Денеска сме повторно тука во Куманово заедно со кандидатите за пратеници од Куманово, заедно со Бобан, со Бране, со Мартина, го започна говорот Владо Мисајловски, потпретседател на ВМРО-ДПМНЕ и носител на изборна единица 2.

Ќе имаме еден убав настан, може и да видите позади нас, многу народ насобран, да зборуваме за позитивни и убави нешта, да зборуваме за нашата „Платформа 1198“, каде што има прекрасни проекти. Каде што ќе зборуваме за 50 милиони евра во наредниот период директно за културата, 50 милиони евра директно за спортистите. Каде што ќе зборуваме за проектот „Купи куќа за млади“, за повисоки пензии, за повисоки плати, за над две милијарди евра во инфраструктурата. Секоја година по 250 милиони евра за сите општини во Македонија односно за една позитивна и убава Македонија, рече Мисајловски.

Тој додаде, сакаме да ги поканиме сите граѓани да ни се приклучат за да ја погледнат нашата програма и да се пронајдат во нејзе. И се разбира да ја дадат поддршката за ВМРО-ДПМНЕ на осми мај, но претходно се разбира и на 24-ти април за нашата професорка Гордана Силјановска Давкова, за новата претседателка.

The post Мисајловски: По 50 милиони евра се предвидени за проекти во културата и спортот appeared first on Република.

По инцидентите во четвртокот за време на одбојкарски натпревар во кои сериозно беше повреден полицаец, грчкиот премиер Кирјакос Мицотакис денеска одржа вонреден состанок за спортското насилство, јави дописничката на МИА од Атина.

На состанокот присуствувале надлежните министри, а одлуките ќе ги соопшти в понеделник портпаролот на Владата

Според грчките медиуми се очекува да бидат воведени построги мерки за справување со спортското насилство.

Во инцидентите што во четвртокот се случија во Атина пред спортска сала за време на одбојкарскиот натпревар Панатинаикос-Олимпијакос, тешко беше повредени полицаец, кога бил погоден во горниот дел од ногата со пиротехничко средство.

Полицаецот е хоспитализиран и сè уште е во критична состојба

Ова е втор сериозен инцидент во период од четири месеци, откако на почетокот на август беше убиен навивач на АЕК.

The post Мицотакис свика вонреден состанок за спортското насилство appeared first on Република.

Денеска во СЦ „Јане Сандански“ градоначалничката на Град Скопје, Данела Арсовска, градоначалникот на општина Бутел, Дарко Костовски и градоначалникот на Општина Аеродром, Тимчо Муцунски го отворија меѓународниот турнир во Таеквондо Скопје ОПЕН 2022.

– Имам чест да истакнам дека Град Скопје е поддршка на меѓународниот турнир на кој над 550 учесници, од седум различни држави и повеќе од 30-тина клубови, се натпреваруваат во Скопје по осми пат, истакна градоначалничката Арсовска.

Таа во своето обраќање до натпреварувачите истакна дека градот истакнува силна поддршка за развојот на спортот и спортскиот дух особено за младите, подржува проекти и активности за создавање на здрави и спортски навики.

– Само преку развој на спортот и поддршка на спортските активности се развиваат успешни млади таленти, кои носат потенцијал за олимписки успеси, како нашиот Дејан Георгиевски, олимпискиот вицешампион во таеквондо, гордост и иднината на спортот за Скопје и Македонија, посочи градоначалничката Арсовска на денешното отворање на меѓународниот турнир.

The post Арсовска: Со поддршка за развој на спортот се создаваат нови шампиони appeared first on Република.

Со натпреварот меѓу ООУ „Лазо Ангеловски“ и ООУ „Браќа Миладиновци“ денеска започна првата училишна спортска лига во женска одбојка на територија на Општина Аеродром.

Преку секојдневна комуникација со лицата задолжени за организација на ваквите натпреварувања правиме спортот да го врати стариот сјај со директна поддршка од Општината. Ставаме акцент на учениците од основните училишта и правиме сè во наша надлежност за нивно добро. Нашата општина повторно ќе вложува во спортот и истиот ќе биде достапен за секое дете во Општина Аеродром, порача денеска градоначалникот на Аеродром, Тимчо Муцунски, кој присуствување на спортскиот настан.

The post Муцунски: Вложуваме спортот да биде достапен за секое дете во Аеродром appeared first on Република.