Масовно да се приклучиме сите на бранот промени, промени кои ќе донесат раст и развој на Македонија, промени за силна и горда Македонија!, пишува на социјалната мрежа на Фејсбук потпретседателот на ВМРО-ДПМНЕ Владо Мисајловски.

-Продолживме на средба со граѓани во населба Хиподром, заедно со пратениците Жаклина Пешевска и Зоран Коцевски, како и градоначалникот Бобан Стефковски.

Се согласивме сите заедно дека треба да ставиме крај на неправдите што и ги нанесоа на Македонија.

Масовно да се приклучиме сите на бранот промени, промени кои ќе донесат раст и развој на Македонија, промени за силна и горда Македонија!

Македонија повторно силна и исправена!

Македонија повторно твоја!

Промените во твои раце!, пишува Мисајловски во својата објава.

The post Мисајловски на средба со граѓаните на Хиподром appeared first on Република.

Продолжува предизборната кампања за Претседателските избори со презентација на програмите на кандидатите на митинзи, дебати и средби со граѓани. На вториот ден од кампањата кандидатите со пораки до гласачите за просперитетна иднина, за европска интеграција, како и критики до опонентите.

Изборниот караван на кандидатот на Коалицијата за европска иднина предводена од СДСМ, Стево Пендаровски, денеска ќе ги посети општините Македонски Брод и Кичево.

Кндидатката за претседател поддржана од Коалицијата „Твоја Македонија“ предводена од ВМРО-ДПМНЕ Гордана Силјановска Давкова ќе ја презентира програмата пред граѓаните на Демир Капија, Неготино и Кавадарци.

Бујар Османи, кандидатот за претседател на Европскиот фронт, во Тетово (хотел НБ), ќе учествува на дебатата насловена „Задржување на младите во земјава.

Kараванот на кндидатот за претседател на Движењето ЗНАМ-За наша Македонија, Максим Димитриевски, денеска ќе ги посети и ќе има средби со граѓаните на општините Валандово, Богданци, Дојран, а агендата ќе ја заокружи со обраќање пред жителите на Гевгелија.

Изборниот штаб на кандидатката за претседател од Левица, Билјана Ванковска најавува дека ќе бидат остварени средби со граѓани во Прилеп, Демир Хисар.

Претседателскиот кандидат на Коалицијата „Вреди“ Арбен Таравари и носителот на пратеничката листа во Првата изборна единица од коалицијата Изет Меџити ќе учествуваат на одбележувањето на Меѓународниот ден на спортот во Градскиот парк во Скопје.

The post Трет ден предизборна кампања за претседателските избори со презентација на програмите на кандидатите на митинзи, дебати и средби со граѓани appeared first on Република.

Жителите на населбата Хасанбег денеска ги пречекаа високите партиски функционери на ДУИ, на средба организирана од огранокот на ДУИ кој бара промени во партијата и партиската структура, на која беа информирани за сериозната состојба во Демократската унија за интеграција и неуспесите на делот на извршната власт на ДУИ на чело со Артан Груби.

Незадоволните предводени од Муса Џафери, Изет Меџити, Блерим Беџети и Висар Ганиу ги информираа жителите на Хасанбег како почнала идејата за јавно изразување на незадоволството од извршната власт.

Организацискиот секретар Блерим Беџети рече дека тие не дошле овде да бараат позиции, дека народот им ги дал со гласање, туку да ги критикува катастрофалните резултати на Артан Груб и неговите министри, кои во отсуство на партиски органи речиси три години правеа што сакаа. Вклучуваме аларм за слабата извршна власт и целиме да го отвориме патот за нивна замена со млади кадри, рече Беџети.

Претседателот на Надзорниот совет на ДУИ, Муса Џафери, рече дека Артан Груби им нанел штета и на Хасанбег и на Арачиново, почнувајќи од локалните избори во 2020 година, кога предложивме младо момче Албанец за градоначалник, дојде Артан Груби и рече добро што најдовте кандидат, но немојте многу да го форцирате, бидејќи и да победи нашиот партнер СДСМ, не е лошо.

Градоначалникот на општина Чаир и член на претседателството на ДУИ Висар Ганиу рече дека тие како градоначалници постојано давале отчет за сработеното, тоа го правеле и министрите постојано, со исклучок на 2020 година наваму, кога Артан Груби го прекрши секое правило и традиција што ги имавме во партијата. Ганиу рече дека Груби и сега,  откако излеговме на терен, ги собира функционерите и зборува за иднината, како да сме на избори, а не зборува за минатите скоро три години на власт, бидејќи ништо не направил.

Потпретседателот на ДУИ и пратеник, Изет Меџити пред жителите на Хасанбег го коментираше влегувањето на Алијансата за Албанците во владата, која ја нарече, за спас на пропаднатата кариера на Артан Груби. Меџити рече дека се на терен да се соочат со реалноста дека 6 месеци или 1 година ќе се соочат со гласачите.

Меџити рече дека проблемите во ДУИ почнале во 2020 година кога по успешни избори, без легитимитет од гласачот и без легитимитет од партиските органи, Артан Груби станал вицепремиер.

„Али Ахмети вели дека не го менува во време на криза, но Велика Британија смени тројца премиери среде војната во Украина и не се случи ништо лошо, нема да се случи и кај нас ако смениме еден вицепремиер“, рече Меџити.

Високи функционери на ДУИ  најавија дека средбите со граѓаните ќе продолжат.

The post Незадоволните партиски функционери на ДУИ се сретнаа со жители на Ченто appeared first on Република.

Градоначалникот на Општина Гази Баба, Бобан Стефковски, започна со одржување на граѓанскиот дијалог преку директни средби со граѓани во месните и урбаните заедници.

Синоќа одржа средби со граѓани на три локации.

Гласот на граѓанинот се слуша! Граѓанинот одлучува! Отпочнавме граѓански дијалог со директни средби во месните и урбаните заедници. Оддржавме средби со граѓани во Железара, Автокоманда и Керамидница. Местото на градоначалникот е помеѓу граѓаните со цел директно на терен да ги решаваме барањата на граѓаните.Овие средби се одлична можност да го слушнеме гласот на народот во насока на утврдување на приоритетите на буџетот за 2023 година. Отчетноста и транспарентноста се тие кои ме водат од првиот ден на мандатот - напиша СТефковски на официјалната Фејсбук страница по завршувањето на средбите.

The post Стефковски: Гласот на граѓанинот се слуша! appeared first on Република.

Градоначалникот на општина Ѓорче Петров, Александар Стојкоски, откако е на функцијата ја воведе праксата за редовни средби со жителите.

Вели тоа се можност за директна комуникација, запознавање со проблемите, но и решавање на истите.

Најдобрите решенија доаѓаат од самите жители, а ние сме сервис да излеземе во пресрет на нивните барања. Градиме отворена општина, достапна за секој, порача Стојкоски.

The post Стојкоски: Најдобрите решенија доаѓаат од самите жители appeared first on Република.