Амбасадата на Република Србија во Македонија денеска преку соопштение најостро го осудува вандалскиот чин што се случи вчера кога од фасадата на зградата на Конзулатот на Република Србија во Куманово, во доцните вечерни часови, младо машко лице, обвиено со албанско знаме, насилно ја отстранило таблата со грбот на Република Србија и натписот „Конзулат на Република Србија во Куманово - Почесен конзул“, напишан на српски и македонски јазик.

Понатаму во соопштението се наведува дека Амбасадата на Република Србија во Скопје изразува длабока загриженост во врска со вчерашното сквернавење на државните симболи на Република Србија и загрозување на безбедноста на просториите на Конзулатот на Република Србија во Куманово, особено имајќи го предвид фактот дека просториите на дипломатско-конзуларните претставништва и резиденцијални објекти наменети за членовите на дипломатскиот персонал на Република Србија, не е првпат да бидат предмет на вандалски напади на територијата на Македонија.

Во овој поглед, Амбасадата нагласува дека е целосно посветена на соработка со надлежните органи на Република Македонија, со цел што поскоро откривање и процесуирање на сторителот на насилниот чин, чиј идентитет може недвосмислено да се утврди врз основа на достапните снимки од безбедносни камери. Амбасадата на Република Србија останува посветена на негување пријателски односи со Република Македонија и изразува уверување дека надлежните органи на земјата домаќин, во духот на развиените билатерални односи и добрососедството, ќе направат се за да се реши овој случај на адекватен начин, стои во соопштението од српската Амбасада.

The post Напад врз просториите на српскиот Конзулат во Куманово, амбасадата на Србија со најостра осуда appeared first on Република.

Амбасадата на Република Србија во Скопје соопшти дека во нејзините простории, на ул. „Питу Гули“ 8, за јавноста е отворена Книга на жалост за трагедијата што вчера се случи во Нови Сад.

Македонските граѓани може да го изразат своето сочувство во Книгата на жалост од денеска до 4 ноември, од 12 до 18 часот.

https://republika.mk/vesti/balkan/megu-zhrtvite-vo-nesrekata-vo-novi-sad-se-i-sestrichkite-tina-9-i-sara-5-zagina-i-nivniot-dedo/

Поради несреќата во која од падот на настрешница на Железничката станица во Нови Сад вчера загинаа 14 луѓе, Владата на Република Србија денешниот ден, 2 ноември 2024, го прогласи за Ден на жалост во Србија.

https://republika.mk/vesti/balkan/nastreshnitsata-na-zheleznichkata-stanitsa-vo-novi-sad-gi-ubi-mladiot-fudbaler-milosh-i-negovata-devojka-angela/

The post Во српската амбасада во Скопје отворена Книга на жалост за несреќата во Нови Сад appeared first on Република.

Министерот за внатрешни работи, Оливер Спасовски, во Амбасадата на Република Србија се потпиша во Книгата на жалост изразувајќи сочувство до семејствата на жртвите и до целиот српски народ по трагедијата во која малолетник во основно училиште уби и повреди соученици.

Во овој тежок период со кој се соочува Република Србија сите ние сме сплотени во тагата и сочувството кон семејствата на жртвите. Како соседи и блиски пријатели и во овие тешки мигови сме со вас, а нашите молитви со семејствата на жртвите, напиша Спасовски на својот фејсбук-профил.

The post Оливер Спасовски се потпиша во Книгата на жалост во Амбасадата на Србија appeared first on Република.

Евакуиран е персоналот на амбасадата на Србија во Киев.

Од српското министерство за надворешни работи соопштија дека Украина ја напуштиле тројца дипломати и еден службеник во амбасадата и тие безбедно се евакуирани.

Од безбедносни причини, српската амбасада во Украина е привремено затворена, а персоналот, до стекнување услови за враќане, своите обврски ќе ги изведува од Белград.

The post Евакуирана српската амбасада во Украина appeared first on Република.