Регионалниот ЦУК Тетово соопшти дека вчера во 17.58 часот на Единствениот повикувачки број за итни случаи 112 во ЦУК е добиена пријава за изгубено лице над Галичките терени во Маврово (Општина Маврово - Ростуше).

Од страна на РЦУК Тетово веднаш е остварен контакт со пријавителката како и со ПС Маврово од каде добиле информација дека екипи од ПС Маврово, ПС Ростуше и од Национален парк „Маврово“ се упатени на терен, односно на локацијата каде што е евидентиран последниот телефонски повик од изгубеното лице. По кратко време, односно околу 18:45 часот во Регионалниот ЦУК Тетово е добиена информација дека лицето е пронајдено и дека е во добра општа состојба, соопшти утрово ЦУК.

The post Потрага по изгубена жена во Маврово appeared first on Република.

Во СВР Велес синоќа било пријавено дека околу 19 часот на регионален пат Р1102 во правец од село Отовица кон Велес, патничко возило „рено“ со велешки регистарски ознаки, управувано од 71-годишниот  Р.Т. од Велес, излетало надвор од коловозот. Во несреќата со тешки телесни повреди се здобил возачот, констатирани од болницата во Велес, информираат денеска од СВР Велес.

Како што информираaт од ТППЕ Велес, возачот од оштетеното возило од несреќата бил извлечен со помош и асистенција на пет пожарникари-спасители од ТППЕ Велес.

Како што најавија од СВР Велес, по овластување на јавен обвинител увид извршила увидна екипа од СВР Велес.

Според портпаролот на ЈЗУ Општа болница Велес, д-р Билјана Босилкова по извршените прегледи на лекарите специјалисти по хирушки болести и снимки на компјутерски томограф на граден кош и стомак било констатирано дека Р.Т се здобил со тешки телесни повреди и е задржан на болничко лекување во велешката болница.

Воедно најави дека во текот на денот ќе му бидат напраени и дополнителни испитувања.

The post Петмина пожарникари-спасувачи извлекувале возач кој излета од патот кон Велес appeared first on Република.

Вчеравечер во 22.10 часот над с.Пршовце, тетовско, по преземени мерки и организирана потрага, полициски службеници од СВР Тетово во добра здравствена состојба ги пронајдоа 12-те планинари од с.Боговиње, с.Лисец, с.Раковец, с.Пршовце и Тетово, за кои во 21.30 часот А.Р. од тетовско Боговиње пријави дека не можел да стапи во контакт со нив.

Имено, во текот на денот тие заминале во планината над село Пршовце за да одат до место викано ,,Доброшки езера“, а последната локација од каде контактирале била кога се наоѓале кај „Три Чешми“ во близина на границата со Косово, соопшти МВР.

Лицата биле пренесени во Клиничката болница Тетово на преглед.

The post Полицијата ги пронајде планинарите кои вчеравечер се изгубија во Тетовско appeared first on Република.

Повреден мотоциклист кој паднал во провалија на Шар Планина биле спасен синоќа од полициска екипа од станицата Мазрача.

ЦУК соопшти дека вчера во 17:31 часот бил примена пријава за повредено лице по пад со мотор во провалија. Локација била на тешко пристапен терен на место викано „Мала Врата“ кај „Црно Езеро“ на Шар Планина, во делот кај караулата „Мазрача“ на дел кон границата со Косово.

Лицето се движело со мотор, а по падот во провалијата ја скршило ногата. Во 18:15 часот од Полициската станица (ПС) Галате известија дека полицајци од ПС Мазрача успеале да го извлечат и да го спуштат до село Ѓурѓевиште каде што ги чекала екипа на Итна медицинска помош од клиничка болница „Ферит Мурат“ од Гостивар.

The post Спасувачка акција за мотоциклист кој паднал во провалија на Шар Планина appeared first on Република.

Вчера на 112 во ЦУК околу 16.30 часот е барано помош за лице коешто пливало во езерото заради лошото време со ветер, бранови и езерски струи кај месноста „Калдрма“ во Дојранско Езеро.

Лицето е пронајдено живо од страна на полициски службеници од ПС Дојран. Конкретно од СВР Струмица известија дека лицето испливало до брегот во влизина на грчката граница. Истото од таму е земено од страна на припадниците од МВР и е надвор од животна опасност. Инаку, полицајците од ПС Дојран со чамец на концесионерот на езерото беа излезени на теренот при силен ветер и бранови и вршеа пребарување на Дојранското Езерото на местото каде што било забележано лицето. ДЗС немаше чамец на Дојранско Езеро, соопшти ЦУК.

The post Спасувачка акција за пливач понесен од ветрот во Дојранско Езеро appeared first on Република.

Во 19.12 часот e добиена пријава за итен случај на 112 во ЦУК дека три момчиња останале заробени на своевидно островче на средина во реката, заради испуст на водата од хидроцентралата „Матка“, а и од хидроцентралата „Козјак“, што е редовен процес за континуирано производство на електрична енергија со што редовно навечер има нагло зголемување на водотекот низ коритото на реката Треска, а секако има и покачување на нивото на реката, соопштија утрово од Центарот за управување со кризи.

Заради наглото покачување на реката Треска трите момчиња останале заробени на специфичен повисок песочно-чакален дел на средина на реката, на своевидно островче и немале можност да преминат на безбеден брег, бидејќи биле опкружени од двете страни со силна и брза вода. Се работи за 16 годишни момчиња кои во тој момент биле под силен притисок на страв и паника, објаснуваат од ЦУК.

Оттаму веднаш ги известиле дежурните во Полициска станица Сарај, од кои е побарано да се упатат на локацијата каде што се наоѓаат трите момчиња и ако се во можност согласно процедурите соодветно да интервенираат. Паралелно, бил воспоставен контакт и со Црвен Крст на Скопје кои информирале дека нивните тимови се волонтерски и не се во можност соодветно реагираат при овој случај.

ЦУК побара директно од диспечерите во хидроцентралите „Козјак“ и „Матка“ (браните) веднаш да го намалат истекот на вода со што ќе се овозможи извлекувањето и спасувањето на момчињата. Во меѓувреме од страна на тимот на специјалните сили беше направен еден обид со чамец да се спасат децата, но заради големата вода тоа не можеше во тој обид безбедно да се реализира заради исклучително брзата и силна вода во зголеменото корито на реката Треска. Беше потребно да се почека погоден момент, поточно требаше време да се намали силината и нивото на водата и откако беше сопрена водата да истекува од двете брани.
Околу 23.00 часот од страна на дежурните од Полициска станица Сарај е добиено известување дека, по намалување на водостојот на реката специјалните тимови на МВР и селаните од с.Грчец, момчињата успешно и безбедно ги префрлиле со чамец по течението на реката, но од другата страна на островот што гравитира кон селото Грчец, соопшти ЦУК.

По спасувањето на момчињата, ЦУК ги извести хидроелектраните „Козјак“ и „Матка“ за да можат непречено да произведуваат електрична енергија.

The post Доцна во ноќта се спасуваа тројца 16-годишници заглавени на островче од надојдената Треска appeared first on Република.

Денеска, од пред зори имаше неколкучасовно, успешно, а опасно извлекување од длабока тиња и кал како „жив песок“ покрај кумановскиот дел од река Пчиња, соопшти Центарот за управување на кризи, нагласувајќи дека акцијата беше опасна и за заробениот човек и за спасителите - пожарникарите од Територијалната противпожарна единица и Итната медицинска помош од Куманово.

Тим кумановски пожарникари, на чело со командирот на смена Сашо Илиевски, неколку часа, од околу 04.00 часот па до 07.00 часот утрово беа во спасувачка акција. Итниот случај го пријавил на 112 во ЦУК риболовец, којшто ги слушнал повици за помош на лицето кое покрај реката заглавило во длабока тиња и кал, на тој потег од реката Пчиња. Ситуацијата била опасна, бидејќи полека, како што лицето, возрасен маж, сакало да се самоизвлече се повеќе пропаѓало на местото каде што почвата била ,буквално, како маскиран „жив песок“ со исушен слој најгоре, на површината, од топлото време, а надолу како да немало дно, објавуваат од ЦУК.

Тимот пожарникари, за среќа, брзо и на време стигнал до оддалеченото место од пристапен пат, бидејќи лицето било веќе речиси до рамења и врат пропаднато и било снеможено и на крај од неговите сили заради долготрајното заглавување при што полека тонело во меката почва.

Пожарникарите успеале да го фатат со јажиња од нивната опрема и полека почнале да го извлекуваат, при што било потребно и нивно доизвлекување, бидејќи и тие тонеле полека во меката почва. Еден со друг тимски си помагале, етапа по етапа, од сложеното, а навидум едноставно, извлекување и спасување на заглавеното лице, од опасниот терен.

Откако пожарникарите го извлекле од длабока тиња и кал, што била буквално како „жив песок“, лицето речиси се онесвестило и го ставиле на специјалната спасителна даска за носење. Додека едни го носеле, други со секири го расчистувале пред нив патот од вегетација и дрвја за да се пробијат до пристапниот пат каде ги чекала Итната медицинска помош. Настраданиот е жив, но многу истоштен и снеможен од долготрајното заглавување. Тој е веќе во болница во Куманово и е надвор од животна опасност, соопшти ЦУК.

The post Драматична спасувачка акција на човек заглавен во „жив песок“ кај Куманово appeared first on Република.

Регионалниот ЦУК Охрид, известува дека после пладне, на Единствен повикувачки број за итни повици 112 во ЦУК, било пријавено од Итна медицинска помош од Охрид дека во близина на хотел „Десарет“ во Охрид, лице (странски државјанин) паднало во непристапен терен и од паѓањето се здобило со телесни повреди, по што била повикана итнатата медицинска помош.

Заради непристапнапноста на теренот медицнската екипа екипата не можела да интервенира, па од ЦУК беа известени пожарникарите од ТППЕ Охрид, полицајците од СВР Охрид и Планинарска спасителна служба Патагонија од Охрид.
Екипата од ТППЕ Охрид со 1 ПП возло и 3 пожарникари интервенирале, при што лицето било извлечено од местото на настанот, па е префрлено во полициски глисер и преку езеро било пренесено до возилото на Итна медицинска помош, а потоа во болница во Охрид на понатамошен третман, соопшти ЦУК.

Уште една успешна спасувачка акција на нашите пожарникари-спасители ! Интервентната екипа на Тппе Охрид изврши извлекување на повреден турист паднат во амбис ,во близина на х.Десарет. Повреденото лице е лоцирано и безбедно е транспортирано на пловен објект за понатамошно лекување, велат од Противпожарната бригада.

The post Уште една спасувачка акција во Охрид, повторно турист падна во непристапен терен appeared first on Република.

Градоначалникот на Москва, Сергеј Собјанин, потврди дека денеска се случила страшна трагедија кога неколку маскирани напаѓачи отвориле оган во концертната сала на трговскиот центар „Крокус сити“ и повеќе од 40 луѓе ги загубиле животите, а повеќе се повредени.

Околу 100 луѓе останале заробени во зградата, а во моментов е во тек спасувачка операција.

Сочувствувам со роднините на загинатите – рече тој и нагласи дека на ранетите ќе им биде укажана сета потребна помош.

Собјанин е првиот функционер кој проговори за нападот во трговскиот центар во Москва, но се уште нема официјални информации што се случило.

Сепак, според достапните информации од итната помош, повеќе од 100 лица се повредени, а најмалку 40 го загубиле животот.

По пукањето објектот почнал да гори, а пожарот се проширил на целата површина.

Видео начала стрельбы в «Крокусе» - двое вооруженных мужчин идут по холлу.#Москва #Крокусситихолл pic.twitter.com/2QbjW8wnNL

— elessarchik (@elessarchik) March 22, 2024

The post Напаѓачите одат и пукаат со калашникови, стотина луѓе се заробени во концертната сала во Москва, во тек е спасувачка акција appeared first on Република.

Центарот за управување со кризи (ЦУК) известува со почетен рапорт за среќната завршница на денешната спсителна акција на Шар Планина: повредениот планинар во 15.00 часот се јави во Регионалниот ЦУК Тетово да се заблагодари на сите што така брзо реагирале за да му помогнат и при тоа информирал дека тимот спасители го презел со „ратрак“ (специјално големо возило со гасеници за движење по длабок снег по висок терен) на „Ескимо Фрирајд“ во 14.30 часот, а тој се повредил околу 14.00 часот и безбедно го спуштаат надолу по Шар Планина за да добие посоодветен медицински третман, после првата помош. Во скијачкиот центар на Шара го чека медицински тим, бидејќи во момент на известувањето од ЦУК спасувачката акција се уште трае.

Конкретно во ЦУК, околу 14.00 на Единствениот повикувачки број за итни случаи на 112, е добиен повик за повреден планинар во повисоките делови на Шар Планина кај превојот меѓу Титов Врв и Бакардан. Планинарот се повредил кога се симнувал со својот другар по источната страна кон месноста „Мал Турчин“. Двајцата биле последни од групата со којашто одел. Заостанале малку и најверојатно, брзајќи за да ги стигнат колегите, едниот од нив се лизнал и опасно ја повредил ногата, за којашто не се знае дали му е скршена или само повредена, а и општо му се лошело после лизгањето. Местото на настанот е пекрасен предел, но е далеку горе на планината, до каде што треба повеќе од три, четири или повеќе часови да се стигне, под услов веднаш да тргне специјализиран спасувачки тим, што се во ниските делови од пределот. Но, во конкретниот случај соработката и меѓусебната координација на институциите, службите и приватните фирми овозможи да се пронајде многу брзо решение и на помош бил употребен „ратрак“ на приватната фирма „Ескимо Фрирајд“, коишто практично во тој предел биле на прошетка со туристи коишто уживале при прошетката со „ратраг“ - туристичка активност што се именува како „слободно возење во природа“. Тимот на „Ескимо Фрирајд“, и самиот составен од пасионирани планинари, иако во моментот превезувал – шетал туристи, несебично веднаш тргнал нагоре кон повредениот којшто почнал веќе неговиот другар да го спушта пополека колку можело надолу поблизу за помагање, свесен дека како што ќе одминува денот, така се постудено ќе станува и се полизгаво.

ЦУК, заедно со другите инволвирани институции (Полицијата од Тетово, Националниот парк, Итната медицинска помош, планинари и други) биле во постојана координација и комуникација за да се изнајде оптимално и брзо решение за спасување на повредениот. Така и се добила информацијата дека ратрак на „Ескимо Фрирајд“ е во тој предел нешто подолу во туристичка прошетка, со што било остварено спасувањето толку брзо.

Спасувачката акција се завршува со голема среќа во несреќа за повреден планинар на повисоките делови на Шара, што е ситуација што поттикнува на превентивни активности и со внимателност кога се оди во планина, колку и да е времето убаво, велат од ЦУК.

The post Спасувачка акција со голема „среќа во несреќа“ за повреден планинар на Шара appeared first on Република.

По добиениот повик на Единствениот повикувачки број за итни случаи 112 во ЦУК дека на паркингот кај Милениумски Крст на Водно се наоѓаат пет лица, турски државјани, кои се изгубиле и не знаеле да се спуштат надолу откако се стемнило, од Секторот за операции и координација на ЦУК се известени дежурните од полицијата, СВР Скопје, кои веднаш тргнале со возило. Притоа, од ЦУК им бил даден и телефонскиот број на пријавителот, турски државјанин, за да се оствари и непосредна комуникација преку „вибер“, согласно потребите.

ЦУК информира дека во 18:10 часот петте лица, турски државјани, се пронајдени и од кај месноста Милениумски Крст на Водно, согласно остварените контакти со СВР Скопје, па се земени со возило на полицијата за безбедно да се евакуираат кон градот.

The post Пет турски државјани се изгубиле откако се стемнило на Водно, полиција мораше да ги спасува appeared first on Република.

Рано утрово, по повик на 112 во ЦУК, од 05.00 часот па до 08.00 имаше спасителна акција на Галичица, што е успешно завршена во координација на Секторот за операции и координација во ЦУК, информираат од ЦУК.

Конкретно, Регионалниот ЦУК Охрид, рано утрово, известува дека има заглавени лица со моторно возило на врвот на Галичица, иако тој патен правец е подолго време затворен за моторни возила. Веднаш се известени од Единицата за спасување на планина во Охрид, коишто, согласно временската видливост, итно се упатиле на терен за да помогнат и да ги извлечат, а секако и сите надлежни институции биле известени за натамошна постапка. ЦУК информира дека паралелно било комуницирано и со граѓаните од заглавеното возило за да се дознае повеќе за нивната состојба при што се информирани дека спасителите се на пат за нивно извлекување, велат од ЦУК.

Инаку, согласно информацијата на АМСМ за сезонскиот режим на сообраќај, од 15.11.2023 година, патниот правец Охрид – Ресен, преку националниот парк Галичица, е затворен за сообраќај за сите видови возила. се до 01.04.2024 година. На самото место била поставена соодветна сообраќајна сигнализација.

The post Утрово се спасувани заглавени лица во возило на Галичица, на место каде е забрането за возење appeared first on Република.

Центарот за управување со кризи информира дека вчерашната спасителна акција е успешно спроведена за заглавените во снег кај Пониква на Осоговските Планини, при што лицата се однесени на безбедно место, а возилото е извлечено од снегот. Тоа синоќа, е рапортот, поточно, кусата повратна информација од терен по спасителната акција на Доброволна планинска спасителна служба ДПСС „Осогово“ од Кочани, на МВР и на други ангажирани субјекти и граѓани.

Конкретно, вчера во 17.45 била пристигната информацијата за заглавени лица со теренско возило во снег на Поникава, Осоговски Планини, по што веднаш од ЦУК е извршен контакт со ДПСС „Осогово“, а во меѓувреме екипа од МВР со теренско возило била упатена на местото каде што се заглавени лицата и Пожарникарите биле подготвени ако требало.

Вчерашната спасителна акција е успешно и на време спроведена и покрај студеното и снеговито време, велат од ЦУК.

Инаку, во последното деноноќие од вкупните 1.944 повици на Единствениот број за итни случаи 112 во ЦУК, „реални“ повици биле 31,28%, а 68,72% биле за други потреби на граѓаните што не биле итни. Кон Полиција биле упатени 52,90%, кон Итната медицинска помош 42,03%, кон пожарникарите 2,90%, а 0,43% кон АМСМ од реалните повици кон 112 во ЦУК.

Повици за итни случаи на 112, на број 1.308 повици (што се вкупен број, збир, од тие што биле за комбинирано решавање од „реални“ повици 1,81% со другите 68,72% што се именувани како „неитни повици“), биле предмет на примање, а и обработка во ЦУК, преку дежурните оперативци во Секторот Е-112 во содејство со Секторот за операции и координација (СОК), секако истовремено според стандардните оперативни процедури во координација со ангажираните институциите во Системот за управување со кризи (СУК), согласно природата на пријавените „реални“ итни случаи.

The post ЦУК: Спасени лица од заглавено возило во снег на Пониква appeared first on Република.

Во последното деноноќие во Центарот за управување со кризи имало вкупно 1.568 повици на Единствениот број за итни случаи 112. „Реални“ повици за итни случаи на 112 во ЦУК биле 41,90 отсто, а 58,10 проценти други, именувани како „неитни повици“, што биле за други потреби на граѓаните.

Како што информираат од ЦУК, кон полиција биле упатени 43,48 отсто од повиците од 112, кон Итната медицинска помош 40,00 проценти, кон пожарникарите 6,52 отсто, а кон АМСМ биле упатени 0,44 проценти.

Повици за итни случаи што се за комбинирано решавање, кон Центарот за управување со кризи имало 9,56 проценти од „реалните“, што секако заедно со другите 58,10 отсто „неитни повици“ (933 вкупно), биле предмет на примање и обработка од дежурните оперативци во Секторот Е-112 во содејство со Секторот за операции и координација во ЦУК, се наведува во соопштението.

Од специфичните итни случаи од вчера, ЦУК го издвојува спасувањето повреден од непристапен терен.

- Регионалниот ЦУК Скопје извести дека по утринскиот повик на Единствениот број за итни случаи 112 во ЦУК е координирана спасителната акција за повредено лице, ловец, со скршена нога, на непристапен и опасен терен во реон на с.Буковиќ (Општина Сарај). Преку Секторот за операции и координација во ЦУК, заради непристапноста на теренот, било упатено барање до МВР за ангажирање на воздухоплов. МВР веднаш одговорило на задачата и медикоптерот - пред неговата промоција со симулација за спасување во Битола, на која оправдано задоцни, имаше прв лет за спасување при реална ситуација. При ова спасување и транспортирање на опасно повреден во тешки услови на речиси непристапен терен, согласно повратните информации за развој на извлекувањето, сите ангажирани институции, служби, членови на здруженија и мештани реагираа максимално координирано и оптимално во интерес на вкупната безбедност, а особено за безбедноста на повредениот - за при извлекувањето од бездната за да не дојде до поголеми повреди на скршената нога. Ловците, кои покажаа и голема саморганизираност и знаења за спасување на терен и дејствуваа по професионалните совети на докторите од ИМП, на полицијата, на пилотите, а и на мештаните, по спасителната акција се јавија во ЦУК искажувајќи голема благодарност до сите ангажирани за време на спасителната акција, а и по приемот во болница. Тие самоиницијативно ја искажаа таа благодарност и преку социјалните мрежи и информираа дека по операцијата повредениот ловец е во добра состојба, се наведува во соопштението.

Од ЦУК информираат дека за вакви специфични спасителни акции е евидентно дека овозможуваат да се подигне знаењето на граѓаните како треба да се подготват кога одат во планински предели и како да реагираат и да соработуваат со институциите од Системот за управување со кризи во слични животозагрозувачки ситуации.

The post ЦУК: Вчера 1.568 повици на 112 и прв ангажман на медикоптер во спасителна акција appeared first on Република.

Четиригодишно дете вчера било спасено на Големата плажа во Улцињ, откако бранови и силни морски струи го одвлекле на околу 3 километри од брегот.

Од црногорската Управа за поморска безбедност информираа дека во 9 часот и 35 минути дежурниот спасител добил повик дека силен ветар одвлекол 4-годишно дете кое било на гумен душек.

Капачите се обиделе да стигнат до детето, но силните морски струи ги спречиле во тоа, бидејќи детето на душекот се оддалечило од брегот на околу три километри кон Ада Бојана.

Момчето беше спасено во последните моменти со итна употреба на специјален спасувачки скутер. Спасителот за само неколку минути стигнал до детето и го евакуирал, информираа од спасувачката служба.

За среќа, момчето беше спасено во последните моменти, бидејќи постоеше опасност разбрануваното море да го преврти душекот и прашање е дали спасувачите ќе можеа да реагираат навреме, изјави за раководителот на службата за пребарување и спасување во Дирекцијата за поморска безбедност и управување со пристаништа, Жарко Лукшиќ за црногорските медиуми.

The post Во последен момент спасено 4-годишник кого струите го одвлекле 3 километри од брегот appeared first on Република.

Словенечките спасувачи имаат полни раце работа. Екипажот на полицискиот хеликоптер кој во најтешките моменти спасуваше луѓе од покривите на поплавените куќи и сега не мирува.

Во погодените подрачја се носат материјал и гориво, а две свињи се спасени од фарма уништена од поплавите.

Полицијата денеска била контактирана од околината на Љубно. Една од тамошните фарми речиси целосно била уништена од разорната поплава, а на фармата преживеале само две прасиња, а полицијата сакала да ги пренесе на безбедно со хеликоптер.

Полицајците поради тоа долетале на тешко пристапното место и ги подигнале животните, јавува „Н1“.

Семејството кое во поплавите ја загуби практично целата своја фарма, штала и земјоделска механизација, а и домот им беше уништен, беше исклучително благодарно. На фармата имало и други животни, но преживеале само две свињи и една кобила, која сама побегнала, соопшти полицијата.

Деновиве воздухопловната единица на полицијата првенствено превезува материјал кој е неопходен за санација во опустошените подрачја.

https://youtu.be/zz8zNlZxYt0

https://youtu.be/lhKzIB2CWSk

The post Необична спасувачка акција во Словенија: Полицијата со хеликоптер спаси две прасиња appeared first on Република.

Утрово во 09.35 часот во Полициската станица за граничен надзор „Охридско Езеро“, од веслачки клуб „Црн Дрим“ од Струга било пријавено дека во водите на Охридското Езеро, на два километри од брегот, наспроти „Женска плажа“, неконтролирано се оддалечува чамец за веслање со двајца малолетници во правец на државната граница со Република Албанија.

[caption id="attachment_669948" align="aligncenter" width="1170"] (фото: МВР)[/caption]

Според пријавеното, членови на веслачкиот клуб се доближиле до чамецот, но поради силниот ветер не можеле да го извлечат на брегот.

[caption id="attachment_669947" align="aligncenter" width="1170"] (фото: МВР)[/caption]

По преземени мерки, полициски службеници од Полициската станица за граничен надзор „Охридско Езеро“, Полициската станица за граничен надзор „Франгово“ и членови на веслачкиот клуб го пронашле чамецот на еден километар наспроти хотел „Изгрев“ во Струга, по што со службен пловен објект малолетниците и чамецот безбедно и во добра здравствена состојба се пренесени до брегот на езерото, велат од МВР.

The post Ветрот истурка тинејџери веслачи од Охрид кон Албанија, ги спасија кај Струга appeared first on Република.

Полицијата за граничен надзор „Охридско Езеро“ интервенирала за спасување при ситуација со превртување едрилица во езерските води.

Интервенцијата следувала на 31 јули, откако околу 17:45 часот во СВР – Охрид било пријавено за превртен пловен објект во водите на Охридското Езеро кај Дебрчка плажа.

Околу 18 часот пловниот објект е пронајден два километри од брегот и утврдено е дека станува збор за превртена едрилица - катамаран на која имало три лица.

Како што информираше Стефан Димовски, портпаролот на СВР – Охрид, лицата на возраст од 53, 50 и 49 години, сите од Скопје, се пронајдени во непосредна близина, во добра здравствена состојба, без повреди, а според нивниот исказ причина за незгодата бил силен ветер.

Екипите на Езерската полиција го вратиле превртениот катамаран во пловна состојба, а лицата се пренесени на копно, до сместувачкиот објект.

The post Спасени тројца скопјани во Охридското Езеро откако им се превртила едрилицата appeared first on Република.

Албанската гранична полиција, од приморскиот пристанишен град Шенѓин во текот на ноќта спровела спасувачка акција на туристи кои, во текот на ноќта, останале далеку од брегот по дефект на чамецот со кој пловеле.

На 13 летувалци, кои со чамец пловеле заради забава им се расипал чамецот и во текот на ноќта останале на сред море. Во чамецот имаше четири возрасни и осум малолетни лица, соопшти полицијата.

Спасувачката акција на службите на Граничната полиција на Шенѓин траела до полноќ и тие во добра здравствена состојба биле пренесени на брегот.

Лицата се албански државјани, биле меѓусебно во роднинска врска и биле на одмор во Шенѓин.

Полицијата апелира туристите да бидат внимателни кога, со кого и каде испловуваат за да не се доведуваат во опасност

The post Спасувачка акција за 13 туристи кои поради дефект на чамец останале на отворено море appeared first on Република.

Вчеравечер на бројот за итни случаи 112 во ЦУК е добиена порака дека на врвот на Водно кај жичницата, останале лица кои барале помош. Се работело за жена со две малолетни деца, заради тоа што задоцниле да се вратат и немале и не знаеле друг начин за да се симнат надолу кон Средно Водно, а жичницата повеќе не работела и мракот веќе не им дозволувал да се движат безбедно.

Од страна на Регионалниот ЦУК Скопје, веднаш било стапено во контакт со одговорното лице од ЈСП Скопје и е добиена информација дека жичарата веќе е затворена и дека не може повторно да се активира.

„Дежурните од Секторот за операции и координација во ЦУК, биле во постајана комуникација со госпоѓата, со генералниот секретар на Црвениот Крст и со други можни субјекти коишто можат да помогнат при вакви ситуации. Согласно ситуацијата, а и можности за помош, по куса координација, била решена ситуацијата со задоцнетите посетители на врвот на Водно над Скопје“, велат од ЦУК.

Со службен џип на Армијата, којшто бил во околината, тие биле пронајдени и превезени до нивното возило на Средно Водно.

По 21.00 часот од страна на жената со двете дечиња е добиена информација во ЦУК дека истата безбедно е веќе во нејзиното возило со двете дечиња и дека возејќи се спушта надолу кон својот дом во градот.

The post Спасувачка мисија на Водно: Жена со две мали деца останала во мрак, ја пропуштиле жичницата appeared first on Република.