Данела Арсовска успеа да го собори сопствениот рекорд, велат во соопштение од Советничката група на ВМРО-ДПМНЕ во Град Скопје.

Арсовска повторно демонстрира неверојатна способност за исчезнување кога советниците поставуваат прашања. Данела Арсовска нема одговори зошто Скопје колабира, зошто јавниот превоз е пред колапс и зошто Скопје се дави во ѓубре. Арсовска бега од народните претставници, советниците, затоа што нема одговор зошто Скопје наместо да напредува се уназади со неа.

Скопје можеби нема метро, но очигледно има видлив неспособен градоначалник. Данела Арсовска е временска непогода за Скопје, колку побрзо си замине, толку побрзо Скопје ќе тргне напред, стои во соопштението на Советничката група на ВМРО-ДПМНЕ.

The post Данела Арсовска е временска непогода за Скопје, успеа да го собори сопствениот рекорд appeared first on Република.

Ако СДС и Арсовска се грижеа за вработените за ЈСП тогаш зошто веднаш не собраа мнозинство за гласање за субвенции на ЈСП туку ги оставија на минусни температури да штрајкуваат. Причината за неисплаќањето на платите во ЈСП, не е советот, туку разузданото раководство на ЈСП, директорот од ГРОМ. Крсте Петревски и уште понеспособната градоначалничка Арсовска, oбвинува советничката група на ВМРО-ДПМНЕ во Град Скопје.

Во месец октомври, советниците на ВМРО ДПМНЕ и коалицијата изгласаа 120 милиони денари за субвенции за ЈСП, и тогаш директорот на ЈСП кажа дека тоа е за плати за вработените за ноември и декември. Денес сме 23 јануари, и иако е законскиот рок до 15 јануари, вработените во ЈСП немаат сеуште плати.

Прашањето е каде завршиле веќе доделените субвенции. Вчера ЈСП бараше нови 700 милиони денари субвенции.
Вистината е дека овој Совет додека е Арсовска градоначалник до сега веќе исплати 1.265 000 000 денари субвенции за ЈСП и сите тие беа поддржани од советничката група на ВМРО-ДПМНЕ. Нема плати во ЈСП затоа што ЈСП со Арсовска, СДС, Левица се бунар дно. И овие 700 милиони денари најмалку ќе отидат за плати на вработени, туку за исплати на Пуцко Петрол и останати доверители ангажирани под сомнителни тендери.

Што се однесува до душегрижништвото на СДС, зошто Арсовска молчи за милионите евра што Владата ги должи на ЈСП? Молкот објаснува дека вчера и синдикатите и ЈСП беа грубо политички злоупотребени.
ВМРО-ДПМНЕ не е мнозинство во Советот, туку СДС, ДУИ, Левица и Арсовска се, тоа што тие не можат да се договорат помеѓу нив како да ги поделат парите, тоа не е вина на ВМРО-ДПМНЕ, ниту на скопјани и народот не е должен да ги трпи нивните игри.

The post Каде завршиja веќе доделените субвенции за ЈСП? appeared first on Република.

Коалицијата на власт каде сврзна точка е „медот“ СДС, ДУИ и Левица гласаа се што Градот и Арсовска предложи. Гласаа точки кои преку злоупотреба беа прикажани за вонредни, без никакво објаснување за вонредност, се вели во соопштението на ВМРО-ДПМНЕ.

Збореа за хаус мајстори, за комунален ред, за паркови, и украсување на градот со знамиња и се тоа на вонредна седница, без да објасни Арсовска каде е вонредноста. Евидентно беше договореното сценарио на коалицијата на власт, а најголемата напнатост и тензија беше кога заменик градоначалникот и „висок комесар“ на Арсовска од ГРОМ Александар Трајановски говореше за епската битка за сервисот на службените возила на Градот Скопје кои неретко ги употребуваат. Кулминацијата беше достигната од нервозата на десната рака на Арсовска, Ирена Витина која предано го собираше кворумот, за што веројатно следува богата награда со позиција во новата купена партија на Арсовска. Ваквото фингирано сценарио, надополнето со точките кои не беа вонредни, беше спроведено со беспоговорната поддршка од координаторката на СДС, Љубица Јанчева и групата клиентелисти од Левица. Ваквата рапсодија говори дека градот Скопје коалицијата на власт го дотера на питачки стап, истакнуваат од советничката група на ВМРО-ДПМНЕ.

Жално и тие ќе мора да бидат на купче поразени, порачуваат од ВМРО-ДПМНЕ.

The post Советничка група на ВМРО-ДПМНЕ: Коалицијата на власт си работи, на Арсовска, СДС, ДУИ и Левица и правеа кворум и беспоговорно гласаа се што предложи Градот appeared first on Република.

Денеска не се гласаше и расправаше за Проект за нови 250 еко автобуси какви вети Арсовска за „Модерно Скопје“, туку за ново задолжување од 10 милиони евра кое е без објаснување за условите, слепо, без дебата и без план, велат од советничка група во Советот на Град Скопје од ВМРО-ДПМНЕ и Коалицијата за Обнова на Македонија.

Скопје има потреба од нови автобуси, но не и од задолжување без образложение за нов криминал и задоволување на приватни интереси.

Советничката група на ВМРО-ДПМНЕ во Град Скопје и Коалицијата за Обнова на Македонија нема да поддржи задолжување без објаснување. Нема информации на колку години е тоа задолжување, дали има градот и ЈСП финансиска моќ, од каде ќе е задолжувањето, дали однапред е тоа договорено?

Нема да поддржиме задолжување без да се каже колкава е каматната стапка, каков е грејс периодот и условите за тоа. Арсовска нема информации какви автобуси ќе набавува, на каков погон.

Арсовска беше должна да објасни зошто нема јавна расправа и анкета за новото задолжување што е обврска согласно закон.

Дали Арсовска е сигурна дека со 10 милиони евра може да се купат 50 еко автобуси? Пред истиов совет веќе ЈСП во инвестициската програма предвиди 4 милијарди денари за набавка на хибрид автобуси, какви се тие автобуси, и дали тие автобуси се истите за кои ќе се задолжува сега Арсовска?

Слепа поддршка за ново задолжување дадоа фолирантите од Левица, криминогената ДУИ, и уценетата ГРОМ, а причините зошто се дава слепа поддршка е затоа што се работи за богато корумпирана структура која крева раце за се што е потребно.

Од друга страна СДС прави политика бидејќи го штити своето неработење и хаосот кое само Арсовска го продолжи, велат од советничката група.

The post Денеска не се гласаше за нови 250 еко автобуси, туку за ново задолжување од 10 милиони евра appeared first on Република.

Во програмата за сообраќај нема ниту една од овие проекти, заради и тоа се предлага овој амандман. Практично со овој амандман се врши прераспределба на средствата заради нивна наменска алокација за квалитетно, навремено и успешно одвивање на проектите, а намалување на непродуктивните трошоци на Град Скопје. Имено предвидените 35 милиони денари се за зголемување на средства во изградба и реконструкција на локални патишта заради проектирање или успешна имплементација, вели Емилија Ангелова, советничката во Советот на Град Скопје од ВМРО-ДПМНЕ, образложувајќи го амандманот поднесен од советничката група на ВМРО-ДПМНЕ и коалицијата.

Ангелова рече дека со амандманот се предвидува кратење од непродуктивните трошења на градот, укажувајќи дека во програмата за сообраќај нема предвидено реконструкција на улиците, порачувајќи дека Град Скопје мора да започне со реализација на проектите.

Со овој амандман се предвидува да се скратат од програмата Е0- општинска администрација, ставка 425 договорни услуги и тоа 35 милиони денари. Како приоритети во оваа програма ќе ги набројам сите наведени улици, се работи за проекти за нови кружни текови и реконструкција на улици, на булевар Србија, 12 Македонска бригада, како и Фрањо Клуз, со реконструкција на Фрањо Клуз кон булевар со надвозник за поврзување на Аеродром и Кисела Вода, од булевар Трета Македонска бригада до улица Народни херои, нова улица Борис Кидрич од Трета Македонска бригада до улица Симеон Кавракиров, реконструкција на улица Вера Јоциќ, нереализиран општинска соработка со општина Кисела Вода, во изградба на канализациона мрежа во населба Градинар и реконструкција на улица во населба Усје. Реконструкција и санација на фекална канализација на улица Христо Татарчев, реконструкција на улица 30 Љуботенски пат, од скопска обиколница до пат на село Љуботен и многу други улици, нагласи Ангелова.

Ангелова побара поддршка од сите советници во советот на Град Скопје додавајќи дека со ова не се прави дис баланс на буџетот на Град Скопје.

Имено, повторувам уште еднаш, во програмата за сообраќај нема ниту една од овие улици, нема ниту еден проект. Оние проекти кои што не се започнати предлагаме да бидат започнати ако се прифати овој амандман, и оние проекти кои се веќе завршени да се отпочне со нивна реализација конечно. Со овој амандман воопшто не се прави дис баланс на вкупниот буџетот и затоа е поднесен и нашата советничка група смета дека е издржан амандманот и треба да добие поддршка од сите советници - вели Ангелова.

The post Ангелова: Предлагаме зголемување на средствата за изградба и реконструкција на улици во Град Скопје во вредност од 35 милиони денари appeared first on Република.