Од денеска стапува во сила безвизниот режим при влез во ЕУ за Србите од Косово кои имаат српски пасоши, пренесува 4news.mk.

Ова произлегува од Регулативата која беше објавена на 23 септември во Службениот весник на ЕУ и која предвидува стапување во сила во рок од 20 дена.

„Оваа регулатива е целосно обврзувачка и директно применлива во земјите-членки во согласност со договорите“, се наведува во документот.

Европскиот парламент и Советот на ЕУ на 18 септември потпишаа декрет за укинување на визите за Србите од Косово со пасоши издадени од Координативната администрација на Република Србија.

Целиот овој процес траеше околу една година.

The post Србите од Косово од денеска без визи во ЕУ appeared first on Република.

Овој трошок за граѓаните на Србија, но и за државјаните на останатите членки на ЦЕФТА договорот, треба да се укине, вели за Курир, Здравко Илиќ, експерт за трговија со услуги во Секретаријатот на ЦЕФТА воБрисел.

Србија ја искористи својата улога на претседавач со ЦЕФТА, која ја сочинуваат Албанија, Босна и Херцеговина, Македонија, Молдавија и Црна Гора и кога ќе биде усвоен овој предлог, тоа ќе биде голем успех на српското претседателство.
Поседувањето на зелен картон за осигурување е денес задолжително при влез и на територијата на Русија, Белорусија, Украина, Турција, Израел, Иран, Тунис и Мароко.

Нашиот план е во наредните две години да го отстраниме административниот трошок за зелениот картон во регионот, кој го имаат сите наши државјани при влез на пример во Македонија. Иако веќе имаат платено осигурување за своето возило, сепак мораат да издвојат одредена сума. Притоа, не плаќате никакво осигурување, туку добивате потврда дека имате осигурување, истакнува Илиќ.

Илиќ објаснува дека, ако патувате на пример на Исланд преку Унгарија, никој нема да ви побара зелен картон, но ако сакате да одите на море во Грција, не можете да поминете низ Македонија без овој документ: Направивме план и го ставивме на маса. Се надеваме дека ќе биде усвоен. Дадовме рок од две години, но мислам дека може да се случи и порано. Во принцип, сѐ е договорено, а на претстојниот министерски состанок во декември сѐ треба да биде официјално потврдено. Сѐ започна во Софија во 2020 година, а укинувањето на зелениот картон не беше предлог на Секретаријатот, туку на една од владите на земјите-членки на ЦЕФТА.

Ние понатаму ја анализиравме состојбата и разговаравме со Европската асоцијација за осигурување на возила затоа како може да се реши овој проблем. Во Србија тоа е дел од регистрацијата, но не е така во сите земји. Има земји каде што регистрирано возило не значи автоматски и осигурено. Нивниот систем едноставно не функционира така, вели Илиќ.

Предлогот, како што тврди тој, е договорен во форма на препорака на Заедничкиот комитет на ЦЕФТА.

The post Србите ќе патуваат без зелен картон во Македонија appeared first on Република.

Косовските Срби најавија за денеска протест во северно Косово поради, како што беше објавено во повикот на организаторите, „лошата состојба на српскит народ“ во земјата, јави дописникот на МИА од Приштина.

Протестот е свикан за во 11 часот на плоштадот „Цар Лазар“ во Северна Митровица“.

Полицијата е известена за протестот и ќе биде присутна за да се погрижи ситуацијата да не излезе од контрола, иако не се очекуваат проблеми.

Група граѓани го најави протестот за во 11:00 часот, кој е предвиден да се одржи на плоштадот „Цар Лазар“. Се очекува протестот да биде мирен, а полицијата ќе биде во доволен број за да го одржува јавниот ред и мир, иако не очекуваме никакви проблеми, изјави заменик-директорот на косовската полиција за северниот регион, Ветон Елшани.

Овој протест во вторник го спомена и српскиот претседател Александер Вучиќ, кој рече дека Србите ќе реагираат на намерата на властите во Приштина да го отворат мостот на реката Ибар, кој ги поврзува јужнјуот и северниот дел на градот Митровица.

Изминативе денови имаше јасни повици од меѓународната заедница за неотворање на овој мост. Мисијата на НАТО во Косово, КФОР, се закани дека ќе реагира доколку се преземат активности за негово отворање без претходен договор со Србија. Реакции имаше и од амбасадорите на земјите од групата Квинта и од ЕУ.

Министерот за внатрешни работи Џељаљ Свечља во вторникот го посети косовскиот север, инсистирајќи дека мостот треба да се отвори за сообраќај на возила.

The post Косовските Срби ќе протестираат денеска во Северна Митровица appeared first on Република.

Двајца Срби, поранешни членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција, пренесува „Телевизија Стар“.

Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.

По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.

The post Уапсени двајца Срби, поранешни членови на „Пинк Пантер“ – ограбувале златарници во Атина appeared first on Република.

На денешен ден - 22 април, 1945 годинаа, затворениците во усташкиот логор Јасеновац се дале во очајнички јуриш врз стражарите со цел да дојдат до слобода, при што од 1.073 луѓе, само 169 успеале да побегнат.

Логорот Јасеновац беше најголемиот логор на смртта во тогашната фашистичка Независна држава Хрватска. Во таа најголема „фабрика на смртта“ на Балканот, усташите убија стотици илјади Срби.

Логорот е формиран во август 1941 година, а го дизајнираше еден од најголемите воени злосторници од таа ера, Макс Лубуриќ, кој беше и првиот командант на логорот.

Кампот бил уништен од усташите во април 1945 година со цел да ги сокријат трагите од своите злосторства.

https://republika.mk/vesti/balkan/novi-tenzii-megu-srbija-i-hrvatska-otkako-srpski-minister-bil-izbrkan-od-jasenovats/

„Работниот логор Јасеновац“, како што го нарекува хрватската државна управа, бил убиствен терен за Србите од сите возрасти, полови, возрасти, социјални, образовни и други профили.

Професор Гидеон Грајф, историчар специјализизран за Холокаустот и автор на исклучително значајната монографија „Јасеновац - Аушвиц на Балканот - Усташка империја на суровоста“ наведува дека: „Јасеновац бил далеку побрутален од Аушвиц“.

Во процесот на „прочистување на хрватската нација“ спроведуван во логорот, беа убивани и деца, заедно со возрасните. Во текот на четири години, помеѓу април 1941 година и мај 1945 година, во усташката НДХ биле убиени 73.316 деца. За време на Втората светска војна, единственото место во цела Европа каде што имало специјални кампови за деца беше тогашната Независна Држава Хрватска.

Од декември 1941 до април 1942 година, усташите убија 19.544 момчиња и девојчиња од српска националност. Според сведоштвата, ги убивале на најстрашни начини, а децата умирале и повеќе од возрасните од болести, глад, жед и смрзнување.

Хрватската национална комисија, формирана во 1945 година, во својот извештај до Меѓународниот воен суд во Нирнберг наведува дека бројот на жртвите бил меѓу 500.000 и 700.000 луѓе.

Германските генерали од Втората светска војна, пак, даваат различни податоци за бројот на убиени Срби во НДХ, но сите споменуваат стотици илјади жртви.

Во 1943 година Александар Лер зборувал за 400.000 убиени Срби, Лотар Рендули, германски генерал, наведува дека биле убиени околу „500.000 православни“, генералот Херман Нојбахер споменува „повеќе од 750.000 убиени“, а Ернст Фик спомнува борјка од 600.000.

The post Јасеновац – единствениот логор во Европа со специјален камп за деца: На денешен ден 1.073 логараши тргнаа во крвав пробој за слобода appeared first on Република.

The post Беа уништени и запалени 900 куќи и 39 цркви и мантастири: Две децении од погромот на Србите на Косово appeared first on Република.

Србите во Северна Митровица денеска (12 февруари) протестираат поради одлуката на косовските власти еврото да биде единствена валута за плаќање во Косово.

Протестот се одржува во близина на главниот мост на реката Ибар, а демонстрантите се од сите општини во кои живее српска заедница.

На мостот на Ибар се присутни припадници на косовската полиција и припадници на мировната мисија на НАТО на Косово, КФОР.

„Одлуката да се укине динарот, да ни се оневозможи да ги подигнеме заслужените пензии, буквално значи дека ни се укинува лебот, ни се укинува животот“, им порача на насобраните Душанка Ќоровиќ во име на пензионерите.

The post Србите во Северна Митровица протестираат против забраната на динарот appeared first on Република.

Во понеделник во 12 часот во Косовска Митровица, Србите од Косово ќе одржат голем јавен протест со кој сакаат да го свртат вниманието на светската јавност и меѓународната заедница на нивната обесправена состојба, особено поради одлуката на официјална Приштина и Албин Курти да го укинат динарот со што, како што велат, им се загрозува опстанокот и опстанокот во нивните огништа.

Од Здружението на пензионери, чии претставници го најавиле собирот до надлежните органи, велат дека на митингот во понеделник очекуваат голем број нивни сонародници, здравствени работници, просветни работници, социјално загрозени, студенти и млади, со еден збор „сите оние чија егзистенција е директно загрозена со нефер мерките на Приштина“.

Ова ќе биде наш заеднички мирен апел и митинг да му покажеме на целиот свет дека може да го види нашето страдање и обесправување. Митингот ќе се одржи во 12 часот во околината на плоштадот Браќа Милиќ“, посочуваат од Здружението.

The post Масовен протест на Србите во Косовска Митровица: Светот нека ги види нашите маки appeared first on Република.

Во Милано полицијата уапси двајца државјани на Србија на возраст од 56 и 66 години, кои се осомничени дека се извршители на бројни кражби извршени во периодот од октомври до декември во златарници, хотели и луксузни продавници во модниот кварт со проценет плен од 450 илјади евра.

Истрагите се започнати по кражбата на ланче од 123.000 евра од златарница, а истите лица од хотелот „Четири годишни времиња“ украле 10 шишиња вино во вкупна вредност од 200.000 евра – пренесуваат италијанските медиуми и додаваат:

На почетокот на ноември двајцата заедно со трет соучесник извршиле уште една кражба во златарница во склоп на друг хотел од каде одзеле ланче од 100.000 евра.

Според нив, последниот напад бил кога било украдено шише шампањ „Дом Перињон“ вреден 3.200 евра.

Сторителите се идентификувани, а додека двајца се уапсени, а има потрага по уште две лица, но не се знае дали и тие се државјани на Србија, велат истражителите.

The post Срби ограбувале златари и хотели во Милано, собрале 450.000 евра, само на шишиња вино „заработиле“ 200.000 евра appeared first on Република.

Првиот вицепремиер и министер за надворешни работи на Србија, Ивица Дачиќ, денеска во Скопје, за време на своето обраќање на Министерскиот совет на ОБСЕ, изјави дека Србите на Косово се соочуваат со сè потешки форми на институционална и верска дискриминација, закана за безбедноста и економската неизвесност.

Како што рече, безбедносната состојба во Косово е причина за длабока загриженост.

„Верувам дека само силно меѓународно присуство, кое ги почитува меѓународните правни документи, може да гарантира безбедност за сите граѓани. И покрај упорното одбивање на Приштина да ги исполни своите долгогодишни обврски, Белград останува посветен на процесот на дијалог, кој се води според покровителство на Европската Унија и очекува дека сите договори досега ќе бидат спроведени без натамошно одлагање“, рече Дачиќ.

Министерот изјави и дека Србија останува посветена на членството во Европската унија, како нејзин главен надворешнополитички приоритет.

Кога станува збор за ОБСЕ, Дачиќ оцени дека има проблеми во функционирањето на таа организација, неможноста да се постигне консензус за клучните прашања и опасноста ОБСЕ да влезе во нова институционална криза.

„Климата на растечка недоверба, која доведе до отсуство на суштински дијалог меѓу земјите-учеснички, се заканува да го засени сето она што го постигнавме во текот на речиси половина век постоење. Република Србија, од своја страна, ќе продолжи да биде конструктивен партнер и дава целосен придонес во зајакнувањето на организацијата“, рече Дачиќ.

Како што вели, убеден е дека денеска сите заедно ќе покажат доволно мудрост и политичка волја за да се надмине сложената ситуација во која се наоѓа организацијата.

Првиот вицепремиер и министер за надворешни работи на Србија, Ивица Дачиќ, денеска во Скопје, каде се одржува 30. Министерски совет на ОБСЕ, изјави дека Косово никогаш нема да стане членка на таа организација.

Коментирајќи ги наводите дека Албанија побарала Косово да биде членка на ОБСЕ, Дачиќ рече дека, за среќа, одлуките во таа организација се носат со консензус.

„Косово никогаш нема да може да стане членка на ОБСЕ бидејќи Србија нема да се согласи со тоа“, рече Дачиќ.

Како што рече, денеска во Скопје многупати се споменуваше прашањето за територијалниот интегритет, но Србија не може да прифати дека територијалниот интегритет на Украина или која било друга земја е поважен од територијалниот интегритет на Србија.

„Лицемерно е некој овде да зборува за потребата од заштита на принципот на територијален интегритет и отворено да предлага кршење на принципот на територијален интегритет на Србија“, рече Дачиќ.

The post Дачиќ од Скопје: Србите во Косово се загрозени и дискриминирани appeared first on Република.

Српскиот претседател денеска во Пекинг изјави дека ќе поддржи каква било одлука на Србите во Косово во врска со изборите.

„Ќе ја поддржам секоја одлука на Србите со Косово и Метохија, треба да бидете со својот народ кога е тешко, никого не терам, но мислам дека околностите се сменија и дека треба да размислуваат за избори. Погледнете го лицемерието од другата страна“, изјави српскиот претседател Александар Вучиќ.

Александар Вучиќ во Пекинг изјави дека утре во присуство на претседателот Си Џинпинг ќе биде потпишан договор за слободна трговија со Кина во кој ќе бидат вклучени 10.412 српски тарифни ставки, односно производи и 8.930 од кинеска страна, и најави дека договорот ќе влезе. во сила до мај или јуни.

Вучиќ ја предводи српската делегација составена од бројни министри во Владата на Србија каде во Пекинг ќе учествуваат на третиот Форум „Појас и пат“.

The post Вучиќ ќе подржи каква било одлука на Србите од Косово appeared first on Република.

Министерот за одбрана на Србија, Милош Вучевиќ оцени дека состојбата на Косово е во најмала рака вознемирувачка и дека животот е неодржлив за Србите.

Како што рече, од доаѓањето на косовскиот премиер Албин Курти на чело на приштинските институции, бројот на Србите на Косово е намален за 11 отсто и стравува дека овој тренд ќе продолжи.

Имаме искрено воодушевување од сите Срби кои останаа и преживуваат на Косово сите овие години, рече Вучевиќ во изјава за медиумите.

The post Вучевиќ: Состојбата на Косово е вознемирувачка, а животот на Србите е неодржлив appeared first on Република.

Нов инцидент се случи на Косово. Елитната единица на косовскиот премиер Албин Курти направи хаос во Зубин Поток и претепа тројца млади Срби.

Три српски млади момчиња се претепани во Горње Вараге во општина Зубин Поток, дознава Косово онлајн.
Претепани се М.Р., М.С., и М.Ј., кои на локалниот пат кон дома ги пресретнале припадници на ФИТ. Медиумот пренесува дека полицајците ги навредувале и пцуеле момчињата. Членови на ФИТ ги обвиниле дека илегално го преминале административниот премин, по што ги собориле на земја и ги претепале.

Неодамна во Бањска во северно Косово вооружена група уби косовски полицаец, а загинаа и тројца Срби од групата.

The post Нов инцидент: Косовската полиција претепала тројца млади Срби во Зубин Поток appeared first on Република.

Солзи и плач од семејствата, пријателите и соседите кои денеска треба да ги погребат тројцата убиени Срби во Бањска.

Денеска тажните поворки во Врњачка Бања и Лепосавиќ, треба да ги испратат во вечното почивалиште  Стефан Недељковиќ, Бојан Мијаиловиќ и Игор Миленковиќ,

Стефан Недељковиќ ќе биде погребан во Врњачка Бања, а граѓаните се поканети да се соберат на пумпата „Кнез Петрол“ на ова место во 11 часот.

Бојан Мијаиловиќ ќе биде погребан во 12 часот на локалните гробишта во Лепосавиќ, а во 14 часот на истото место во селото Граничане ќе биде погребан Игор Миленковиќ.

Инаку Недељковиќ, Мијаиловиќ и Миленковиќ беа убиени во конфликт меѓу локалните Срби и таканаречената косовска полиција на 24 септември во селото Бањска, на северот на Косово и Метохија.

Нивните тела дури вчера ги однеле нивните семејства од Институтот за судска медицина во Приштина, од каде биле пренесени во капелата во Рударе кај Звечан.

Сине, сине,како мајка те дочекува - запомагала една мајка, додека најблиските ги превземале телата од судска медицина во Приштина вчера околу 15 часот.

Во конфликтот во Бањска загина и Африм Буџаку, припадник на косовската полиција.

The post Сине, сине, како мајка те дочекува: Денеска погреб на Србите убиени во Бањска appeared first on Република.

Во Институтот за судска медицина во Приштина денеска е завршена обдукцијата на телата на тројцата убиени Срби за време на вооружениот конфликт на 24 септември во Бањска кај Звечане, по што семејствата на загинатите денеска ги презедоа нивните тела, јави дописникот на МИА од Приштина.

Еден од правните застапници на семејствата на убиените Срби при преземањето на телата изјави дека резултатите од обдукцијата ќе бидат познати за 15 дена.

Пред Институтот за судска медицина во Приштина беа присутни и адвокати на семејствата на жртвите и припадници на косовската полиција.

Во судирот на вооружена група Срби со косовската полиција во Бањска, кој настана откако беше убиен косовскиот полицаец Африм Буњаку, беа убиени тројца од неколкуте десетици напаѓачи.

Медиумите објавија дека станува збор за лицата Стефан Недељковиќ, Игор Миленковиќ и Бојан Мијаиловиќ, сите тројца државјани на Косово, со тоа што Миленковиќ и Мијаиловиќ имале и српско државјанство. Недељковиќ е жител на Звечане, додека другите двајца се од Лепосавиќ.

The post Семејствата на загинатите Срби во северно Косово ги презедоа телата во Приштина appeared first on Република.

Специјалното обвинителство на Косово соопшти дека денеска е уапсен етнички Србин осомничен за воени злосторства во последната војна во Косово, јави дописникот на МИА од Приштина.

Уапсениот М.П. се сомничи дека учествувал во убиството на тројца цивили од албанска националност во Призрен во 1998 година.

По наредба на обвинителот на случајот, на осомничениот му е одредена мерка притвор, со цел во законски предвидениот рок да биде изведен пред судија во претходна постапка.

Специјалното обвинителство на Република Косово информира дека по интензивна истражна работа на косовската полиција, Управата за истрага на воени злосторства и по овластување на Специјалниот обвинител, е уапсен осомничениот со иницијали М.П., од српска националност, државјанин на Косово и на Србија, поради постоење основно сомневање за сторено кривично дело „Воено злосторство против цивилното население“... Против истото лице е поднесена кривична пријава со сомнение дека во септември 1998 година во населбата „Хоќа Маало“ во Призрен учествувал во убиството на три цивилни лица од албанска националност, кои не биле вклучени во војната, се наведува во соопштението.

На 20-ти овој месец во северно Косово беа уапсени тројца етнички Срби, исто така обвинети за воени злосторства во војната во 1998-99 година. На тројцата им е одреден по 30-дневен притвор.

The post Уапсен Србин осомничен за наводни воени злосторства во 1998 година во Призрен appeared first on Република.

Специјалното обвинителство на Косово соопшти дека ослободило четворица осомничени за случајот во Бањска во Звечан, бидејќи според нив немало доволно докази за нивната вмешаност во случајот, објави приштинска Коха.

Како што соопштија од Обвинителството, осомничените се уапсени далеку од местото на настанот.

Ве информираме дека четирите лица кои беа уапсени за време на акцијата на косовската полиција, во селото Бањска во општина Звечан, далеку од местото на настанот, вчера беа ослободени од Специјалното обвинителство на Република Косово во отсуство на докази од косовската полиција, соопшти Обвинителството, пренесува Коха.

Косовската полиција уапси осум лица во врска со вооружениот напад што се случи во неделата во Бањска во Звечан, каде беше убиен наредникот на косовската полиција Африм Буњаку.

The post Ослободени четворица уапсени Срби: Нема докази за нивна вмешаност во случајот appeared first on Република.

Основниот суд во Приштина им изрече мерка притвор во траење од по 30 дена на тројцата Срби уапсени за „воени злосторства врз цивилното население“ во војната во Косово во 1998-99 година, потврди тимот на одбраната на осомничените.

Како што јави дописникот на МИА од Приштина, еден од адвокатите на обвинетите во четвртокот пред медиумите изјави дека неговиот клиент е обвинет за кривични дела, но не е јасно за што се работи.

Тие се товарат за кривично дело воено злосторство. Но, да ви кажам право, од оправданоста на барањето за определување притвор не можеше да се види кој за што конкретно се товари, што се случило и кога, како и зошто овие луѓе го имаат ова обвинение. И претходно кажав, вакво збунувачки, нејасно, непрофесионално и лошо барање притвор не сум видел во моето 28-годишно адвокатско работење, рече адвокатот Љубомир Пантовиќ.

Според адвокатот, барањето за притвор е „тотално незаконско, нејасно и непрофесионално“, додека еден од уапсените има здравствени проблеми.

За жал, судијата прифати конфузно, лошо, празно и непрофесионално изготвено барање за притвор, кое е изготвено незаконски, без факти, без докази и во оваа прилика сакам да кажам дека, за жал, Специјалното одделение на Основниот суд во Приштина, кое е надлежно за процесуирање на воени злосторства, нема доволно моќ, ниту волја и желба да ги спроведе овие дејствија во согласност со Законот, изјави Пантовиќ.

Според него, Судот не го зел предвид ниту мислењето на лекарот на еден од осомничените дека „притворот драстично ќе му ја влоши состојбата“.

Значи, медицината кажа дека не е за притвор, но, за жал, судијата одлучи како што одлучи, додаде адвокатот.

Лицата И.Е, Д.М. и З.К. беа уапсени од косовската полиција во средата во северно Косово.

Портпаролот на Европската Унија, Петер Стано, денеска изјави дека е во контакт со косовските власти за да има повеќе информации за нивното апсење.

The post Тројцата Срби уапсени на Косово за наводни воени злосторства добија еден месец притвор appeared first on Република.

Косовската полиција соопшти дека денеска уапсила лице од српска националност, за кого постои сомневање дека извршил воени злосторства за време на војната во Косово во 1998-99 година, јави дописникот на МИА од Приштина.

Според полициското соопштение, 69-годишниот Србин, со иницијали Ж.З., во времето за кое се сомничи дека ги извршил злосторствата врз цивили Албанци, бил шеф на полициска потстаница во селото Ракош во општина Исток.

Апсењето на Ж.С. уследи ден откако, под истото обвинение, беше приведен и неговиот надреден, односно шефот на полицијата во Исток, Момир Пантиќ.

- Полициските истражители од Управата за истражување на воени злосторства (ДХКЛ) успеаја денеска, 05.08.2023, околу 12:30 часот, во селото Љубожде, општина Исток, да го локализираат и уапсат осомничениот Ж.З., роден 1954 година, за кого постои сомневање дека го извршил кривичното дело „Злосторства против цивилното население“, извршено во текот на 1998-99 година во општина Исток. Уапсениот е приведен во седиштето на ДХКЛ, каде што ќе се интервјуира во присуство на негов адвокат, се вели во полициското соопштение.

Во петокот, 4 август, косовската полиција на граничниот премин Мердаре, при влез во Косово од Србија, го уапси и поранешниот шеф на полициската станица во Исток, Пантиќ, исто така осомничен за воени злосторства врз цивилното население во војната од 1998-99 година

The post Во Косово упасени двајца Срби осомничени за воени злосторства во 1998-99 година appeared first on Република.

Српскиот министер за надворешни работи, Ивица Дачиќ, го изрази својот револт од одбивањето на Бугарија „да го признае постоењето на српско национално малцинство“ во оваа земја.

„Бугарија не ги признава националните малцинства, но од друга страна толку многу протестира за лошата состојба на Бугарите во Србија. И тоа е веќе точно… Но кога ќе им кажеме, а и на Србите во Бугарија, тогаш тие одговараат: нема Срби во Бугарија. Ах, тоа значи дека велиме дека нема Бугари во Србија. Тогаш нема проблеми со бугарското национално малцинство“, рече Дачиќ во утринската емисија „Ново јутро“.

Бугарските медиуми оваа негова изјава ја пренесуваат како уште една провокација на Дачиќ во однос на Бугарија.

„За какви внатрешни работи се зборува денес во Европската Унија. некои Бугари кои се само во Србија 0,26 отсто од нашето население. Толку има Бугари во Србија. Но, на секој состанок на Европскиот совет, Бугарија го поставува прашањето за правата на бугарското национално малцинство?, изјави Дачиќ на почетокот на јануари 2020 година на српската државна телевизија, потсетуваат бугарските портали.

Бугарската агенција БГНЕС пишува дека „за само неколку децении бугарското малцинство во „западните покраини“ било буквално уништено. Од над 120.000 луѓе претходно, сега брои околу 20.000 и живее во крајна беда“.

The post Дачиќ: Ако во Бугарија нема Срби, тогаш нема ниту Бугари во Србија! appeared first on Република.