Меѓународната фудбалска федерација (ФИФА) соопшти денеска дека не се пронајдени индиции за „манипулации“ или неправилности на натпреварите на неодамна завршеното Светско првенство во Катар.

Работната група за интегритет, како што се наведува на официјалниот сајт на ФИФА, внимателно ги прегледала снимките од сите 64 мундијалски натпревари за евентуално да воочи какви било неправилности или обид за манипулација. Во поднесениот извештај до ФИФА се тврди дека такви случаи не се идентификувани.

ФИФА наведе дека ќе продолжи да соработува со работната група за интегритет во насока на заштита на завршните турнири во иднина, почнувајќи од Светското првенство во женска конкуренција кое идната година ќе се одржи во Австралија и Нов Зеланд.

Исто така, ФИФА ќе продолжи да развива и сопствена стратегија за интегритет заедно со конфедерациите, националните асоцијации и другите заинтересирани страни во борбата против манипулации на фудбалските натпревари

The post ФИФА тврди дека немало ни еден наместен меч на СП appeared first on Република.

Аналитичка страница за љубителите на спортот „Whoscored.com“ ги избра  11-те најлоши на СП. На голот е репрезентативецот на Канада и капитен на Црвена звезда, Милан Борјан, а во тимот се и членовите на српската селекција - Милош Вељковиќ и Саша Лукиќ. Најмногу претставници има Катар, дури четворица.

Најлошите 11 Светски првенства во Катар се: Милан Борјан (Канада) - Оскар Дуарте (Костарика), Милош Вељковиќ (Србија), Буалем Куки (Катар) - Алистер Џонсон (Канада), Арон Ремзи (Велс), Саша Лукиќ (Србија). ), Хасан Ал Хајдос (Катар), Хомам Ахмед (Катар) - Алмоез Али (Катар), Стивен Бергвејн (Холандија).

The post Ова се најлошите 11 на Светското првенство appeared first on Република.

Светското првенство во Катар кое еден месец беше најчеста тема за разговор во Македонија ако се тргне настрана политикaта, е зад нас. Некој е среќен што правдата кон Меси е задоволена, некој тагува по Мбапе, но оние кои немаа омилена репрезентација туку навиваа за убав фудбал останаа разочарани.

Се чини дека на ова Светско првенство немаше возбудлив фудбал па освен неколку мечеви нема што би запаметиле по неколку години.

Причини за тоа има многу, но најважната е што за прв пат ова првенство се играше среде сезона а не во лето како што е редот. Речиси сите играчи без ден подготовки дојдоа во репрезентацијата па селекторите и немаа многу време за уигрување на тимот.

Затоа голем дел од мечевите во првата фаза завршуваа без голови или со само еден постигнат гол.

Она што ќе остане запаметено е дека оние репрезентации кои играат дефанзивен фудбал, пред се Хрватска и Мароко стигнаа до самата завршница. Селекторите Далиќ и Реграгун знаеја да одиграат тактички и на резултат и затоа за малку не влегоа во финалето.

Од друга страна најдосаден фудбал играа Холандија, Данска и Полска на кои како да им беше најважно да не примат гол а ако постигнат постигнат.

Забележително е што е се помала разликата помеѓу европските и јужноамериканските селекции со тие од Африка и Азија. Освен Катар, кој да не беше домаќин никогаш не би учествувал, сите останати селекции покажаа дека со право се на Мундијалот.

Кога сме кај разочарувањата, најмногу потфрлија Германија, Белгија и Србија. Лошата атмосфера во екипата придонесе „црвените ѓаволи“ и „орлите“ на Пикси да се вратат дома уште во првиот круг иако според имињата во составот припаѓаат на самиот врв.

Но, имињата не играат туку тие што ќе го остават срцето на терен за својата земја.

The post Франција и Аргентина го спасија напаѓачкиот фудбал пред налетот на дефанзивата appeared first on Република.

Аргентина е нов светски фудбалски шампион откако во финалето на Мундијалот во Катар ја совледа Франција со 4-2 по изведувањето пенали.

Франција не успеа да го одбрани тронот, двапати се враќаше во натпреварот, но на пеналите беше немоќна. Аргентина го имаше Емилијано Мартинез кој одбрани еден пенал, и еден беше промашен за светската круна.

Аргентина од почетокот создаваше шанси, а таквата игра им се исплатеше после 22 минути. Анхел Ди Марија падна во шеснаесетникот, а судијата Марчињак покажа на белата точка. Меси беше сигурен реализатор. Продолжи Аргентина да биде подобрата репрезентација и на сцена повторно стапи Анхел Ди Марија во 36. минута кога по додавањето од Мекалистер реализраше за 2:0.

На полуврме се замина со 2-0 во корист на Аргентина.

Марчињак во 80. минута повторно покажа на белата точка, овојпат за Франција. Мбапе беше сигурен реализатор на ударот од белата точка. Со првиот гол Мбапе се израмни со Меси на листата најдобри стрелци на Мундијалот, а само една минута подоцна со втор гол донесе изедначување и голема радост за Франција.

Се играше 109. минута од натпреварот кога по шутот на Лаутаро Мартинез топката се одби до Меси кој се најде на вистинското место и погоди за трет гол на Аргентина. Во 116. минута Франција доби нов пенал поради игра со рака во шеснаесетникот и повторно Мбапе застана на белата точка, не погреши и со хет-трик донесе ново изедначување.

Мбапе со својот трет пенал на натпреварот застана прв кај Французите и по третпат беше сигрен. Меси веднаш изедначи, а првиот кој промаши беше Кингли Коман во втората серија кај Франција. Дибала по средината го матираше Лорис за водство на Аргентина. Чуамени катастрофално лошо шутираше во третата серија, промаши цел гол и тука веќе се најавуваше големата победа на Аргентина. Паредес стрелаше за Аргентина, а Коло Муани остави трошка надеж за Французите. Сепак се беше готово кога во следниот пенал Акуна реализираше за светска титула.

The post Меси и Аргентина се нови светски шампиони! appeared first on Република.

Лионел Меси ја носи Аргентина во ново водство во 109. минута од натпреварот од 3-2 откако стрелаше и повторно ја одведе на чекор до титула во финалето на Светското првенство во Катар во мечот против Франција.

Неверојатниот Аргентинец го постигна својот седми гол на шампионатот.

The post Аргентина е повторно на чекор до титула со голот на Меси во 109. минута appeared first on Република.

Без победник (2-2) заврши финалето на Светското првенство, односно ќе гледаме најмалку уште 30 минути, а може и пенали за да го дознаеме новиот шампион, дали тоа е биде Аргентина или Франција.

„Гаучосите“ водеа со 2-0 до 80 минута, но потоа „триколорите“ чудесно се вратија преку Килијан Мбапе кој прво погоди од пенал, потоа и од игра за 2-2 на средбата во Лусаил.

Со ова Мбапе стана првиот играч кој има постигнато најмалку десет гола на Мундијалите пред да наполни 24 години.

The post Франција направи фантастичен пресврт и се избори за продолженија appeared first on Република.

Германскиот производител на спортска опрема Адидас објави денеска дека во некои земји има недостиг од дресови на аргентинската репрезентација пред утрешното финале против Франција на Светското првенство во Катар.

Поради зголемена побарувачка за аргентинските дресови ширум светот, на дел од пазарите се јави недостиг. Работиме на тоа да проследиме што е можно повеќе дресови за навивачите да можат да го слават ова неверојатно патување за таа репрезентација“, рече портпаролот на Адидас.

Иако Аргентина беше единствената репрезентација со дресови на Адидас, која дојде до четвртфиналето, пласманот во финалето на Гаучосите предводени од Лионел Меси беше вистински „мелем“ за германската компанија, која тврди дека продажбата пораснала за 30 отсто во однос на 2018 година кога беше одржано последното Светско првенство.

Меси(35) в недела ќе се обиде да го освои единствениот трофеј кој му недостасува во кариерата, а на Аргентина да ѝ ја донесе третата титула светски првак.

The post Недостиг на аргентински дресови на „Адидас“ пред финалето на СП appeared first on Република.

Белиот сокол, кој потекнува од Русија, од Сибир, без ниту еден пердув во друга боја освен бело, во Катар се плаќа со суво злато.

Цената на овие „грациозни предатори“ достигнува два милиони евра!

Соколот е омилената птица на Катаранците. Ги чуваат за задоволство, за лов, но и како еден вид статусен симбол. Во оваа пустинска земја отсекогаш било правило вистинскиот маж да има око за коњи и соколи, а да биде вешт со лакот и стрелата.

За овие птици се подготвени сите можни додатоци, од кожени ракавици до капи до каишки и лавици а постои луксузна болница за соколи.

Капите  на соколите се чуваат на глава додека не го најдат газдата. Потоа се соблекуваат и започнува периодот на запознавање.

Соколот мора да се навикне на сопственикот и мирисот на неговото тело, за да знае точно на кого треба да му се врати. За секој случај, пердувестите миленичиња се опремени со уреди за навигација GPS, така што сопственикот може да ја најде својата птица преку компјутер или телефон.

Очите им се покриени со капи за да не летаат и да не ги вознемирува човечкото присуство. Соколите се натпреваруваат во различни дисциплини, од кои едната е бркање гулаби, каде што млад сокол се ослободува од неговите раце за да брка трениран гулаб.

Соколите имаат тенки, широки и големи крилја што им овозможуваат да летаат високо и на многу голема надморска височина.

The post Oвие соколи вредат колку Меси и Роналдо: Катарците за нив имаат и посебни болници appeared first on Република.

Репрезентацијата на Холандија се пласира во четврт-финалето на Мундијалот во Катар откако во првата осминафинална пресметка славеше против селекцијата на Соединетите Американски Држави со 3:1.

Тимот на Луј ван Гал знаеше тактички како да им се спротистави на Американците, ги навлече, а потоа зададе два удари, преку Мемфис Депај во десеттата и Дејли Блинд во 45.минута од дуелот.

САД не се откажа така лесно, продолжи да напаѓа во вториот дел и успеа да намали со голот на Хаџи Врајт во 76.минута. Но, Холандија не дозволи многу надеж за американските фудбалери и постигна трет гол преку Дензел Думфрис во 81. минута од мечот.

Холанѓаните во четврт-финалето ќе го чекаат подобриот од вечерашниот дуел меѓу Аргентина и Австралија.

The post Холанѓаните се први четвртфиналисти на СП во Катар appeared first on Република.

Неверојатна сцена се одиграла на главната улица во Доха која наликува на судир на две цивилизации, пишува „Курир.рс“.

Две жени, едната облечена според современите стандарди на современиот западен свет, со истакнати гради и горен дел, другата во традиционална облека под која само и се гледаат очите.

И двете се на приближна возраст, не повеќе од 35 години. Првата е Аргентинка, чии раце покажуваат дека никогаш во животот не земала нешто потешко од лажица. Втората е Катаранка, која ги фарба женските раце со кна.

Што е кна

Сликањето со кна е традиција во арапскиот свет. Така, жените ги бојат рацете како дел од ритуалот на предците што треба да им донесе среќа пред свадбената церемонија. Според традицијата тетоважите претставуваат магија која служи за да ги заштити од магии и да им обезбеди среќа и плодност во нивниот нов дом.

The post Судир на цивилизации во Катар: Прекриeна Арапка ја црта разголената Аргентинка на рацете appeared first on Република.

Бразил е вториот осминафиналист на фудбалското Светското првенство (СП) кое е во тек во Катар. После светскиот првак Франција и „кариоките“ ја остварија втората победа на Мундијалот совладувајќи ја Швајцарија со 1-0.

Без повредениот Нејмар, избраниците на Тите долго бараа решение за одбраната на Швајцарците, ја проби прво Винисиус Жуниор, но голот не беше признат поради офсајд ситуација во која се најде претходно Ришарлисон.

Конечно, во 83.минута, Касемиро ја презеде улогата на Нејмар, распали откосо од левата страна во шеснаесетникот и погоди во спротивниот агол за водство и триумф на Бразил.

Швајцарците сега ќе имаат пресметка во третото коло против Србија за пласман во нокаут фазата од втората позиција.

The post Бразил се пласираше во осминафиналето на фудубалското СП appeared first on Република.

Во тек се натпреварите од 2. коло на Светското фудбалско првенство коешто се одржува во Катар, а најинтересен момент беше пред крајот на првото полувреме кога на стадионот снема струја.

Проблемот за кратко беше решен, па натпреварот продолжи со корнерот за Бразил. Секако ова беше една необична сцена каква што ретко се случува на фудбалските терени.

The lights went out in the Brazil vs Switzerland game 😭😭😭 pic.twitter.com/DoR5y044SX

— CARPgr (@mogos_gr) November 28, 2022

The post Во Катар на СП, снема струја на натпреварот Бразил – Швајцарија appeared first on Република.

Србија се врати о мртвите на мечот со Камерун.  Иако од 26 минута камерунците водеа со голот на Кастељето, во финишот на мечот Србија со головите на Павловиќ и Милинковиќ-Савиќ водат со 2-1.

Оваа победа им е потребна на Србите пред мечот со Швајцарија.

The post Луди Срби: Два гола за две минути appeared first on Република.

Фудбалската федерација на Косово реагираше до УЕФА бидејќи во соблекувалната на Србија пред мечот со Бразил имаше истакнато знаме со картата на Србија сосе јужната српска покраина.

Покрај картата на која Косово е соствен дел од Србија, Албанците се навредија и од натписот „Нема предаје“  (Нема предавање)

The post На Албанците им пречи знамето во соблекувалната на Србија со Косово на картата appeared first on Република.

Килијан Мбапе со два гола и донесе победа на Франција вечерва над Данска во 2.коло на Светското првенство 2022. Французите славеа со 2:1 и се првите кои обезбедија осминафинале на Мундијалот во Катар.

Во првото полувреме немаше голови. Во вториот дел, во 61. минута Мбапе донесе водство за „триколорите“. Седум минути подоцна израмни дефанзивецот на Данска, Андреас Кристенсен. Во 86. минута Мбапе постигна втор гол и и донесе победа на Франција.

По второто коло, француската селекција води во групата Д со максимални 6 бода. Австралија е на второ место со 3, Данска е трета со 1 бод, колку што има и Тунис на четвртото место.

На 30 ноември Франција ќе игра против Тунис, додека Данците ќе се сретнат со Австралија

The post Франција е во завршната фаза на СП appeared first on Република.

Швајцарија го победи Камерун со 1:0 на отворањето на петтиот ден од Светското фудбалско првенство во Катар.

Победничкиот гол на средбата одиграна во Ал Вакрах го постигна Брел Емболо во 48.минута по асистенцијата на Џердан Шакири.

Првото коло од Г-групата ќе биде заокружено вечер со натпреварот Србија – Бразил (почеток 20 часот).

Денес на Мундијалот во Катар уште играат:
Уругвај – Јужна Кореја (14 часот)
Португалија – Гана (17 часот).

The post Швајцарија едвај со Камерун appeared first on Република.

Белгија стартуваше на Светското првенство во Катар со тешко извојувана победа вчера против Канада од 1-0 (1-0) во рамки на групата Ф.

Канада од самиот почеток наметна висок пресинг на игра и на крајот незаслужено замина со гол негатива на полувреме, откако во првиот дел не реализираше пенал преку Алфонсо Дејвис, а пропушти и уште неколку стопроцентни шанси за погодок.

Казната на спротивната страна дојде во 44 минута кога Белгија преку Мичу Бачуај дојде до водство кое го задржа до крајот на натпреварот за стартна победа во групата пред претстојните дуели против Мароко и Хрватска.

The post Белгија едвај против Канада appeared first on Република.

Сензација во Катар, Јапонија ја шокираше Германија. Фаворитите имаа предност од 1-0 во дуелот со Јапонија во 32. минута, но играа со многу проблеми во одбраната, а тоа го казнија Јапонците.

Јапонија поведе 1-2 во 84. минута. Одбраната на Германците  беше очајна, па Јапонците во вториот дел тргнаа по израмнување, а откако до него дојдоа, потоа тргнаа и по водство и успеаја.

Нововлезениот Асано го совлада Ноер од мртов агол за сензационално водство  и победа.

The post Фудбалот веќе не е игра во која најчесто победуваат Германци: Јапонија ја шокира Германија appeared first on Република.

Двајца англиски навивачи во Катар открија дека завршиле во палатата на шеикот додека барале пиво.

Верувале или не, навивачите на Англија разговарале со Наваф и Абдул Азиз за време на нивниот „лов на пиво“. Англиските момчиња ги следеа назад до нивната куќа, а еден од нив тврдеше дека е син на шеикот.

Излезе дека локалните жители не блефирале. Навивачите завршиле во палата каде пронашле мајмуни, лавови и егзотични птици.

- Само убаво си поминавме, се шегувавме, добро се ориентиравме и се ставивме на свое место. Уживавме-изјавија фановите.

“We met one of the Sheikh’s sons & he took us back to the palace!” 😮

“We were on the hunt for beers and we ended up at a big palace, we saw his monkeys & exotic birds!” 🐒

These England fans are out in Qatar & you HAVE to listen to their story! 🤣#FIFAWorldCup #TSWorldCup pic.twitter.com/RlclrsnEsP

— talkSPORT (@talkSPORT) November 20, 2022

The post Пијана работа: Англиски навивачи влегле во палатата на шеикот барајќи пиво appeared first on Република.

Првото коло во рамки на групата Ц на Светското првенство во Катар е комплетирано вечерва со дуелот меѓу Полска и Мексико што заврши нерешено 0-0 на стадионот „974“ во Доха.

Најголемата шанса за постигнување гол ја имаше Полска преку својот капитен и голгетер Роберт Левандовски, но неговиот удар од белата точка во 58. минута го одбрани мексиканскиот голман Гиљермо Очоа.

https://republika.mk/sport/fudbal/prvata-nula-na-prvenstvoto-ja-odigraa-tunis-i-danska/

Претходно денеска во рамки на воведното коло во групата Ц, Саудиска Арабија со пресврт ја шокираше Аргентина, совладувајќи го големиот фаворит со 2-1 (0-1).

Второто коло во оваа група е на програмата в сабота, кога Аргентина ќе игра против Мексико, а Полска против Саудиска Арабија

The post И Полска и Мексико одиграа 0-0 appeared first on Република.