војник.

Униформите во ред, чизмите во ред? Условите се различни, исправни... Не сте разгалени - праша претседателот, а потоа се присети на своите војнички денови и војнички грав.

Нема повеќе дрнч? – - Во мое време, кога добивавме грав, бевме пресреќни - рече Вучиќ како одговор на коментарот на постариот дека војничката храна сега е разновидна и вкусна.

The post Вучиќ се присети на војничките денови: Koга ќе добиевме грав бевме пресреќни appeared first on Република.