Куќи изгореа во село кај босанскиот град Сребреница.

Три куќи изгореа во селото Лука кај Сребреница, во пожар што веќе осум дена беснее во источна Босна и Херцеговина(БиХ). Пожарот со денови гори во националниот парк Дрина.

Мештаните бараат помош од општината за да нема поголеми штети.  Во последните недели пожари зафатија неколку области во Босна и Херцеговина, како што се Националниот парк Сутјеска, околината на Билеќе, Маглај и Какањ.

Летово имаше пожари во повеќе држави од регионот. Гореше во Црна Гора, Грција, Србија, Хрватска.

Фото: РТРС

The post Пожар во Сребреница, изгореа три куќи appeared first on Република.

Собранието со минута молк и молитва за жртвите на Сребреница на денот на сеќавање на геноцидот во Сребреница.

Спикерот Африм Гаши, рече дека 29 годишната болка се уште е свежа во колективното сеќавање, а изрази сочуство до семејствата на убиените.

-Во името на пратениците на Собанието и во мое лично име изразувам искрено сочуство за жртвите на геноцидот во Сребреница, до членовите на нивните семејства, до граѓаните, институциите на БиХ и до нашите сограѓани бошњаци, изјави Африм Гаши, претседател на Собранието, изјави Африм Гаши, претседател на Собранието.

The post Среде Собрание се молеа за Сребреница appeared first on Република.

Челниците на фудбалскиот клуб Сараево сакаа да им оддадат комеморација на жртвите во Сребреница со симболот „Цвет на Сребреница“ на дресовите за натпреварот што денеска го играат во Казахстан во рамките на Конференциската лига против Актобе  но  УЕФА не дозволи.

Оваа идеја беше прифатена од Фудбалската федерација на Босна и Херцеговина, дресовите беа испечатени пред три дена, но УЕФА нареди овој симбол да не се појавува на опремата и најави дека играчите можат да користат само црни ленти.

The post УЕФА не дозволи „цветот на Сребреница“ да стои на дресот на ФК Сараево appeared first on Република.

Претседателот на Република Српска(РС), Милорад Додик, рече дека идејата за промена на името на градот е иницирана во Сребреница, а доколку општинското собрание донесе одлука за промена на името, РС ќе донесе закон и ќе го прогласи за валиден, пишува Кликс.ба.

– На луѓето што живеат таму им е доста од етикетите поврзани со тој топоним. Верувам дека луѓето имаат право да се изразат за тоа. Според процедурата утврдена со закон, доколку Собранието на општина Сребреница донесе одлука за промена на тоа име на нешто друго, тогаш Република Српска ќе донесе закон и ќе го прогласи за валиден, јас немам што да правам, без разлика дали тоа им се допаѓа на Бошњаците – изјави Додик за ТВ Прва, пренесува Кликс.

Како што рече, судејќи по реакциите на Бошњаците, ова сигурно сега ќе биде топ тема. Додик изјави дека долго време се настојувало да се додаде префиксот „босански“ на што повеќе имиња, вклучително и Александровац каде што живее.

И кога ги укинавме тие префикси пред десет години, беше лудост. Тие постојано го злоупотребуваат тој префикс – рече Додик.

Додик рече дека Србите ги боли што српските општини Дрвар, Грахово, Гламоч и Петровац останаа во Федерацијата на Босна и Херцеговина, но дека РС ќе ги почитува границите и нема да ги премине ниту политички ниту во која било друга смисла. Тој додаде дека границата на Дрина постои само како административна, пренесува Кликс.

The post Немам јас тука што да направам – вели Додик за иницијативата за промена на името на Сребреница appeared first on Република.

Бугарскиот парламентот ќе се состане на вонредна седница в недела поради скандалот околу резолуцијата за Сребреница. Ова ќе се случи само 7 дена пред претстојните избори за европратеници и за нови народни претставници.

Одлуката за распоред ја потпиша Росица Кирова од ГЕРБ. Објавувањето на датумот на состанокот само еден ден порано, како и неговото закажување на одмор за време на предизборна кампања, го наметнува прашањето дали ќе се собере кворум или дали состанокот има намера да пропадне.

На дневен ред на пратениците е предвидено сослушување на вршителот на должноста премиер и министер за надворешни работи Димитар Главчев поради доставените документи дека тој ѝ наредил на бугарската амбасадорка во ОН, Лечезара Стоева, да гласа „воздржано“ во име на Бугарија и покрај тоа што Софија е меѓу коспонзорите на документот со кој минатиот четврток датумот 11 јули беше потврден како „Меѓународен ден на сеќавање на геноцидот во Сребреница“. Меѓутоа, таа одбила. Според неофицијални информации, наредбата на Главчев, кој е и министер за надворешни работи, дошла по притисокот на лидерот на ГЕРБ Бојко Борисов на барање на српскиот претседател Александар Вучиќ. ГЕРБ јавно демантира дека му се мешале на Главчев, а преодната влада во скандалот виде „хибриден напад“.

Во саботата долгогодишниот кадар на ГЕРБ, Главчев, повторно не објасни зошто побарал од Бугарија да гласа „воздржано“, наместо тоа најави дека нема да коментира за „криминалното протекување на работни документи во недовршена фаза на одлучување“.

„Нема никаков скандал, некој се обидува да направи скандал. Имаме официјален став искажан со гласање на нашиот постојан претставник во ОН. Не знам зошто овој факт се испушта и се поминува низ работни документи, дел од процесот на одлучување. Нема да учествувам на предизборни спектакли што ќе се организираат во последната недела пред изборите“, додаде Главчев пред официјално да биде објавено дека утре ќе биде вонредната седница на парламентот.

Барањето за седницата беше поднесено во петокот од „Продолжување на промената – Демократска Бугарија“ и беше потпишано од повеќе од 48 пратеници.

The post Бугарскиот парламент на вонредна седница ќе расправа за скандалот со резолуцијата за Сребреница appeared first on Република.

The post Исчезнал во Црна Гора а го запишале дека е убиен во Сребреница appeared first on Република.

Резолуцијата за Сребреница e усвоена на Генералното собрание на Обединетите нации.

84 земји гласаа за, 19 против, додека 68 земји беа воздржани.

Македонија гласаше ЗА и е коспонзор.

The post Македонија гласаше За: Резолуцијата за Сребреница e усвоена appeared first on Република.

Генералното собрание на ОН денеска ќе гласа за резолуцијата со која 11 јули се прогласува за Меѓународен ден на сеќавање на геноцидот во Сребреница и осуда на негирањето на геноцидот и глорификацијата на воените злосторници.

Истовремено во Србија напладне по благослов на патријархот Порфириј ќе бијат камбаните во сите православни храмови, повикувајќи го „верниот народ на молитва, смиреност, меѓусебна солидарност и непоколебливост во правењето добро, и покрај целосно лажните и неправедни обвинувања на кои се изложени во ОН“, јави дописникот на МИА од Белград.

Патријархот Порфириј го повика српскиот православен народ да се обедини во молитва за правда и мир за сите народи, особено за оние со кои дели заедничка историја со векови.

Паралелно во Белград и градовите во Србија на билбордите е истакнат текстот „Ние не сме геноциден народ“- Горда Србија и Српска, а ист текст е поставен и на Кулата Белград.

Истиот текст на своите социјални мрежи го имаат поставено речиси сите претставници на државниот врв.

https://republika.mk/vesti/balkan/deneska-e-sednitsata-vo-on-dali-makedonija-ke-glasa-srbija-da-bide-genotsidna-drzhava/

Медиумите ги пренесуваат пораките на претседателот Александар Вучиќ и делегацијата од Њујорк за дипломатската борба во докажувањето дека Србите не се геноциден народ.

Вучиќ во Њујорк синоќа изјави дека при гласањето на резолуцијата за Сребреница „ќе се види кои се пријатели, а кои лажни пријатели на Србија“.

Утре ми е најтешкиот ден во политичка смисла откако станав претседател или премиер. За мене ова е Видовдан. Ќе видам дали ќе му се спротивставам на најголемиот, најмоќниот, најдрскиот, најнепромислениот, од кого во претходните неколку дена речиси сите побегнаа или се повлекоа уплашени од бруталните закани, рече Вучиќ.

Гласањето во ГС на ОН ќе биде во 16 часот.

The post Напладне ќе бијат сите камбани низ Србија, „Ние не сме геноциден народ“ порачуваат тие appeared first on Република.

Министерот за надворешни работи на Србија Марко Ѓуриќ за Политико посочи дека усвојувањето на Резолуцијата на Генералното собрание (ГС) на Обединетите нации за Сребреница ќе предизвика дополнителна поделба на Балканот, јави дописникот на МИА од Белград.

Ѓуриќ во авторски текст за бриселскиот портал оценува дека постигнувањето договор за одбележување на минатото на начин кој не создава поделби е најдобриот начин да се обезбеди тоа да не се повтори.

ГС на ОН утре ја разгледува Нацрт-резолуцијата за прогласување на Меѓународниот ден на сеќавање на жртвите од масакрот во Сребреница во 1995 година, а шефот на српската дипломатија напиша да, додека рецензентите на резолуцијата наведуваат дека таа е важен чекор кон помирувањето, најверојатно таа ќе „сее дополнителен раздор на Балканот“.

-Никој не може да негира дека за време на балканските војни се случија страшни воени злосторства. Само политичките екстремисти го отфрлаат ставот дека во Сребреница биле извршени неописливи злосторства. И само наjбезумните луѓе не се подготвени да ги признаат и да им оддадат почит на тие жртви, напиша Ѓуриќ.

Тој изјави дека предложената резолуција на ОН била тесно фокусирана и изготвена без консултации со сите регионални заедници и страни во балканските војни.

-Секоја резолуција на ОН за страдањата во балканските војни треба да ги почитува 100.000 жртви. Овие жртви заслужуваат еднаква правда, третман и сеќавање, како и почит од меѓународната заедница без разлика на нивната националност, раса или религија. За жал, нацрт-резолуцијата се обидува да спомене и издвои една група, рече Ѓуриќ.

Тој повтори дека предлог-резолуцијата ги поткопува Уставот и владеењето на правото во Босна и Херцеговина бидејќи е изготвена, предложена, коспонзорирана и лобирана од амбасадорот Златко Лагумџија, постојан претставник на ОН за Босна и Херцеговина, без законски пропишана согласност од тричленото Претседателство на таа држава.

-Тоа напредуваше во тајност, без консултации со српскиот ентитет во земјата или неговите избрани претставници и без каков било обид да се признаат десетици илјади други жртви на војната, истакна Ѓуриќ ден пред гласањето во Њујорк.

На 18 мај предлагачите на нацрт-резолуцијата за Сребреница ја утврдија конечната верзија на тој документ, за која утре ќе расправа ГС на ОН, а во преамбулата на текстот стои дека „кривична одговорност според меѓународното право за кривично дело геноцид е индивидуализирана“.

Иницијатори на предложениот текст беа Германија и Руанда, а амандманите на нацртот беа поднесени од Владата на Црна Гора. Конечниот нацрт на резолуцијата предвидува 11 јули да биде прогласен за Меѓународен ден на сеќавање на геноцидот во Сребреница, кој би се одбележувал секоја година.

Министерот Ѓуриќ и претседателот на Србија Александар Вучиќ, кој ја предводи делегацијата, од понеделник се во Њујорк и одржуваат средби со постојани претставници во ОН на кои го презентираат ставот на Белград за, како што наведуваат, штетните последици од усвојувањето на оваа резолуција за односите во регионот.

The post Ѓуриќ: Резолуцијата на ОН за Сребреница ќе предизвика дополнителни поделби на Балканот appeared first on Република.

Владата на Црна Гора вечерва ја усвои информацијата за амандманите на Црна Гора на Резолуцијата за Сребреница и му наложи на Министерството за надворешни работи во понеделник да ги испрати амандманите до предлагачот. Во нив се наведува дека одговорноста за злосторствата е исклучиво индивидуална и не може да таргетира народ или држави.

Како што претходно беше најавено, Црна Гора ќе поднесе два амандмани на Резолуцијата за Сребреница со цел да се постигнат подобри односи и да се смират политичките тензии во регионот, пренесува РТЦГ.

Според амандманите, се предвидува индивидуализирање на вината за геноцидот во Сребреница, но и инсистирање на строго почитување на Дејтон.

The post Црна Гора со амандмани на Резолуцијата за Сребреница: Одговорноста за злосторствата е индивидуална appeared first on Република.

Додека претседателот Александар Вучиќ се подготвува идната недела повторно да се обрати пред Генералното собрание на ОН да не се гласа за Резолуцијата за геноцид во Сребреница, премиерот Милош Вучевиќ денеска оцени дека најавата на Црна Гора да ќе гласа за резолуцијата во Сребреница, „не прави ништо добро за односите меѓу Црна Гора и Србија“, јави дописникот на МИА од Белград.

Резолуцијата што се подготвува е стигматизирање на цел еден народ, а она што следи зад неа е нешто што мора да ве загрижи и мислам дека оваа одлука, не само на Владата на Црна Гора, туку и на некои други во регионот, покажува каков однос имаат кон Србија и колку се независни, рече Вучевиќ на ТВ Пинк.

Спајиќ претходно најави дека Црна Гора во ГС на ОН ќе гласа за резолуцијата за Сребреница, како и за сите резолуции со кои се осудуваат геноциди и злосторства на територијата на поранешна Југославија. Тој најави дека ќе поднесе амандмани на резолуцијата на ОН за Сребреница, кои се однесуваат на индивидуализирање на вината и почитување на Дејтонскиот мировен договор, кои беа жестоко критикувани во јавноста.

Вучевиќ рече дека не е до Србија и дека нема право да кажува што треба да прави Црна Гора, дека Подгорица треба да ги оценува сопствените политички интереси, но дека мора да бидат свесни дека со овој потег и најава „ништо добро не прават “ за односите меѓу двете земји.

Вучевиќ оцени дека со одлуката Црна Гора да гласа за резолуцијата за Сребреница, Спајиќ суштински ја префрли вината на една третина од нејзиното население.

Премиерот на Србија рече дека резолуцијата за Сребреница што се подготвува во ОН има политички, но и правни последици за Република Српска и Србија и за целиот српски народ бидејќи тој ќе биде етикетиран како извршител на геноцид, а тој ден (11 јули) ќе биде одбележан со српските злосторства врз муслиманите.

-Чувствувам потреба да кажам дека ние Србите мора да ја разбереме болката и страдањето на Бошњаците што во Сребреница се случи страшно злосторство, тоа е неспорно, нагласи Вучевиќ

The post Вучевиќ: Црна Гора со поддршката на резолуцијата за Сребреница не прави ништо добро за односите со Србија appeared first on Република.

Информацијата дека на 2 јуни 1993 година, Обединетите нации го потврдиле приемот на Меморандумот за злосторствата врз српскиот народ во Братунац, Милиќ, Скелани и Сребреница, кај професорот Миливој Иванишевиќ, ја разгорел надежта дека правдољубивиот свет ќе се сожали на српските жртви.

Сепак во о администрацијата на Советот за безбедност, Тунижанец и Мароканец прикриле извештаи за страдањата на Србите, а во документите за жртвите муслимани додале неколку нули.. Медлин Олбрајт, поранешниот државниот секретар на САД, имала најголема заслуга што се спречила вистината за Србите да дојде до јавноста.

Според сведочењето на проф. Иванишевиќ, Србинките најмногу настрадале во Сараево. Некои од камповите во Босна и Херцеговина биле и  јавни куќи.

- Толку садисти и развратни умови излегоа на површина за време на таа војна, а нивното уживање беше слушањето на крикот и офкањето на жените и децата што ги убиваа - вели проф. Иванишевиќ.

The post Олбрајт во ОН ги скрила доказите за геноцид врз Србите во Сребреница appeared first on Република.

Eфраим Зуроф, познат ловец на нацистите изнесе свое видување на темата геноцид во контекст на резолуцијата за Сребреница во ОН.

Не секое воено злосторство е геноцид, а Сребреница е класичен пример, бидејќи сите жени и деца беа поштедени од силите на босанските Срби. Ако босанските Срби имаа намера да извршат геноцид, ќе ги убиеа сите босански муслимани собрани во Сребреница.Дефинитивно не треба да ја поддржиме резолуцијата која е закажана за гласање во Генералното собрание на Обединетите нации, бидејќи етикетирањето на Сребреница како случај на геноцид дополнително ќе ја ослабне и поткопува важноста на терминот, кој продолжува да служи како важно предупредување за човештвото за опасностите од војни и конфликти.

The post Најпознатиот ловец на нацистите тврди: Не е секое воено злосторство геноцид appeared first on Република.

Претседателот на Србија, Александар Вучиќ, допатува во Њујорк, каде што во следните пет дена се очекува да се вклучи во интензивна дипломатска активност фокусирана на две теми - шестмесечниот извештај на генералниот секретар на ОН за ситуацијата на Косово и предложената нацрт-резолуција за геноцидот во Сребреница, јави дописникот на МИА од Белград.

Извештајот на генералниот секретар на ОН за работата на УНМИК од 19 септември 2023 до 15 март 2024 година ќе се разгледува на состанокот на Советот за безбедност на ОН утре во седиштето на Обединетите нации.

Вучиќ претходно изјави дека извештајот што ќе биде презентиран тој ден не ја отсликува вистинската слика на теренот и дека е лош во однос на реалната состојба.

Друга тема е Нацрт-резолуцијата за Сребреница, за која ќе се гласа на 2 мај во Генералното собрание на Обединетите нации, соопшти РТС. Претседателот на Србија во Њујорк ќе се сретне со десетици претставници на земјите членки на Обединетите нации, како и со претставници на постојаните членки на Советот за безбедност на Обединетите нации. Целта на средбите ќе биде да се разјасни ставот на Србија во однос на предложената резолуција.

Вучиќ вчера во Белград во разговор со помошникот секретар на Бирото за европски и евроазиски прашања на Стејт департментот на САД, Џејмс О'Брајан рече дека ваквата резолуција ќе ги наруши односите во регионот и посочи дека предложената резолуција е усвоена како одлука на еден народ против друг во самата Босна и Херцеговина.

Претседателот на Србија изјави дека шансите на Србија се мали, но дека ќе се бори и посочи дека нема да има „толку многу победи за оние кои ја предложиле резолуцијата.

The post Вучиќ отпатува во Њујорк на седницата на Советот за безбедност на ОН за резолуцијата за геноцид во Сребреница и за состојбата на Косово appeared first on Република.

Претседателот на Србија, Александар Вучиќ ја коментираше одлуката на Македонија да биде еден од коспонзорите на резолуцијата за прогласување на 11 јули како Меѓународен ден на сеќавање на геноцидот во Сребреница. Вучиќ изјави дека предлог-резолуцијата за Сребреница, за која ќе се изјаснува Генералното собрание на Обединетите нации, е идеја на Германија која ја поддржале најмоќните членки на НАТО, вклучувајќи ги и САД.

„Сосема е сеедно на чие раководство е таа одлука, станува збор за Македонија, им благодариме на тоа, веројатно сме заслужиле со сè што направивме за пријателството со Македонија“, кажа Вучиќ.

Тој истакна дека многу повеќе земји ќе гласаат против резолуцијата, односно дека исходот од гласањето нема да биде онаков каков што очекува Западот.

The post Вучиќ: И благодарaм на Македонија за одлуката за Сребреница, веројатно сме заслужиле за сè што направивме за нив appeared first on Република.

Не стивнуваат реакциите по вчерашното скандалозно однесување на министерот за надворешни работи на ДУИ Бујар Османи кој работи спротивно на македонските интереси. Османи вчера ја презеде улогата на претседател на државата па самиот носи одлуки дали Македонија ќе излезе од регионални иницијативи како „Отворен Балкан“, дали имало геноцид во Сребреница. „Европски“ што би рекол Бујар во кампањата.

За изненадување е што конечно има реакција од помалиот коалициски партнер на власта СДСМ.Се огласи  вицепремиерот за европски прашања Бојан Маричиќ кој смета дека одговорноста за случувањата во Сребреница треба да биде индивидуална, а не колективна.

https://republika.mk/vesti/balkan/ekspert-za-holokaust-tvrdi-vo-srebrenitsa-nemashe-genotsid/

https://republika.mk/vesti/makedonija/po-kojznae-kojpat-osmani-dokazha-deka-e-kosovski-a-ne-makedonski-minister/

Од каде тоа Османи има информации за случувањата во Бањска на Косово па уште и ќе ги презентира на затворена седница на Влада.

И зошто на седница на Влада би се расправало за настан во друга држава која патем не е ни држава туку полу-протекторат.

https://republika.mk/vesti/makedonija/diplomatijata-kidnapirana-od-dui-2-200-gragani-ke-ostanat-bez-rabota-vo-srbija-preku-otvoren-balkan-poradi-bujar/

Тоа е работа на властите во Приштина и на државата Србија е не на Османи.

Oсмани вчера решаваше и меѓународни проблеми па дури и се пофали дека самиот одлучил Македонија да биде промотор на Резолуцијата што Обединетите нации. Османи треба да знае дека во Сребреница навистина се случија ужасни убиства, но за тоа одговорноста треба да биде индивидуална а не колективна.Затоа вистинскиот збор е воени злосторства а не геноцид.

The post На Маричиќ конечно му текна дека Османи работи против македонските интереси appeared first on Република.

Првиот вицепремиер за европски прашања Бојан Маричиќ, по објавата од шефот на дипломатијата Бујар Османи за коспонзорството на Македонија на резолуцијата на ОН за геноцид во Сребреница вели дека ставот на државава за Сребреница е јасно утврден со Декларација во Собранието во 2010 година.

Според Маричиќ, одговорноста треба да биде индивидуална, а не колективна.

-Ставот на Македонија е многу јасен и утврден со Декларација на Собранието уште на почетокот на 2010 година, тогаш едногласно нашето собрание ја поддржало резолуцијата на ЕП за Сребреница каде таа е осудена како геноцид. Меѓутоа треба да разграничиме две работи, едно е тоа во Сребреница, но таа дамка не може да се фрли врз целиот српски народ или Србија. Одговорноста кон Сребреница треба да се индивидуализира и затоа постојат меѓународни судови и трибунали, таа треба да биде со име и презиме за да во никој случај не биде доведена со цел народ или цела држава, изјави Маричиќ за ТВ Канал 5.

Во однос на најавата од Османи дека на седница на Владата ќе предложи излегување на државава од иницијативата Отворен Балкан, Маричиќ  порачува дека сите иницијативи од кои македонските граѓани имаат бенефит, мора да продолжат. Членството во Отворен Балкан, смета дека не треба да се политизира.

-Ние инсистиравме да остане таа иницијатива отворена и таа остана отворена. И се додека имаше и има поддршка од нашите стратешки партнери, треба во неа да партиципираме и да се фокусираме на конкретните придобивки без големи политички теми. Затоа што тие крупни политички теми блокираа други регионални процси и не донесоа ништо добро. Берлинскиот процес, Отворен Балкан и сите тие иницијативи ги гледаме како позитивни и треба од нив да извлечеме максимум, наместо да ги доведуваме во политички контекст, вели Маричиќ.

Министерот Османи, кој е и претседателски кандидат на ДУИ, претходно денеска изјави дека е изненаден од реакциите по објавата дека сме меѓу 17 држави кои ја коспонзорираат резолуцијата

-Не смееме да реагираме на оваа тема зашто ова прашање влегува во делот на негирање на геноцидот и тоа е строго забрането... Веќе има одлука на Меѓународниот суд на правдата што неделата во Сребреница ги имаат прогласено за геноцид и тие судски одлуки веќе ниту може да се коментираат, ниту да се интерпретираат. Република Македонија во 2010 година во Парламентот има донесено декларација со која се поддржува Европската резолуција за прогласување геноцид во Сребреница, изјави Османи во седиштето на Бошњачкиот демократски сојуз по учеството на панел-дискусија.

Тој претходно ги окарактеризира обвинувањата на албанската опозиција во однос на иницијативата Отворен Балкан како обид за стекнување ситни политички поени и најави дека на првата наредна седница на Влада на која иницијативата ќе биде тема, ќе предложи излегување од Отворен Балкан.

Во однос на Отворен Балкан, тој појасни дека тоа било повеќе идеја на премиерот на Албанија Еди Рама, како обид за помирување, односно, како што рече, „една егзит стратегија за Србија да може да воспостави односи со Косово, па и меѓусебно признавање“. Според него, по настаните во Бањска, во северниот дел на Косово, во септември лани, немало состанок или наше присуство на Отворен Балкан.

Консултациите за нацрт - резолуцијата за Сребреница почнуваат вечер по локално време на затворен состанок во седиштето на Светската организација, а ќе се гласа во Генералното собрание на ОН, на 2 мај.

The post Маричиќ: Ставот на Македонија за Сребреница е јасно утврден со Декларација во Собранието од 2010 година appeared first on Република.

Во Сребреница не се случи геноцид, туку воено злосторство,вели еден од најголемите светски експерти за холокаустот, Ефраим Зуроф и посочи дека денес, без никакво сомневање, овој термин се злоупотребува за политички цели, но и дека Генералното собрание на ОН не може да утврди што е геноцид.

Оригиналната дефиниција на зборот геноцид е обид да се уништи цел народ, тоа не се случи во Сребреница, тоа што се случи таму беше воено злосторство - рече Зуроф, кој е директор на Центарот „Симон Визентал“.

Зуроф смета дека најголемиот проблем е што Генералното собрание на ОН не е тело кое може да одредува што е геноцид.

- Тоа се луѓе кои претставуваат одредени земји кои се занимаваат со политика и понекогаш гласаат не за вистината, туку за политиката - прецизира Зуроф.

https://republika.mk/vesti/balkan/dachik-go-prasha-osmani-dali-ke-se-prikluchite-na-rezolutsija-na-srbija-protiv-hrvatska-za-genotsid/

The post Експерт за холокауст тврди: Во Сребреница немаше геноцид appeared first on Република.

Војислав Шешељ вели  дека има јасна разлика меѓу геноцид и криминал, и оти немало намера да се изврши геноцид во Сребреница.

- Сите треба да ја прочитате конвенцијата за геноцид, бидејќи тоа е уништување на национална, верска или расна група. Муслиманите од Сребреница не можат да се разликуваат од оние од цела Босна. Ниту една жена не е убиена, ниту еден старец и ниту едно дете не е убиено во Сребреница и немало намера да се изврши геноцид.

The post Шешељ: Немаше геноцид во Сребреница appeared first on Република.

Претседателот на Република Српска Милорад Додик изјави дека Босна и Херцеговина можеби нема да „преживее“ како единствена земја поради навестеното усвојување на резолуција за Сребреница во Генералното собрание на ОН.

„Сосема е можно оваа резолуција да помине, а таа е лоша, само ќе ги усложни односите во Босна и Херцеговина до целосна дисфункција. Поради одредбите на оваа резолуција, Босна и Херцеговина можеби нема да опстане како единствена земја“, изјави Додик за телевизијата „Русија 24“, пренесува Радио-телевизија РС (РТРС).

Тој рече дека „бошњачкиот дел“ на Мисијата на БиХ во ОН работи независно, без одлука на Претседателството на БиХ, на резолуцијата за Сребреница, која треба да биде претставена на седницата на Генералното собрание на ОН на 27 април.

РТРС, исто така, објави дека на крајот на април Додик ќе учествува на меѓународен безбедносен форум во Санкт Петербург, а во истиот град, но во јуни ќе учествува на економски форум, каде што очекува да се сретне со министерот за надворешни работи на Русија, Сергеј Лавров.

Дванаесетиот Меѓународен состанок на високи претставници задолжени за безбедносни прашања ќе се одржи во Санкт Петербург од 23 до 25 април, а Економскиот форум ќе биде од 5 до 8 јуни

The post А, таман добија датум за преговори: Дали резолуцијата на ОН за наводен геноцид во Сребреница ќе означи крај на Босна и Херцеговина appeared first on Република.