Претседателката на Советот на јавни обвинители, Душица Димитриеска, денека изјави дека е примено известување од Вишото јавно обвинителство Скопје дека се врши притисок врз работата на обвинителството.

Известувањето е доставено од страна на вишиот обвинител, сите понатамошни постапувања и преземени дејствија, ќе бидат споделени. Во однос на содржината, не можам да ја споделам пред да се запознаат членовите, рече таа.

По денешната седница, таа, исто така, информираше дека републичкиот обвинител Љупчо Коцевски ги информирал членовите на Советот дека ја проверува работата на сите четири виши обвинителства.

Коцевски претходно преку соопштение ги отфрли тврдењата на шефот на вишото скопско обвинителство Мустафа Хајрулахи за наводно мешање во предмет во кој повеќе од еден месец постапувало Вишото јавно обвинителство Скопје.

Тој изјави дека има обврска, првпат после повеќе од четири години, да изврши надзор над работата на Вишото јавно обвинителство Скопје поради информации и пресуди од Врховниот суд кои укажуваат на можно нестручно работење и пријави за закани и притисоци кон вработени во обвинителството.

До крајот на месецот, контроли ќе бидат извршени и во сите останати виши јавни обвинителства и во ОЈОГОКК. Коцевски очекува нападите кон него да продолжат со уште поголем интензитет, особено од лица кои со вакви обвинителски одлуки се спасиле од кривичен прогон.

The post Советот на јавни обвинители ќе утврдува дали Коцевски вршел притисок врз Хајрулахи appeared first on Република.

Советот на јавните обвинители денеска за јавни обвинители во Јавното обвинителство на Република Македонија ги избрал јавните обвинители Валентина Стојановска и Златко Биковски, а за јавни обвинители во Основното јавно обвинителство за гонење на организиран криминал и корупција се избрани јавните обвинители Искра Хаџи Василева и Фатон Азизи.

Како што соопштуваат од СЈОРМ, за јавен обвинител во Вишото јавно обвинителство Битола е избран јавниот обвинител Антонио Јолевски, а за јавен обвинител во Вишото јавно обвинителство Скопје е избрана јавната обвинителка Наташа Крстева Цалева,

Понатаму на денешната, трета седница, како што дополнуваат од СЈОРМ, се донела одлука за мирување на функцијата јавен обвинител во Вишото јавно обвинителство Битола на Ирина Трајкоска Стрезоски поради избор за директор на Академијата за судии и јавни обвинители и се донела одлука за номинирање на членот на Советот – Зорица Павловиќ за заменик член на Етичкиот совет на јавни обвинители.

The post Стојановска и Биковски избрани за Републичко обвинителство, во ОЈОГОКК ќе се придружат Хаџи Василева и Азизи appeared first on Република.

Во Извештајот за работа на Советот на јавни обвинители се вели дека Советот сите обврски ги има завршено успешно, па прашувам успешно ли е кога довербата во правосудството е минорни два посто, праша пратеничката Ели Панова од ВМРО-ДПМНЕ на денешната седница на собраниската Комисија за политички систем на која дебатираа за Годишниот извештај на Советот за јавни обвинители за 2023 година.

„Гледајќи седница на Советот што видов, што заклучив. Советот кој е составен од 11 члена е нем, никој ништо не зборува зарем тоа е транспарентност. Транспарентност ли е да се молчи. Се гледа дека само немо спроведувате одлуки“, рече Панова.

Панова се осврна на делот на Извештајот во кој се зборува за бројки или за статистика.

„Во делот каде зборувате за претставки давате бројки, статистика и кажувате дека најмногу претставки се во ЈО Скопје што е очекувано најголем број предмети се таму, но стои дека има  незадоволство од времетраење на постапки што говори за неажурност, укажуваат за брзо решавање на предмети поднесени за луѓето за кои вие не смеете да постапите и најлесно е да ја отфрлите кривичната пријава, помал број биле претставки од незадоволство од застапената застареност.  Или ако претставките зборуваат за неажурност, селективност, застареност на пријавите вие говорите дека  позитивно работите“, посочи Панова

The post Панова за работата на Советот на јавни обвинители: Транспарентност ли е немо да се спроведуваат одлуки? appeared first on Република.

Наќе Георгиев и Иџет Мемети се пример зошто е потребно распуштање на Судскиот и Советот на јавни обвинители, потенцираат од ВМРО-ДПМНЕ.

Едниот близок до Заев и Филипче, другиот до Ахмети. Наќе Георгиев кој призна вина дека примил поткуп за да ублажи казна затвор, во време на СДС и ДУИ од обичен судија стана Врховен судија и член на Судскиот совет. Додека тој растеше во судската хиерархија судија стана и неговиот син, а сопругата му е јавен обвинител. Наќе Георгиев ја злоупотребил позицијата се впуштил во штелување на судски пресуди. Иџет Мемети беше заменик претседател на Советот на јавни обвинители за време на СДС и ДУИ, тој му помогнал на Наќе Георгиев да издејствуваат помала казна за Боро Марлборо. И Наќе Георгиев и Иџет Мемети одлучувале за судии и обвинители, унапредувале и санкционирале. Какви се постапките кои овие двајца корумпирани функционери ги влечеле и уште колку неправди нанеле? Корумпираноста која ја гледаме преку Наќе Георгиев и Иџет Мемети е причината зошто е потребно распуштање на Судскиот совет и Советот на јавни обвинители, само така ќе се врати вербата на народот во судството, порачуваат од партијата.

The post Наќе Георгиев и Иџет Мемети се пример зошто е потребно распуштање на Судскиот и Советот на јавни обвинители appeared first on Република.

Маријана Илиевска е избрана за членка на Советот на јавни обвинители од редот на јавните обвинители од подрачјето на Вишо јавно обвинителство Битола.

Како што информираат за МИА од Советот, обвинителката која доаѓа од Основното јавно обвинителство Прилеп добила 19 гласови од исто толку гласачи.

Таа била единствена пријавена кандидатка која воедно и ги исполнувала условите за избор.

The post Маријана Илиевска избрана за нов член на Советот на јавни обвинители appeared first on Република.

За моделот на судски реформи којшто го предложивме, подготвени сме да разговараме и да слушнеме и друг модел, но не можеме повеќе како генерација да живееме во држава во која правосудниот систем има доверба кај граѓаните од два проценти, изјави премиерот Христијан Мицкоски.

Јас сум за тоа веднаш да се случат судските реформи и веднаш судството да суди и да ја донесе правдата и да нема рејтинг два проценти. Кога јас би имал два проценти рејтинг ќе си заминам од политиката. А тие наместо да заминат и наместо одговорност, тие грчевито се борат за фотелјите. Јас сум подготвен да разговарам со секој за секоја реформа која што ќе ја понудат. Со амбасадорот Гир имаме исклучително квалитетна комуникација на оваа тема и апсолутно стојам на ставот дека треба нешто да се направи. Ние тоа го знаеме. Ние овој модел го знаеме којшто го предложивме, подготвени сме да разговараме и да слушнеме и друг модел, но не можеме повеќе како генерација да живееме во држава во која на ушка политички моќници им седат на обвинители и во која правосудниот систем има доверба кај граѓаните од 2 проценти. Не сакаат луѓето да живеат во таква држава. Затоа си одат. Многу помалку си одат поради економски причини. Си одат затоа што се чувствуваат како граѓани од втор ред во сопствената држава. Малкумина моќници се прв ред граѓани, сите ние сме граѓани од втор ред. И затоа ова го предлагам – за да си ги задржиме луѓето дома, да не ни одат надвор. Тоа е суштината, рече Мицкоски на новионарско прашање по презентацијата на новите шест лесни оклопни возила JLTV во касарна „Јане Сандански“.

Програмата на Владата предвидува Судскиот Совет и Советот на јавни обвинители целосно да се распуштат и на нивно место судиите и обвинителите самите да изберат нови членови со кредибилитет.

The post Мицкоски за судските рефоми: Кога јас би имал два проценти рејтинг ќе си заминам од политиката appeared first on Република.

Претседателката на Советот на јавни обвинители Душица Димитриевска по најавите на власта за распуштање на Судскиот совет и Советот на јавни обвинители смета дека треба да има индивидуална, а не колективна одговорност.

- Во секој случај може да предизвика штета со оглед на тоа што институциите мора да го имаат својот континуитет, мора да се работи на подобрување на законските решенија онаку каде што се гледа дека има одредени проблеми. Меѓутоа, колективна одговорност, не може да има. Одговорноста мора да биде индивидуална со посочување на оние чинители кои се огрешиле пред законот, вели Димитриевска.

Во средата и претседателката на Судскиот совет Весна Дамева во изјава за медиумите рече дека не ја поддржува тезата за колективна одговорност. Одговорноста, вели Дамева, треба да биде детектирана и санкционирана индивидуално.

– Секоја одговорност има име и презиме, нека се детектира и секој нека си сноси индивидуална санкција, ако нешто сторил противзаконски, го нарушил угледот и интегритетот на Судскиот совет, донел одлука под влијание на разни емоции и слично, рече Дамева во изјава за медиумите дадена по конференцијата за напредокот при спроведувањето на препораките од Оценската мисија на ЕУ од страна на Судскиот совет.

The post Претседателката на Советот на јавни обвинители не сака да има колективна туку индивидуална одговорност appeared first on Република.

Како очекувате независно судство со ваков Судски совет и Совет на јавни обвинители. Јас не очекувам, бидејќи тој што е чувар, треба да биде најдобриот. Таму се потребни сериозни промени. Тие две тела се во моментов како да не постојат, можеме ние да ги менуваме со двајца нови и така, натаму, меѓутоа се потребни сериозни законски измени. Има веќе предлог закон, за тоа е потребна дебата, да видиме што ќе правиме, изјави претседателката Гордана Сиљановска Давкова.

Во однос на најавите за распуштање на Судскиот совет и Советот на јавни обвинители, во гостувањето на „Само интервју“, Сиљановска Давкова рече дека се сретнала со Оценската мисија на ЕУ и ги знае оценките.

Сериозни се критиките. Два-три проценти углед значи како да не постоите. Да беа доблесни, да беа етички ќе си поднесеа оставки по тие скандали што се случуваа. Моите забелешки се, и во Венецијанска сме разговарале, дали едно тели или две тела, ама едно е најважно, не треба тие да се бават само со избор и разрешување на судии и јавни обвинители, туку треба претпоставки да создаваат за независно судство. Како ќе создаваат ако не работат. Дали знаете во извештаите има по колку пати во месецот се состануваат овие органи – по два, три пати. Извештаите беа како памфлети, таму нема толку и толку се разрешени, нема причини, нема што ќе прават. И Антикорупциска имаше забелешка на тоа. Таму се потребни сериозни реформи, изјави Сиљановска Давкоа.

Прашана дали ќе поддржи распуштање на цел состав, Сиљановска Давкова, рече дека таа не е творец на тој дел од програмата.

За да се распушти нешто треба да има правен основ. Претпоставувам дека мислат дека вакви какви што се не треба да постојат, меѓутоа таму има и во законот кои се условите за избор, ама и кои се условите за разрешување. Не можам да зборам во името на предлагачот, тоа е дел од програмата но знам дека двете тела не ја исполнија функцијата заради која беа формирани. Требаше да бидат гарантори на независното судство, требаше да бидат најголемите критичари на лошите судии, на лошите јавни обвинители..., изјави Давкова.

Претседателката, исто така, укажа дека во нејзината програма говори за Судскиот совет и за обврската на претседателот да номинира двајца членови, кој ги бира Собранието.

Она што не се почитуваше досега, беше во Законот за судски совет си има одредби што се однесуваат на условите кои овие двајца треба да ги исполнуваат. Таму вели, дека 15 години докажаност во правната фела и т.н. Јас реков, најдобри треба да бидат кандидатите на претседателот, зошто тие треба да бидат навистина стручни, тоа е прво, а второто, претходниот претседател велеше, веројатно и има право, доколку предложел такви, какви што јас претпочитам да предложам, дека нема да поминат. Ама и ако не предложи претседателот, нема да има двајца кандидати. Значи, еднаш ние треба да знаеме, ако сакаме Судскиот совет да биде микроскоп, рендген, чувар на независното судство... чуварите треба да бидат најдобрите во правната професија, а не е така. Најчесто се, кога велиме познати, во струката докажани, така пишува, во партиите се докажани, изјави Сиљановска Давкова.

The post Како очекувате независно судство со вакви Судски совет и Совет на јавни обвинители, прашува претседателката Силјановска appeared first on Република.

Премиерот Христијан Мицкоски денеска изрази подготвеност да разговара со експерти, но и со амбасадорите за најавената реформа поврзана со Судскиот совет и со Советот на јавни обвинители. Дел од амбасадорите вчера искажаа забелешки за најавата за нивно распуштање.

Подготвен сум цел ден да седнеме, да разговараме, да работиме додека не најдеме решение како да биде подобро, само да не биде како досега. Затоа што како што е досега, не е добро, рече Мицкоски во изјава за медиумите дадена при денешната посета на Гевгелија.

Зборувајќи за вчерашните изјави на дел од амбасадорите, Мицкоски рече дека ја слушнал таа изјава, но и дека за политиките на оваа коалиција гласале 600.000 граѓани.

Некако стана пракса амбасадорите да се мешаат во внатрешните работи во државата. Во ред, и да е така, 600.000 граѓани гласаа за оваа коалиција. Очигледно тоа за нив не значи ништо и за политиките на оваа Влада. Истовремено тие велат дека е катастрофална состојбата со владеењето на правото, во нивните извештаи велат дека цути криминалот и корупцијата, довербата во Судскиот совет и во Советот на јавни обвинители е на два-три проценти кај граѓаните, рече Мицкоски.

Додаде дека е подготвен да разговара со нив и доколку тоа решение е подобро, веднаш ќе го прифати и примени.

Еднаш засекогаш да ја вратиме довербата на граѓаните во судско-обвинителските институции затоа што вака очигледно не бива. Видете кои се членови на Судскиот совет и се ви е јасно. Сите бевме сведоци на сите оние драмолетки коишто се случуваа изминатиов период, а поврзани со Судскиот совет, со Советот на јавните обвинители, рече Мицкоски.

Нагласи дека вината има име и презиме и дека таа треба да се лоцира.

The post Мицкоски: Некако стана пракса амбасадорите да се мешаат во внатрешните работи во државата appeared first on Република.

Советот на Јавни обвинители денеска дискутираше за постапката против членот Иџет Мемети кој е осомничен за примање награда за противзаконито влијание. Според членовите, Мемети за времетраењето на истрагата не би требало да учествува во работата и одлуките на Советот. Тие образложија дека немаат законски можности за негово разрешување.

Членот Кети Петкова образложи дека Законот за Совет на јавни обвинители не предвидува можност отстранување од работното место додека трае кривичната постапка.

Од тој аспект на нас како Совет ни се врзани рацете да можеме како било да го тргнеме влијанието на членот. Иако немаме законска можност, да постапиме со таа одредба што би била најлогична, не смееме да останеме неми и да не ги кажеме детектираните слабости по постапувањето по овој предмет, рече таа.

Според неа, отворената кривична постапка и извршениот претрес во Советот, задираат директно на интегритетот на Советот како институција и на нив како членови.
Светлана Жупановска, член на СЈОРМ, посочи дека е оставено на доблеста на Мемети, да одлучи дали ќе учествува во неговата работа.

Членот Антонио Јолевски, се согласи со неговите колешки и му препорача на Мемети да не учествува во работата на Советот.

Оставаме на совеста, на моралот на членот на советот дали би учествувал. Би препорачал, особено кај избори и разрешување, да не учествува бидејќи токму во тие ситуации ќе се доведе во прашање кредибилитетот, дека во тие избори учествувал член на Советот за кој се води постапка во надлежното обвинителство, образложи Јолевски.

Претседателката на Советот, Душица Димитриеска, во изјава за медиуми по расправата, истакна дека Советот ќе го следи текот на кривичната постапка и согласно исходот од неа ќе постапи според законот.

Таа појасни дека постапката за разрешување е предвидена, меѓутоа во овој случај е невозможна.

Постапка за разрешување е предвидена, меѓутоа, таа постапка треба да отпочне со образложено барање кое треба да биде поднесено од најмалку 20 јавни обвинители и една третина од членови на Совеот, ова барање треба да е поткрепено со докази, во конкретниов случај тоа не може да се донесе, рече таа.

Дополни дека Советот не може да му забрани на Мемети да присуствува на седниците.

Тоа може да се случи доколку има таква одлука од суд, рече таа.

Претходно, на почетокот на денешната седница, Димитриеска информираше дека Мемети ја информирал дека нема да присуствува на денешната седница и дека размислува да се повлече од функцијата заменик претседател на Советот.

Мемети е второосомничен во истрагата поврзана со примање награда за противзаконито влијание во која е вклучен и врховниот судија, Наке Георгиев. Двајцата осомничени се дел од истрагата што ја отвори ОЈО ГОКК и се сомничат за „примање награда за противзаконито влијание“. Истрагата е отворена по акцијата на МВР која следува по претходна пријава од син на обвинет во предмет што се води во Основното јавно обвинителство за гонење на организиран криминал и корупција. Согласно Законот за Совет на јавни обвинители, одлуката за разрешување на член на Советот ја донесува Советот со најмалку шест гласови, при што за разрешувањето мора да гласале најмалку три члена избрани од јавните обвинители и три члена избрани од Собранието.

The post Советот на јавни обвинители му препорачува на Мемети да не учествува во работата додека трае постапката против него appeared first on Република.

Советот на јавни обвинители одлучи пред Уставниот суд да го оспори законското решение со кое се намалуваат коефициентите на платите на обвинителите.

Советот смета дека намалувањето на коефициентите е неуставно и политички мотивирано и дека платите на обвинителите се заштитени со закон.

Претседателката на Советот на јавни обвинители, Душица Димитриеска, изјави дека финансиската независност на правосудните органи, меѓу кои и на јавното обвинителство, е клучна во процесот на унапредување на независноста и самостојноста на јавните обвинители.

За да се зачува положбата и статусот на јавните обвинители, ние како Совет сметаме дека платата на истите, како и платата на јавните обвинители треба да биде надвор од секакви влијанија, посочи Димитриеска.

При крајот на февруари, во Собранието беа изгласани пакетот закони со кои се намалуваат коефициентите на платите на избраните и именуваните лица. Со законите се опфатени 1.060 избрани и именувани лица како што се претседателот, пратениците, министрите, судиите, јавните обвинители, членовите на Судскиот совет и на Советот на јавни обвинители.

Предлог-измените ги поднесе пратеничката група на СДСМ, а реакции имаше од Здружението на судии, Судскиот совет и Здружението на јавни обвинители.

The post Обвинителите ќе го оспорат намалувањето на коефициентите на плата пред Уставен суд appeared first on Република.

Обвинителот Трајче Пеливанов, кој беше дел и од СЈО, денеска од Советот на јавните обвинители е избран за виш скопски обвинител.Место во Вишото обвинителство доби и обвинителката Наташа Сарамандова. Со ова се потврдија пишувањата на „Република“ дека Пеливанов ќе биден награден за сите скандали и малверазции кои се поврзуваат со него.

https://republika.mk/vesti/makedonija/dali-sovetot-na-javni-obviniteli-ke-go-unapredi-obvinitelot-pelivanov-kako-nagrada-za-site-skandali-i-malverzatsii/

Меѓу најголемите скандали со поранешниот обвинител на „славното СЈО е што си разменувал пораки со избеганиот заменик директор на УЈП Исмет Гури, пиењето кафесо тогашниот директор на Финансиската полиција Муаремер Арафат додека траел претресот во  оваа државна институција, како и исчезнувањето на докази од Обвинителството за организиран криминал додека Пеливанов привремено беше на местото на суспендираната Русковска.

The post Се потврдија пишувањата на „Република“: Пеливанов награден со Виш обвинител за сите скандали appeared first on Република.

Советот на Јавни обвинители за утре закажа седница за избор на јавни и виши обвинители. Извори на „Република“ од  Обвинителството тврдат дека утре ќе се расправа за унапредување на обвинителот Трајче Пеливанов за кого има соменжи за незаконско постапување. Според нашиот извор тој треба да биде избран за виш јавен обвинител, а местото кое го има сега во Обвинителството за организиран криминал и корупција да биде ставено во мирување.

Прашањето е со што Пеливанов залужи унапредување и дали е разгледана писмената информација од вишиот јавен обвинител на Вишото јавно обвинителство а кое се однесува на соработката и комуникацијата со избеганиот заменик директор на УЈП Исмет Гури.

Според информациите кои ги имаме, од Вишото јавно обвинителство уште на 7 декември, е пратено известување со содржината на СМС комуникацијата меѓу Пеливанов и поранешниот заменик-директор на Управата за јавни приходи, обвинетиот Исмет Гури. Зошто Советот јавни обвинители не постапувал по известувањето а згора на тоа и го наградува обвинителот?! Која е заслугата за унапредувањето на Пеливанов и кој стои зад него?! Дали поранешен министер го штити и го наградува за „сработеното“.

Медиумите веќе објавија дека  Исмет Гури и Пеливанов разменувале пораки и си договарале средби, додека Пеливанов беше дел од СЈО а поради ова мубеше покрената и дисциплинска постапка, која беше доставена до Советот на јавни обвинители.

Пеливанов ја заменуваше и поранешната обвинителка за Организиран криминал Вилма Русковска додека таа беше под суспензија.Медиумите тогаш пишуваа и дека Пеливанов додека траел претресот во Финансиската полиција пиел кафе со тогашниот директор Арафат Муареми.

https://republika.mk/vesti/makedonija/chovekot-koj-kje-ja-menuva-ruskovska-dodeka-se-odvival-pretresot-vo-finansova-sedel-vo-kafeana-so-arafat-muaremi/

Со Пеливанов се поврзува и друг случај со исчезнување на доверливи документи и докази.

Како што објави „Сведок.мк“,од јавното обвинителство за гонење на организиран криминал и корупција исчезнале докази за криминал што го гони ова обвинителство, а биле доставени лично во Скопје од претставници на Европска полициска организација. Случајно или не доказите исчезнале во периодот кога со обвинителството раководеше обвинителот Трајче Пеливанов.

https://republika.mk/vesti/crna-hronika/prviot-predizvik-za-abazi-vo-vremeto-na-pelivanov-po-suspenzijata-na-ruskoska-ischeznale-dokazi-dostaveni-od-evropska-institucija-za-kriminal/

The post Дали Советот на јавни обвинители ќе го унапреди обвинителот Пеливанов како награда за сите скандали и малверзации?! appeared first on Република.

Јавната обвинителка Зорица Павловиќ од Основно јавно обвинителство Скопје доби најмногу гласови на изборите за член на Советот од редот на јавните обвинители од подрачјето на Вишото јавно обвинителство Скопје, со изборно место број 3.

Советот на јавните обвинители на Република Македонија денеска спроведе избори за член на Советот од редот на јавните обвинители од подрачјето на Вишото јавно обвинителство Скопје, со изборно место број 3.

Гласачкото место е затворено во 16:00 часот, по што Комисијата која ги спроведува изборите во ВЈО Скопје го објави записникот од спроведеното гласање.

„Од вкупно излезени 84 гласачи, кандидатот број еден, јавната обвинителка Јасмина Здравеска Костеска, од Основно јавно обвинителство Скопје доби 32 гласа, кандидатот број два, јавната обвинителка Сузана Кузмановска Мирческа од ОЈО ГОКК Скопје доби 7 гласа и кандидатот број три, јавната обвинителка Зорица Павловиќ, јавен обвинител во Основно јавно обвинителство Скопје доби 44 гласа. Едно ливче било неважечко“, објави Комисијата.

The post Обвинителката Зорица Павловиќ од ОЈО Скопје избрана за член на Советот на јавни обвинители appeared first on Република.

Членот на Советот на јавни обвинители Антонио Јолевски, кому Комисијата за спречување и заштита од дискриминација му препорача јавно да ѝ се извини на обвинителката Ленче Ристоска зашто ја дискриминирал и ја ставил во понеповолен статус од останатите обвинители, нема намера да го стори тоа, пренесе СДК.

Во Комисијата за спречување и заштита од дискриминација (КСЗД)за СДК изјавиле дека во рокот од 30 дена кој истече, не стигнало известување од Јолевски дека постапил по препораката.

Според законот за заштита и спречување од дискриминација, непостапување по препораките на Комисијата, повлекува последица пријава пред надлежен суд против тој што не постапил, и парична казна.

The post Советот на јавни обвинители не ѝ се извини на Ленче Ристоска, Јолевски ќе ја тужи Антидискриминациската комисија appeared first on Република.

Советот на јавни обвинители на денешната седница едногласно го отфрли барањето на обвинителката Фатиме Фетаи за преиспитување на одлуката за отфрлање на документацијата во врска со огласот за именување на јавен обвинител на Република Македонија.

На седницата беше истакнато дека одлуката за отфрлање на доставената документација од Фетаи, на претходната 94. седница кога Советот на ЈО едногласно даде позитивно мислење за кандидатот Љупчо Коцевски да биде нов државен јавен обвинител, е поради што била доставена нецелосна.

Како што посочи Иџет Мемети, член на Советот на ЈО, на одлуките на Советот право на жалба нема и во конкретниот случај се работи за техничка работа во која Советот не е надлежен.

На нашите одлуки право на жалба нема. Ако некој не е задоволен со нашата одлука некој може да бара тоа што бара. Зошто моите документи не биле разгледани? Тоа е техничка работа во која Советот не е надлежен, рече Мемети.

Советот на ЈО на претходната седница едногласно даде позитивно мислење за кандидатот Љупчо Коцевски да биде нов државен јавен обвинител, кандидатот Лидија Раичевиќ не доби позитивно мислење од Советот, додека пак, за Фатиме Фетаи не се расправаше, поради нецелосно доставена документација.

Советот, на денешната седница, исто така, расправаше за донесувањето на одлука за формирање Комисија за подготвување на кандидатска листа за избор на кандидат за член на Советот на јавните обвинители, од подрачјето на Вишото јавно обвинителство во Скопје, како и донесување одлука за формирање на Комисија за спроведување на избори на членови на Советот од редот на јавните обвинители од подрачјето на Вишото јавно обвинителство во Скопје, во која за претседател беше избран Иџет Мемети, додека за членови на комисијата беа избрани Кети Петкова и Светлана Жупановска.

Претседателката на Советот, Димитриевска, информираше дека од страна на вишиот јавен обвинител било доставено писмено известување до Советот, во кое се наведува дека „јавен обвинител кој работел на конкретен предмет, во кој што од доказите по предметот дошол до одредени сознанија за постапувањето на друг јавен обвинител, го известил вишиот јавен обвинител“, за кое беше едногласно одлучено дека таквото известување ќе го достават до Јавното обвинителство, кое понатаму треба да го разгледа и постапи по истото.

The post Советот на ЈО едногласно го отфрли барањето на Фатиме Фетаи за преиспитување на одлуката за отфрлање на нејзината кандидатура за државен јавен обвинител appeared first on Република.

Советот на јавни обвинители на денешната 85. седница за нов претседател ја избра Душица Димитриеска, а Иџет Мемети за нов заменик претседател.

Јавната обвинителка Душица Димитриеска е член на Советот од подрачјето на Вишото јавно обвинителство Гостивар.

- На ден 27.09.2023 година, Советот на јавните обвинители на Република Македонија ја одржа 85 -та седница на Советот. На истата беше констатиран престанок на мандат претседател на Советот поради истекот на времето за кое е избран г-дин Антонио Јолевски заклучно со 30.09.2023 година. Воедно се спроведе избор на нов претседател на кое што едногласно за претседател беше избрана г-ѓа Душица Димитриеска-јавен обвинител која е член на Советот од подрачјето на Вишото јавно обвинителство Гостивар, а за заменик претседател на Советот на јавните обвинители на Република Македонија беше избран г-дин Иџет Мемети, информираат од Советот на ЈО.

The post Душица Димитриеска избрана за нов претседател на Советот на јавни обвинители appeared first on Република.

Сметам дека целисходно и правилно би било да имаше една транспарентна постапка во носењето на измените на Кривичниот законик, каде што ќе се слушнеше мислењето на Судскиот совет, изјави денеска претседателот на Судскиот совет, Сашко Георгиев, по потпишувањето на Меморандумот за соработка на Судскиот совет и Советот на јавни обвинители.

Целиот процес е спроведен набрзина, рече Георгиев, без притоа Судскиот совет да има свое учество и да даде мислење во однос на измените. Тој додаде дека Судскиот совет има активно учество во спремањето на новите измени на Кривичниот закон како пакет, прецизирајќи дека се работи за измени во делот на припишување на нови кривични дела.

Сведоци сме на низа реакции во јавноста, по однос измените во Кривичниот законик, јас како претседател на Судскиот совет, наоѓам забелешка во делот на транспарентноста, имам чувство дека многу набрзина сето тоа се спроведе, без притоа да имаме свое учевство, односно да дадеме мислење како Судски совет, а со тоа се доведовме во состојба каде судиите се должни да го почитуваат законот, таков каков што е, без претходно да се анализираат сите последици, рече Георгиев.

За тоа како ќе се одразат измените во Кривичниот законик, претседателот на Советот на јавни обвинители Антонио Јолевски рече дека одговорите треба да ги дадат од Јавното обвинителство, бидејќи како што вели, Советот на јавни обвинители се грижи за самостојноста на работењето на јавните обвинители и не постапува по конкретни предмети за да има увид врз нив.

Најдобро би било да одговорат практичарите, односно Јавното обвинителство на Република Македонија, бидејќи според хиерархија, тие се оние кои ги работат предметите, оние кои најмногу можат да извадат анализа како ќе се одразат врз нивното работење ваквите измени на Кривичниот законик. Мислам дека тие можат со конкретни податоци со бројки, а ние како Совет на јавни обвинители немаме надлежност во тој дел, односно не постапуваме по конкретни предмети. Постапуваме само по претставки и поплаки, но увид во тековните предмети не вршиме, затоа би требало Јавниот обвинител да се произнесе, дали и колку ќе ги погодат ваквите измени, рече Јолевски.

Јолевски беше согласен со претседателот на Судскиот совет, Сашко Георгиев, дека треба да се има поголема транспарентност при носењето на измените во Кривичниот законик и поголема вклученост на практичарите пред да се донесат законите.

Тековно не знам како се одвиваат работите, меѓутоа сметам дека би требало да има поголема транспарентност при носењето и вклучување малку повеќе на практичарите пред да се донесат законите за изготвување на тие предлог законски решенија. Кај нас се праќаат предлози, меѓутоа овој одеше по скратена постапка и не знам колку брзо може да се видат тие предлози. Јас не видов таков текст на законот, рече Јолевски.

The post Судски совет и Совет на јавни обвинители: Потребна е поголема транспарентност при носењето на измените во Кривичниот законик appeared first on Република.

Предизвикот, како и досега, е максимално, професионално и во рамки на закон, бидејќи сите денеска кои што дадовме заклетва сме обвинители кои долги години сме во обвинителството и останува на нас, да продолжиме со добрата работа, изјави јавниот обвинител Елвин Вели, на денешното потпишување на свечените изјави во Советот на јавни обвинители.

Вели, како и обвинителката Наталија Тасевска, денеска потпишаа свечена изјава во Јавното обвинителство.

Во однос на прашањето за предизвикот во државното обвинителство кога во државата граѓаните на правосудниот систем даваат само еден процент доверба, тој одговори дека во тој дел треба да се поработи.

Ќе треба да поработиме на тој дел, во делот на довербата и во делот на транспарентноста. Најпрво со соработка поголема со вас медиумите и со поголема отвореност спрема граѓаните, и, нормално, со извршување на работните задачи и обврски, рече тој.

Транспарентноста ја издвои како приоритет, како и навременото завршување на работните обврски.

Во Советот на јавни обвинители свечена изјава денеска потпишаа и кандидатите во Вишото јавно обвинителство Скопје, Основното обвинителство за гонење на организиран криминал и корупција и од Основните јавни обвинителства во Скопје, Гостивар и Кавадарци.

https://republika.mk/vesti/makedonija/veli-i-jas-sum-dete-na-sudija-sekade-e-ubava-traditsija-a-kaj-nas-e-nepotizam/

The post Обвинителот што не гледа непотизам оти е син на судија: Ќе да продолжиме со добрата работа како обвинители appeared first on Република.

Скопскиот обвинител Ермонд Незири денеска е избран за член на Советот на јавни обвинители од редот на заедниците кои не се мнозинство во земјава.

Како што информира Комисијата за спроведување на изборот на прес-конференција доцна попладнево, од вкупно 139 обвинители кои го искористиле своето гласачко право, за Ермонд Незири гласале 117, а за вториот кандидат Расим Дреца се изјасниле 16. Комисијата утврди дека шест гласачки ливчиња се неважечки.

– Констатирам дека кандидатот Ермонд Незири е избран за член на Советот на јавни обвинители од редот на заедниците кои не се мнозинство во Република Македонија. Со ова изборниот процес е завршен и на кандидатот ќе ми биде издадено решение после истекот на рокот за приговор – информира претседателот на Советот на јавни обвинители, Антонио Јолевски.

Гласањето беше спроведено денеска на пет гласачки места во републичкото Јавно обвинителство и во четирите виши јавни обвинителства во Скопје, Гостивар, Битола и Штип, при што од вкупно 159 јавни обвинители со право на глас, гласале 139, а 20 гласачки ливчиња останале не искористени.

Инаку, Незири беше кандидат и за претседател на Основното јавно обвинителство за гонење на организиран криминал и корупција на изборите во ноември минатата година, кога за прв човек на ова Обвинителство беше избран Ислам Абази.

The post Јолевски: Ермонд Незири е нов член на Советот на јавни обвинители appeared first on Република.