Преку одржувањето стабилен курс на денарот за време на инфлациската криза, преземањето одлучни чекори за намалување на инфлацијата и зачувувањето на стабилноста на банкарскиот сектор, Народната банка имаше клучна улога во одржувањето на стабилноста во економијата, придонесувајќи кон попредвидливо окружување за фирмите и поддршка и заштита на домаќинствата. Ова беше посочено на состаноците коишто ги остварија гувернерката на Народната банка, Анита Ангеловска-Бежоска и вицегувернерката Емилија Нацевска со директорот на ММФ за Европа, Алфред Камер, извршниот директор на ММФ, Пол Хилберс, алтернативниот извршен директор, Лук Дресе, Жероен Клик кој ќе ја преземе функцијата извршен директор на ММФ и Марникс ван Рај кој ќе ја преземе функцијата алтернативен извршен директор, во рамките на Годишните средби на ММФ и Светската банка, коишто годинава се одржуваат во Вашингтон, САД. Средбите беа одржани заедно со министерката за финансии Гордана Димитриеска-Кочоска и нејзиниот тим, информираат од НБРМ.

На средбите беше искажано признание за Народната банка, којашто преку комбинација на монетарни и макропрудентни мерки, успеа да ги стабилизира инфлациските очекувања и истовремено да ја задржи финансиската стабилност. Соодветната поставеност на монетарната политика придонесе кон намалување на инфлацијата од 19,8 отсто во октомври 2022 година на 2,6 отсто во септември 2024 година. Банкарскиот сектор за целиот кризен период ја задржа и ја подобри отпорноста и беше значајна потпора за фирмите и домаќинствата.

Гувернерката Ангеловска-Бежоска посочи дека најновите оцени за инфлацијата, којашто се движи во рамките на очекувањата, како и постојаните поволни движења на девизниот пазар, овозможуваат и натаму постепено и претпазливо да се нормализира монетарната политика. Сепак, таа нагласи дека Народната банка и во иднина ќе има внимателен пристап при носењето одлуки за монетарната политика и ќе ги следи ризиците од надворешното и домашното окружување. „Водењето внимателни макроекономски политики ќе биде нашиот приоритет и во иднина и Народната банка и натаму е подготвена да ги употреби сите неопходни инструменти и да презема соодветни мерки со коишто ќе се придонесе за задржување на стабилноста на девизниот курс и ценовната стабилност на среден рок - посочи гувернерката.

Според есенските проекции на Меѓународниот монетарен фонд, објавени во октомврискиот Светски економски преглед, инфлацијата во земјава ќе се намалува и годинава (3,3%), и следната (2,3%), а до 2026 година ќе се сведе на 2%. Од ММФ препорачуваат натамошно водење претпазливи политики и будно следење на состојбите.

Во рамките на Годишните средби, делегацијата ќе има состанок и со заменикот на генералниот директор на ММФ, Бо Ли.

The post Средби со ММФ: Народната банка придонесува за успешно одржување на макроекономската стабилност appeared first on Република.

Заменик претседателот на Владата и министер за транспорт Александар Николоски денеска претстојува во работна посета во Солун каде оствари билатерална средба со Христос Стилинидис, министер за поморски работи и островска политка на Грција.

На средбата која е прва меѓу двајцата министри се разговараше за економската соработка меѓу двете земји.

Министерот Николоски ја истакна силната заложба на Владата за економски развој на регионот преку учество во заеднички проекти, притоа потенцирајќи ја потребата од квалитено инфраструктурно поврзување.

Во духот на добрососедските односи а имајќи предвид дека регионалната соработка зависи од двете Влади, министерот Николоски изрази уверување дека Македонија е подготвена да учестува во реализација на проекти со кои ќе се зацврсти конкурентската позиција на европските коридори.

На средбата, исто така министерот Николоски истакна дека голем дел од извозно ориентирани компании од Македонија соработуваат со солунското пристаништа со што се отвора потребата за поквалитетно поврзување и побрз транспорт на добрата и услугите.

Двајцата министри се согласија дека ова е почетна точка во индната соработка меѓу двете Влади, со што изразија уверување дека постои огромен простор за зголемување на економската соработка во различни дејности.

Министерот Николоски во рамки на работната посета на Солун, учествува на Форумот посветен за развојот на инфраструктурата и поврзување со Југоисточна Европа.

The post Николоски- Стилинидис во Солун: Регионалниот развој зависи од владите, Македонија подготвена за реализација на крупни инфраструктурни проекти appeared first on Република.

Претседателката Гордана Сиљановска Давкова во рамки на престојот во Соединетите Американски Држави, по повод учеството на 79. Генерално Собрание на Обединетите Нации, го посети Њу Џерси.

Во Тотова, претседателката Сиљановска Давкова ја посети црквата „Свети Никола“ каде присуствуваше на литургијата по повод празникот Рождество на Пресвета Богородица и оствари средба со претставници на македонската дијаспора во Њу Џерси.

На средбата таа најави дека наскоро ќе иницира формирање на Совет за соработка со дијаспората.

Не случајно сум тука денеска меѓу вас. Мислам дека вие сте нашите најдобри амбасадори. Вие во најубава светлина ја претставувате татковината без оглед на верата. Затоа мислам дека многу важно е да имаме постојани контакти. Еден од органите што јас набрзо ќе ги формирам со мојот тим е Советот за соработка со дијаспората“, рече претседателката Сиљановска Давкова.

Таа истакна дека дијаспората заслужува да учествува и во изборниот процес, како и во креирањето на најважните одлуки и закони.

Мислам дека ова ќе биде првиот чекор за континуирана комуникација со дијаспората, советите се добредојдени, помошта и разбирањето се добредојдени, ама и ние дома не смееме да заборавиме дека нашата дома е и ваша дома“, рече претседателката Сиљановска Давкова.

Во Фрихолд, претседателката ја посети џамијата во рамки на заедницата „Дебар“, каде оствари средба со оџата Омер Кадри и претставници на дијаспората по потекло од дебарскиот крај.

На средбата со иселениците претседателката Сиљановска Давкова беше запознаена со нивните активности и начините на организирање и интегрирање во рамки на американското општество. Таа ги реафирмираше нејзините заложби и посветеност за продлабочување на врските со иселениците, искористување на потенцијалите и јакнење на нивната улога во развојот и просперитетот на земјата.

The post Претседателката Сиљановска Давкова се сретна со претставници на македонската дијаспора во Њу Џерси appeared first on Република.

Управата за јавни приходи и овој месец ги продолжи средбите со бизнис заедницата. Во организација на Стопанската комора на северо-западна Македонија (СКСЗМ) работни средби се одржаа во Струга и Тетово со бизнис заедницата од полошкиот регион.

На средбите претставниците од Управата за јавни приходи го истакнаа значењето на  доброволната усогласеност и градењето на партнерскиот однос на УЈП со даночните обврзници, разговараа за одредбите од Законот за регистрирање на готовински плаќања, Законот за данокот на додадена вредност, Законот за данокот на личен доход како и за начинот на пријавување на приходите преку системот е-Даночни услуги.

Компаниите-членки на СКСЗМ се интересираа за најновите промени во даночната легислатива и нивното влијание врз деловниот сектор, контролите и инспекциите, даночните поттикнувања и слично, на тој начин ценејќи дека решавањето на овие теми може да помогне во градењето силна и взаемна соработка за економската благосостојба.

Присутните  адресираа и некои  неизвесности што ги имаат во однос на практиките и процедурите на Управата за јавни приходи, предлагајќи конкретни решенија за секојдневните предизвици со кои се среќаваат во нивните активности.  Една од главните теми на која се разговараше беше неопходноста од забрзување на процесот на дигитализација на услугите на УЈП и синхронизација на информациите и податоците со другите институции кои се меѓусебно поврзани,  посочија за  значителен број на нелегални трговци кои работат на пазарот во земјава кои немаат регистрирана дејност и предизвикуваат голема штета на формалните компании, а исто така побараа вакви средби да се одржуваат поредовно.

Мухедин Авдиќ – раководител на сектор за даноци и услуги на даночни обврзници од  Управата за јавни приходи  истакна дека веќе се работи на развој на  даночен информациски систем  кој ќе ги собира и целосно ќе управува со сите потребни информации на даночните обврзници, со што процесот ќе биде целосно дигитализиран, посочи дека даночни контроли се спроведуваат постојано согласно планот за контроли како и по претставки и дојави но и координирано со други институции.

Потпретседателот на СКСЗМ г-дин Јетон Асани и извршниот директор на СКСЗМ, г. Дурим Зекири, ја поздравија оваа иницијатива на Управата за јавни приходи, и ја оценија како исклучително важна заради продлабочување на соработката помеѓу државните институции и приватниот сектор за гарантирање на економската стабилност и одржлив раст.

На средбите сите се согласија  да се создаде редовен канал за комуникација преку кој членовите на СКСЗМ ќе имаат можност да испраќаат предлози и да пријават неправилности кои ги среќаваат на пазарот.

The post УЈП на средба со стопанственици од полошкиот регион appeared first on Република.

Средбa на министерот Мисајловски со амбасадорката на Ср Германија, Н.Е. Петра Дрекслер

Благодарност до амбасадорката на Сојузна Република Германија, Н.Е. Петра Дрекслер и одбранбеното аташе потполковник Ханс Петер Вамслер за одличната одбранбена соработка, особено во процесот на интегрирањето во НАТО упати министерот за одбрана Владо Мисајловски на денешната средба во Министерството за одбрана.

На средбата министерот Мисајловски напомена дека буџетот останува на 2% од БДП согласно заклучоците.

Во однос на Украина, Мисајловски извести дека македонската Влада ќе продолжи да ја помага и поддржува Украина.

Сојузништвото во рамки на НАТО и придонесот во операциите предводени од НАТО беа дел од денешниот разговор, на кој беше потенцирана регионалната стабилност како еден од главните фактори за натамошен просперитет на земјите од Западен Балкан во процесот на евроинтеграциите. Нашата земја е јасно позиционирана и почитувана од страна на сите членки на Алијансата, што беше забележливо на сите досегашни средби и состаноци на НАТО Самитот и останува да биде доверлив партнер за соработка, заклучија соговорниците.

Средба на министерот Мисајловски со францускиот амбасадор, Сирил Баумгартнер: Остануваме посветени на продлабочување на сојузничката одбранбена соработка со Франција

Денеска во Министерството за одбрана, министерот Владо Мисајловски оствари средба со амбасадорот на Француската Република, Н.Е. Сирил Бомгартнер.

На средбата во фокус на разговорот беше сојузништвото во рамките на НАТО, заедничкиот придонес кон целокупната политичка и безбедносна стабилност на регионот и обезбедувањето на одбранбениот Буџет согласно заклучоците на НАТО.
„Остануваме посветени на продлабочување на сојузничката одбранбена соработка со Франција која е наш сојузник и долгогодишен партнер, пред се во доменот на стратешки консултации во одбраната, затоа што модернизацијата и опремувањето на Армијата е наш највисок приоритет“, рече министерот Мисајловски.

Францускиот амбасадор, Сирил Бомгартнер истакна дека одлична билатерална одбранбена соработка во одбраната, военото образование и јазична обука ќе продолжи и понатаму и ја потенцира француската поддршка за членство на нашата земја во Европската Унија.

На средбата министерот Мисајловски го информираше амбасадорот Бомгартнер за актуелната кризна состојба во однос на повеќето од 30 активни пожари и за помошта која доаѓа од соседните земји.

Министерот Мисајловски оствари средба со косовскиот амбасадор, Н.Е. Флоријан Ќехаја

Регионалната стабилност, интеграцијата на земјите од Западен Балкан во Европската Унија и унапредување на добрососедските односи, беа темите на разговор на денешната средба меѓу министерот за одбрана Владо Мисајловски и амбасадорот на Косово, Н.Е. Флоријан Ќехаја.

Амбасадорот Ќехаја на средбата упати благодарност за досегашната билатерална соработка помеѓу двете земји.

The post Мисајловски на средби со Дрекслер, Бомгартнер и Ќехаја appeared first on Република.

Започнување на дијалог со здруженијата на пациенти е приоритет на Фондот за здравствено осигурување. Во текот на вчерашниот ден од страна на Граѓанскиот ресурсен центар беше организирана средба со 20тина здруженија на пациенти. Беа отворени теми за проблемите со кои се соочуваат пациентите како што се снабдување со лекови и достапност на услугите, соопштија од Фондот за здравство (ФЗО).

Од страна на директорот на ФЗО, Сашо Клековски беше посочено дека важно ни е да се отвори канал на комуникација со пациентите за да може здравствениот систем да биде поефикасен и подобар.

Само со транспарент однос може да се гради доверба, да се решаваат наталожените проблеми и да има резултати, истака Клековски на состанокот.

Граѓанските здружение на пациенти дадода предлози за да се подобри достапноста на здравствените услуги кои се однесуваат на делот онкологија, бубрежни заболувања, ретките болести. Се отворија теми за проблемите со породилни отсуства на жени што се занимаваат со земјоделство, проблеми со здравствено осигурување на затвореници, како и потребата од ревизија на позитивната листа на лекови и специфични предлози за начинот на набавки на лекови.

The post ФЗО почнува редовни средби со здруженијата на пациенти appeared first on Република.

На маргините на НАТО Самитот во Вашингтон претседателот на Владата на Република Македонија, Христијан Мицкоски оствари повеќе билатерални средби и разговори.

Мицкоски се сретна со потсекретарот за политички прашања во американскиот Стејт департмент Џон Бас. Соговорниците разговараа за стратешките интереси на државата, за македонските напори кои се насочени кон исполнување на истите, како и за интеграцијата и напредокот на регионот.

Премиерот Мицкоски подвлече дека борбата против организираниот криминал и корупција како и владеењето на правото се приоритети на новата Влада.

„Премногу долго корупцијата навлегуваше во секоја пора на институциите и го оневозможуваше напредокот. Тоа се менува преку системска активност која подразбира непристрасност во спроведувањето на законите и поддршка на професионалците кои се задолжени за спроведување на законите. Потребни се промени кои ќе влеат надеж во институциите“, истакна Мицкоски.

Тој додаде дека иднината на регионот е во тесна соработка на државите, и насоченост кон работите кои не обединуваат како и создавање на иднина која ќе донесе просперитет на сите.

Премиерот Мицкоски оствари средба и со претседателот на Чешка Петр Павел. Соговорниците разговараа за искористување на потенцијалите за економска и политичка соработка.

Претседателот на македонската влада Мицкоски истакна дека иднината на регионот е во полноправно членство во Европската Унија и дека на тој план се направени премногу отстапки и откажувања кои не се вреднувани до крај и дека кочењето преку неразумните спорови мора да престанат. Граѓаните со право бараат подобар живот и дека Владата е целосно посветена на подобар стандард и исполнување на високите критериуми за интеграција.

Мицкоски оствари разговор и со премиерката на Естонија, Каја Калас со која разговараше за интензивирање на соработката и поддршка на македонските ЕУ интеграции.

The post Мицкоски на повеќе билатерални средби во Вашингтон: Иднината на регионот е во борбата за посилна економија, соработка и создавање на иднина appeared first on Република.

Во рамките на посетата на Вашингтон САД, претседателот на Владата на Република Македонија, Христијан Мицкоски оствари повеќе средби и состаноци.

Премиерот Мицкоски оствари продуктивна и пријателска средба со конгресменот Брендaн Бојл. Разговараа за приоритетите на НАТО алијансата и важноста да се зачува демократијата и мирот. На средбата се промовираа економските можности и потенцијали кои ги нуди државата, како и одлучната битка против корупцијата и криминалот што е и клучна определба на новата влада.

Претседателот на Владата имаше и работна средба со претседателката на NDI, Тамара Кофман Витес со која разговараа за демократските процеси во државата.

Еден од најакутните проблеми е корупцијата за што како нова Влада работиме интензивно за нејзино искоренување, што подразбира и одговорност за престапниците на законот. Очекувањата на граѓаните не смееме да ги изневериме, да работиме на воспоставување на механизми каде граѓанинот ќе биде заштитен исто како и неговите интереси. Завршува времето на лаги, неспособност и не работа. Почнува време на реформи, инвестиции, дигитална трансформација. Мораме да дадеме добар пример за сите во изнаоѓање на пат до подобар животен стандард и сигурна држава која припаѓа на сите граѓани, подвлече на средбата Мицкоски.

Тој оствари средба со поранешниот амбасадор на САД во земјава Филип Рикер. Разговараа за предизвиците со кои се соочува државата, како и поддршката која е потребна за остварување на стратешките интереси.

Мицкоски разговарал и за потенцијалот кој го нуди регионот за економска и политичка соработка.

Мораме да ја менуваме реалноста и подобруваме животот на граѓаните, посочи Мицкоски.

The post Мицкоски: Со новата Влада почнаа реформите, инвестициите, дигиталната трансформација, за подобар животен стандард и сигурна држава која припаѓа на сите граѓани appeared first on Република.

Претседателот на Владата на Република Македонија Христијан Мицкоски оствари повеќе билатерални средби со високи американски претставници во Вашингтон.

Вчера заедно со делегацијата од Владата, како и претседателот на Собранието Африм Гаши оствари средба со конгресмените Пит Сешнс, Роберт Адерхолт, Џо Вилсон, Џон Муленар, како и со Џејмс Џонс поранешен советник за национална безбедност на Барак Обама.

На средбата од двете страни беа потенцирани добрите билатерални односи со Соединетите Американски Држави.

Се разговараше за можноста за искористување на економските потенцијали и политичка поддршка во остварување на стратешките интереси на државата. Се влегува во инвестициски циклус за сериозни капитални проекти во инфраструктурата, енергетиката и повеќе други полиња, истакна Мицкоски.

Воедно беше посочено дека една од главните цели претставува борбата против организираниот криминал и корупција. Од страна на конгресмените беше изразена силна поддршка, како силен пријател и сојузник на САД.

The post Мицкоски на средба со високи американски претставници во Вашингтон: Една од главните цели преставува борбата против организираниот криминал и корупција appeared first on Република.

Министерот за надворешни работи и надворешна трговија, Тимчо Муцунски, за време на неговото учество на Дубровник форумот, што се одржа на 28-ми и 29-ти јуни, во Дубровник, оствари одвоени средби со министерот за надворешни и европски работи на Хрватска, Гордан Грлиќ Радман, министерот за надворешни работи на Украина, Дмитро Кулеба и посебниот претставник на ЕУ за Западен Балкан и дијалогот Белград – Приштина Мирослав Лајчак.

Во фокусот на разговорите беше интегрирањето на земјите од Западен Балкан во ЕУ, при што соговорниците констатираа дека продолжувањето на политиката на проширување на ЕУ ќе биде поттик за земјите од регионот, но и суштински интерес за земјите членки и Унијата како целина, соопштија од Министерството.

Воедно, стана збор и за променетиот геополитички контекст по руската воена агресија врз Украина, при што беше нагласена силната и непоколеблива поддршка за украинскиот народ се’ додека е потребно.

Беше констатирано дека земјите од регионот и Украина имаат заедничка иднина, а таа е членството во Европската иднина.

На средбите беа разменети мислења и за состојбите во земјава, целокупната регионална динамика, како и за актуелните прашања од надворешно – политички и безбедносен карактер.

The post Муцунски во Дубровник на средби со Радман, Кулеба и Лајчак appeared first on Република.

Министерот за надворешни работи на Република Македонија, Бујар Османи денеска, на маргини на 133 сесија на Комитетот на министри на Советот на Европа во Стразбур, оствари бројни билатерални средби со хомолози од различни земји, имено со министрите за надворешни работи на Сојузна Република Германија, Република Австрија, Република Унгарија, Швајцарска Конфедерација, Република Малта, Република Словенија, Република Албанија, Република Молдавија, како и заменик министерот за надворешни работи на Република Турција.

Во фокус на одвоените средби на Османи со министрите на Германија, Австрија и Унгарија, Аналена Бербок, Александар Шаленберг и Петер Сијарто беше европското досие на земјата, при што Османи ги информираше соговорниците за активностите во однос на исполнувањето на реформската агенда и за успешно завршениот скрининг процес, притоа изразувајќи благодарност за конзистентната поддршка на процесот на интеграцијата на нашата земја во Европската унија.

Османи и министерот на Швајцарија, Игнацио Касис разговараа за билатералните односи на двете земји, заблагодарувајќи му се за континуираната поддршка за реформскиот процес на земјата.

На средбата со министерот на Малта, Иан Борг се направи осврт на билатералните односи, ставајќи го притоа акцентот на соработката во рамки на мултилатералните организации.  Османи подвлече дека Македонија како дел од ОБСЕ Тројката очекува зајакнување на улогата и ефикасноста на ОБСЕ, како уникатна безбедносна организација и платформа за дијалог.

Теми на разговорите на Османи со колегите од Словенија, Албанија и Молдавија, Тања Фајон, Игли Хасани и Михај Попсоји како и заменик министерот за надворешни работи на Турција, Мехмет Кемал Бозај беа повеќе аспекти од билатералните односи и можностите за продлабочување на соработката. Се дискутираа и активностите на Македонија како земја претседавач со Процесот за соработка на Југоисточна Европа во врска со претстојниот министерски состанок како и начините за интензивирање регионалната соработка.

The post Османи со бројни билатерални средби во Стразбур appeared first on Република.

Претседателката Гордана Силјановска Давкова, денеска 14 мај 2024 година, вторник, ќе има важни средби во Вила Водно.

Таа ќе ги прими амбасадорот на Италијанската Република, Андреа Силвестри во 12:00 часот и шефот на делегацијата на Европската Унија, амбасадорот Дејвид Гир во 13:30 часот.

The post Претседателката Силјановска Давкова на средби со евроамбасадорот Гир и италијанскиот амбасадор Силвестри appeared first on Република.

Завршивме повеќедневна посета првиот дел беше Конгрес на Европската народна партија каде се избра кандидатот на ЕНП за следен претседател на Европската комисија, односно за реизбор на Урсула фон дер Лајен на таа позиција.

Имавме бројни средби и таму и ги реафирмиравме нашите ставови поврзани со европската интеграција на Македонија, а тука во Виена се сретнавме со министерката за Европа, со министерот за надворешни работи, имавме средба со една од најголемите и најважните трговски комори во Австрија и со македонската дијаспора, информираше потпретседателот на ВМРО-ДПМНЕ, Тимчо Муцунски на гостување во Дневникот на телевизија Алфа.

Муцунски посочи дека секаде беше реафирмиран ставот дека сакаме Македонија да биде дел од европското семејство.

„Но, ние сакаме да сме во тоа семејство врз основа на принципи, вредности и реални проекти. Кажувајќи ни нашите ставови кажуваме каква надворешна политика ќе има Македонија. Таа ќе биде фокусирана на опипливи резултати за својата држава, фокусирање на нови странски директни инвестиции и негување на тие кои ги има веќе во државата затоа што добиваме сигнали дека ма и сериозна грижа од страна на странските инвеститори посебно од партнери како тие од Австрија еден од најголемите трговски инвеститори во нашата држава“, кажа Муцунски.

Муцунски заклучи „сметам дека успешно ја завршивме оваа посета, сега доаѓа фокусот дома, на кампањата која претстои и по изборите формирање на нова влада која ќе ги реализира приоритетите кои ги претставуваме сега“

The post Муцунски: Имавме успешни средби во рамки на Конгресот на Европската народна партија и успешни средби во Виена appeared first on Република.

Претседателот Стево Пендаровски денеска во Њујорк, на маргините на 78. Генерално собрание на Обединетите нации, се сретна со Јури Ким, заменик помошник државен секретар за Европа и Евроазија и Џим O'Брајан, раководител на Канцеларијата за координација на санкции при американскиот Стејт Департмент.

На средбата, како што соопштија од Кабинетот на претседателот, се разговарало за актуелните состојби поврзани со европските интеграции на државава, за реформскиот напредок, како и за политичките состојби во земјава и во регионот. Соговорниците се согласиле дека е потребно да се одржи фокусот на реформите, како и на подготвеноста за водење на преговорите со Европската Унија.

На средбата беа потврдени одличните билатерални односи меѓу Соединетите Американски Држави и Република Македонија, при што претседателот Пендаровски се заблагодари на американската поддршка за членството на Македонија во ЕУ како стратешка определба на македонското општество, стои во соопштението.

The post Пендаровски во Њујорк на средба со Јури Ким и Џим O’Брајан од американскиот Стејт Департмент appeared first on Република.

Претседателот на Србија Александар Вучиќ планира во октомври да ја посети Кина, каде можеби ќе се сретне со претседателот на Русија Владимир Путин, објави руската државна новинска агенција ТАСС, повикувајќи се на изјава на Вучиќ за српската телевизија Хепи.

„До крајот на годината очекувам сериозни и важни разговори со нашите многу, многу важни партнери. Во октомври ќе одам во важна посета на Кина. Големо прашање е што таму ќе се случи бидејќи се очекува и доаѓање на рускиот претседател Владимир Путин“, кажа Вучиќ.

ТАСС потсетува дека и претседателот на Република Српска Милорад Додик изјави дека очекува оваа есен да ја посети Кина и таму да се сретне со Путин.

Посетата на Путин на Кина е закажана за октомври кога Пекинг ќе биде домаќин на форумот „Еден појас, еден пат“, кажа претходно помошникот на рускиот лидер Јуриј Ушаков.

„Но, целта на Србија мора и понатаму да биде патот во Европа од милион причини, а пред сè за да живееме во демократија. Србија не сака да живее во диктатури ни во деспотски режими, туку во демократија во која никој нема да ги убива политичките противници или да осудува некого на 30 или 40 години затвор затоа што му кажал дека води лоша политика“, кажа Вучиќ.

„Нашата политика мора да биде таква да одиме и да разговараме во Брисел, Берлин, Париз, Рим и сите центри, Виена, Атина, Будимпешта, Софија, Букурешт, Загреб и Љубљана и сите други, за тоа како Србија да напредува на европскиот пат, но не смееме да замижуваме на тоа што се случува во светот и да се правиме дека не разбираме“, кажа српскиот претседател.

The post Вучиќ планира во октомври да ја посети Кина, каде можеби ќе се сретне со Владимир Путин appeared first on Република.

Во рамки на акцијата „Ова е Македонија за сите“ генералниот секретар на ВМРО-ДПМНЕ, Ѓорѓија Сајкоски беше во посета на населените места Другово и Србјани и каде разговараше за проблемите на граѓаните. Како што беше посочено власта ја руинира држава, краде милиони од секој проект, а ништо не е реализирано.

Сите не иритира криминалот кој секојдневно го гледаме и слушаме и чувствуваме. Земаат од нашите пари. Руинирани се институциите, секој проект самите го скандализираат, има сомнежи во секоја работа, еве и последниот со Бехтел и Енка видовте дека е проект кој од старт е криминален и уште една лопата не е фрлена, тие веќе префрлија милиони евра.

Тим предводен од пратеникот на ВМРО-ДПМНЕ, Бране Петрушевски беше во посета на Младо Нагоричане, Драгоманце каде со граѓаните разговараше за нивните проблеми и потреби, при што беше посочено дека од оваа власт има огромна разочараност.

-ВМРО-ДПМНЕ произлегува од народот генерално може да се забележи дека народот е во огромна разочараност од владеењето на ДУИ и СДСМ. Тешко се живее секаде, граѓаните велат дека инвестирале во производство на млеко, а сега сето тоа сега се затвори, нема никаква поддршка од владата. Комплицирани се сите бирократски процедури, рече тој.

Тим предводен од членот на ИК на ВМРО-ДПМНЕ и пратеник Драган Ковачки во рамки на акцијата „Ова е Македонија за сите“ беше во посета на Будинарци и Митрашинци во Берово, како што посочи да се слушнат проблемите на граѓаните кои власта ги создаде.

-Како најголем проблем се појавува проблемот на масовното иселување поради распадот на системот, немањето здравство, експерименти во образование. Затоа луѓето одлучуваат да заминат, секојдневни гледаме автобуси кои си заминуваат од овие краишта. Ветуваа живот, донесоа иселување. ВМРО-ДПМНЕ ќе го врати достоинството на македонскиот граѓанин, имаме план, имаме визија и овој процес на масовно иселување ќе го запреме.

Претседателот на Унија Млади Сили, Сергеј Попов помеѓу граѓаните на терен истакна дека нема враќање, и дека идеи ВМРО-ДПМНЕ е таму за да ги слушне проблемите на граѓаните за кои ќе понуди решениј.

-ВМРО-ДПМНЕ своите програми ги реализира, изборните програми се закон и устав. На овие средби важно е да зборуваме, да ги кажуваме работите отворено, тоа што ќе се вгради во програмата и ќе се оствари, нагласи Попов.

Тим предводен од Тони Коњановски, градоначалникот на општина Битола во Бистрица нагласи дека со граѓаните се разговара за проблемите кои сите ги живееме.

-Ова пукање на државата по сите шавови да го закрпиме и да донесеме подобра иднина за сите граѓани. Сведоци сме на запоставување од страна на централната власт, една од работите е договорот за коридорите. Ќе се платат над 200 милиони евра, а нема ни проект ни шајка, рече тој.

Пратеничката на ВМРО-ДПМНЕ, Дафина Стојаноска која го предводи нејзиниот тим беа во посета на населени места и средби со граѓани во општина Долнени, при што ги посетиа и спомен куќата на македонскиот музички великан Пеце Атанасовски во село Долнени како и спомен куќата на великанот Блаже Коневски во село Небрегово, при што додаде дека за жал денес постои владејачка гарнитура која што се обидува да го уништи и распродаде на соседите сето она што целиот свој живот Конески го работел.

„Многу силно одекнува, низ овие простори кои што ги посетивме денес, гласот на незадоволните жители на овие места бидејќи навистина живеат во едни, би рекла, вон стандардни или не европски услови. Живеат во места каде што нема добри патишта, живеат без вода и без основни услови за живот. Заедно со овие луѓе, слушајќи ги нивните проблеми, веќе се договараме дека најдоцна за една година од сега најсилен ќе биде гласот кој што ќе се слушне од незадоволните граѓани кој што на крајот на денот на следните парламентарни избори ќе биде преточен во глас како казна за оваа неевропска и ненародна власт на СДСМ и ДУИ“, рече Стојаноска.

Членот на ИК на ВМРО-ДПМНЕ, Зоран Љутков нагласи дека додека централната власт ја запоставува државата, таму каде ВМРО-ДПМНЕ има локална власт се работи успешно и посветено.

Голема благодарност до сите жители на населените места Ајватовци, Бунарџик и Марино, кои со своето присуство ги направија нашите посети успешни и плодни! Особено ми беше чест што со чист образ излеговме на терен и се уверивме дека онаму каде што ВМРО ДПМНЕ е локална власт, успешно, чесно и посветено се работи!

Тим предводен од пратеничката Ели Панова беше во посета на Ново Село, Мокрево и Сушица.

Ова е Македонија на заеднички патриотизам. Македонија на заеднички победи, реформи. Македонија на големи чекори напред и големи промени. Денеска имавме одлични средби каде заедно со мојот тим ги слушнавме граѓаните и одговоривме на сите прашања, продолжуваме секој викенд, рече Панова.

Тимот предводен од пратеникот Игор Јанушев оствари средби со жителите на населените места во Општина Кратово каде што ги слушнаа проблемите со кои се соочуваат. Констатирано беше дека локалната власта не инвестира во проекти во внатрешноста на Македонија кои што би ги подобриле условите за живот во овие населени места, додека на дело се гледа разликата онаму каде што ВМРО-ДПМНЕ е локалната власта и со конкретни инфраструктурни проекти животот на граѓаните го прави полесен и подостоинствен.

The post Ова е Македонија за сите: Власта ја руинира државата, краде милиони од секој еден проект, граѓаните бараат промени и нова централна власт appeared first on Република.

Александар Николоски во својство на претседател на Националниот совет за евроинтеграции во наредните два дена ќе учествува на конференција на високо ниво за европски млади лидери која се одржува од 8 до 11 март во Брисел, Белгија, во организација на тинк-тенкот „Пријателите на Европа”.

Оваа конференција на високо ниво предвидува дебати за начините за поттикнување на граѓански активизам, трансформација на општествата, обновување на социјалниот договор и неговото влијание врз различни сектори, од климатските иновации до градењето демократија и креирање нови политики.

На конференцијата во Брисел активно учество ќе земат високи политичари од ЕУ и влијателни личности од цела Европа. Дел од учесниците се Вера Јурова потпретседател на Европската комисија, Каја Калас премиер на Естонија, новинарот Бастиан Обермајер добитник на Пулицеровата награда за новинарство, Јустас Јанусакас основачот на Винтед и други личности кои што се влијателни и значајни за општествените промени и случувањата во државите од кои доаѓаат.

Николоски учествува на оваа конференција на високо ниво како резултат на неговиот избор во 40 највлијателни млади лидери под 40 години во Европа и ќе има можност да се обрати и да ги претстави ставовите и погледите за иднината на Европа, како и за политичките случувања во регионот и кризата со која се соочува Европа. Николоски ќе оствари бројни билатерални средби на кои ќе информира за актуелните случувања, политичката и економска состојба во државата.

The post Николоски на средби во Брисел со политичари, новинари и млади лидери appeared first on Република.

Заменичката на претседателот на Владата задолжена за политики за добро владеење, Славица Грковска е во тридневна работна посета на Виена, Република Австрија, каде ќе оствари средба со австриската министерка за правда, Алма Задиќ, со цел продлабочување на соработката меѓу двете држави.

Во рамки на посетата вицепремиерката Грковска ќе се сретне и со претседателот на Уставниот суд на Австрија, Кристоф Грабенвартер.

Таа ќе има работен состанок со генералната секретарка на ОБСЕ, Хелга Шмид, а свое обраќање во врска политиките за родова еднаковст и женските права ќе има пред Постојаниот совет на ОБСЕ.

На покана на францускиот амбасадор во Австрија, Жил Пекот и постојаната претставничка на Франција во ОБСЕ, амбасадорката Кристин Фагес, вицепремиерката Грковска ќе има обраќање и на приемот посветен на Меѓународниот ден на жената, 8-ми март, на тема „Жените, мирот и безбедноста“.

Во агендата на вицепремиерката се предвидени и средби со директорот на „Транспаренси Интернешнл“ - Австрија, Лука Мак и со високи претставници на Обединетите Нации во Австрија, како и со Канцеларијата на Обединетите Нации за дрога и криминал.

The post Вицепремиерката Славица Грковска во работна посета на Австрија во промоција на родовата еднаквост, женските права и мирот и безбедноста appeared first on Република.

Во текот на вчерашниот ден, а во рамките на посетата на Вашингтон, Потпретседателот на ВМРО-ДПМНЕ, Тимчо Муцунски оствари две одвоени работни средби, на кои тој ги претстави позициите на ВМРО-ДПМНЕ и македонските државни интереси и на кои се разговараше за прашањата поврзани со заедничката безбедност и подобрување на соработката помеѓу двете земји.

Фокусот на првата средба со членот Конгресот на САД, Бил Паскрел беше ставен на потребата од продлабочување на заемната соработка помеѓу Македонија и САД, со посебен акцент на справувањето со безбедносните предизвици со кои се соочуваат нашите земји.

На втората средба со Директорот за Европа во Меѓународниот републикански институт Пол Мекарти, Муцунски и Мекарти ја потврдија одличната соработка помеѓу ВМРО-ДПМНЕ и ИРИ во делот на сите заеднички активности, програми, проекти и директна поддршка кои тие ги преземаат кај нас. Тие заеднички заклучија дека токму овој вид соработка треба да продолжи и во иднина, во насока на реализација на нови проекти.

Овие средби се уште една потврда за активното учество на ВМРО-ДПМНЕ во меѓународните односи, проактивната улога во претставувањето и презентирањето на македонските интереси, како и одржувањето на блиски врски со нашите партнери и пријатели во САД и низ целиот свет.

The post Муцунски во Вашингтон на одвоени средби со конгресменот Паскрел и директорот на ИРИ за Европа Мекарти appeared first on Република.

Министерот за надворешни работи, Бујар Османи денес, во Берлин, на маргините на состанокот на Министрите за надворешни работи во рамки на Берлинскиот процес, реализираше билатерална средба со државниот министер за Европа во британското Министерство за надворешни работи, Лео Доерти.
Заеднички беа поздравени силните економски односи меѓу Македонија и Обединетото Кралство, кое е наш втор најголем трговски партнер и еден од најголемите странски директни инвеститори во нашата земја, особено интензивирани со потпишувањето на билатералната Спогодба за трговија, партнерство и соработка.

Османи го брифираше соговорникот и за отпочнатите преговори со Европската Унија и идните чекори, ставајќи акцент на високата подготвеност на земјата за успешен и брз преговарачки процес. Министрите изразија задоволство од историскиот чекор со кој Република Македонија ги започна преговорите, изразувајќи надеж за успешни преговори со цел полноправно членство во Унијата.

Министрите разговара и за улогата и значењето на новата Европска Политичка Заедница, што претставува добар одговор на геополитичката закана од руската агресија врз Украина. Изразувајќи задоволство од одржаниот прв состанок во Прага, министрите се согласија дека новата политичка заедница не е замена за политиките на ЕУ, вклучувајќи го тука и процесот на проширување кој не е загрозен.

Двајцата соговорници се осврнаа и на актуелните политички состојби во земјите од Западен Балкан и улогата на Обединетото Кралство во овој контекст. Османи информираше и за подлабоката улога на земјава во регионалните политики, како и за подготовките за претстојното претседавање на Македонија со ОБСЕ во 2023 година.

The post Османи во Берлин на средба со британскиот министер за Европа Лео Доерти appeared first on Република.