Советот на Град Скопје, според најавите, денеска во 13 часот треба да одржи вонредна седница за предлог одлуката за зголемување на цената за изминат километар за приватните превозници.

Тие вчера имаа средба со советничката група на ВМРО-ДПМНЕ на која беше договорено на вонредна седница на Советот да биде донесена одлука за зголемување на цената за изминат километар од 70 на 100 денари. Ваквиот предлог беше прифатлив за приватните превозници кои се откажаа од најавените блокади во понеделник и најавија дека наместо на блокади најверојатно од понеделник ќе се вклучат во сообраќај.

Треба да направиме координација со нашите превозници, знаете дека финансиски ние сме исцрпени. Треба да видиме дали ќе ни се исплатат средствата, да видиме што ќе каже градот во однос на ова и откако ќе ја направиме консултацијата, ќе донесеме одлука од кога ќе почнеме да возиме. Се надевам дека од понеделик наместо блокади, ние ќе бидеме на скопските улици и ќе бидеме на сервис на градот Скопје, изјави вчера Јовица Зафировски како претставник на приватните превозници.

Приватните превозници во знак на револт ги исклучија своите автобуси од сообраќај затоа што нивното барање за зголемување на цената за изминат километар не се најде на дневен ред на седницата на Советот на Град Скопје.

The post Вонредната седница на Советот на Град Скопје за барањето за приватните превозници најавена за 13 часот appeared first on Република.

Денес на седницата на Град Скопје, се обрати советникот од ВМРО-ДПМНЕ, Тони Бојковски кој реагираше поради тоа што смета дека советниците се изоставени од процесот на креирање на буџетот за 2025 година

Бојковски објасни што значи процесот на изработка на нацрт-буџет.

Нацрт-буџет значи учество на сите советници со предлози – советници што се избрани од граѓаните. Согласно програмата што била доставена за време на изборите, таа програма може да трпи и измени затоа што потребите на граѓаните можат да се разликуваат од потребите пред 3 или 4 години. Или, во најмала рака, некоја дополнување со нови предлози или со стари предлози што пред 3 години не биле направени, оваа година да се направат - истакна Бојковски

Бојковски кој има долгогодишно искуство во локалната самоуправа додаде дека оваа ситуација е без преседан.

Сум бил 4 години претседател на Совет, 4 години сум бил член на Управен одбор на ЗЕЛС, 4 години сум бил потпретседател на Комитет на Совети на Република Македонија и не можам да разберам дека и претходните 3 години немало нацрт-буџет или немало креирање на буџет во согласност со советниците - рече Бојковски.

Бојковски упати повик до администрацијата и градоначалничката Данела Арсовска да го променат пристапот и да вклучат повеќе страни.

Јас ве замолувам како администрација секретар, и ја замолувам госпоѓа Арсовска да не вклучи во работата со администрацијата на Град Скопје во креирање на буџетот за 2025 година. Да направиме еден нацрт-буџет да ги усогласиме сите работи што треба да сe усогласат, за кога ќе имаме седница со точка на дневен ред буџет за 2025 година да немаме разногласие, да немаме дополнителни амандмани, да немаме дополнителни различни мислења, па прекинување на седница, па некоја друга ситница или да се доведеме до ситуација да мора да го изгласаме до рок  - истакна Бојковски.

Бојковски предупреди дека граѓаните и советниците треба да бидат вклучени во креирањето на буџетот за 2025 година.

Мислам дека ако се такви намерите, не е добро затоа што граѓаните и советниците треба да бидат вклучени во креирање на буџетот 2025 година - нагласи Бојковски.

Бојковски ја истакна потребата од поширока консултација со месните и урбаните заедници, невладините организации и останатите релевантни групи.

Вклучување на месни заедници, урбани заедници, авторитети, таргет групи, невладини организации. Затоа што, тоа е буџет, пари на граѓаните, и мислам дека треба да знаат за што ќе бидат потрошени парите во 2025 година - заклучи Бојковски.

The post Бојковски: Нацрт-буџетот на Арсовска без советници, парите на граѓаните се делат зад затворени врати appeared first on Република.

Доктор Нико Беќаровски од Клиниката за токсикологија препорачува кои растенија ќе ви помогнат да го прочистите воздухот во вашиот дом. Ова е првото:

DRACAENA TRIFASCIATA кај нас позната и под имињата "ЗМИСКО РАСТЕНИЕ" "СВЕКРВИН ЈАЗИК" е класифицирани од NASA, како моќен прочистувач на воздухот, поради неговата моќ да отстранува отровни компоненти од воздухот како бензен, формалдехид, трихлоретилен, ксилен и толуен.
Ова растение го користи метаболизмот на Crassulacee за измена на кислородот и јаглерод диоксидот.
Микроскопските пори на листовите се отвараат само ноќно време за да се намали загубата на вода во текот на топлите денови.
За разлика од другите растенија произведува голема количина на кислород и го апсорбира јаглерод диоксидот и во текот на ноќта, што го прави ова растение одличен прочистувач на воздухот во нашите домови додека спиеме.
Треба да се чува на светло место (но не на директна сончева светлина), а се полева на секои две недели, препорачува тој.

The post Д-р Беќаровски советува: Ова растение го прочистува воздухот во вашиот дом appeared first on Република.

ВМРО-ДПМНЕ го презема мнозинството во Советот во Македонски Брод, објавено е на официјалната фејсбук страница на ОК на ВМРО ДПМНЕ Македонски Брод.

Европскиот фронт за кој СДС и коалицијата заедно со ЛДП беа многу гласни дека со преземање на мнозинството во Советот на општина Македонски Брод на пролет ќе оди на сигурна победа, траеше многу кратко. На денешната седница на Советот на Македонски Брод е разрешен претседателот Дијана Јованоска од СДС, заедно со коалицијата и ЛДП! За нов претседател е избран независниот советник Марјан Алампиоски, со поддршка од двајца советници на ВМРО-ДПМНЕ, еден од Левица, еден од Единствена Македонија и двајца независни советници. Коалицијата на СДС и ЛДП од денеска повторно се во опозиција во Советот на Македонски Брод!, пишува во објавата на Фејсбук.

The post ВМРО-ДПМНЕ го презема мнозинството во Советот во Македонски Брод appeared first on Република.

Советот на јавни обвинители на денешната седница едногласно го отфрли барањето на обвинителката Фатиме Фетаи за преиспитување на одлуката за отфрлање на документацијата во врска со огласот за именување на јавен обвинител на Република Македонија.

На седницата беше истакнато дека одлуката за отфрлање на доставената документација од Фетаи, на претходната 94. седница кога Советот на ЈО едногласно даде позитивно мислење за кандидатот Љупчо Коцевски да биде нов државен јавен обвинител, е поради што била доставена нецелосна.

Како што посочи Иџет Мемети, член на Советот на ЈО, на одлуките на Советот право на жалба нема и во конкретниот случај се работи за техничка работа во која Советот не е надлежен.

-На нашите одлуки право на жалба нема. Ако некој не е задоволен со нашата одлука некој може да бара тоа што бара. Зошто моите документи не биле разгледани? Тоа е техничка работа во која Советот не е надлежен, рече Мемети.

Советот на ЈО на претходната седница едногласно даде позитивно мислење за кандидатот Љупчо Коцевски да биде нов државен јавен обвинител, кандидатот Лидија Раичевиќ не доби позитивно мислење од Советот, додека пак, за Фатиме Фетаи не се расправаше, поради нецелосно доставена документација.

Советот, на денешната седница, исто така, расправаше за донесувањето на одлука за формирање Комисија за подготвување на кандидатска листа за избор на кандидат за член на Советот на јавните обвинители на Република  Македонија, од подрачјето на Вишото јавно обвинителство во Скопје, како и донесување одлука за формирање на Комисија за спроведување на избори на членови на Советот од редот на јавните обвинители од подрачјето на Вишото јавно обвинителство во Скопје, во која за претседател беше избран Иџет Мемети, додека за членови на комисијата беа избрани Кети Петкова и Светлана Жупановска.

Претседателката на Советот, Димитриевска, информираше дека од страна на вишиот јавен обвинител било доставено писмено известување до Советот, во кое се наведува дека „јавен обвинител кој работел на конкретен предмет, во кој што од доказите по предметот дошол до одредени сознанија за постапувањето на друг јавен обвинител, го известил вишиот јавен обвинител“, за кое беше едногласно одлучено дека таквото известување ќе го достават до Јавното обвинителство, кое понатаму треба да го разгледа и постапи по истото.

The post Советот на ЈО го отфрли барањето на Фетаи за преиспитување на одлуката за неприфаќање на нејзината кандидатура за државен јавен обвинител appeared first on Република.

Претседателот на Советот на Град Скопје, Трајко Славески најави тужба за клевета против градоначалничката на Град Скопје, Данела Арсовска.

Арсовска за време на денешната итна на седница на Советот на Град Скопје го обвини Славески за фалсификување на потписи.

Таа ќе добие тужба за клевета затоа што јас не сум фалсификувал потписи, јас не можам да фалсификувам мој потпис. Мој потпис е ставен на гласање ЗА за две советнички кои ги вклучивме онлајн на седница на Советот, едната поради патолошка бременост, другата поради лекување од рак. Тоа е тешко обвинение за фалсификат. Јас ги имам списоците, имам копија со знаење на сите тука, на службите јас имам потпишано со ЗА до нивните имиња, јас не можам да го фалсификувам мојот потпис - рече Славески.

Славески заклучи дека градоначалничката Арсовска не придонела во работата на Советот, туку држела политички говор.

Ја отрувте атмосферата со политички говор, подобро да не дојдевте, тука се работеше - рече Славески.

The post Славески: Арсовска ќе добие тужба за клевета затоа што ме обвини за фалсификување потписи appeared first on Република.

Новиот состав на Советот на Општина Тетово повеќе од една година по формирањето не најде начин при пренесување на седниците на интернет да го има и преводот на македонски јазик што функционира во салата кога се зборува на албански јазик.

На вонредни избори на 20 август 2022 се избраа новите советници, а од 7 септември 2022 се избра и актуелниот претседател Бесар Дурмиши. Со оглед дека превод на македонски немаше и во претходата година од редовните избори Дурмиши тогаш рече дека тоа ќе се направи со ребаланс на буџетот.

Година и два месеци подоцна и понатаму нема техничка можност за избор на превод на македонски и албански јазик. Така беше и на последната вчерашна седница.

-Треба само да видиме колку чини тоа, колку средства па да консултирам со секторот за финансии и со ПР службата и мислам дека ќе ја решиме и оваа проблематика, најави повторно претседателот на Советот, Бесар Дурмиши.

За разлика од Општина Тетово, следење на седниците на Советот на двата јазици има во Општина Брвеница.

Таму имаат два канали на социјалната мрежа Ју-тјуб каде се пренесуваат седниците и на македонски и на албански јазик.

The post Седниците на Советот на Општина Тетово и понатаму без техничка можност за користење на преводот на македонски јазик при пренесување во живо appeared first on Република.

Советот на Народната банка одржа редовна седница на која беше разгледан и усвоен најновиот Квартален извештај, во чии рамки се вклучени и пролетните макроекономски проекции на Народната банка. По усвојувањето на Извештајот, гувернерката ги претстави макроекономските проекции во јавноста на конференцијата за печатот.

Според последните проекции, макроекономската слика не е значително променета во споредба со претходните оцени. И понатаму се очекува стабилизирање на растот и умерено забрзување на среден рок, како и постепено забавување на инфлацијата, при оцени за исцрпување на надворешните шокови и позатегнати финансиски услови. Во надворешниот сектор, притисоците врз дефицитот во тековната сметка се помали, поради пониските цени на примарните производи во моментов, но и очекувањата на меѓународните финансиски институции за нивно натамошно намалување за следниот период. Девизните резерви и на краток и на среден рок се во сигурната зона. Ризиците околу проекциите и понатаму постојат, а главно се поврзани со надворешното окружување.

Во однос на економскиот раст, при незначителни промени во претпоставките за домашното и надворешното окружување и земајќи ги предвид најновите достапни информации околу најавените инфраструктурни проекти, проектираниот економски раст за 2023 година изнесува 2,1%, што е помалку во однос на основното сценарио, но во средината на интервалот од двете сценарија од октомвриската проекција. За 2024 и 2025 година, проекциите за БДП се непроменети, односно се очекува забрзување на растот при што тој би изнесувал 3,6% и 4%, соодветно, во согласност со закрепнувањето на глобалната економска активност, а особено активноста на нашите најзначајни трговски партнери. Во поглед на структурата на растот во периодот 2023 ‒ 2024 година, се очекува дека растот и во тековните проекции ќе произлегува од домашната побарувачка, а нето-извозот ќе има мал негативен придонес.

Во поглед на идната патека на цените во домашната економија, најновите проекции упатуваат на непроменети очекувања за движењето на инфлацијата, односно ги потврдуваат октомвриските согледувања за нејзино забавување и сведување на едноцифрено ниво, во интервалот од 8 до 9% во 2023 година. Енергетската компонента во значителна мера би придонесла за забавување на инфлацијата во 2023 година, што се должи на претпоставките за намалување на цените на енергентите, а се очекува постепено ублажување на ценовните притисоци и кај храната. На среден рок се очекува дека стапката на инфлација и натаму ќе забавува и ќе се сведе под 3%, близу до историскиот просек. Ризиците за проекцијата на инфлацијата на среден рок и натаму се поврзани со неизвесноста во поглед на идните движења на светските цени на енергијата и храната и интензитетот на пренос врз домашната инфлација. Исто така, растот на платите, а особено соодносот со растот на продуктивноста треба внимателно да се следат.

Посилната надолна корекција на очекувањата за берзанските цени на енергијата и храната ги изменија проекциите, поточно сега се очекува значително понизок дефицит на тековната сметка во 2023 година, во споредба со октомвриската проекција, односно стеснување на дефицитот на 3,6% од БДП во 2023 година. Во следниот период се очекува стабилизација на цените, што заедно со очекувањата за подобра глобална економија и закрепнувањето на најзначајните трговски партнери би придонесле за понатамошно стеснување на дефицитот кај тековните трансакции на 3,2% од БДП во 2024 година и 2,7% од БДП во 2025 година. Финансиските нето-приливи во периодот 2023 ‒ 2025 година во целост би го финансирале дефицитот на тековната сметка и ќе овозможат дополнителен раст на девизните резерви. Најголемиот дел од финансирањето би се остварил преку странските директни инвестиции, како и долгорочното задолжување на државата. Во целиот период на проекцијата се очекува дека девизните резерви ќе се задржат на ниво соодветно на меѓународните стандарди за одржување на стабилноста на девизниот курс.

Последните оцени за кредитната активност на банкарскиот сектор посочуваат на поумерен раст во однос на октомвриските проекции. На крајот на 2023 година кредитниот раст би забавил сведувајќи се на 5,7% на годишна основа, при што одреден придонес за ваквите движења имаат и донесените монетарни и макропрудентни мерки. Со постепеното забрзување на економскиот раст и стабилизирањето на очекувањата, се предвидува забрзување на растот и на кредитната активност во наредниот период, при што кредитниот раст за периодот 2024 ‒ 2025 година би изнесувал 6,6% во просек. Гледано од аспект на изворите на финансирање, се очекува дека кредитниот раст, како и досега, ќе биде поддржан од растот на депозитите, којшто би изнесувал 6,9% во 2023 година и 7,7% во периодот од 2024 до 2025 година, во просек.

Народната банка внимателно ги следи макроекономските податоци и ризиците и како и досега, ќе ги презема сите неопходни мерки користејќи ги сите расположливи инструменти за одржување на стабилноста на девизниот курс и за стабилизирање на инфлацијата на среден рок.

The post НБМ за 2023 година проектира економски раст од 2,1 отсто, а просечна инфлација од 8 до 9 отсто appeared first on Република.

Велигденските празници можат да биде многу стресни мајките од семејствата со мали деца. Од готвење на празничниот ручек, преку пролетно чистење на домот до вапсање велигденски јајца, има многу што да се прави.

Една мајка открива одличен трик за брзо подготвување на јајцата. Како што пренесува „Метро“, 36-годишната Шенон Доерти е вистински хит на „Тик ток“ откако го откри трикот за „варени јајца“. Сè што треба да направите е наместо да ги готвите во вода, да ги ставите јајцата во калап за мафини, а потоа да ги печите во рерна 30 минути на 170°C.

@athomewithshannon BEST LIFE HACK 💡 For HARD BOILED EGGS!! We are ready for Easter Egg coloring over here! 🐰 #momhack #lifehacks #parentinghack #easter #learnontiktok ♬ Taste It - TELL YOUR STORY music by Ikson™

The post Мајка откри генијален трик за брзо варени јајца, сè што ви треба е калап за мафини appeared first on Република.

Советот на Општина Гевгелија на седницата одржана во саботата на 25.11.2022 година, донесе заклучок со препораки до Министерството за труд и социјална политика во врска со случувањата за немилиот настан, кој се случи минатата недела врз 10-месечно дете во детската градинка “Детска Радост” во Гевгелија.

Овој заклучок со препораки произлезе од дискусијата на Членовите на Советот на Општина Гевгелија со која се констатираше дека во градинката “Детска Радост” во Гевгелија во континуитет се случуваат инциденти, а никој досега не сноси одговорност за нив. Исто така извештајот од инспекторатот при МТСП е неприфатлив во ваква форма за советниците.

Од таа причина Советот на Општина Гевгелија заедно со Градоначалникот, по исцрпната дискусија, решија да испратат препораки до МТСП, со цел ставање крај на хаосот во оваа институција.

Со одлука на Советот на Општина Гевгелија кој е основач на детската градинка “Детска Радост”, до Министерството за труд и социјална политика испратен е заклучок со следните препораки:

1.Министерството за труд и социјална политика да ја разреши директорката на ЈОУДГ “Детска Радост”-Гевгелија од функцијата директор, поради нестручно и несовесно работење.Истата се обиде да го прикрие инцидентот,наместо веднаш да ги суспендира одговорните за инцидентот на 22.11.2022 год.

2.Министерот за труд и социјална политика да ја врати надлежноста на Советот на Општина Гевгелија и Градоначалникот на Општина Гевгелија во делот за донесување на годишна завршна сметка на ЈОУДГ “Детска Радост”-Гевгелија, одземени со решение бр.16-3102/1 од 07.04.2022 година.

3.Министерот за труд и социјална политика да ја врати надлежноста на Градоначалникот на Општина Гевгелија во делот за избор на кандидат предложен од Управниот одбор за директор на ЈОУДГ “Детска Радост”-Гевгелија, одземени со решение ИП1 16-4733/3 од 27.06.2022 година.

4.Министерот за труд и социјална политика да ја врати надлежноста на Советот на Општина Гевгелија во делот за именување и разрешување на претставници од родители на деца згрижени во ЈОУДГ “Детска Радост”-Гевгелија во Управниот Одбор на ЈОУДГ “Детска Радост”-Гевгелија, одземени со решение ИП1 16-559/3 од 01.11.2022 година.

The post Советот на општина Гевгелија со препораки до министерката Тренчевска за инцидентот во градинката „Цветови“ во Гевгелија appeared first on Република.

Градоначалникот на Тетово и претседател на партијата Движење Беса, Биљал Касами гласаше на вонредните избори за членови на Советот на општината на гласачко место во гимназијата „Кирил Пејчиновиќ“. Тој во изјава за медимите потоа истакна дека со ова гласање за Совет е можност граѓаните да изберат развој на градот.

Граѓаните да гласаат за претставници во градскиот совет кои ќе работат заедно со мене како градоначалник за развојни проекти за поразвиено Тетово, за Тетово со подобра патна инфраструктура за почист град, за посигурен град, за побезбеден град за градот кој ќе има развиено образование, развиени културни активности, развиен спорт, развиени проекти кои ќе овозможат нашите млади да останата тука и да не одат по белиот свет. Затоа ги повикувам сите граѓани да излезат да гласаат за тие опции за кои ќе мислат, но опции кои сигурно ќе им гарантираат посветла иднина, изјави Касами.

Според него Движење Беса може да има мнозинство во Советот.

Според целокупната кампања и текот на кампањата, ние очекуваме тоа што е наша цел да имаме повеќе од 16 советници, е можно да се постигне затоа што едино ние како политичка партија направивме класична кампања со локални собири каде одзивот беше голем и единстевена партија која направи завршен митинг во центарот на Тетово кој беше масовно посетен од граѓаните. Затоа очекуваме дека денеска на крајот на денот ние ќе славиме мнозинство во Советот на Општина Тетово, рече Касами.

The post Касами очекува дека Беса ќе има мнозинство во Советот appeared first on Република.

Вицепремиерката на Србија и министер за рударство и енергетика, Зорана Михајловиќ, денеска во Тирана изјави дека министрите од Македонија и Албанија ја прифатиле иницијативата на Србија за формирање заедничка работна група за соработка во енергетската криза и за стратешки проекти, јави дописникот на МИА од Белград.

Таа рече дека за енергетска безбедност на регионот во кризни услови потребна е солидарност, поврзаност и заедничка работа на стратешки проекти.

-Сите ние во регионот сме под голем притисок да се осигураме дека се ќе биде доволно за зимата, но важно е, покрај решавањето на тековните проблеми со снабдувањето, да разговараме и за стратешки проекти и потенцијални заеднички инвестиции, кои ќе го направат целиот регион енергетски постабилен. Треба на двете патеки да работиме истовремено. Сите ние имаме одредени компаративни предности, одредени недостатоци и потреба да се обезбеди долгорочна енергетска стабилност. Нашиот предлог беше да се формира заедничка работна група на Србија, Македонија и Албанија, која ќе се занимава со решавање на проблемите оваа зима, но и со потенцијална соработка на големи стратешки проекти и драго ми е што другите министри го прифатија овој предлог, рече Михајловиќ која зборуваше на панелот за енергетска безбедност на состанокот на Групата за ублажување на кризи во рамките на иницијативата Отворен Балкан во Тирана, соопштија од нејзиниот кабинет.

Таа изјави дека нема причина да не се разговара само за поврзување на пазарите, туку и за заедничко балансирање, што е неопходно во сите земји од регионот.

-Албанија е доста зависна од обновливи изворина енергија (ОИЕ) и во моментот кога има проблем со ОИЕ треба да има базна енергија и ова прашање е важно и за Србија и за Македонија, рече Михајловиќ.

Очекувам, додаде, од следната недела да почнеме да работиме во рамките на работната група и на претседателите и премиерите на нашите земји да им презентираме предлози за заеднички инвестиции, без разлика дали се работи за соларни електрани, ветерни електрани, заеднички балансирање, пазарно поврзување, гасни интерконекции или можеби дури и подземни складишта за гас.

Таа нагласи дека не е доволно само една земја да биде енергетски сигурна, туку потребно е меѓусебно да си помагаме, да бидеме солидарни бидејќи никој не знае точно каква ќе биде состојбата зимава.

-Србија донесе нови закони во областа на енергетиката, најголем дел од подзаконските акти, при крај е со изработката на стратешките документи и има нов инвестициски план. Во тек е изградба на гасна интерконекција со Бугарија, која ќе овозможи диверзификација на изворите на снабдување, а планираме да се поврземе и со другите соседи, пред се со Македонија и Романија. Заинтересирани сме и за можностите за подобра соработка и поврзување со Албанија, кога станува збор за планираниот терминал за ЛНГ, како и за подобро поврзување во регионот кога станува збор за високонапонската мрежа. Сите овие меѓусебни врски ќе овозможат поголема енергетска стабилност не само за Србија, туку и за регионот, рече Михајловиќ.

На панелот на кој учествуваа ресорните министри од Албанија, Србија и Македонија разговарано е за актуелната состојба во енергетскиот сектор во сите три земји, како и можностите да се придонесе за поголема енергетска стабилност во регионот преку поблиска соработка и искористување на компаративните предности на секоја земја.

The post Србија, Македонија и Албанија формираа работна група за соработка во енергетиката appeared first on Република.

На Фејсбук страницата „Технички преглед на возила“ се објавени неколку значајни совети за тоа како да го запрете автомобилот доколку една од гумите ви експлодира при брзина која надминува 100 километри на час.

1. Прв совет:

Кога „пука“ гума, обидете се да бидете што е можно помирни и цврсто држете го воланот со двете раце.

2. Втор совет:

Што е најважно, држете го стапалото надвор од сопирачката, не ни помислувајте на тоа да кочите.

3. Совет број три:

Останете во вашата сообраќајна лента и обидете се да не менувате лента, останете што е можно поиправени.

4. Четврти совет:

Ако вашиот автомобил има рачен менувач, префрлете го постепено на помала брзина, НО САМО ако имате чувство дека автомобилот е целосно во ваша контрола.

Ако вашиот автомобил има автоматски менувач, останете во погонска брзина (D) - НЕ менувајте.

5. Совет пет:

Не користете ја рачната сопирачка.

6. Шести совет:

Кога брзината опаѓа на 50 километри на час, можете нежно да ги притиснете сопирачките додека автомобилот не застане.

The post Шест важни правила како да постапите ако ви пукне гума додека возите appeared first on Република.

На 13. седница на совет на советот на општина Охрид, советничката група на СДСМ се подели. По подолго време се појави носителот на листата Науме Јованоски - Чакар, но наместо да седне на неговото место, тој и уште двајца советници, Деса Костаркоска и Стојан Митрески, седнаа во друг ред, а на местата на кои вообичаено седат советниците од СДСМ единствени остаа Бојан Михајлоски од СДСМ и Милена Грозданоска од НСДП, пишува „Охрид1“.

Координаторката на советничката група не беше присутна на седницата, а не беше присутен ни советникот од ВМРО НП, Ванчо Костоски.

Кога дојде гласањето за точките тројцата советници кои се одделија од советничката група на СДСМ гласаа за предложените точки, а со тоа дадоа поддршка за мнозинството од советот предводено од ВМРО ДПМНЕ.

„Охрид1“, неофицијално дознава дека овие тројца советните понатаму ќе долуваат како независна советчката група, а СДСМ останува со двајца свои советници.

Од претходно, коалицијата ја напуштија и Арбен Демироски, а поддршка на мнозинството дава и независниот советник Антонио Наумоски.

Според неофицијални информации на порталот, овој тренд ќе следи и во другите градови.

The post Се распадна советничката група на СДСМ во Охрид!? appeared first on Република.

Сите законски рокови за распуштање на Советот на Општина Тетово се почитувани. По донесувањето на вчерашната владина одлука за распуштање на Советот на Општина Тетово, натамошната процедура продолжува во Собранието на Република Македонија, по што ќе бидат распишани вонредни избори за избор на нов Совет, изјави на денешната прес-конференција портпаролот на Владата Муамет Хоџа, одговарајќи на новинарско прашање зошто Владата доцни еден месец, согласно роковите, со распуштање на советот на тетовската локална самоуправа.

Согласно законските одредби, ќе бидат организирани предвремени избори за Советот на Општина Тетово - соопшти Хоџа.

Владата на вчерашната седница донесе решение за распуштање на Советот на Општина Тетово.

Од Владата вчера посочија дека причината за распуштање на Советот на Општина Тетово е исполнување на еден од условите во член 75 од Законот за локална самоуправа, според кој општинските совети ќе бидат распуштени, ако не ја донесат завршната сметка на Буџетот до 31 март, како што е предвидено со законската одредба.

За ова решение, согласно законот, Владата ќе го извести Собранието на Република  Македонија по што ќе следува спроведување на постапката за организирање вонредни избори за Советот на Општина Тетово согласно законските одредби, соопштија од Владата

The post Хоџа: Почитувани се сите законски рокови за распуштање на Советот на Општина Тетово appeared first on Република.

САД и другите земји огорчени од руската воена инвазија врз Украина поднесоа резолуција за отстранување на Русија од Советот за човекови права на ОН.

Вонредната седница на Генералното собрание на ОН ќе продолжи денеска попладне.

Во нацрт-резолуцијата се наведуваат податоци за „грубо и систематско кршење и злоупотреба на човековите права“ и „кршење на меѓународното хуманитарно право“ за време на војната.

САД, Европската унија, Велика Британија и Канада беа меѓу земјите кои се залагаат за исклучување на Русија.

Фотографиите и видеата од мачени и убиени цивили во Буча, во близина на Киев, откриени по повлекувањето на руските трупи, предизвикаа бес низ целиот свет и ги обновија наводите дека руските сили извршиле воени злосторства.

Русија негираше дека нападнала цивили. Рускиот министер за надворешни работи Сергеј Лавров изјави дека фотографиите се „исценирани“.

The post Поднесена резолуција за исклучување на Русија од Советот за човекови права на ОН appeared first on Република.