Не е тајна дека квалитетниот сон игра клучна улога во нашата целокупна благосостојба, но колку повеќе учиме за спиењето, толку повеќе учиме за тоа како тоа навистина влијае на телото.

За оваа студија, истражувачите сакаа подобро да ја разберат врската помеѓу спиењето и срцевите заболувања.

За да го направат ова, тие ги анализираа постоечките податоци за спиење од нешто повеќе од 88.000 возрасни лица во Велика Британија.

Времето кога учесниците заспале и се разбудиле се собирало во период од седум дена со помош на уред кој се носи на зглобот.

Истражувачите, исто така, администрираа различни прашалници за снимање на податоци за демографските, здравствените фактори и факторите на животниот стил.

По просечен период на следење од 5,7 години, тие повторно ги анализирале учесниците барајќи дијагнози поврзани со срцеви заболувања, како што се срцев удар, мозочен удар, срцева слабост и слично.

Во оваа студија, имаше време за спиење поврзано со помал ризик од развој на срцеви заболувања: помеѓу 22 и 23 часот.

Оние кои легнале на или по полноќ имале најголема веројатност да развијат срцеви заболувања, дури и ако ги земале предвид факторите како што се возраста, полот, времетраењето на спиењето, па дури и хронотипот на спиењето.

Поточно, легнувањето на полноќ или подоцна е поврзано со 25% поголем ризик од срцеви заболувања.

Важно е да се забележи дека овие наоди се пример за корелација, а не нужно причинско-последична врска.

Значи, без разлика дали сакате да се грижите за здравјето на вашето срце или само да го вратите распоредот за спиење во нормала, ова истражување покажува дека времето помеѓу 22 и 23 часот можеби е најдобро време за спиење, пишува MindBodyGreen.

The post Времето во кое си легнуваме влијае на здравјето на срцето appeared first on Република.

Четворица пациенти добија здрави органи и шанса за нов живот, откако вчера била направена уште една трансплантација на срце, црн дроб и бубрези од починат донор.

Во текот на вчерашниот ден е направена е уште една мултиорганска трансплантација на органи во којашто еден пациент доби срце, еден пациент доби црн дроб, двајца пациенти добија бубрези, а во наредните денови пациенти од Универзитетската клиника за ортопедија ќе имаат шанса да добијат и коскени ткива, соопштија од Министерството за здравство.

Министерот Илир Демири упати огромна благодарност до семејството на донорот коешто одлучи да ги донираат органите од нивниот близок и притоа да спасат најмалку четири животи.

По добиената согласност во вторникот, вчера во раните утрински часови започнаа трансплантациите на срце, црн дроб, бубрези и коскени ткива. Упатувам огромна благодарност до семејството на донорот кои повторно не потсетија на важноста, на емпатијата и на хуманоста и во најтешките моменти од животот. Нивната одлука денес значи нов живот за некого, од вчера спасуваме најмалку 4 животи. Дарувањето органи е највисокиот чин на алтруизам кои сите нас не прави подобри луѓе спасувајќи човечки животи. Голема благодарност и до сите медицински тимови кои овие 48 часа работат со пациентите и се грижат за нивното здравје“, истакнува Демири.

Од 2020 година досега трансплантирани се 11 срца, 4 црни дроба, 38 бубрези и 24 коскено ткива, вкупно 77 органи што живот значат.

The post Четворица пациенти добија здрави органи и шанса за нов живот, направена уште една трансплантација на срце, црн дроб и бубрези од починат донор appeared first on Република.

Срцевите заболувања се една од главните причини за смрт во светот, па затоа е важно навреме да се забележате предзнаците на овие болести. Постојат повеќе симптоми со чија помош може да се дознае можната присутна опасност – следат три од нив.

Според офталмологот д-р Одри Тај oд Калифорнија (САД), пред сѐ, треба да се внимава на жолтите испакнатини околу очите. Оваа појава медицински се нарекува ксантелазма. Поточно, тие жолти меури обично се признак на висок холестерол, којшто ја зголемува опасноста од кардиоваскуларни болести и може да предизвика мозочен, како и срцев удар, но и други состојби.

Жолтите грутки најмногу се појавуваат на и околу очните капаци, а можат да се појават и во средината на лицето. Сепак, тие не се болни и не влијаат на видот. Сепак, тие се знак дека можеби имате многу високо ниво триглицериди во крвта, па дури може да биде знак дека имате генетско нарушување кое предизвикува абнормални нивоа на липиди.

Ширењето на зениците поврзано со отчукувањата на срцето, може да биде знак за протекување на срцевиот залисток. Затоа, д-р Тај вели дека ова се случува кога крвта се испумпува од срцето преку аортната валвула, којашто ако не е цврсто затворена, дел од крвта истекува назад во срцето.

– Ова предизвикува поголема разлика меѓу Вашиот крвен притисок кога срцето ви се собира и крвниот притисок кога тоа се отпушта. Кога срцето се собира, зеницата се намалува, а кога се отпушта, таа се шири, појаснува докторката.

Ако се забележи пулсирање на зениците, треба да се посети лекар, поточно кардиолог, а пожелно е и првично консултирање со офталмолог кој ќе утврди дали окото пулсира.

– Од друга страна, и промените во мрежницата се симптом, но не можат да се видат „со голо око“. Оваа појава може да ја види само офталмолог при преглед. Многу е важно да правите редовни очни прегледи, особено ако имате над 40 години, боледувате од дијабетес или какви било фактори на ризик за или болести на срцето или крвните садови, дополни Тај.

Промената на мрежницата може да биде знак за ран дијабетес или висок крвен притисок, што се главни фактори на ризик за срцеви заболувања.

The post Очите говорат за проблемите со срцето appeared first on Република.

Направена е уште една трансплантација на срце и бубрези во земјава, соопшти Министерството за здравство.

Благодарение на хуманоста на едно семејство кое и покрај болката од загубата на член од семејството, успеа да собере храброст и да се одлучи да спаси не еден туку неколку животи, денес тројца пациенти добија здрави органи и шанса за нов живот, изјави министерот за здравство Фатмир Меџити.

Меџити упати огромна благодарност до семејството на донорот и изразува длабоко сочувство за нивната загуба, но и почит за нивната одлука, за нивната хуманост и храброст.

Живот може да се подари само ако за тоа имате доволно љубов и емпатија во себе. Благодарност и за целиот тим кој изминативе 24 часа без прекин работеше и сѐ уште работи на клиниките вклучени во трансплантацијата, вели министерот Меџити.

The post Тројца пациенти добија здрави органи и шанса за нов живот, направена уште една трансплантација на срце и бубрези од починат донор appeared first on Република.

Лоренс Фаусет, вториот човек на кој му беше извршена трансплантација на генетски модифицирано свинско срце, почина шест недели по експерименталната процедура.

Медицинскиот центар на Универзитетот во Мериленд, каде што е спроведена експерименталната процедура, објави дека во последните денови срцето почнало да покажува знаци на отфрлање, пренесува загрепски „N1“.

Последната желба беше максимално да го искористиме она што го научивме од ова искуство, за другите да добијат шанса за ново срце кога човечкиот орган не е достапен. Потоа на тимот од лекари и медицински сестри собран околу него му кажа дека не сака сите нас. Неизмерно ќе ни недостига, изјави Бартли Грифит од Медицинскиот факултет на Универзитетот во Мериленд, кој ја изврши експерименталната операција.

Лоренс Фаусет (58) првпат беше примен во болница на 14 септември откако претрпе срцева слабост, а шест дена подоцна беше подложен на експериментална трансплантација.

„Единствената вистинска надеж што ми остана е да одам со свинско срце, ксенотрансплантација“, рече Фаусет во болницата во интерно интервју неколку дена пред операцијата.

„Немаме никакви очекувања освен што се надеваме дека ќе поминеме повеќе време заедно“, изјави тогаш неговата сопруга Ен Фаусет.

Во неделите по трансплантацијата, лекарите известија дека тој постигнал значителен напредок, вклучително и учество во физикална терапија и поминување време со своето семејство. Еден месец по операцијата, лекарите рекоа дека веруваат дека неговото срце работи одлично и дека ги повлекле сите лекови за срце.

Во моментов, немаме докази за инфекција или докази за отфрлање“, рече тогаш Грифит.

Фаусет беше третиран со експериментален третман со антитела за дополнително да се спречи отфрлање на органот. Сепак, ова е „најзначајниот предизвик во традиционалните трансплантации кои вклучуваат човечки органи“, велат од болницата.

По смртта на нејзиниот сопруг, Ен им се заблагодари на сите вклучени во грижата за нејзиниот сопруг. „Лари го започна ова патување со отворен ум и целосна доверба во д-р Грифит и неговиот тим. Знаеше дека неговото време со нас е кратко и дека ова е неговата последна шанса да направи нешто за другите“, рече таа.

Според официјалните податоци, повеќе од 113.000 луѓе се на списокот за трансплантација на органи во САД, вклучувајќи повеќе од 3.300 луѓе на кои им треба срце. Групата „Donate Life America“ вели дека 17 луѓе умираат секој ден чекајќи донатор.

The post Почина и второто лице кое имаше трансплантација на свинско срце appeared first on Република.

Во болница во Лондон, кај 29-годишен Албанец, кој се пожалил на здравствени проблеми, при преглед е откриено дека неговото срце е на десната страна, а и другите органи биле на спротивна страна.

Според Ора њуз случајот го открил познатиот албански кардиохирург Кристо Папа, кој живее и работи во Лондон.

На пациентот кој има 29 години му беше констатирана дестрокардија и инверзии на абдоминалните органи од лево. Ова е редок случај, бидејќи во целиот свет може да има само пет до шест случаи на луѓе кои имаат ваков вид на телесни абнормалности, изјави доктор Папа во онлај врска за телевизијата.

Додава дека тој и колегите во болницата ќе го следат случајот со младиот човек “кој е своевиден феномен за лекарите” и посочува дека е потребна “голема внимателност и умешност при здравствените третмани”.

The post Докторите во шок: Срцето му е од десна страна, органите спротивно, млад Албанец е медицински феномен appeared first on Република.

Денеска на Клиниката за кардиохирургија била извршена трансплантација на срце од починат донор. Освен трансплантацијата на срце, на Клиниката за урологија се прават две трансплантации на бубрег, а во наредните недели пациенти со коскени тумори и тешки повреди ќе имаат можност за квалитетно лекување.

Рано утрово на Клиниката за државна кардиохирургија, 46 годишен пациент со тешка срцева болест доби срце од починат донор и нова шанса за живот. Во моментот, на Клиниката за урологија се прават две трансплантации на бубрег кај млади пациенти со бубрежна слабост кои беа долги години на дијализа. Дополнително во наредните недели пациенти со коскени тумори и тешки повреди ќе имаат можност за квалитетно лекување, објави Министерството за здравство на својот профил на Фејсбук.

МЗ искажа голема благодарност до семејството на донорот, до нејзинте три исклучително хумани ќерки кои во моменти на најголема тага одлучија да ги донираат органите и да спасат не еден, туку неколку животи.

Уште еднаш ни покажаа дека хуманоста и добрината се доблести кои треба да ги чуваме и негуваме. Би сакал да се заблагодарам и на уште едно семејство на младо момче кои вчера и покрај својата голема болка исто така изразија подготвеност да ги донираат органите.
Овие две семејства ја ставија емпатијата над сопствената болка и траума и благодарение на нив не еден туку неколку пациенти добија шанса за нов живот, вели министерот за здравство Белим Сали.

Во трансплантациите учестуваат лекари од клиниките за КАРИЛ, неврохирургија, кардиохирургија, урологија, нефрологија, кардиологија, трансфузиологија, рендген, ортопедија, како и до болничките координатори и до националниот координатор за трансплантација, кои заедно изминативе 24 часа работеа и се уште работат.

На пациентите кои добија орган и посакувам побрзо опоравување, напиша Сали.

The post Извршена уште една трансплантација: 46-годишен пациент со тешка срцева болест доби срце од починат донор appeared first on Република.

Во Универзитетските клиники Сен Лук во Брисел за првпат е извршена интервенција со катетер врз трилистниот залисток на срцето, јавува дописничката на МИА од Брисел.

Ова го соопштија денеска од универзитетската болница во Белгија. Лекарите успеале да заменат трилистен залисток на срцето на пациент со катетер за првпат во светот. Овој третман значи нова надеж за пациентите кои се премногу слаби и кревки за да претрпат хируршка интервенција, а не реагираат на медикаментозната терапија.

Трилистниот залисток е еден од четирите залистоци на срцето, а кога тој лошо функционира може да доведе до сериозни срцеви проблеми, и досега заболените се третираа само со хируршка интервенција или со лекови.

Интервенцијата е извршена на 22 август, јавува белгиската новинска агенција Белга, врз 84-годишна пациентка без отворање на тораксот, туку со катетер преку препоните до срцето.

Пациентката е дома, во добра состојба, соопштија од болницата.

The post На Клиника во Брисел првпат извршена интервенција со катетер врз трилистниот залисток на срцето appeared first on Република.

Новото истражување објавено во магазинот „Природа“ укажува на опасностите што дури и блага инфекција со коронавирусот може да ни ги донесе и една година по инфекцијата.

Студијата открива дека ефектот на вирусот може да биде катастрофален многу месеци по првичната инфекција, пренесува „Експрес“.

Станува збор за ризик од кардиоваскуларни проблеми по Ковид-19.

Написот во списанието цитира студија објавена претходно оваа година во која се користени записи од американското Министерство за ветерани за да се процени колку често Ковид-19 доведува до кардиоваскуларни проблеми.

Тие откриле дека луѓето кои биле заразени со коронавирусот се соочуваат со 20 отсто поголем ризик од кардиоваскуларни проблеми, вклучително и потенцијално опасни проблеми како што се срцев удар и мозочен удар.

Анализата на д-р Зијад Ал-Али, епидемиолог на Универзитетот Вашингтон во Сент Луис, и неговите колеги е еден од најсеопфатните напори да се карактеризира што се случува со срцето и кардиоваскуларниот систем по акутната фаза на Ковид-19.

Истражувачите споредија повеќе од 150.000 случаи кои закрепнаа од Ковид-19 со нивните неинфицирани врсници, како и со контролната група пред пандемијата.

Луѓето кои биле примени на интензивна нега со акутни инфекции имале драматично поголем ризик од кардиоваскуларни проблеми во текот на следната година.

За некои состојби, како што се отекување на срцето и згрутчување на крвта во белите дробови, ризикот се зголемил за најмалку 20 проценти во споредба со оние кои немале КОВИД-19.

Но, дури и луѓето кои не биле хоспитализирани имале зголемен ризик од многу состојби, почнувајќи од осум проценти зголемена стапка на срцев удар до 247 проценти зголемена стапка на воспаление на срцето.

За д-р Ал-Али, студијата обезбеди и повеќе докази дека Ковид може трајно да го промени здравјето на некои луѓе.

– Истражувањата покажуваат дека коронавирусот е поврзан со широк спектар на постојани проблеми, како што се дијабетес, трајно оштетување на белите дробови, па дури и оштетување на мозокот, пишува магазинот „Nature“.

Како и со овие состојби, д-р Ал-Али рече дека кардиоваскуларните проблеми што се јавуваат по инфекцијата со новиот коронавирус може да го намалат квалитетот на животот на една личност на долг рок.

The post Дури и „поблагата“ инфекција на Ковид-19 може да го зголеми ризикот од опасни болести неколку месеци по инфекцијата appeared first on Република.

Првиот човек на кој му беше пресадено срце од свиња почина два месеци по револуционерниот експеримент, соопшти денеска болницата во Мериленд, чии експерти ја извршиле оваа комплицирана процедура.

Дејвид Бенет (57) почина вчера во Медицинскиот центар на Универзитетот во Мериленд. Лекарите не ја наведоа точната причина за смртта, само рекоа дека неговата состојба почнала да се влошува неколку дена претходно.

Синот на Бенет ја пофали болницата што го понудила последниот експеримент, велејќи дека семејството се надева дека тоа ќе помогне во понатамошните напори да се стави крај на недостигот на органи.

Ние сме благодарни за секој иновативен момент, секој луд сон, секоја непроспиена ноќ вложена во овој историски напор, рече синот на Дејвид, Бенет Јуниор по операцијата во соопштението објавено од Медицинскиот факултет на Универзитетот во Мериленд.

Се надеваме дека оваа приказна може да биде почеток на надежта, а не крај.

Лекарите со децении се обидуваат еден ден да искористат животински органи за спасувачка трансплантација. Бенет, мајстор од Хагерстаун, Мериленд, беше кандидат за овој последен обид само затоа што инаку се соочи со сигурна смрт – тој беше несоодветен за трансплантација на човечко срце, приковани за кревет и апарати за спасување животи.

По операцијата на 7 јануари, синот на Бенет изјави за АП дека неговиот татко знаел дека нема гаранција дека ќе успее.

Претходните обиди за такви трансплантации – или ксенотрансплантација – беа неуспешни во голема мера затоа што телата на пациентот брзо го отфрлија органот од животните. Овој пат, хирурзите од Мериленд користеле генетски модифицирано свинско срце; Научниците го модифицирале животното за да ги отстранат гените од свињите кои предизвикуваат експресно отфрлање и додале човечки гени за да му помогнат на телото да го прифати трансплантираниот орган.

Во почетокот, свинското срце функционирало, а болницата во Мериленд периодично објавувала информации дека Бенет полека закрепнува. Минатиот месец болницата објави видео на кое се гледа како Дејвид Бенет го гледа „Супер Боул“ од болничкиот кревет додека паралелно вежба под надзор на физиотерапевт.

Многу сме погодени од смртта на господинот Бенет. Тој се покажа како храбар и благороден пациент кој се бореше до крај – изјави д-р Бартли Грифит.

The post Почина човекот на кого му беше трансплатирано срце од свиња appeared first on Република.

Болница во американскиот град Бостон одбива да му пресади срце на пациент зашто не е вакциниран против ковид-19. На 31-годишниот Ди Џеј Фергусон му е неопходно ново срце, но болницата го тргнала од својата листа, вели неговиот татко Дејвид.

Ковид вакцината е спротивна на неговите основни принципи и не верува во неа. Тој е преслаб за да го префрлиме во друга болница и времето ни истекува, изјави тој.

Од болницата кажаа дека ја следат својата стриктна политика.

Имајќи предвид дека постои недостиг на органи, чиниме сè за да обезбедиме пациент кој ќе добие пресаден орган да има најдобри шанси за преживување. Во нашата болница бараме кандидатите за трансплантација да бидат вакцинирани против ковид-19 за да се создадат најдобри услови за успешна операција и да се оптимизираат шансите за нивно преживување, имајќи предвид дека нивниот имунитет е значително нарушен, изјави портпаролот на болницата.

Фергусон, кој чека трето дете, е хоспитализиран од 26 ноември 2021 и страда од наследен срцев проблем кој предизвикува белите дробови да се полнат со крв и течност. Тој наводно стравувал дека вакцината може да предизвика срцево воспаление, што е наведено како крајно редок спореден ефект на вакцините.

Според Артур Каплан од медицинското училиште „Гросман“ во Њујорк, по секое пресадување органи, имунолошкиот систем на пациентот е толку ослабнат што и обична настинка може да биде смртоносна.

The post Болница во Бостон одбила да му пресади срце на пациент бидејќи не бил вакциниран против ковид appeared first on Република.

За првпат во историјата на маж му е пресадено свинско срце! Операцијата се случила во болница во Балтимор, Мериленд. Пациентот кој доби трансплантација на срце од генетски модифицирана свиња засега се чувствува добро, но според хирурзите е рано да се даваат долгорочни прогнози.

Дејвид Бенет (57) влегува во историјата како првиот човек кому му била пресадено свинско срце, а бил на работ на смртта во времето кога лекарите се решиле на овој чекор.

Бенет бил на апаратите со месеци и неговото срце било толку оштетено што мислел дека нема да ја преживее операцијата. Исто така, во претходниот период не го послушал лекарскиот совет, не земал терапија и не доаѓал на прегледи.

Знаев дека ова е мојата последна шанса и сакам да живеам. Шансите се мали, но ова е мојата последна шанса. Или ќе умрам или ќе ме оперираат, рекол Бенет пред да биде ставен под анестезија.

Операцијата е направена во петокот, а Бенет засега закрепнува, се чувствува добро и дише без респиратор.

Операцијата покажа дека трансплантацијата на срцето на генетски модифицирано животно не предизвикува итно отфрлање на органите, рекоа неговите лекари, свесни за ризикот од умирање на Бенет бидејќи вакво нешто никогаш не е направено и неблагодарно е да се даваат предвидувања.

Сепак, постои надеж дека доколку овој случај успее, во иднина ќе се реши хроничниот недостиг на органи за трансплантација.

The post Првпат во историјата срце од свиња пресадено на маж appeared first on Република.

Министерот за надворешни работи Бујар Османи e упорен да протне дипломати по мерка за претседавањето на Македонија со ОБСЕ во 2023 година. Откако сакаа срцето на потенцијалниот кандидат да е критериум да биде испратен на мисија сега сакаат спротивно од законот за МНР,  дипломатите две години најмалку да биле во Скопје во МНР од завршувањето на претходниот мандат.

https://republika.mk/vesti/makedonija/mnr-saka-da-postavuva-diplomati-koi-so-srceto-kje-pripagjaat-onamu-kade-kje-gi-pratat-za-da-nemozat-da-bidat-vrateni/

Тој  на денешната прес-конференција изјави дека опозицијата со 180 амандмани го блокира предлогот кој се однесува на еден член од Законот за надворешни работи, кој претставува ограничување при селекцијата на дипломати за претседавањето со ОБСЕ. Односно, според тој член, за еден дипломат да замине на мисија треба од завршувањето на претходната мисија, да има престој од 24 месеци во Министерството за надворешни работи, до следниот мандат.

– За да го објаснам контекстот, за да се испратат дипломати на тригодишен мандат, покрај другите критериуми, треба да исполнат уште еден критериум, а тоа е две години најмалку да биле во Скопје во МНР од завршувањето на претходниот мандат. Значи 24 месеци требало да поминат од враќањето од претходниот мандат. Бидејќи претседавањето со ОБСЕ е вонредно, една вонредна специјална мисија во која што дипломатите ќе одат не на цел мандат, туку на 14-15 месеци и за да не бидеме ограничени во изборот на дипломати коишто ќе ги испратиме, затоа пратениците откако им ја објаснивме оваа проблематика, предложија измени на еден став, односно за претседавање како што е ОБСЕ, односно за вакви специјални мисии, да не важи ограничувањето 24 месеци, наведе Османи.

Тој додаде дека и покрај тоа што опозицијата била информирана навреме, сепак поднеле 180 амандмани.

– Опозицијата беше информирана навреме, затоа што јас ги информирав и претставниците на опозицијата и претставниците на Владата. Претставниците на Владата прифатија да помогнат во овој процес, претставниците на опозицијата иако не најавија дека имаат каква било забелешка, сепак излегоа со 180 амандмани, од кои некои смешни, провокативни, само да го блокираат процесот којшто нема врска со никаков владин, партиски, политички интерес. Едноставно да можеме да ги избереме најдобрите за најголемиот надворешно-политички предизвик и привилегија што ја има државата. Ваква можност немала една мала држава, да раководи организација од 57 земји-членки каде што се и САД, и Русија и најголемите држави во светот и ние ќе ја претстедаваме таа Организација во текот на цела година, вклучувајќи како копретседавачи една година порано. Тоа беше целта на таа измена. Се надевам дека ќе можеме сега да пристапиме понатаму кон овие измени за да ги создадеме сите логистички предуслови за едно ефикасно претседавање, истакна Османи.

Македонија стана дел од триото претседавачи на ОБСЕ или познато како ОБСЕ тројка, заедно со сега веќе минатогодишниот претседавач Шведска, како и актуелниот претседавач за оваа година Полска. Со тоа и формално започнуваат и нашите обврски поврзани со претседавањето во 2023 година со најголемата регионална безбедносна организација ОБСЕ во која членуваат 57 земји, плус 11 медитерански и азиски земји партнери на Организацијата.

The post Виновна му е опозицијата: Османи упорен да протне во ОБСЕ дипломати кои не ги исполнуваат критериумите appeared first on Република.